رواية ابيض واسود الفصل التاسع 9 بقلم ندى عبدالعزيز
رواية ابيض واسود الجزء التاسع
رواية ابيض واسود البارت التاسع
رواية ابيض واسود الحلقة التاسعة
وقفنا البارت اللي فات لحد ما كتبوا الكتاب ومالك خد رهف وخرجوا قعدوا على البحر ورجعوا البيت ومالك اتفق مع رهف انه هو اللي هيوديها الكليه على طول
يلا نبدأ ونقول بسم الله ولكن قبل ما نبدأ ياريت ندعي ل ملك نجاتي بالرحمه والمغفره والصبر لينا ولأهلها
يلا بينا
جه اليوم اللي بعد يوم كتب الكتاب وجميله راحت تصحي رهف
جميله: رهوفه اصحي يا حبيبي يلا عشان الجامعه وعشان مالك هيجي كمان شويه
رهف بنوم: بالله يا جوجو سيبيني انام شويه كمان انا نايمه متأخر امبارح
جميله: مينفعش يا حبيبي قومي يلا هتتأخري من اول يوم كده
رهف: حاضر قومت اهو
جميله خرجت ورهف رنت على مالك
رهف : الو
مالك : يخراشي احلى الو دي سمعتها في حياتي
رهف بكسوف : ……….
مالك : يلهوي انا متخيلك دلوقتي والفراوله بتاعت مصر كلها طالعه في خدودك
رهف بكسوف : مالك بقا
مالك : يلهوي قلبي يا جدعان قولي مالك تاني كده
رهف بهزار: طب اي هنتكلم بجد ولا هنخلينا طول اليوم ف الفراوله اللي في خدودي
مالك: يخربيتك فصيله ملكيش في الرومانسيه
رهف بضحك : كفايه انت يا حبيبي ليك فيها
مالك : نتكلم جد بقا ، شويه كده هعدي عليكِ عشان نروح الكليه
رهف : اشطاا ي صاحبي
مالك بضحك : متجوز واحد صاحبي يارب اشطا ي صاحبي اي بس
رهف بضحك : طلقنيي يا عمررر
مالك : روحي وانتِ طا
رهف بصراخ مضحك : لااااا اوعى تقولها
مالك بضحك : خلاص يلا روحي البسي وانا هلبس واجيلك
رهف : حاضر
قفلوا مع بعض ورهف اتوضت وصلت الفرض ولبست ومالك كذلك
بعد شويه مالك رن على رهف
رهف بصوت مكتوم: الو
مالك : اي ده مال صوتك
رهف : لا مفيش حاجه صوتي عادي اهو
مالك : لا في حاجه صوتك مش طبيعي انتِ مكنتيش كده ساعة لما كنت بكلمك
رهف : انا نازله هبقى اقولك لما انزل
مالك : ماشي يا حبيبي انا تحت مستنيكي
رهف ل جميله: انا نازله ل مالك
جميله : مالك ي رهف شكلك متغير ليه
رهف : لا مفيش حاجه انا كويسه
جميله وفهمت رهف مالها: هي في مكان احسن يا حبيبتي ادعيلها احسن بدل ما تزعلي وتقعدي تعيطي كده
رهف بدموع: ربنا يرحمها ، يلا انا هنزل ل مالك لا إله إلا الله
جميله بحب : سيدنا محمد رسول الله
رهف نزلت ل مالك وهي بتعيط
مالك بخضه : حبيبي في اي مالك
رهف حضنته وبتعيط بس ومش عارفه تتكلم
مالك : اهدي يا حبيبي اهدي في اي
رهف : وحشِتني اوي يا مالك مش قادره اتخيل أنها ده كله مش معايا بقالها كذا سنه ومش مُدركه انها سابتني لوحدي لسه بفتكر مواقفنا سوا وضحكنا وهزارنا وكل مواقفنا سوا واحنا ف اعدادي وثانوي انا مش معترضه على حكم ربنا بس انا كنت محتجالها اوي
مالك : بصي اول حاجه استغفري ربنا وقولي الحمدلله هي في مكان احسن دلوقتي مش يمكن كانت تعيش بإعاقه او شلل او أي حاجه بس تبقى عايشه مش مرتاحه احنا المفروض نقول الحمدلله على كل شيء وتدعيلها وتطلعي ليها صدقه ده كله احسن ما تعيطي العياط مش هيرجعها تاني ثم اكمل بضحك وبعدين انتِ بتحلوي اوي كده وانتِ بتعيطي
رهف بكسوف : انا طول عمري حلوه اصلاً
مالك وهو بيبوس راسها : انا حبيبي حلو من يومه اصلاً
رهف : طب يلا بقا عشان هنتأخر على الكليه
مالك : اشطا يا حب يلا
مشيوا الأتنين ومالك وصلها للكليه وجت رهف تنزل بس مالك قال ليها
مالك : هبقى اجي اخدك إن شاء الله ونتغدى بره
رهف : اشطا عشان كمان عايزه أتكلم معاك في موضوع
مالك : استر يارب خير
رهف بضحك : متقلقش خير مش مصيبه ثم أكملت وقالت يلا انا هنزل دلوقتي عشان متأخرش لا اله الا الله
مالك : سيدنا محمد رسول الله
نزلت رهف ودخلت الكليه ومالك راح شغله وعدا اليوم على ابطالنا لحد ما رهف خلصت ومالك جه خادها وراحوا المطعم وطلبوا الأكل
مالك : ها بقا كنتي عايزاني في موضوع أي
رهف : بص يا سيدي
مالك : بصيت حاسس ان في مصيبه مش عارف ليه
رهف : لا متقلقش مش مصيبه المهم انا ورهف كانت لسه هتكمل لقت واحده بتبص ل مالك وبتضحك ومالك مش واخد باله
رهف ل البنت برفعة حاجب : ما تتفضلي معانا يا حبيبتي ولا اجبلك رقمه احسن
مالك : في أي
رهف : استنى بس دلوقتي
البنت : ياريت
رهف : بت انتِ هقوم اجيبك من شعرك بصي قدامك
رهف بعصبيه ل مالك : قوم من هنا انا مش قاعده في المكان ده
مالك بضحك : يختي بطه بتغيري
رهف بصراخ : يلا يا مالك متعصبنيش
مالك بضحك : يلا يختي يلا
بعد شويه كانوا طلعوا ومالك قال ل رهف
مالك : بتغيري يا بطه
رهف : بس عشان كان نفسي أقوم اجبها من شعرها بنت اللذينه البج.حه دي
مالك بضحك : طب اهدي اهدي سيبك منها عايزه تروحي فين
رهف : عكرت مزاجي يلا اللي يسهلها / يلا نروح نقعد على عربية كبده مطعم أي اللي نروحه
مالك : ايوه احبك وانتِ عشوائيه كده
رهف : طب يلا اطلع على ……………. هأكلك احلى كبده وبانيه هناك
مالك : انتِ هتقوليلي على عربية الكبده دي ما انا عارفها يلا
مالك : أي الموضوع اللي كنتِ عايزه تتكلمي فيه
رهف : انا عايزه اشتغل
مالك :إن شاء الله في المشمش
رهف : مالك انا بتكلم بجد
مالك : لا انا اللي بهزر ما انا كمان بتكلم جد وبعدين هتشتغلي ليه أي اللي ناقصك
رهف : مفيش حاجه نقصاني بس انا عايزه اسلي وقتي بجانب الكليه
مالك : انتِ عارفه هتشتغلي فين ولا لسه بتقترحي
رهف : لسه بس قولت اخد رأيكوا الأول
مالك : ماشي انا موافق بس بشرط
رهف : شرط أي
مالك : هتشتغلي معايا في السنتر
رهف : اشتغل أي في السنتر
مالك : اكيد هتشتغلي اسيستنت يعني سنتر هتشتغلي فيه أي
رهف : اشطا موافقه
مالك : حاجه كمان
رهف بضحك : لا هتتشرط كتير مش هقبل بالشغل انا بقولك اهو
مالك : بس يابنتي بقا سيبيني اكمل
رهف : كمل يا سيد المعلمين
مالك : لو لقيت الشغل مأثر على دراستك مش هخليكِ تشتغلي
رهف : عيب عليك انا بردوا اسيب حاجه تأثر على الدراسه
مالك : اه ياختي ما انا عارف
عدا الوقت ورهف ومالك مع بعض وكل واحد فيهم روح
رهف : يا اهل الدااااار انا جييت
جميله : جايه بدوشتك يختي .عملتي أي في الكليه
رهف : كله تحت السيطره . كنت عايزه اخد رأيكوا في حاجه
محمود وجميله : خير
رهف : عايزه انزل اشتغل
محمود : مفيش شغل
رهف : استنى بس انا مش هشتغل عند حد غريب
محمود : امال هتشتغلي عند مين ياختي
رهف : هشتغل اسيستنت في السنتر بتاع مالك
محمود بتنهيده : انا اثرت معاكي في حاجه
رهف : مش مأثر والله انا بس عايزه اسلي وقتي
محمود : انا موافق بس بشرط انك متأثريش في مذاكرتك ودراستك
رهف : حاضر عيوني .انا هبدأ من بكره بقا
محمود : ده انتوا محضرين كل حاجه بقا
رهف : لا والله ما حصل
جميله : يلا ادخلي غيري وصلي عقبال ما احضر الأكل
رهف : عيوني يا جوجو
عدا اليوم وابطالنا ناموا وتاني يوم رهف هتنزل السنتر ياترى هتستمر في الشغل اللي مع مالك والحياه هتدوم معاهم كده ولا هيحصل حاجه تفرقهم عن بعض اذا كان موت او خيانه او الحياه تفرقهم بشكل عام
كده البارت خلص هستنى رأيكوا
سؤال النهارده: لماذا انزل الله سبحانه وتعالى القرأن الكريم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابيض واسود)
