رواية ابن الجيران الفصل السادس 6 بقلم نانسي العربي
رواية ابن الجيران الجزء السادس
رواية ابن الجيران البارت السادس
رواية ابن الجيران الحلقة السادسة
كارما : انا مش فاهمة اي عدم الدم والكرامة والبرود الي انتي فيه ده واحد وخارج مع بنت خاله انتي اي الي يحشرك ويخليكي تيجي
ملك : انتي بتقولي اي انا وعلي متفقين علي اليوم ده من قبل ما تيجي اصلا
كارما : وحصل وجيت هو وخدك معانا عشان يوفي بوعده مش اكتر لكن الخروجة دي معمولة عشاني انا اصلا خليكي ببرودك معانا بقا
” تتعصب ودمها يغلي تاخد شنطتها وتنزل من العربية وتضحك كارما بنتصار ويبقا خارج علي من المطعم يشوفها بتوقف تاكسي يجري عليها ”
علي : في اي اي الي نزلك بصيلي وانا بكلمك هنا
ملك : علي فكرة كان ممكن اوي تقولي انك مش هينفع تخرج معايا انهاردة بدل الموقف الي حطتني فيه معاها ده
” توقف تاكسي وتركب وتمشي ، يتعصب وتنزل كارما من العربية وتركب قدام يروح يركب جنبها ”
علي بزعيق : انتي قولتلها اي
كارما : قولتلها الي المفروض يتقال دي واحدة باردة واحد وبنت خاله خارجين تنطي معانا ليه
علي بزعيق ونبرة بتحذير : دي اخر مرة تغلطي فيها تمام انا سكتلك كتير بس بعد كدة مش هعمل حساب لاي حاجة انا وملك لاول مرة فحياتنا بنتخانق انهاردة وبسببك
” تلف وشها الناحية التانية وهو يدور العربية ويلف ”
علي : ايوة يا مازن .. لا اليوم باظ بنسبالي خد ليلي ورحوا انتوا وبالمرة صالحها .. تمام ابقا كلمني
” يقفل ”
كارما : يعني اي مش هنخرج
علي : لا
” عند مازن يبقا واقف تحت البيت عند ليلي وهي مفيش دقايق وتنزل ”
ليلي: انت اي الي موقفك هنا مش المفروض هنخرج مع علي وملك وهنتجمع كلنا ف دريم
مازن : لا ما علي وملك مش جاين واحنا الي هنخرج
ليلي :ومين قالك اني هخرج معاك بقا
مازن : خلصي مترخميش بقا
ليلي : ما شاء الله امبارح كنت زنانة وانهاردة رخمة في حاجة تانية عايز تضيفها
مازن : اه في
ليلي : اتفضل
” يقوم يقف ويقرب عليها ”
مازن : انت زنانة ورخمة وغيورة ونكدية وبحبك
ليلي :وحد قالك اني ..بت اي
مازن : بحبك ❤ وبحب غيرتك وبحب جنانك وزنك وكل الي قولته من شوية يعني الي قولته ده كان الحاجات الي بحبها فيكي مش الي بكرها
ليلي ببتسامة : ثبتني انت كدة يعني
مازن : اخيرا الضحكة ظهرت ❤ يلا
” يمسك ايديها ويمشوا ”
” جري اي يا ملغبطني ومجنني وتاعبني سنين ❤… معقولة كدة يعني ما تسمعني وحن ولين 💙.. ، ااه يلا استهدا بالله واهدا وقرب تعالي … قرب جنبي يا تعب قلبي ده انا حالتي حالة ❤🖤 ”
” عند ملك ، توصل البيت وتفتح وتدخل ”
سلمي : الله اي الي رجعك … يا بنتي ردي عليا بكلمك
ملك بعصبية : ماما لو سمحتي سبيني فحالي
سلمي : ممكن تتكلمي وتقوليلي حصل اي
ملك بصوت عالي : محصلش يا ستي محصلللش مينفعش ابقا لوحدي مينفعش تسبيني لوحدي شوية !!
” متحسش سلمي بنفسها وتتعصب من صوتها الي علي زيادة عن الي زوم وهي مش حسة وتضربها بالقلم ، تتصدم ملك وسلمي كمان من الي عملته وتحط ايديها علي بؤها وملك تبصلها بحسرة وتسبها وتدخل اوضتها وتقفل الباب بالمفتاح دموعها تنزل وتجري علي باب الشقة وتخرج تروح لمريم تخبط وتفتحلها مريم وتتخض ”
مريم : في اي يا سلمي مالك
سلمي : ضربتها يا مريم لاول مرة بمد ايدي عليها
مريم : ادخلي وفهميني الي حصل
” تدخل وتقعد وتحكيلها ”
مريم : طب يا سلمي البنت مغلطتش دي كل الي طلبته انها تقعد لوحدها
سلمي : لما صوتها علي محستش بنفسي غير وانا بضربها
مريم : طب اهدي وهي شوية وهتهدا وتتصالحوا … بس الغريبة هي رجعت ليه
” عند علي يوصل ويركن العربية وتنزل كارما وهو كمان ويطلع جري علي شقة ملك يخبط محدش يفتح ، تفتح مريم الباب ”
علي : هي ملك عندك يا ماما
مريم : لا تعالي عايزاك
” يدخلوا ”
مريم : اقعد واحكيلي الي حصل
كارما : طب انا هدخل اغير هدومي وهرجع 😶
” تقوم وتدخل ”
علي : فهموني انتوا في اي ومالها طنط سلمي 😕
” تحكيله مريم ”
علي بغيظ : كله بسببها 😡
مريم : هي مين
علي : بنت اخوكي هو في غيرها قالت لملك كلام زي السم وملك مطقتش ونزلت من العربية وجت علي هنا وهي مش طايقة نفسها وحصل الي حصل 😡
سلمي : و كارما تقولها كلام زي ده ليه
علي : ده الي انا مش قادر افهمه
مريم : انا هتصرف خليكي يا سلمي رجعالك
” تقوم تدخل لكارما الاوضة ”
مريم : يصح الي قولتيه لملك ده
كارما : والله انا شايفة انكوا مدينها اكبر من حجمها اوي اي يعني بنت جارتكوا ومتربي معاها ف الاول والاخر جيران والمفروض متتعداش حدودها وهي معديها وجامد اوي كمان 🙄🙄
مريم : اسمعي يا كارما ملك الي بتتكلمي عليها دي بنتي زي ما علي ابني والكلمة الي تضايقها تضايقني ومتنسيش انتي هنا ضيفة كام يوم متبوظيش علاقات ناس بقالها سنين وهتيجي معايا دلوقتي وتعتذريلها 😡
كارما : مش هيحصل انا مش هعتذر لاسمها اي دي
مريم بضيق : يبقا تحجزي طيارتك علي المانيا من دلوقتي🙂
كارما : انتي بتطرديني يا عمتو 🙂
مريم : انا ليا كلام تاني مع ابوكي لا تيجي معايا لتحجزي طيارتك
كارما : انا اسفة مش هعتذر لحد .. بعد اذنك هلم شنطي
” تخرج مريم وتمسك كارما التليفون ”
كارما : ايوة يا بابا … معرفتش اعمل حاجة …يابابا مستشفي اي ده مبيطقنيش اصلا هخليه يحبني وكمان يخطبني … انا راجعة بكرة المانيا ومش هاجي هنا تاني ..سلام
” تبقا سمعت مريم كل حاجة تزعل من جواها علي تفكير اخوها بس متبينش ”
مريم : قوم يا علي روح لملك صالحها
علي : هاتي المفتاح هجبها واجي
سلمي : خد يارب تفتحلك باب الاوضة بس
علي : مش في مفتاح احتياطي
سلمي : هتلاقيه ف درج الشفونيرة
” يمشي ويخرج يروحلها ”
علي : ملك …مللك
” يروح علي الاوضة ويفضل يخبط ومفيش صوت يقلق ويجري علي الشفونيرة وياخد المفتاح يفتح الاوضة ويلاقيها واقعة علي الارض يجري عليها بخوف ”
علي بخوف ويخبط علي وشها: ملك .. ملك ردي عليا …ملك افتحي عنيكي وردي عليا 😥😥
” يسيبها ويقوم يجيب ماية ويدلقها علي وشها تكح وتبتدي تفوق ”
علي يتنهد : الحمد الله .. الحمدالله ” ياخدها فحضنه وبعد كام دقيقة تخرج من حضنه ”
ملك تتعدل : انت اي الي رجعك 😒
علي : انتي الي اي حصلك وقعتي قلبي
ملك : معرفش انا بعد ما دخلت الاوضة قمت عشان اغير هدومي محستش ووقعت
علي : قومي طيب غيري عشان متبرديش
” يعدلها ويخرج يستناها برة ، تقعد علي السرير و تفتكر لحظة ما حضنها وازاي كان خايف عليها ..تبتسم وتقوم تغير وتخرج ، تقعد علي الكنبة ويقوم يقعد جنبها ”
علي : انا اسف علي الي كارما قالته .. بس انا مكنتش هخرج من غيرك لو كان حصل اي كنت هحس ان اليوم ملوش طعم … متزعليش بقا ❤
ملك : علي انت معملتش حاجة تعتذر عنها … مش انت الي مضايقني … انا عمري ماا زعلت منك ولا هزعل مهما حصل .. ماما مدت ايديها عليا يا علي
” تعيط وهو ياخدها فحضنه ويمسح علي شعرها ”
علي : اي ده انت طلع عندك احساس وبتعيطي زينا وكدا 😂♥️
ملك : ليه وانا زيك 😂
علي : هو القلم مأثرش علي لسانك ليه
ملك : ليه وانا زي البت النايتي بنت احمد مرجان انا اكتئب اه بس اي انهيار عصبي دي مش فاهمة انا 😂😂
علي: قومي غيري هدومك يلا
ملك : ليه
علي : هنخرج طبعا وبعد كدا هنروح معمل التحاليل
ملك : ليه انت حامل ولا اي 😂
علي: دمك خفيف لدرجة اني مش قادر ابطل ضحك قومي يا خفة
ملك : طيب ياعم بس فكك من حوار التحاليل ده انا بخاف من الحقن
علي : انا مبخدش رايك ، هستناكي هناك انجزي
“يقوم ويخرج ويروح الشقة التانية ”
سلمي : بدل طولت كدا يبقا فتحتلك
علي : اه متقلقيش وهخدها ونخرج دلوقت بدل الخروجة الي اتضربت دي
مريم : ربنا يخليكوا لبعض ❤
سلمي : طب هقوم اروحلها
علي : هي جاية استني
مريم : بس تعالوا علي الغدا عشان هنتغدا سوا انهاردة
ملك: هتعمللنا اي علي الغدا يا روكا
” تقوم سلمي وتحضنها ”
سلمي : حقك عليا يا موكا
ملك : ايدك كانت تقيلة اوي يا سلمي اي ده😂❤
سلمي : مش هتتكرر تتقطع ايدي يوم ما امدها عليكي تاني حقك عليا يا حبيبتي
ملك : بعد الشر عليكي يا سوسو انتي كمان متزعليش صوتي علي زيادة
علي : يا جماعة هعيط كفاية 😂😂
مريم تضربه علي رجله : طالع فصيل زي ابوك 😒
علي : اه.. طب والله لقوله
ملك : انا جاهزة
” يقوم وياخدها وينزل ”
سلمي : خد بالك منها يا علي
مريم : ربنا يجعلكوا من نصيب بعض ❤
” ينزل ويركب المتوسيكل وتركب وراه ”
علي : تحبي تروحي فين
ملك : دريم طبعا انت بتسال
” يسرع وتحضنه اكتر من ضهره ويبتسم ، يمر الوقت وبعد شوية يوصلوا ، ويدخل يجيب التذاكر ويدخلوا ”
علي : تحبي نبدا باي
ملك : الشلال
” يدخلوا ويقفوا ف الطابور ويفضلوا يهزروا ويضربوا في بعض ويتصوروا لحد ما يجي دورهم ويركبوا العربية ”
علي : امسكي كويس لتطيري
ملك : اطير ليه انا غشيمة زيي….عاااااااااا 😨😨😨
” يضحك عليها وهي تفضل تصرخ وتمسك فيه ”
علي : كنتي بتقولي حاجة 😂
ملك : احنا اسفين يا صلاااححح 😂
” يضحك اكتر ويتغرقوا وهي كمان تضحك ، تخلص وينزلوا ويفضلوا يضحكوا علي منظرهم ”
ملك : علي
علي : اي
ملك : انا عايزة البندا دي 🐼🖤
علي : تعالي طب
” يروحوا عشان يضربوا نار ”
علي : هتلعبي انتي ولا العب انا
ملك : لا العب انت لموت الراجل واقول ان انت الي ضربت 😂
علي : طول عمرك واطية
” يديله الراجل البندقية ويكسبها و يجبلها البندا ”
علي : اتنيلي ياختي
ملك : انت مفيش منك يا برو 😂♥️
علي : طول عمري خيري عليكي اصلا 😎
ملك: شوف مهما تعمل مش هشتمك 😂
علي : وبعدين
ملك: العربيات
علي يهز دماغه بموافقة : العربيات
” يروحوا ويركبوها تركب هي فعربية وهو ف عربية وتفضل تخبط فيه وهو يخبط فيها تاخد بالها انا في بنت بتبصله تتغاظ وتروح وتخبطها وتبعدها عنه وتخبطه هو كمان وهو يخبطها ، يخلص الوقت وينزلوا ”
علي : مستواكي اتحسن جدا ف السواقة 😂
ملك : عيب عليك يابا هو انا اي حد 😎 تعالي نجيب ايس كريم 🌚🍦
” يروحوا ويجيبوا ويخبطها بيه ف مناخيرها وتتلحوس ”
ملك : تصدق ياض انك عيل طب اهو
” تعمله بيه فوشه ”
علي : يا بنت ال
ملك : هتشتم كمان اقول اي ما انت لولي هزعل من لولي 😂
” يبص علي للديسكڤري ويبصلها بخبث ”
ملك : لاا لا علي متهزرش
علي : دلوقتي بقيت علي مش كان من شوية لولي يا علي البني ادم يااا 😏
ملك : انت علي بيه باشا بس بلاش الزفتة دي 😟
علي : والله ابدا
” يشيلها ويروح بيها عند اللعبة ويقطع التذاكر وهو شايلها وعمالة ترفص يدخل ويقعدها ”
ملك : وربنا لوريك
علي : اخرجي من هنا بس الاول 😂
” تشتغل اللعبة وتطلع ف الاول هادية ومرة واحدة تنزل بسرعة جدا وتفضل تصرخ وهو بيضحك عليها ”
ملك : وربنا لوريك يا علي عااااااااا نزلوني من هنا يا ولاد الكللببب عااااااا يامااااااااااا
علي: خرمتي ودن اممميي
ملك : وربنا لنفخك بس انزل من هنا …وربنا دوخت مش قادرة ….الزفتة دي هتخلص امتتتييي 😡
” تعدي دقايق واللعبة تخلص وتنزل وتبقا بتتطوح يسندها وهو بيضحك ”
ملك : وليك نفس تضحك والله لوريك 😡
” تفضل تضرب فيه ويطلع يجري منها وتحس بدوخة جامدة متقدرش تجري وراه ”
علي : ايوااا دايخة بقا وهيغم عليكي وقلبي مش هتدخل 😂
” متبقاش سمعاه اصلا ومتحسش بنفسها غير وهي ف الارض يطلع يجري عليهاا ”
علي بخوف : ملك ..مللك خلاص انا اسف حقك عليا والله مللك
” تتلم الناس وتديله ماية ، يرش علي وشها ماية متفوقش يعمل تاني تبتدي تفوق وعنيها مزغللة ، ياخدها فحضنه اول ما تفتح عنيها ”
ملك : في اي يا عم
علي : وقعتي قلبي الله يسامحك … قومي يلا
ملك : علي فين
علي : هنطلع علي المستشفي
ملك : يابني بقيت كويسة والله انا دوخت من اللعبة بس
علي : اخرسي وامشي وانتي ساكتة
” ياخدها ويمشي وتاخد الدبدوب وتطلع تركب وراه وتربط الدبدوب من ورا ويطلع علي المستشفي ، بعد شوية يوصلوا ويدخلواا ويقابلوا الدكتور صاحب يوسف وسليم ”
علي : ازيك يا عمي
مدحت : ازيك يا علي بقالي كتير مشوفتكش انت وموكا وحشتيني يا بنت
ملك : انت اكتر والله يا عمو اومال فين بابا وعمو يوسف
مدحت: طلعوا مشوار للوزارة وراجعين بس خير انتوا كنتوا جاين عشانهم
علي : لا ملك اغم عليها انهاردة مرتين وطبعا انت عارف ان اكلتها مش ضعيفة خالص دي ناقص تاكلنا
” تضربه فكتفه ويضحك مدحت ”
علي : المهم ان كنا عايزن نعملها تحاليل
مدحت : طب يا ستي بسيطة تعالي معايا واستناها انت هنا
ملك : خد الدبدوب 🐼
” تمشي معاه ويقعد يستناها وهو قلقان ، ياخد منها عينة دم ويبصلها بشك ”
مدحت : قوليلي يا ملك .. بتحسي بزغللة ودوخة جامدة
ملك : اه والفترة الاخيرة دي حصلت كتير
مدحت : اغم عليكي قبل انهاردة
ملك : مش فاكرة بس تقريبا مرة من اسبوع
مدحت : بتحسي بصداع طيب او تكسير ف الجسم
ملك : اه كتير جدا وبيبقا وجعه فظيع جدا
مدحت : تمام تعالي معايا
” يقوم وياخدها الاوضة الي جنبه ويعملها اشاعة ”
مدحت للممرضة : الاشعة اول ما تخرج تجيلي علي اوضة اخذ العينات علي طول
الممرضة : تمام يا دكتور
ملك : هو في حاجة يا عمو
مدحت : لا يا حببتي ده زيادة امان بس
” يخرجوا ”
مدحت : استنوا شوية عقبال ما النتيجة تطلع وانا همر علي المرضي واجي
علي وملك : تمام
” يقعدوا ويمشي ”
ملك : مش مسمحاك بردو 😒
علي : اتفلقي عادي 😂
ملك : هي امك اتوحمت فيك علي ماية ساقعة 🙄
علي : ما بلاش انتي فحكاية الولادة والحمل دي ده امك ولدتك ف السوبر ماركت 😂😂
ملك : المرادي بقا سليم وسلمي 😂😂
” يعدي الوقت والممرضة تجيب التحاليل لمدحت ويشوفها ويقولها تندهله ملك بس ”
علي : طب هدخل معاكي
الممرضة : لا هو عايز حضرتك بس .. اتفضلي
” تمشي معاها ويقلق علي اكتر ،تدخله وتقعد قدامه ”
ملك : فياي يا عمو قلقتني !
________________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابن الجيران)
