رواية ابو غمازة الفصل الأول 1 بقلم منة حنفي
رواية ابو غمازة الجزء الأول
رواية ابو غمازة البارت الأول
رواية ابو غمازة الحلقة الأولى
_عنده غمازه تهبل
= واي كمان
_صايع وسرسجي ومش لاقي حد يلمه بس حساه طيب. i can fix him
تخيلي بيثبت كل اليه داخلين وطلعين من الشارع الا انا
= طب ماهو مابيثبتنيش انا كمان
_ مهو عارف انك تبعي
= ياجدع!
_مش بس كدا دا قالي امبارح عدي ي زوجتي المستقبليه
= بلطجي خريج اداب
_اول ما قال كدا قولت لاااا دا اتمادا ، لحد كدا وكفايه
= اكيد زعقتيله؟
_ لا طبعا ، بس بصتله بقرف ، عشان ميحسش اني واقعه في حبه
= امال
_ ف قام معلي صوته ف نص الشارع وقالي تقلانه عليا ليه ي ام زين
= زين مين ؟!
_ اكيد ابننا ي حنان هيكون مين يعني !
= اه ، لا اسيبك انا دلوقتي بقا عشان شكل ال 6 سنين اليه قضتيها ف طب لحست مخك سلام
حقيقي معنديش اي فكره ليه شخص وسيم بطوله وعرضه وحلاوته ممكن يعمل كدا و ليه ميشتغلش شغلانه شريفه ، وليه انا اصلا بحبه …
_ رايحه فين الساعه دي يا عسليه
وقفت وانا ببصله و ماسكه شنطه هدومي
= وانت مالك
بدأ يتكلم بنبره حاده
_انتي مبصتيش ف ساعه البيت بتاعك قبل ما تنزلي ولا اي ، رايحه فين يا ليلي متعصبنيش
= رايحه اقضي اجازتي عند اهلي ف اسكندريه و سيبالك الشارع خالص ، عشان تعرف تثبت الناس برحتك
_ طب ارجعي البيت يا ليلي وابقي امشي الصبح
= مش هرجع ولو سمحت عديني
_ مبحبش أقرر كلامي كتير ع فكره
= لو سمحت ي كابتن بلاش تتعامل معايا كدا انا كنت لسا بقول عليك طيب
= مسميش كابتن اسمي يوسف قوليلي ي يجوو
_ طب ي استاذ جوو ممكن امشي
= امشي بس من غير الشنط ياعسل
ابتسمت بـ سذاجه وانا بقول
_خد الشنط اشبع بيها يا حبيبي
=قلب حبيبك والله
بعد ما مشيت لنص الطريق افتكرت أن أنا فلوسي والتذكره ف الشنطه اللي هو أخدها مش اللي معايا ، رجعت البيت وانا بلعن غبائى
فات اسبوعين الاجازه وانا مش بنزل من البيت نهائى عشان مشفهوش ، حقيقي مش طيقاه شخص رخم وبارد وفوق كل دا حرامي
صحيت من النوم ع خبط من الباب بفتح لقيته ف وشي وبيتكلم بعصييه
_ هو أنا لازم اطلعلك عشان تظهري
بدأت ابص حوليا بخوف وانا بتكلم بصوت واطي
_ يخربيتك انت بتعمل اي هنا
همس هو كمان وقال
_ بقالك فتره مش بتنزلي ولا حتي بتطلعي البلكونه ولا سالتي علي شنطك
_ف تقوم تطلعلي
سكت وبصلي بهدوء
_ قلقت عليكي ي ليلي ، عشان خاطري متعملش كدا تاني
بصتله وانا جويا اندهاش مين دا ، ازاي بقا هادي كدا وحنين ، يمكن دي اصدق مره اشوف فيها الحب في عيونه ، نبره صوته خلتني اقول بدون اراده
_حاضر
في اللحظه دي سمعت صوت حد نازل علي السلم
_امشي بسرعه
_ماشي يا سكر ، بس لو منزلتيش هطلعلك تاني
_ حاضر ، امشي بقا
قفلت الباب وانا بدخل الشنط اللي كانت معاه فجاءه لقيت حنان واقفه ورايا
_ هو صح ؟
_اه ، جبلي الشنطه
_مش شايفه أنه بدأ يزودها اوي
_شايفه أن بدأت اقع في حبه بجد
_ أنا في البدايه كنت فكراكي بتهزري ، ولكن مدام الموضوع طلع جد فـ اليه انتي بتعمليه غلط
_انا عارفه أن الموضوع صعب بس هو جواه كويس والله
_ كويس اي ي ليلي بس دا حرامي يا ماما
_ بس طيب
_نشال ي وليه وبيثبت الناس
_بس حنين
_مسجل خطر وممكن يطلع سف*اح وبيجرجرك
_ مستحيل ، دا قلبه قلب خصايه
صرخت بغضب وهي بتمشي وبتقول
_ربنا يشفيكي ، أنا داخله انام
دخلت تنام فعلا وسبتني لدماغي ، أنا فعلا عمري ما بصيت لـمنظور أن يوسف شخص سئ رغم أن هو كدا فعلا ، للحظه حسيت أن كلام حنان فوقني بدأت اخد جمب منه مع التدريج بدأت انعزل واختفي تاني
_مش حاسس انك بتتمادا
_هو أنا مش قولت انك لو منزلتيش أنا هطلعلك
_انت عايز اي
_سؤال جميل جدا كنت اتمني تسأليه من زمان
سكت ف اخد نفس طويل ، كان باين أنه متوتر
_ بصراحه كدا انا عايزك
_ وانا مش عايزاك ، احنا ابعد ما يكون اننا نبقي لبعض ، ارجوك امشي
بصلي وبدأ ياخد نفس بهدوء
_ممكن تسمعيني
_مش حابه
= لازم تسمعيني
_قولتلك مش حابه وبقولك اهو ي يوسف كفايه لحد كدا انا همشي من هنا خالص ومتحولش تمنعني عشان المرادي انت اليه هتشوف مني وش مش هيعجبك
_انا همشي يا ليلي ، بس افتكري كويس انك فعلا هتندمي قدام
= انا عايزه اندم ، اتفضل امشي بقي
مستنتش اشوف رده وقفلت الباب
3 ايام عدو وانا لسا مبنزلش من البيت صحيت اليوم الرابع وانا مقرره أن عيش حياتي عادي نزلت و كنت متوقعه اشوفه واقف زي كل يوم بس مشفتوش حسيت للحظه أن قلبي مقبوض بس رفضت الفكره
من دماغي ، وصلت المستشفي ولحظي السئ كان ف حالات كتيره وما صدقت اخدت بريك
= 3 ايام نايمه ولا ف دماغك وسيباني هنا لوحدي
_معلش ياحنان غصب عني
=انا في حاجه كدا بقالي كام يوم عايزه اقولها لك بس خايفه عليكي
_استر يارب
=يوسف
_ ماله يوسف؟
= بعد مانزل من عندنا وانتي نمتي زي القت*يله
ع الفجر كدا سمعنا صوت ض*رب نا*ر وعرفت يعني تاني يوم أنه كان بيخانق مع العيال اللي كان بيقعد معاهم وأنه اتصاب
مكنتش قادره استني تكمل كلامها كنت لسا همشي عشان اشوفه ف قسم الطوارئ عندنا لقيت حنان بتوقفني
= هو مش هنا ، يوسف اتنقل مستشفى الشرطه
_اتقبض عليه صح ؟!
قربت مني وهي بتمسكك كفوفي
= انا عارفه اللي هقوله دا صعب بس يوسف طلع ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابو غمازة)
