رواية اتجوزته من الشارع الفصل التاسع 9 بقلم آلاء فرج
رواية اتجوزته من الشارع الجزء التاسع
رواية اتجوزته من الشارع البارت التاسع
رواية اتجوزته من الشارع الحلقة التاسعة
ابتسم أدهم بخبث : اوووه نسيت اقولك دي كمان اني تاجر مخدر*ات واعض*اء وسلا*ح شغال في الماف*يا
ضر*بته الاء بالقلم : طلقنييييي
ضغط أدهم على ايده ووشه بقا احمر اوي وهو بيحاول يتحكم في غضبه : ورحمه ابويا لو ما دخلتيش حالاً تلبسي الفستان وتعدي يومك على خير هيكون ليا تصرف وحش اوي اوي معاكي وهتشوفي أدهم تاني
غوري على جواااا
دخلت الاء الاوضه بخوف ودخلت وراها المكيب ارتست والبنات اللي هتساعدها في تجهيزها
الساعه ٧ مساءٍ
كان قاعد أدهم في صالون الشقه على الكرسي ولابس بدله الفرح وكان في قمه الكاريزما وبيشرب سيجاره ومستني الاء تخلص
قام فجأه من مكانه لما خرجت الاء من الاوضه وهي لابسه فستان أبيض منفوش حاجة بسيطه والمكياج هادي جداً وشعرها واصل لحد ضهرها
مسك أدهم ايدها بأنبهار وحاول يداري إعجابه : شكلك وحش ما كنتش اتوقع تبقى بالمنظر المقرف ده
الاء: ده رأي ولا معلومه؟
أدهم : اي الفرق
الاء : الاتنين مكانهم في الزباله
ضغط أدهم على ايدها جامد : لسانك ده يتلم وبطلي طوله اللسان دي وقله ادب سامعه ولا لأ
الاء: لا مش سامعه ومش هسمع كلامك وأسكت وما تكلمنيش بأسلوب الأمر ده الكلام ده مش بيدخل دماغي ياسطا
نفخ أدهم بعصبيه وشدها وراه وبدأ ينزل على السلم وخرج من العماره وركب العربيه واتجهه ناحيه السفينه اللي فيه الفرح
After 30 mintes
وقف أدهم العربيه قصاد السفينه وكانت في عربيات كتير راكنه ونازل منها رجاله كتير وكام بنت
بصت الاء عليهم واتكلمت في سرها : لابسين اسود في اسود زي قلبكم ما انتوا صح
ماف*يا ياكش تول*عوا في نار جهنم كلكم وتغرق السفينه بيكم
اي ده بس يا الاء يا غبيه ما انا هبقا معاهم لا يارب ما امو*تش معاهم هما يمو*توا وانا لا
مسك أدهم ايدها وابتسم ابتسامه مزيفه وبدأوا يطلعوا كلهم السفينه وبدأت تتحرك في نص البحر
على الكوشه
كانت قاعده الاء وجمبها أدهم وفجأه اتكلمت الاء بزهق : هنفضل قاعدين كده وبعدين اي ده اي الاغاني دي كلها بالانجليزي مش فاهمه حاجة
فين اغاني حمو بيكا وحسن شاكوش، فين اغنيه حبيتك بالتلاته واقعد اتنطط وارقص
أدهم : ده انا اللي هطلقك بالتلاته دلوقتي لو ما سكتيش اخرسي، انا عامل الفرح عشان كل اللي في شغلي يعرفوا اني اتجوزت
كلها ساعه ونمشي
الاء: نعم نعم ساعه؟
ده لو عزا هيبقى أطول من كده يا حظك القليل يا لولو اكيد اللي بيحصل في حياتي ده عشان كده بضر *ب العيال الصغيره واثبتهم في الحضانه واخد المناديل كلها واقطعها عشان اعمل عصافير الجنه يا توته
ضحك أدهم: طفوله قذره
اشتغلت اغنيه لعمرو دياب واتكلم أدهم وهو بيبص علي الاء: احم ما تيجي نرقص سلو مش حب فيكي يعني بس عشان منظرنا قدامهم وكأننا واخدين بعض عن حب زي ما قولت ليهم
بصت الاء حواليها لقيت الكل بيبص عليهم، حطت ايدها في ايد أدهم وبدأوا يرقصوا
حبيبي المس ايديا عشان أصدق اللي انا فيه
ياما كان نفسي اقابلك بقالي زمان
خلاص وهحلم ليه ما انا هنا جمبي أغلى الناس انا جمبي احلى الناس!!
الخطوه بخطوه النظره بنظره مع كل حركه كانت الاء بتلف بالفستان وشعرها الطويل بيطير، كل حركه كانوا بيعملوها مع بعض والرقصه كانت جميله اوي
خلصت الرقصه والكل بدأ يسقف وطالت النظره بين الاء وادهم والاء نفسها تقوله ليه عملت كل ده انا كنت هبدأ احبك!
وادهم بيبص عليها بحب ونفسه يعترف ليها
بس كل واحد فيهم سكت ورجعوا قعدوا مكانهم لحد ما الفرح خلص
في العربيه
كانت قاعده الاء في العربيه وعدي وقت كبير ولسه أدهم بيسوق وبعد جداً عن مكان البيت
بصت الاء على أدهم بتوتر اللي عينه حمرا وشكله معيط!! : احم هو احنا رايحين فين….. أدهم رد عليا انا خايفه
وقف أدهم العربيه وسحب مسد*س وحطه على راس الاء
أدهم : انا اسف
ضغط أدهم على المسدس* وخرجت رصاصه منه وووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اتجوزته من الشارع)
