رواية ابن الجيران الفصل الرابع 4 بقلم نانسي العربي
رواية ابن الجيران الجزء الرابع
رواية ابن الجيران البارت الرابع
رواية ابن الجيران الحلقة الرابعة
” ينزل ومريم وسلمي يبصوا لبعض بضحك وكارما تتغاظ ، عند ملك لسة واقفة علي البينچ ”
الدكتور : وهي الواقفة دي مريحاكي
ملك : لا انا هفهمك يا دكتور اصل انا حسيت اني تعبانة ومش مركزة ف قولت اخرج من غير ما اعمل صوت وازعج حضرتك يعني
الدكتور : وانتي كدة مازعجتنيش
ملك : غلطة وندمانة عليها
الدكتور : وبقولك واسمعيها خدي بعضك واطلعي برة ومتحضرليش تلات محضرات من انهاردة
ملك : يا استاذ هاني قصديي يا دكتور حضرتك فاهم غلط والله
الدكتور : برة
ملك : مبديهاش بقا
” تكمل تنطيط علي البينچات لحد ما تنزل ، وهي خارجة ”
ملك : احنا اسفين علي الازعاج يا دكتور
” تطلع تجري وتقفل الباب والسكشن كله يضحك وترن علي علي ”
ملك : اي يا علي جبت الساحرة الشريرة قصدي كارما
علي : اه وصلتها وجاي اهو عشان اخدك بس هو انتي مش خرجتي بدري
ملك : لا ما انا اتطردت اما تيجي بقا
” تطلع تستناه برة قدام الجامعة ، شوية ويجي علي وتركب وراه وشوية ويوصلوا ، وهما علي السلم ”
ملك : ورحت طالعة علي البينج ولسة بنط الدكتور قفشني وقلب فيها هاني شاكر ومنعني من دخول تلات محضرات ليه
علي : انا كنت عارف انك هتعملي مصيبة لما امشي 😂😂
” يطلعوا ويفتح علي الباب ”
ملك : اعمله اي يا عم بقا امك فين … يا روكاااا
” كارما تخرج من اوضة علي ”
كارما بزعيق : مين الحيوانة الي فاكرة نفسها ف بيتهم دي
” تلفلها ملك وهي حطة ايديها فوسطها ”
ملك بتحدي : هعرفهالك
” يجري علي يقف قدامها ”
علي: خلاص يا ملك عشان خاطري وانتي اتلمي يا كارما ملك فعلا في بيتها
كارما : انت بتزعقلي قدامها يا علي مين دي اصلا
ملك : والله اظن انه قال اسمي من شوية وغير كدا انتي عرفاني ولا ناسية مين الي كسرتلك سنتك اخر مرة كنتي هنا فيها 😏
” تحط ايديها علي بؤها ”
كارما بمياصة : انتي فين يا عمتووو
” تقلدها ملك وهي بتعوج بؤها ”
مريم : انا جيت اهو بس مش هتدخل عشان انتي الي غلطانة يا كارما ملك اتربت وكبرت هنا وده فعلا بيتها
ملك تقرب عليها تحضنها وتبوسها وتبص لكارما بنتصار : ربنا يخليكي ليا يا روكا انتي قولتي الي كنت عايزة اقوله كله
” تخرج من حضنها”
ملك : انا هروح بقا عشان تعبانة وعايزة انام
مريم : ماشي يا حببتي لو ماما عايزة حاجة اندهيلي
ملك : ماشي .. علي خد عايزاك
” تخرج ويخرج وراها وتبقا واقفة كارما هتموت من الغيظ ”
علي : اي تحبي ادخل اخدها جوزين اقلام
ملك : انا كنت هعمل كدة لولا كلام امك اصلا المهم البت دي هتقعد قد اي
علي : معرفش هي بقالها كتير منزلتش مصر
ملك : طيب انا هدخل انام وبقولك قسما بالله يا علي لو قربت ناحية البيجامة الصفرا لنفخك ومخليش فيك وفيها حتة سليمة اميين
علي : امين 😂😂😂
” تدخل ويدخل هو كمان ويخبط علي باب اوضته قبل ما يدخل ”
كارما من جوا : ادخل
” يدخل ويلاقيها ماسكة البيجامة ”
علي : البيجامة دي جيباها من دولابي صح
كارما : اه شكلها حلو اوي ممكن البسها
علي بسرعة : لااا قصدي اني كنت لابسها ومش نضيفة هاتيها
كارما : طيب انا هخرج عشان تغير هدومك وكمان زمان طنط وضبت اوضة الضيوف
” تخرج ويترمي هو علي السرير ”
علي : هوووففف
” عند ملك ، تغير وتقعد قدام التليفزيون وهي مبوزة شوية والباب يخبط ”
سلمي من جوا : افتحي يا ملكك
ملك : حاضر
” تقوم تفتح ويكون ابوها ”
سليم : اي ده انتي رجعتي من الجامعة امتي
ملك : حمدالله علي السلامة يا بابا لسة راجعة من شوية
“يدخل ويقفل الباب ”
سليم بستغراب : مالك مكشرة ليه
ملك : لا يا حبيبي انا تمام هدخل انام بس عشان لسة راجعة من برة وتعبانة
” تسيبه وتدخل اوضتها وتنام علي السرير وتنفخ بزهق ، برة سليم يدخل لسلمي المطبخ ”
سليم : مالها ملك
سلمي : بنت خال علي جت انهاردة مصر ومن ساعتها وهي مش طايقة نفسها
” يضحك سليم ”
سليم : غيرانة يعني
سلمي تبصله بخبث : زي واحد كان بيغير من ابن خالتي زمان كدا ؟
” يسب الخيارة من ايده ويبصلها بغيظ ”
سليم : واي الي جاب السيرة العكرة دي بقا الله الله
“يسبها ويخرج ”
سلمي بضحك : الله الله ! انت اتعديت يا سليم 😂😂
” صوت الباب ”
سلمي : افتح يا سليم
” يروح يفتح ويتصدم ”
سليم : شريف !!!
” عند علي يخرج من اوضته ويقعد مع كارما ف الصالة ويشغل فيلم ويوسف ف اوضته ومريم ف المطبخ ،تقوم كارما تقعد جنبه تلزق فيه يعني ”
كارما: في حاجة معينة بتحبها
علي : لا الريموت اهو هاتي الي انتي عايزاه
كارما : بقولك يا علي …هي ملك دي علي طول كدا
علي : كدا ازاي يعني
كارما : بتوصلها وتقعد معاها وبتقعد معاكوا ف البيت والحشرية الي هي فيها دي مبتزهقش منها يعني
علي يتعصب : اولا هي مش حشرية ملك دي حتة مني ومن البيت ده زي ما انا حتة منها ومن بيتهم ثانيا بقا وده الاهم ان الي انتي بتسميه حشرية ده انا بسميه حياتي كلها .. بعد اذنك
” تبقا واقفة مريم ف المطبخ وتسمعه وتبتسم بحب وتفرح من جواها ”
علي: انا هطلع مع ملك يا ماما السطح لو احتاجتي حاجة اندهي سلام
” يخرج ويقفل الباب وراه وتبقا قاعدة هي متغاظة ، يروح يخبط عليهم تفتحله وهي لابسة بيچامة نص كم وعليها روسومات شكلها حلو عادية بس بنسباله ضيقة ”
علي : اي يابت ده اول مرة اشوفك لابسة حاجة عدلة
” تبصله بانه يسكت ويدخل ،يدخل ويتصدم ويتعصب ”
علي ببتسامة مزيفة : معلش يا عمي هاخد ملك وندخل لطنط المطبخ ثواني… منورين
سليم بضيق : اتفضل يابني… منور يا شريف
” يشدها ويدخل المطبخ ”
علي بعصبية : مين الواد الي قاعد برة ده وازاي تقعدي كدة قدامهم
ملك : ده ابن خالة ماما وابنه فارس ومالها بيجامتي مش فاهمة
عليي : شايفة بنتك شاايييفةة
سلمي: انا مليش دعوة 😂
علي : ده قاعد يبحلق فيكي يا هانمم .. اقسم بالله ارزع دماغك فحلة الشوربة دي
ملك: انت اي الي جابك اصلا ما تقعد مع ست كارما بتاعتك
” يسكت ويجز علي سنانه وبعدين يقلع الچاكت ”
علي بعصبية : جلدك يقع من علي جسمك والجاكت ده ميقعش تمامم تعالي
” يشدها من قفاها وتضربه فكتفه ويخرجوا وهما بيضربوا بعض ويقعد جنب سليم ويقعدها جنبه ويلبسها الزنط وينزلوا علي وشها ويبص لفارس وسليم لشريف والاتنين مش طايقنهم ، تيجي سلمي تحط العصير ”
سلمي ببتسامة : منور يا شريف بقالنا كتير مشوفناكش
شريف : والله انتي كمان ليكي واحشة يا بنت خالتي ” يبص لسليم الي شوية وهيبلعه ” … كلكوا يعني
فارس ببتسامة وهو بيبص لملك : وانتي دخلتي كلية اي يا ميكي
علي بقرف : ميكي !!!
ملك : احم انا ف كلية الطب لسة سنة اولي وانت يا فارس 🙂
” يخبطها ف رجلها بغيظ لما تسأله ”
فارس: انا ف تالتة هندسة انتي جامعة القاهرة صح
ملك : اه ليه
فارس : طب ما محلولة اهي نبقا نتقابل هناك بقا
علي بغيظ : ونبي كوباية ماية يا طنطط
ملك : هقوم انا اجيب عايزها ساقعة
علي : تلج 😡
” تقوم تجري ”
سلمي: اومال مراتك مجتش معاك ليه يا شريف
شريف : مش اطلقنا يا بنتي من شهرين كدا
سليم بصوت واطي: ربنا نجاها
شريف : بتقول حاجة
سليم : بقول ليه يعني ليه طلقتها دي كفاية انها مستحملاك 😒
شريف : والله عندك حق بس نعمل اي بقا نصيب
فارس : الا صحيح مش تعرفينا يا طنط
سلمي: هاا ..علي ده ابني يعني انا الي مربيااه مع ملك كدا ابن جارتي الي قصادي هو وملك مفيش فرق بينهم ابدا … هقوم ااشوفها
علي : حبيبتي يا طنط والله ربنا يخليكي ليا 😊
فارس يعدل نضارته : امم متربي معاها زي اخوها يعني
علي بغيظ : واكتر يعني حتي عمي عارف ملك عندي اي 🙂
سليم : ربنا يخليكوا لبعض يا حبيبي
شريف : احنا باذن الله هنكرر الزيارة تاني وربنا يقدم الي فيه الخير بقا هههه 😁
سليم بقرف : تنور 😑
علي : مش فاهم
شريف : خلاص بما انك مش غريب بقا نتكلم والبنت وسلمي جوا كدا … الصراحة احنا عايزين ناخد ملك لفارس 😁
” يقوم يقف ويبصله بعصبية ”
علي : تاخد مين يا عم انت !! تخدوها فين
سليم : استني انت احم بس هو مش اكبر منها وبعدين البنت لسة بتدرس يعني
شريف : يا سيدي دول سنتين وكمان هي هتعمل اي بالشهادة مهي هتتجوز وتقعد ف البيت
سليم : ايوة بس..
يقاطعه علي : حضرتك سامع الي بتقوله ازاي يعني تقعد في البيت فين حياتها فين مستقبلها فين طموحها ابوها صرف عليها كل ده في سنين درستها عشان تقعد ف البيت
سليم : اهدا طيب
علي : استني انت بس يا عمي وبعدين يعني اي سنتين لا طبعا كتير في ناس ماتت وناس اتولدت ف السنتين دول في فرق تفكير في فرق طموح مينفعش طبعا مينفعش ابداا
سليم يهمس فودانه : حقيقي انت راجل ياض والله يسلم بؤك
علي : متقلقش يا عمي وراك رجالة
شريف : احمم احم طب احنا نتكلم ف الكلام ده المرة الجاية يلا يا فارس احنا دلوقت
سليم بفرحة ويقوم يقف ويشد ايده : نورت يا حبيبي متبقاش تقطع بقا مش كتير طبعا يعني كل كام سنة كدة ابقا تعالي خد بالك من بابا يا فارس بقا ها مع السلامة يا حبيبي مع السلامة
” يخرجوا ويبقوا قدام الباب ”
فارس : ابقا سلملي علي ميكي يا عمي
علي : معندناش حد بالاسم ده يا حبيبي
” يقفل الباب ف وشه بغيظ ”
علي وسليم ف نفس الوقت : هووووفف
” يخرجوا سلمي وملك ”
ملك :اي ده مشيوا ده مشربوش العصير
علي بتريقة : مكنوش جاين عشان العصير واخدة بالك يا ميكي 😏
ملك : الاسم خرا اوي فعلا
علي : هاتي الجاكت واخفي من قدامي
” تقلعه وتديهوله ويمشي وهي تدخل اوضتها ”
سليم : الواد افحم شريف افحممهه
سلمي : كويس انه مبلعوش😂😂
” يعدي الوقت واليوم يخلص ، بليل قاعد علي علي الكنبة جنب ابوه وكارما قاعدة جنب مريم ”
مريم : وانتي بقا اي الي نزلك مصر يا كوكي يعني طبعا نورتي بس اقصد في سبب معين
كارما : لا الحقيقة انا مصر وحشتني ” تبص لعلي ” واهلها كمان وحشوني ..وحضرتكوا طبعا ف قولت مفيش مانع من كام يوم اجازة
يوسف : نورتي مصر يا حببتي يارب تكون عجبتك بس
كارما : طبعا يا عمي عجبتني .. كل حاجة فيها عجباني
” علي باصص ف التليفون ومش مركز ويضحك مرة واحدة ”
يوسف : اي يهبل في اي
علي: ها انا يا بابا 😕
يوسف: في اهبل غيرك ف القاعدة
علي : اصلي بكلم ملك
كارما : هي مزهقتش بجد يعني مش مكفيها طول اليوم
علي : لو هي زهقت ف انا مزهقتش 😊 .. انا هدخل البلكونة شوية
كارما : تمام هاجي معاك
علي : تمام
” يدخلوا وتقوم مريم تقعد جنبه ”
مريم : ما تجبلنا بنات شمس يا يوسف
يوسف: لما نشوف ابن مريم هيعمل اي مع بنت سلمي الاول 😂
مريم : اسكت سلمي بتحكيلي كان هياكل الواد قريبهم عشان جاي يتقدم لملك 😂😂
” ف البلكونة تدخل كارما مع علي وتقعد علي السور ”
كارما : ممكن تسيب الفون شوية
علي :تمام سيبته
كارما : تعرف اني كنت مصاحبة قبل ما اجي مصر
علي : اكيد الكلام ده عندكوا عادي طبعا
كارما : ما اكيد هنا كمان كدا مش اسمها اي دي بردو مرتبطة
علي: ملك ؟؟ ملك مفيش راجل فحياتها غيري انا وابوها ومازن صاحبنا
كارما : طب ما في حد غيرك اهو لازقة فيك ليه بقا
علي : ممكن تبطلي تتكلمي كدا
كارما : عندك حق سيبك منها … الا قولي موحشتكش
علي : اكيد طبعا وحشتيني دول خمس سنين
” بلكونة شقة ملك جنبهم علي طول ولو وقفت تسمع كلامهم تدخل البلكونة علي جملة طبعا وحشتيني وتتصدم ”
_______________________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابن الجيران)
