رواية ابن الجيران الفصل العاشر 10 بقلم نانسي العربي
رواية ابن الجيران الجزء العاشر
رواية ابن الجيران البارت العاشر
رواية ابن الجيران الحلقة العاشرة
” يوصلوا لجنينة فاضية وقدامها النيل علي طول ”
ملك بستغراب: ايوة وبعدين احنا جاين هنا ليه
علي : عشان تتكلمي … لازم تقوليلي حاجة معينة تبقا سبب ف اننا منبقاش مع بعض
ملك : انا معنديش حاجة اقولها … وكمان انا قولتلك كل حاجة امبارح
علي : لا عندك … عندك ومخبية .. مش ده السبب الي مخليكي رافضة يا ملك
ملك بتوتر وتنزل دماغها ف الارض : قصدك اي يعني هكون مخبية اي
علي ويرفع دماغها : ملك … انا عارف ان انتي كمان بتحبيني … بتعذبينا ليه … انا بحبك يا ملك ❤ … صدقيني اي حاجة انتي مخبياها هنقدر نعديها مع بعض
ملك تدمع وتلف تبص للنيل : علي انا قولتلك اني معنديش حاجة اقولها… لو سمحت متتغطش عليا … لو بتحبني بجد متسالنيش السوال ده تاني ” تتكلم وهي بتعيط ”
علي : تمام يا ملك … زي ما تحبي … يلا عشان نروح
ملك : ممكن تسبني لوحدي شوية وانا هبقا ارجع
علي : زي ما تحبي … سلام
” يركب ويمشي وتقعد هي تعيط ، يقف بعيد عنها بس يبقا شايفها عشان خايف ليغم عليها وهي لوحدها ، تقعد هي تعيط ، عند جاسر يوصل البيت ”
جاسر : باباا … بااابااا
” تيجي الشغالة ”
الشغالة : مدحت بيه مش هنا ده ف المستشفي
“جاسر يحدف المفاتيح ف الارض من الغيظ والبنت تتخض ”
جاسر بغيظ : ياااللهه انا حتي معرفش عنوانها … تمام روحي انتي
الشغالة : تحب احضرلك الغدا
جاسر : لا شكرا مليش نفس .. انا اسف لو اتعصبت عليكي
الشغالة : مفيش داعي يا فندم …. بعد اذنك
” تمشي ويحط ايديه علي دماغه ، ف المستشفي سليم ويوسف عاملين اجتماع ومدحت موجود معاهم فيه ”
دكتور : دكتور سليم .. في حالة عملت تحاليل واشعة وعرفنا انها عندها ورم ف المخ وعرفنا انه Glioma ( دبقي ) المشكلة يا فندم انه بيكبر بسرعة جدا وكمان الحالة لما عرفت ان نسبة نجاح استأصاله قليلة رفضت تعملها
سليم : الورم ف المنطقة دي بذات ف المخ بيبقا مش سهل ابدا استأصاله
يوسف : الخوف مش من استأصال الورم بس … الخوف من الي بيحصل للجسم اثناء العملية من انخفاض ضغط الدم والنبض
سليم : بس العملية لازم تتعمل ف اسراع وقت ممكن قبل الورم ما يكبر اكتر … حولي بيانات الحالة دي يا خالد و خلي حد يكلمها ضروري ويقولها اني انا شخصيا عايز اقابلها
الدكتور : تمام يا فندم
” مدحت قاعد وافتكر حالة ملك لان دي نفس حالتها يبص لسليم بحزن ويأس ، عند ملك شوية وتقوم توقف تاكسي والسواق ياخد باله ان في متوسيكل ماشي وراهم ”
السواق: المتوسيكل الي ورانا من اول الطريق ده تبعك يا انسة
ملك بستغراب: متوسيكل ! … ” تلف وتعرف انه علي تبتسم”
ملك ببتسامة : ايوة تبعي متقلقش
” بعد شوية يوصلوا وتنزل من التاكسي وعلي يجي بعدها ”
ملك بستهبال : الله مش كنت روحت
علي : كان ورايا مشوار كدا … يلا
” يطلع و تليفونها يرن ”
ملك : اي يا ماما انا طالعة عايزة حاجة من تحت
سلمي : لا يا حببتي ده انا كنت بقولك بس تطلعي علي طنط مريم عشان سليم ويوسف هيباتوا ف المستشفي انهاردة فهنبات معهم
ملك بصوت واطي : لا … لا اكيد لاا يعني اكيد مش علي حظي
سلمي : بتقولي اي مش سمعاكي
ملك : حاضر يا ماما … حاضر طالعة باي
” تطلع وتدخل علي شقتهم علي طول تتاكد ان امها مجتش ناحية الدرج تفتحه متلقيش الحاجة تتصدم وتطلع تجري علي سلمي ويفتحلها علي ”
ملك بخوف : ماما فين
علي : جوا ادخلي
ملك : مامااا …ماماا
سلمي : في اي بتزعقي ليه داخلة زريبة
ملك : انتي دخلتي اوضتي وانا برة
سلمي بستغراب : هدخل اوضتك اعمل فيها اي يا بنتي … في اي
ملك : اوما… ” تلف ” … علي بس🤦
” علي يغمض عنيه تفهم انه بيقولها ايوة ”
ملك : اصلل .. اصل كان في حاجات ليلي شيلاها معايا ف خفت تكوني افتكرتيها بتاعتي 😔
سلمي : لا متقلقيش انا مدخلتش اوضتك وانتي برة خالص
مريم : يلا اقعدي ارتاحي واحنا هنجهز الغدا
علي : تعالي هنطلع السطح شوية .. بعد اذنكوا .. يلا
” تطلع وراه ويقف يبقا باصص للسما وهي طالعة وراه دماغها ف الارض ”
ملك : التحاليل معاك صح 😔💔
علي : معايا … لما دخلت اخد الشنطة شوفتهم … الي عايز افهمه ازاي تخبي عليا يا ملك … انتي ليكي مين اقربلك مني اصلا عشان تخبي حاجة زي دي عليااا وتشيلي حمل زي ده لوحدك
” ملك تروح تقعد علي الكنبة وتفضل تعيط يروح يقعد جنبها وياخدها فحضنه ”
علي : اهدي .. اهدي .. هتعملي العملية وهتخفي ولا كان في حاجة
ملك : لا … لا مش هعملها ..لاا …. كدا هموت وكدا هموت … مش عايزة اموت وانا بعملها
علي يمسك وشها بايده : اياكي تجيبي السيرة دي علي لسانك تاني .. انتي هتعملي العملية وهتخرجي منها
ملك : نسبة نجاح العملية اقل 50 ف المية … وعشان موجود ف منطقة خطر جدا ف المخ .. ملوش علاج غيرها
علي بعياط : لو بنسبة واحد ف المية هتعمليها يا ملك … انا مش هسيبك تروحي من ايدي … انا بحبك يا ملك 💔
ملك : انا محبتش ولا هحب حد غيرك … بس انا مقدرش اوجعك كدا … سامحني يا علي .. سامحني غصب عني والله غصب عنيي 💔
” ياخدها فحضنه ويفضل يبوس علي دماغها ”
علي بعياط : ده امتحان من ربنا يا ملك … بيختبر قوة تحملك … وادهولك وهو عارف انك هتقدري عليه … وانا كمان متاكد انك هتقدري عليه
ملك : مش هعملها يا علي مش هعملها لو مفيش امل حتي فحياتي تاني غيرها … انا عايزة اموت وانتوا حوليا … وانت ماسك ايدي🤝🏻 …. تبقا انتوا اخر حاجة شفتها عيني يا علي …. مش عايزة اموت علي سرير العمليات وابقا وسط ناس معرفهاش … كدا هموت وكدا هموت … اموت وسطكوا احسن … ده هيهونها عليا وجودكوا جنبي هيهون عليا اي وجع واي تعب
علي : كلنا هنبقا جنبك يا حبيبتي والله كلنا هنبقا جنبك علي طول … انا عمري وعدتك بحاجة ومحصلتش يا ملك … هتخرجي من العملية وهنبقا مع بعض طول العمر … اوعدك 🖤
” تفضل تعيط وهي فحضنه وهو كمان يعيط ، يعدي الوقت وتطلع مريم علي السطح وتشوفهم وهما حضنين بعض تبتسم بفرحة وبعدين تندهلهم ”
مريم : من بكرة هعلق ورقة علي السطح مكتوب عليها مخصوص لعلي وملك اومال عذبتونا معاكوا ليه
” تخرج من حضنه وتمسح وشها بسرعة ومتبصلهاش ”
مريم بقلق وتروح تجري عليهم : الله … انتوا بتعيطوا … في اي
علي : ماما ….. احنا كنا عايزين نتكلم معاكوا فحاجة
“ملك تبصله برجاء وهي بتعيط ”
مريم : انتوا قلقتوني في اي يا علي اتكلم
علي بعياط : مينفعش يا ملك … مينفعش … هتعمليها وهتبقي كويسة يا ملك
مريم : ممكن حد ييفهمني في اييي واي هي الي هتعملها
علي : ملك .. ملك عندها ورم ف المخ يا ماما 😑
” تتصدم ومن الصدمة متنطقش ”
علي : لازم نتكلم مع بابا عشان هو الي لازم يعملها العملية
مريم : انتوا .. انتوا بتهزروا صح … ملك مين الي عندها ورم ..ملك مين ..ملك بنتي ..الي ربتها وكانت بتنام فحضني .. الي كانت بتقولي وهي صغيرة ماما … لا ” تاخدها فحضنها ” لا ملك مفيهاش حاجة اكيد في غلط …ملك مفيهاش حااجةة
علي بعياط : يا امي بالله…
مريم : اخرس .. مسمعش صوتك … ” تزقه بعيد عنها وتقعد مكانه وتاخدها ف حضنها ” امشي … امشي مش عايزة اسمع صوتك ..ازاي جالك قلب تقول عليها كدا … متخافيش يا حبيبتي انتي مفكيش حاجة يا نور عيني … مفكيش حاجة اكيد في غلط
ملك بعياط : للاسف مفيش غلط … مفيش
مريم بعياط وتبتديي تصرخ : لااا لااا ” تكتم بؤها باديها ”
مريم بعياط : سلمي … سلمي اقولها اي … سلمي بعتاني عشان الغدا .. اقولهاا ايي هاا اقول اي انطقوا … اقولها اييي اقوللهااا اييييي ” تفضل تضرب نفسها ”
ملك بعياط : انا اسفة … انا اسفةةة 😭
” تبصلها بحزن وتاخدها فحضنها ”
علي : مش هنقول لطنط حاجة الا لما يرجع بابا وعمي سليم … لازم يعرفوا مع بعض
” تفضل تعيط مريم وهي وخداها فحضنها ، بعد شوية ”
علي : ماما اهدي عشان طنط متخدش بالها زمانها قلقت اصلا … يلا يا حببتي يلا
ملك : عشان خاطري يا طنط عشان خاطري حاولي انها متحسش بحاجة عشان خاطري
” تمسك مريم ايد ملك وتبوس كفها ”
مريم : حاضر
” يقوموا وينزلوا ”
سلمي : ما شاء الله بعتك تندهيهم نمتي جنبهم فوق
مريم : اصلي … اصلي فرحت بيهم … طلعت لقيتهم حضنين بعض .. ف فرحت وقعدت معاهم
سلمي بفرحة : متقوليش يعني .. يعني انتوا دلوقت مع بعض
علي : يعني حاجة زي كدة ❤
” تحضن ملك وبعدين تحضنه ”
سلمي : طلعتوا روحنا الله يسامحكوا ❤ يلا يلا اقعدوا الاكل هيبرد
” يقعدوا الاتنين جنب بعض وملك مبتاكلش يبصلها علي بحب وتبتسمله ، يعدي اليوم ومريم وسلمي قاعدين قدام التليفزيون ”
سلمي : في مسلسل اسمه انت وطني حلو اوي اي رايك اجيبه يا روكا نشوف منه حلقة دلوقت
ملك : ده مليان عياط يا ماما ده كفاية نظرة ليون بس
علي : ليون مين ؟؟
ملك: بطل المسلسل اي
علي : راجل ولا ست ده يعني
ملك : في ست هيبقا اسمها ليون يا علي 😂
علي : وماله سي لمون ده يعني بتجيبي فسيرته ليه
ملك : عادي يعني شوفت كام فيديو ليه وحبيته
علي يتعصب : حبك برص
سلمي : يعني انت برص 😂
علي : يا طنط فصلتيني 🤦
مريم : خلاص يا ولاد يلا يا سلمي ندخل ننام
سلمي : طيب يلا ليتخانقوا تاني
” يقوموا ويدخلوا يناموا وتقعد ملك وعلي علي الكنبة ”
علي : اجبلك حاجة تكليها
ملك : لا مش قادرة انا هاكل لب
” يفضل باصص ليها بحب وهي مش واخدة بالها وتلف وشها بصدفة ”
ملك بتلقائية : اي ياض بتبصلي كدا ليه
علي بحب : عنيكي كانت وحشاني اوي اليومين الي فاتوا دول ❤
ملك : وانت دلوقت بتشبع منهم يعني
علي : لو فضلت عمري كله ابصلهم مش هشبع … بحبك 🖤
ملك ببتسامة : بص هو انا مبعرفش اقول كلام مزوق وبحبك ويا قلبي والجو ده …بس انا عايزة اقولك ان انا كمان بحبك … من يوم ما فتحت عيني علي الدنيا وانا بحبك … من ساعة ما عرفت اني في حاجة اسمها حب وانا بحبك ❤ …
” يبصلها ويبتسملها بحب ”
ملك : مش عايزة ابوظ اللحظة بس انا حبيت تعرف ده لاني مش عارفة انا هبقا معاك بكرة ولا لا … مش عارفة هقدر ابص فعنيك تاني ولا لا
علي : ملك بالله عليكي ما تقولي الكلام ده العملية هتعدي وهتبقي زي الفل …. تليفونك بيرن
ملك : ده رقم غريب … الو .. ” تستغرب ” جاسر ؟!!!
علي بعصبية : نعمممم 😡
_____________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابن الجيران)
