رواية ابيض واسود الفصل الرابع 4 بقلم ندى عبدالعزيز
رواية ابيض واسود البارت الرابع
رواية ابيض واسود الجزء الرابع
رواية ابيض واسود الحلقة الرابعة
وقفنا البارت اللي فات لحد ما النتيجة طلعت والشخص المجهول اللي بيبعت ل رهف على صراحه
عدا اسبوع وف يوم جميله قالت ل رهف انها جايلها عريس
جميله : رهفه يا رهفه يا حتة سكره
رهف بضحك : مش مرتاحه للدخله دي مش عارفه ليه
جميله : انتِ عارفه ان الجواز سُنة الحياه وانا عايزه افرح بيكِ يا قلبي
رهف : يبقى انا إحساسي كان صح مين عريس الغفلة اللي جاي المرادي وياترى عارف اني عندي بهاق ولا لا
جميله: لا اطمني المرادي عارف وقال انه معندوش مشكله وإن البهاق ده هيخليكِ مميزة (رهف افتكرت كلام مالك لما قالها انتِ مميزه بالبهاق ) وان اللي بيفكر بالشكل ده تفكيره رجعي
رهف بتنهيده : ماشي يا جوجو ، هما جاين امتى
جميله : النهاردة الساعه 7
رهف : وانتِ جايه تقوليلي قبليها بساعتين ي ماما ما كنتِ تفاجأيني وخلاص
جميله بصدمه : يلهوي انتِ سخنه يا رهف انتِ قولتي ماما
رهف بضحك : يلهوي شوفتي ازاي خققتلك امنيتك
جميله : مش مصدقه والله ، المهم يلا قومي جهزي نفسك عشان قربوا يجوا
رهف : حاضر
بعد حوالي ساعه كان في رساله مبعوته ل رهف على صراحه (لقائنا قرب يا قطتي ، استعدي يا دكتورتي)
رهف بحيره : ياترى مين ده وليه بيقول لقائنا قرب
عدت كمان ساعه والعريس جه هو وأهله
محمود: اتفضلوا يا جماعه نورتونا والله
ابوا العريس: يزيد فضلك يا استاذ محمود ، البيت منور بأهله
بعد ما قعدوا
الأب : طبعاً انت عارف احنا هنا ليه يا استاذ محمود احنا جايين نطلب ايد رهف بنتك ل مالك ابني ( توقعاتكوا صح يا شباب براڤوا )
محمود : انا طبعاً يشرفني أن اناسب ناس محترمه زيكوا
الأم : امال فين العروسه
محمود : اندهي رهف يا جميله
جميله : حاضر
نادت جميله رهف ورهف دخلت بالصنيه
الأم : مشاء الله تبارك الله عليكِ يا حبيبتي اي القمر ده
رهف بكسوف : احم شكراً يا طنط
الأب : طب اي نسيب العرسان مع بعض شويه
محمود : اه طبعاً اتفضلوا نقعد برا
محمود جه يقوم رهف مسكت ايده وقالتله انت رايح فين انت هتسيبني لوحدي
محمود : متخافيش انا هبقى قاعد قدامكوا هنا وشايفكوا بطلي توتر
رهف : انت اي مش جدع على فكره ينفع كده تسيب بنتك
محمود : ايوه انا مش جدع وهسيب بنتي وبس بقا عشان شكلنا بقا وحش وسابها وطلع
مالك : على فكره انا وشي احلى من الأرض
رهف بصدمه : مستر مالك !!!!!!
مالك : مفاجأه يا قطتي صح مش قولتلك لقائنا قرب
رهف بصدمه اكبر : ده انت كمان !!!
مالك : اي يابنتي انتِ جايه تتصدمي هنا
رهف : لا بس مش مصدقه
مالك : مش مصدقه اي
رهف : ليه انا دوناً عن كل البنات مع ان في بنات كتير احلى واجمل مني
مالك : ليه انتِ دي هقولهالك بعد كتب الكتاب لكن في حكاية ان في بنات احسن منك دي مش معاكِ فيها لإن قولتلك قبل كده ان انتِ مميزة بروحك قبل شكلك ،، ها حابه تسألب على حاجه
رهف : بتصلي
مالك : الحمدلله
رهف : بالنسبه للقرأن وعلاقتك بأهلك
مالك : القرأن الحمدلله انا عامل وِرد يومي وقربت اختمه حفظ ، انما علاقتي ب أهلي دي بار بيهم وبحترمهم واحنا اصلاً صحاب مش بعاملهم معاملة انهم اهلي ومتقلقيش هما حبوكي اوي
رهف بكسوف : احم وانا كمان حبيتهم اوي ، ربانزل قعدت في البرج كام سنه
مالك بصدمه : نعم
رهف : شكلك مش عارف احنا نلغي الجوازة معلش انت مش تافه
مالك : مين ده اللي مش عارف يختي ربانزل قعدت 18 سنه في البرج
رهف : لما الدنيا تديك ضهرها
مالك : ادي ضهرك للدنيا
رهف : انا كده خلصت اسألتي لو عايز تسأل على حاجه
مالك : انتِ موافقه
رهف بإحراج : اي السؤال ده ، احم بص انا مبدئياً موافقه بس اديني يومين اصلي استخارة الأول
مالك بأبتسامه : تمام
بعد شويه مشي مالك واهله
محمود: ها يا رهف رأيك اي
رهف بكسوف: موافقه مبدئياً بس هصلي إستخارة الأول بردوا
جميله بفرحه : عشت وهشوفك عروسه يا رهفتي
رهف بضحك: جميلتي انا لسه موافقتش على فكره
جميله : بس قولتي هتفكري يعني هتوافقي ما هو الواد ميتعيبش بصراحه
رهف : هفكر حاضر
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابيض واسود)
