رواية ابن خالتي الفصل الأول 1 بقلم هبة غنيم
رواية ابن خالتي الجزء الأول
رواية ابن خالتي البارت الأول
رواية ابن خالتي الحلقة الأولى
_بس بس واقفه لوحدك ليه كدا ؟
_هييح مش جايلي نوم ،وبعدين انت مالك ؟!
_ايه يا ستي براحه انا غلطان ، بس بصراحه انا جاي جعان..
_وانا مالي ؟
_يعني معتعمللناش اكل
_لا
_طيب هفضل ازن كدا لحد م تعمللنا حاجه
_ يوووه ،وطي صوتك جدك هيصحي يبهدلنا
دخلت حبيبه المطبخ وعملت سانوتشين جبنه وكوبايتين شاي بلبن وجات البلكونه تاني
_اتفضل يا سيدي
_شكرا يابنت خالتي
_ياعم قولتلك كذا مره مبحبش الكلمه دي
_يوووه ،تسلم ايدك يا حبيبه ياروح قلبي
_اطفح يا احمد وانت ساكت
_مقولتليش منكد عليكي مش كدا ؟
_حد قالك اني مرتبطه يابني ؟
_م هي الواقفه ال انت وقفاها في البلكونه الساعه اتنين بليل دي متقولش غير ان حد منكد عليكي قوليلي بس هو مين وانا هنكدلك علي امه
_مفيش يا احمد قولت ،لخبطه في الجامعه وخلاص ،بص انا هقوم انام احسن
مسك احمد ايد حبيبه
_استني متسيبينيش يرضيكي افضل سهران لوحدي !
_يابني انا مالي ،هو مش انت جاي تبات هنا غصب عشان جدك ال ألح بس متقرفنيش معاك بقا
_حبيبه احنا هنفضل كدا كتير ؟
_انت عايز اي يا احمد ؟
_عايز نرجع علاقتنا تاني ،احنا عمرنا م كنا كدا ،انت كنتي اقرب حد ليا ،اي ال بعدك مره واحده كدا
الدموع بانت في عيون حبيبه
_مفيش حاجه يا احمد انا داخله انام
احمد مكنش ابن خالتي بس احمد كان كل حياتي كان حبي الاول والاخير كان صدمه عمري فيه، طول عمره بيتعامل معايا أكني صحبته وبس كان نفسي ياخد باله اني بنت حلوه لمره واحده كان نفسي يشوف الحب ال في عيوني ليه بس هو عمره م شافني كدا …
تاني يوم الصبح
_صباح الخير يا جدو
_صباح النور يا حبيبه جدو ،صحيتي بدري كدا ليه ؟
_عندي جامعه يا جدو لازم انزل دلوقتي
_كلمتي احمد امبارح أنا مشوفتوش ، شكله جه متأخر
ردت حبيبه ب استهزاء
_هه البيه راجع الساعه اتنين امبارح
_معلش يا بنتي بكرا تتعودي
_وانا اتعود ليه انا مالي ؟كلها كام يوم والاسبوع دا يخلص ويرجع بيته بقا انا مش عايزاه هنا كتير
_يابنتي ابن خالتك برده انا مش مطمن عليه وقاعدته لوحده كدا خليه هنا معايا انا وانت بدل م احنا لوحدنا
احمد فتح باب الاوضه مره واحده
_هو مفيش مكان تتكلمو فيه غير قدام باب اوضتي مش عارف انااام
_ياحيوان انت في حد يخض حد كدا قوم البس يلا عشان توصل حبيبه الجامعه
_لا انا مش عايزاه يوصلني يا جدو انا هروح عادي
_لا يا بنتي لازم يوصلك م تفوق يلا انت لسه واقف متنح ليه كدا اخلص البس
_يوووه ،حااضر حاااضر
_يلا يا دكتور حبيبه لما نشوف اخرتها
_ولا بقولك اي انا مستحملاك بالعافيه انزل وانت ساكت
_العبوا مع بعض يا ولااه ،خد بالك منها يا احمد دي اغلي حاجه عندي
_م انا مليش لازمه انا كلكم حبو في حبيبه وانا غلبان محدش يحبني انا
_انزل يا حيوان وخد بالك منها
_يوووه ،حاااضر
ركبت حبيبه مع احمد العربيه وفضلت طول الطريق ساكته مش بتتكلم بحرف واحد
_والله يا حبيبه مش عارف اقولك اي دا انا حتي دماغي صدع من كتر الكلام والله يابنتي حد قالك أننا في عزاء ؟م تتكلمي هنفضل ساكتين كدا علطول
_اقول اي يعني يا احمد ؟ اميره كويسه ؟
_اميره ! ااه اميره كويسه ،بس احنا مش في اميره دلوقتي اي ال جاب سيرتها
_لا مفيش خطيبه ابن خالتي برده وقولت اطمن عليها
_ ايوا صح اطمني اطمني كويسه
_خلاص يا احمد نزلني هنا هكمل الطريق مشي مع صاحبتي ال هناك دي هتمشي معاها
_طيب اعدي عليكي لما تخلصي ؟
_لا مش عايزه سلام …
نزلت حبيبه من العربيه وكملت الطريق لوحدها هي ضحكت علي احمد ب انها عارفه البنت لكن حبيبه اصلا معندهاش أصحاب وانطوائيه جدا بره بالرغم من أنها في اخر سنه صيدله ولكن مش بتعرف تتعامل مع حد خالص ووصلت الكليه ودخلت محضراتها وفي آخر اليوم سمعت حد بينادي عليها
_حبيبه ! يا حبيبه !
_ايوا ؟!
_معلش بزعجك ،انا اسمي آدم كنت معاكي في السيكشن ال فات
_ايوا يعني ؟
_انا بس واقع مني كذا حاجه كنت محتاجك تشرحيهالي
_وملقتش غيري يعني ال اشرحلك ؟!
_مش قصدي لو هيدايقك الموضوع خلاص انا قولت بس عشان ديما بشوفك بتحضري للدكتور دا ف قولت اكيد مركزه معاه ومعاكي الملازم
_يعني انت عايز اي دلوقتي ورق ولا شرح ولا اي
_حبيبه !
_احمد ! انت اي ال جابك هنا ومش قولتلك متجيش
_نتفاهم في البيت يلا
_براحه يا احمد سيب ايدي
_في اي يا استاذ انت مين انت
_ وانت مالك انت يلا يا حبيبه
_ انت شكلك بتستهبل بقا
ضرب ادم احمد خبطه في وشه وعشان احمد عصبي بشكل مخيف فضل يضرب في آدم لحد م وعي أن حبيبه أغمي عليها من كتر الزعيق فيهم الاتنين ونقلو حبيبه المستشفي..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابن خالتي)
