رواية ابن السلطان الفصل الثاني 2 بقلم سارة عاطف
رواية ابن السلطان البارت الثاني
رواية ابن السلطان الجزء الثاني
رواية ابن السلطان الحلقة الثانية
• ايون ي بيه اهى الابلة جت اتفضلى
= الو
كان صوت راجل
▪︎ مساء الخير ي هانم
= هانم ! مساء النور اهلا، مين حضرتك ؟
▪︎ انا محامى العيلة
= عيلة اى !؟
▪︎ عيلة ولدك
مكنتش فاهمة اى حاجه
▪︎ انا عرفت اجيب رقم تيلفون البقال علشان بس اخد اذنك اجى البيت علشان نفتح الوصية
= وصية اى انا مش فاهمة اى حاجه !
▪︎ وصية عمك افضل
= عمى افضل !!!
▪︎ حددى معاد وانا هاجى افهمك كل شئ
= يبقا بكرة الساعة ١٢ الضهر
▪︎ كويس جدا ف رعاية الله ي هانم
طلعنا وخالتى امال تسالنى مين ده ،،،، وانا مصدومة ومش عارفة افهم اى حاجه، عمى ده عمره ما سال فيا ووصية اى دى … ! هو انا ناقصة لخبطة فى حياتى مش كفاية إلى فيها ،فهمت خالتى بالراحة كل حاجة عرفتها منه ،هى نفسها مكنتش مصدقة اى حاجه ،،، وهو بكرة بعيد ولا قريب !!!
= اتفضل يا استاذ حمدى
* معلش ي بيه البيت مش قد المقام
▪︎ متقوليش كدا
= تشرب اى؟
▪︎ ممكن شاى
بصت خالتى ليا
*خليكى ، انا هعمل الشاى منورنا يا استاذ حمدى
▪︎ دى وصية من عمك كتبها قبل ما يموت وساب ليا عنوانك وانا علشان الاحراج مكنش ينفع اجى كدا من غير اذن خصوصا انى عرفت منه انك عايشة مع خالتك لوحدكم
= كلك ذوق ي استاذ حمدى
▪︎ ربنا يخليكى يا بنتى
ابتسمت، ،، بدا يفتح الورق إلى معاه وجت خالتى وقرأ لينا الوصية ،،،، انا عمرى ما شوفته ولا فى يوم قابلته … مشي المحامى
فضلت سهرانة ف اوضتى والنور منور فيها
لحد مخبطت خالتى ع الباب
* مش عندك بكرة كلية ؟
= لا بكرة مافيش
* مالك ي هبة!؟ بتفكرى ف ايه ؟
= الراجل عمى ده ازاى مسالش عنى طول الفترة إلى فاتت، ،، وف آخر ايامه لما عرف يوصلى ليه برضو مجاش يسلم عليا ! وازاى متجوزش ومعندهوش عيال !
* احمدى ربنا كدا انتى هتاخدى كل حاجة وكدا الحق رجع ل أصحابه
= ف أسئلة كتير ف بالى ي خالتى مش عارفة اجاوب عليها
* اتبسطى بالى حصل
= هو فين ده بس!
* عمك وحس بغلطته زمان وسال عليكى
= غلطته! لو سال عنى بدرى مكنش ده هيبقا حالى ولا امى كانت هتموت !
* ايوة معلوم مش هو إلى خلى جدك ولد ولدك يطلع امك وهى حامل فيكى من البيت ، امك يابنتى كانت قالتلى انه هو السبب وانه كان طماع اوى اوى حتى حق اخوه إلى هو ابوكى كان بياخده
= ياااه تفتكرى ايه خلاه يدور عليا ي خالتى بعد السنين دى كلها ،ندمان يعنى !؟
* الله واعلم
= انا خايفة ومرعوبة انا حياتى كانت هادية اه كنت تعبانة شغل ودراسة وعيشة صعبة علينا بس كان بالى رايق
* متقلقيش ي بنتى بكرة نعرف اكتر لما نروح القصر بتاعه الى بيقولوا عليه ده ، بس نامى ومتشليش الهم كدا
طول عمرى بفكر كتير اجيب الأحداث وأعيد فيها بالتفاصيل الدقيقة لما بتبقا دماغى هتنفجر…! اتهد وانام
خدتنى ف حضنها، اليلة دى ، المحامى معرفش يرد ع ١% من اسئلتى كان معظم كلامه غامض مش مفهوم حتى لو جاوب كل إجابة بشفرات محتاجة تحليها بنفسك ! …
_____________
لقيت الباب بيخبط ، فتحت لقيت راجل سنه كبير قصير ولسانه تقيل واسنانه معظمها مش موجودة
° صباح الفل
ابتسمت له وشه بشوش اوى
= صباح النور
° انتى هبة ؟
= ايوة
° انا الاسطى فوزى إلى هيوصلك ل قصر عمك
= ماشي انا جاهزة … تحب ترتاح من الطريق ؟
° انا شوفتك ارتاحت
ابتسمت ،،،، حسيت انه يعرفنى اوى وانا قلبى ارتاح ليه … ندهت ع خالتى بصوت عالى
= يلا يلا ي خالتى بقا
ملامحه اتغيرت
° صوتك صوتك
= فى اى ي عمى فوزى ؟
° صوتك عالى بنت رقيقة جميلة صوتها يبقا عالى كدا قال الجملة وابتسم … وانا كمان ابتسمت …
=تعال ننزل عقبال ما خالتى تيجى
° وخالتك دى بقا عندها كام سن؟
= عمى فوزى ، انت متجوز ؟
ضحك اوى وسكت … ونزلنا لتحت عند العربية
° لو كنتى ف ايامى كنت اتجوزتك
دمه خفيف اوى ، خلانى اوقف تفكير عن كل حاجة بتلف ف دماغى واتبسط واضحك ….
روحنا القصر إلى عمرى مكنت اتخيل اعدى من جنبه حتى … ! كبير اوى وفيه جنينه مليانة ورد وشجر وفى ممر طويل و فى ناس كتير اوى بيخدموا عمى استقبلونى وكان معاهم المحامى خدنى وورانى القصر كله بالكامل …
كنت فرحانه كل البيت ده ليا ، ليا انا لوحدى كل ده بتاعى انا … قطع حبل افكارى صوت المحامى
▪︎ هنعمل ليكى حفلة استقبال علشان تتعرفي ع الناس وتتعرفي ع الموظفين إلى بيشتغلوا عندك وبكرة هاخدك اوريلك كل شركاتك وتعدى تشترى شوية لبس وحاجات ليكى
= هو مش المفروض استلم ورق ب املاكى دى ؟
▪︎ انشاء الله نخلص الإجراءات وتاخدى ورقك
هزيت راسي وانا ببص ع كل ركن ف البيت الجميل إلى هو بيتى
دخلت اوضتى وانا بلف فيها خلعت جزمتى إلى متقطعة من الماشي والفقر … والجيبة، الجيبة إلى بقالها ٥ سنين بلبسها فى المناسبات المهمة
نمت ع السرير وانا ببص لسقف الأوضة وكأنه حلم حلم جميل اوى …
_____________________
الباب خبط
* هتلبسي اى ف الحفلة ؟
= خالتى ! تيجى نجيب المكنة إلى كان نفسنا فيها ونفصل لينا
* بس ده هياخد وقت مننا
= لا ي حبيبتى اطمنى عمى فوزى معانا بالعربية ولسه باقى يومين ، متقلقيش
* خلاص إلى تشوفيه
=كنت بحلم بفستان معين ، شكل الفستان مرحش من بالى
* انتى بتتكلمى بجد !
= عمرى ما كنت اتخيل انى هعمله
* ليه! واى الحلم ده
= كنت بحلم انى نازلة من فوق السلالم ولبس فستان جميل لونها نبيتى هادى ورقيق
* وبعدين !؟
= كنت برقص مع شاب جميل اوى طويل واسمر ، وكنت بسيبه وارجع اطلع السلم تانى
* وبعدين …. ؟
= وانا طالعة كنت … كنت
* كنتى اى …. !؟
= مش فاكرة باقى الحلم ي خالتى
* بس حلمك اتحقق اهو
وشي اتغير وخوفت احكى باقى الحلم علشان خالتى متقلقش وخوفت لنهاية الحلم ده تتحقق فعلا !!! … خصوصا ان الحلم ده دايما بحلمه… !
كان ناس كتير اوى والمحامى واخدنى من ايدى يعرفنى عليهم … استاذ فلان الفلاني شركة كذا …. مدير شركتنا… فلان ماسك الحسابات بتاعتنا … مدير البنك إلى كان بيحط عمى فلوسه فيه … تعبت …
= استاذ حمدى انا تعبت
▪︎ بس احنا لسه مخلصناش
= ممكن ارتاح طيب
▪︎ اكيد ابتسم ومشي
طلعت ف الجنينه ولسه هقاعد ع كرسي ولقيت واحد جاى ناحيتى
مد ايده
• انتى هبة !
= ايوة
• زى ما بابا وصفك فعلا جميلة
= اى ده !
• سورى ، انا ابن استاذ حمدى
= اااه اهلا تشرفنا
• الشرف ليا ي فندم
▪︎ كدا انتو اتعرفتوا ع بعض
• تقريبا كدا ي بابا
فضل يتكلم عن ابنه وانا بسمعهم وببتسم نفسي اقعد في حتة هادية انا ولا متعودة ع الدوشة ولا الزحمة وفجأة حياتى تبقا كدا … ببص بالصدفة ع الباب لقيت شاب واقف … كان هو … هو نفسه بتاع الاتوبيس… قطعت كلامهم ومدحهم في بعض
= بعد اذنك هتمشي شوية
▪︎ طيب روح يابنى مع هبة هانم
• حاضر ي بابا
= لا لا مافيش داعى
مشيت ناحية الباب وهم دخلو جوا … … …
= اتفضل ! هو انت جاى الحفلة ؟
– اه ،لا لا … قصدى انى كنت بسأل ع حد
بصتله وانا بقول ف بالى اكيد مش جاى الحفلة بمنظره ده حسيت انى احرجته من غير ما اخد بالى بسؤالى
= افتح الباب يعمى احمد
دخل ،- متشكر اوى
= انا الى متشكرة اوى
– ليه ؟!
= فى بنت وقفت ليها ف الاتوبيس علشان تقعدها مكانك
– بس انا وقفت لبنات وناس كتير
= وقع منها كشكول ونزلت وراها
– مظبوط
= تبقا انا
بص ليا… – بس
= مكنتش كدا انا عارفة
– ايوة
= عادى ساعات ف يوم وليلة بنتغير او بتحصل حاجة تغيرنا
ابتسم …
= تحب تدخل جوا يمكن إلى بدور عليه وسط الحضور
– لا متوقعش ان ده يحصل انا همشي اتاخرت ع ولدتى … تصبحى على خير يا… هان
= هبة اسمى هبة من غير هانم انت هتعمل زيهم
ابتسم ومشي … وانا دخلت اشوف خالتى … فين !؟
= تعرفي اليوم كان تقيل بس مبسوطة
ربطت رأسها وخدت مسكن علشان هى كمان تعبت من اليوم ده
* الواد ابن حمدى ده مشلش عينه من عليكى
= هو مشلش عينه عن كل البنات ي خالتى مش انا بس
* وابوه كمان
= ماله !
* كان لازق ليا وآمال يلمح ب كلام
= كلام ! هو معجب بيكى !؟
* لا ده مجنون ،اقولك ع حاجة ي هبة
= اي ي خالتى ؟
* انا قلبى مش مرتاح ليهم
= لا ي خالتى لا
* انا مشوفتش اى حاجه منهم لحد دلوقتي بس مش عارفة ليه مش مرتاحة ي هبة
= متقلقنيش … انشاء الله خير
______________
معرفتش انام مكنش صداع او تعب كان تفكير ف الشاب إلى شوفته … كان مصدوم لما عرف انى نفس البنت …. مشيت ناحية المرايا وفضلت ابص على نفسي … وملامحى إلى فعلا بقيت احلى مع البس و المكياج….. كنت بتمنى يجى تانى وكان نفسي اعرف هو كان جاى لمين في الحفلة …. … اكيد بيشتغل عند حد من الحضور شكله بيقولى كدا نفسي اعرف حكايته ايه !!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابن السلطان)
