رواية اتجوزني عشان اربيله ابنه بس الفصل الحادي عشر 11 بقلم رحاب القاضي
رواية اتجوزني عشان اربيله ابنه بس الجزء الحادي عشر
رواية اتجوزني عشان اربيله ابنه بس البارت الحادي عشر
رواية اتجوزني عشان اربيله ابنه بس الحلقة الحادية عشر
معتز
عايز ايه يا فخري، ولو فاكر انك تقرب من مراتي ده هيعدي بالساهل يبقي بتحلم..
فخري
وانك تبوظلي شغلي ده يبقي ايه بقي
مريم
معتز هو بيشتغل ايه؟..
ما ردش عليها معتز وقال لفخري
وهفضل ابوظ ليك شغلك لحد ما اوصلك لحبل المشنقه وتتحاسب علي كل السم اللي بتنشره في البلد ده..
مريم
هو بيبيع سم فيراان ولا ايه؟..
معتز
اخرسي خالص انتي..
فخري
اممم طيب هما كلمتين يا حضرة الظابط تتكلم مع اللواء بتاعك وتقوله انك سايب القضيه والا ا..
طلعت مريم من ورا معتز وقالت
انت متخلف بتهدد ظابط شرطه، لا معلش ده محدش يهزأه غيري..
معتز
انتي كده بتعمليلي هيبه ما تسكتي بدل ما اسيبك وامشي وانا مخنوق منك لوحدك..
فخري
بس انت وهي وانتي اسكتي احسنلك..
مريم
انت بتهددني يا حيلتها، لعلمك بقي انا ما بتهددش وما بخفش ولو قتلتني ما بموتش..
معتز
ده اللي هو ازاي يعني، ما تسكتي يا شيخه اسكتي بقي..
فخري بعصبيه
اسكت انت وهي وهي كلمه يا حضرة الظابط تسيب القضيه دلوقتي يا هتشرفو معانا هنا كتير..
_سحب معتز مريم من ايدها وقعدو علي الارض وقال معتز لفخري بكل برود…
معتز
لا شكلنا كده هنطول معاك وربنا يدينا ويديك طولت العمر..
فخري
بشوقك يا باشااا، خليك قاعد ومن غير لا اكل ولا شرب..
مريم
الكلام ده ليه هو لوحده ولا ليا انا كمان، انا ماليش دعوه وجعاانه اووي علي فكره ده انا علي لقمة الفطار والله..
_ما ردش عليها فخري وطلع، ووقف معتز وفضل ويلف في الاوضه، ومريم كانت خايفه ومدايقه جدا وقالت..
مريم
وبعدين يا اخرة صبري، حياتي خلصت كده انا كنت حاسه انك جاي علي عمري بخساره..
معتز وهو بيبص لشباك عالي
اسكتي يا مريم
مربم بعصبيه
لا مش هسكت انا عايزه اطلع من هنا، بص احنا نحكيلهم الحقيقه قولهم اني مش مراتك اووي واننا هنطلق قولهم انك بتكرهني وانك اتجوزتني عشان اخد بالي من ابنك هما لما يغرفو كده هيسيبوني..
معتز
الكلام ده يتقال في محكمة الاسره مش لبلطجيه وتجار سلام ومخدرات..
مريم
وانا مالي انا بتجار السلاح والمخدرات انا كان اخري اشوفهم في التلفزيون يخربيت معرفتك السودا..
معتز
بصي تعالي امسكي معاي البراميل دي هنحطها تحت الشباك علي شكل سلم ونط من الشباك ونهرب..
مريم
اخص عليك بقي انت عايزني انا مس مريم اهرب، اطفالي يقولو عليا ايه، ابقي معلمة اجيال ازاي حضرتك..
معتز
كلمه كمان يا مريم وهسيبك وامشي انا علي اخري منك يا بووومه، اتنيلي قداامي..
مريم
براحه طيب انت بتزعق ليه، يلاا وريني هنعمل ايه؟..
_نقلو هما الاتنين البراميل وحطوها تحت الشباك وطلعو من الشباك وكانو ماشين بس مريم وقفت..
معتز
وقفتي ليه يا مريم يلا قبل ما حد يشوفنا..
مريم
الجزمه بتاعتي جوه انا قلعتها عشان كانت وجعالي رجلي..
معتز
مش مهم يلا بينا..
مريم
لا طبعا انا لازم اجيب الجزمه دي بمرتب شهر كامل..
معتز
هبقي اجيبلك غيرها يا مريم يلا بينااا..
مريم
وانت هتباشش عليا ولا ايه، لااا انا هدخل اجيب جزمتي واجي..
معتز
يعني انتي عايزه تدخلي جوه تاني بعد ما طلعنا بطلوع الروح عشان تجيبي جزمه يا جزمه..
مريم
ايوه يا معتز انا لو سيبتها ممكن تجرالي حاجه دي غاليه جدا، ده انا جيبتها بمرتب شهر كامل والله…
معتز
مش هتكون اغلي من اللي في دماغك اتنيلي اقفي هنا هجيبهالك واجي..
نط معتز تاني علي الشباك فابتسمت ليه مريم وقالت
الله متجوزه قرد يا ناس اي النطه الجامده دي..
بص عليها معتز من الشباك.
اتفووو علي معرفتك يا اغبي وحده شوفتها في حياتي..
_كتمت ضحكتها هلي عصبيته، وبعد شويه رجع معتز وهو ماسك الجزمه في ايده وحدفها عليها..
مريم
انت بتضربني بالجزمه يا حيوان..
معتز
وهي دي اي جزمه دي بمرتب شهر كامل، اتنيلي قدامي..
لبست مريم الجزمه وقالت
طيب احنا هنروح فين دلوقتي، الوقت متأخر ومش هنلاقي تاكسي..
معتز
العربيه بتاعتي مركونه هناك اهي بس قلقان يكون حد هناك..
مريم
وانت متخلف عشان تركن العربيه بتاعتك هناك واحنا هنهرب من هنا..
معتز بغيظ
مش طالبه غباء اهلك ده خالص دلوقتي، اكتمي واسكتي خليني افكر انا ممكن اعمل ايه…
_وبعد شويه خدها من ايدها وقربو من العربيه وخلاها واقفه في حته مداريه وجه يركب العربيه بس طلع قدامه اتنين من رجالة فخري منهم واحد لكمه في وشه جامد، بس معتز بكل لباقه خلص علي الاتنين وكمان اخد السلاح بتاعه اللي كان مع واحد منهم..
طلعت مريم قدامه وسقفت وقالت
براااافو يا معتز ده انت ولا جون سينا..
بص معتز حواليه بقلق وقال
اومال طبعا، اركبي العربيه يلاا..
_مشيو هما الاتنين بالعربيه ورجعو البيت..
ــــــــــــــــــــــــــــــــــــــــــــــ
_في بيت سيف…
قعدت مامته جنبيه وقالت
والله تستاهل اللي عمله فيك جوزها يا سيف..
سيف
وانتي فاكراني هسكتله علي اللي حصل ده، وحياة امه ليترد وهاخد مريم منه ويوريني هيعمل ايه
ام سيف
يادي مريم وسنبن مريم، مدام بتحبها اووي كده خونتها ليه؟..
سيف
انا ما خونتهاش صحبتها هي اللي خانتها، انا اتضحك عليا..
ضحكت ام سيف وقالت
لا وانت بيتضحك عليك اووي، ده انت تضحك علي بلد…
_بص سيف في موبيله ورد علي رسالة نيره وكتب «هستني حضرتك في مكتبي بكره واهفهمك التفاصيل»
ــــــــــــــــــــ
_في بيت نيره كانت قاعده في الصاله بتتفرج علي التلفزيون مع خالتها ولما جاتلها الرساله دي ابتسمت بخبث، وجه حازم من بره وقعد قدامها وقال..
حازم
خدي يا ستي البسبوسه اللي بتحبيها اهي..
نيره
والله انت مكلف نفسك يا حازم اوووي، انت كل يوم جايبلي حاجه حلوه معاك..
قعدت ناهد جنبيها وقالت
الله يرحم وانتي صغيره وكان هو لسه في كلية الشرطه كنتي علي طول تقوليلو وانت جاي هاتلي حاجه حلوه معاك..
ابتسمت نيره وقالت
مش اخويا وبتدلع عليز يا خالتو..
ادايق حازم وقال
طبعا اخوكي، علي العموم انا هطلع انام بقي عشان عندي شغل الصبح، وانتي يا نيره ياريت ترجعي جامعتك من بكره..
نيره
ايوه رايحه طبعا يا حازم..
حازم
طيب انا هوصلك في طريقي الصبح تمام..
نيره
اا لا انا هروح مع صحبتي، ما تتعبش نفسك انت يا حازم..
اتنهد بضيق
طيب اللي يريحك يا نيره…
ناهد
طيب ما تستني يا حبيبي اجهزلك العشا..
حازم
اكلت في الشغل يا ماما تصبحو علي خير..
مشي حازم وقالت ناهد لنيره
انا عارفه ان مش وقته الكلام ده، بس انا خالتك اللي سرك كله معاهت وعارفه انك بتحبي حازم ليه بقي بتعامليه كده..
قامت نيره وقالت
تصبحي علي خير يا خالتو انا رايحه انااام..
اتنهدت ناهد بضيق وقالت
ربنا يريح بالك يا بنتي، ويهون عليكي كل اللي حصل..
ــــــــــــــــــــــــــــــــــــــــــــــ
_في بيت فخري كان متعصب جدا وقال بعصبيه لرجالته..
فخري
ما انا مخلي شوية نسوان يحرسوهم..
الحارس
يا كبير الواد ده دماغه مش ساهله، وانت عارف كده كويس..
فخري
في حد منكم بينقل ليه اخباري، او حد من اللي مشغالينهم معاكم، هو عرف ازاي المكان اللي فيه مراته…
الحارس
احنا لازم نعرف مين الخاين ده يا كبير قبل العمليه الجديده..
فخري
طيب غورو من وشي، وحد يشوف ليا يوسف فين ويبعته ليا..
دخل شاب شكله حلو وقال
انا هنا يا حج، خير في حاجه ولا ايه؟..
فخري
الواد الظابط هرب هو ومراته..
قعد يوسف علي الكنبه وقال
ما انا قولتلك دي طريقه قديمه يا حج، وقولتلك سيبني انا اتصرف..
_فخري شاور لرجالته عشان يمشو وقعد جنب ابنه وقاله بقلق….
فخري
هو ما فيش حل عندك غير اللي في دماغك؟
يوسف
ده هيرحنا علي الاخر، انا ساكت عشاانك اصلا..
فخري
بس ده انت عايز تقتل ظابط شرطه يا يوسف وده هيودينا في داهيه واحنا مش ناقصين..
يوسف
ما تقعد انت وترتاح يا حج وتسيبني اتعامل، واقسم بالله الواد ده هخليه ما ينفعش لاي حاجه ومن غير قتل..
فخري
طيب اعتبر الكوره في ملعبك ووريني هتعنل ايه، وابقي روح رجع مراتك دي بقي ليها شهر عند اهلها..
يوسف قام وقال
طيب يا حج هبقي اشوف الموضوع ده..
ــــــــــــــــــــــــــــــــــــــــــــــ
_في شقة معتز ومريم..
_طلعت مريم من الحمام وحاطه الفوطه علي شعرها وقالت بعصبيه لمعتز اللي قاعد بياكل..
مريم
بقي انا اتخطف، انا علي اخرة الزمن اتخطف..
معتز
يادي النيله ارحميني يا مريم بقالك تلات سعات من لما رجعنا عماله تقولي بقي انا اتخطف انا اتخطف،ايوه يا مريم انتي اتخطفتي….
مريم
ما هو بسببك انت، انا ليه بس حظي عامل كده ياربي مش بلم غير علي عرر..
وقف معتز قدامها وقال
سيبك بس من كل ده، ايه رئيك في اني جيتلك ودخلت وسط البلطجيه زي الاسد كده عشان خايف عليكي ما خلكيش اخدتي بالك من حاجه؟..
مريم
لا طبعا اخدت بالي من حاجه مهمه جداً…
معتز
ايوه بقي اخيرا يا شيخه، ها اي بقي؟..
مريم
ان حياتي معاك في خطر وانك لازم تطلقني..
معتز بغيظ
يا شيخه ينعل ابو شكلك بجد ايه القرف ده..
مريم
معتز انا عايزه الموبيل بتاعي..
معتز
لا لما تتلمي هبقي اديه ليكي..
زعقت فيه مريم وقالت
جرا ايه يالا ما تتعدل بقي انا سكتالك من الصبح وانت عمال تشخط وتزعق، وكمان خطف وشحططه وساكته انما هتزودها هزعلك وربنا…
معتز بقلق
انتي بتزعقي ليه طيب، علي الفكره الفون جوه وانا كنت هديه ليكي بس بهزر..
مريم
ايوه كده نااس مش بتيجي غير بالعين الحمرا..
مسك معتز ايدها قبل ما تمشي وقال
طيب بمناسبة الاحمر، اما شوفت في الدولاب حاجات كده حلوه وحمرا جيباهم ليكي فريده لان ده مش ذوقك، بس ما تخليكي جدعه وتلبسي ح..
قاطعته مريم وهي بتبعد عنه وقالت
بص يا معتز انا هكلمك بالراحه من غير ما اتعصب اهو، بس اقسم بالله لو فكرت فاللي في دماغك ده تاني هقل منك اوووي، انا بنت ناس ومتربيه علي اللي في دماغك ده..
معتز
مع الاسف طلعتي متربيه، بس هعلمهالك برضو…
مريم
هي ايه دي؟..
معتز
قلة الربايه..
ابتسمت مريم وهو قال
اوعي تنسي بقي معاد بكره هنروح قبل ما اروح الشغل…
مريم
لا انا مش هروح خد اياد وروح انا ايه اللي هيوديني عند بيت مراتك الاولي..
معتز
معلش الراجل طالب يشوفك بنفسه وهو غالي اووي عليا ومش عايز ارفضله طلب، وانا هكون معاكي..
مريم
اووف طيب، انا داخله انام..
معتز
طيب ما هو بايت تحت ليه تباتي لوحدك لتخافي بالليل..
مريم
انا داخله انام وهقفل علي نفسي بالمفتاح ولم نفسك بقي…
معتز
مريم انا اديتك الفون اهو، بس بللش تعملي حاجه تزعلني تاني تمام..
اتنهدت بضيق وقالت
حاضر يا معتز تصبح علي خير
ــــــــــــــــــــــــــــــــــــــــــــــ
_تاني يوم الصبح راحت مىخيم عند الفت ومعاها اياد وقالت ليها..
مريم
في ايه يا طنط، منزلاني علي ملي وشي كده ليه؟..
الفت
انتي جيبتي ليه معاكي اياد، انا مش قولتلك تنزلي لوحدك..
مريم
يا ستي جيبااه للشغاله تفطره عشان اتاخرنا علي المعاد بتاع حما ابنك ده..
الفت
طيب ادخل انت يا اياد انت المطبخ يلا خلي الداده تفطرك وانتي تعالي يا مريم..
_دخل اياد المطبخ وقعدت مريم مع الفت وقالت ليها بقلق..
مريم
في ايه يا طنط بقي قلقتيني؟..
الفت ببكاء
فاروق بيخوني يا مريم..
اتصدمت مريم وقالت
نعممممم عمو فاروق؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اتجوزني عشان اربيله ابنه بس)
🙂🙂
photo
رائع
woo
새
كملي