رواية ابن الجيران الفصل الثاني 2 بقلم فاطمة علي
رواية ابن الجيران الجزء الثاني
رواية ابن الجيران البارت الثاني
رواية ابن الجيران الحلقة الثانية
= دخلت لانى اتخضيت من زعيقه اوى بس ايه الجمال دا بيغير بقى اشطاااا بدات ارقص واغنى بيغير عليا بيغير عليا زغلل عنيا زغلل عنيا ااااه يا قلبى حمش فى نفسه كدا يخواتى عليه ونبى لاجننه بقى
تانى يوم كان عندى جامعه وكنت خارجه بدندن علشان مبسوطه اوى من غيرة مؤمن انا طول عمرى بتمنى الى احبه انه يغير عليا من كل الدنيا حتى من اقرب الناس ليا وانا هقدر احتوى غيرته دى بس ثوانى هو انا اصلا لحقت احب مؤمن معقوله فى وقت صغير كدا وهحبه ليه يمكن علشان حلو وقمر وبعيون خضرا و دكتور فى الجامعه بس كل دى شكليات انا عايزة مواصفات معينه عايزة حد يحبنى ويحتوينى ويعوضنى حنان بابا الى مشوفتوش ويقربنى من ربنا ومن طاعته وكل دا انا لسه معرفوش عن مؤمن فرحتى خمدت فى لحظه لما عقلى اشتغل وفكر وبطلت دندنه وفوقت على صوته
– صباح الخير ياروما… ايه الروقان الى على الصبح دا ومالك واقفه كدا
= صباح النور يا دكتور لا ابدا مفيش حاجه بعد اذنك
اه صديته ومشيت انا اتعلقت بيه فى الوقت القصير دا لازم اهرب منه بس ازاى وهو فى البيت والجامعه معايا مش عارفه بقى وصلت الجامعه وروحت لنورهان بس فى زميل لينا وقفنا
_ صباح الخير على احلى بنات
_ صباح النور يا وليد خير
_ انا كنت عايز من روما كشكول المحاضرات علشان فى حاجات فاتتنى ينفع يا احلى روما
– لا يا بيه مينفعش
_ دكتور مؤمن فى ايه زميلتى و…
– انت مش تغيب وتصيع ومتحضرش وتيجى تعاكس و عايز كشكول المحاضرات احترم نفسك بدل ما اخدك عند العميد ونشوف حوار الكشكول يا غندور
_ خلاص يا دكتور اسف ومشى
= كنت مرعوبه من نظراته كان غضبان فعلا وكنت حاسه انه هيضرب وليد اصلا واد رخم بس نفسى اشكره علشان خلى مؤمن يغيير عليا
– تعالى على مكتبى يا انسه حصلينى بسرعه
= كنت مرعوبه وروحت المكتب وخبطت،،، ممكن ادخل
– تعالى اقعدى
= قعدت وهو قام وقفل الباب لانى سيبته مفتوح وقرب من الكرسى حط ايده الاتنين على كل ناحيه من مساند الكرسى وانا كنت مخضوضه ومتوترة اوى من قربه ،،، ايه فى ايه ابعد كدا ميصحش
– امال الى يصح انك واقفه تتسايرى مع الخنفث الى تحت دا = انا متسايرتش هو كان عايز كشكول المحاضرات و….
– الله قولتيلى بقى وياخد الكشكول ويكتبلك جواب حب وحركات الافلام الهابطه دى مش كدا
= شكلك بتتفرج على افلام قديمه كتير
– روميساء اتقى شرى واحذرينى انا طيب اه بس لما بقلب ببقى وحش اوى اياكى شوفى اياكى اشوفك واقفه بتتكلمى مع اى دكر خلقه ربنا وقتها استحملى الى يجرالك مفهوووم
= لا مش مفهوم انت بتكلمنى كدا على اساس ايه وصفتك مين اخويا خطيبى جوزى مثلا
– هبقى وقريب اوى هبقى كل حاجه فى حياتك ياروما مفهوم ومحدش يدلعك غيرى كمان انتى فاهمه
= ناقص تقولى متتضحكيش مع حد غيرى
– فعلا شاطرة انك فكرتينى
= انت هتجننى ايه انا فى الجيش
– اه فى الجيش مش من حق اى حديشوفك وانتى بتضحكى غيرى ومحدش يشوف جمال عيونك لما بتضحكى غيرى تعرفى ان عيونك سحرونى مع ان عيونى احلى ووقتها غمزلى
= عيل فصيل اقسم بالله زقيته ووقفت يا عم توم كروز ارحمنا مغرور على ايه يعنى بلا وكسه انا ماشيه بدل ما افرقع ،،،، مش انا قولتلكم عفويه زودوا عليها دبش بقى
خلص اليوم وروحت ووانا طالعه لقيت ابتسام نازله من عندنا
_ هو انا كل ما اجى للسفيرة عزيزة ملقهاش
= سومى وحشتينى والله الجامعه بقى
_ الجامعه ولا دكتور الجامعه
= هيييييييح اسكتى يا سومى على الى حصل بيغير عليا مووووت وشكلى وقت فيه ابن اللذينا ،،،حكتلها الى حصل كله هيجننى بيغيرته واهتمامه ويخربيته حاجه كدا تقفيل اجانب على راى البت نورهان الرخمه الى بتعاكسه وانا ببقى هولع بس عارفه مش هسيبهولها منا هتجوزه يعنى هتجوزه بقى هى قالت معايا خلاص كل دا بحكى وابتسام بتحاول تشاورلى ان فى حد ورايا وانا ولا واخده بالى،،،ايه يابنتى بتشاورى على ايه
_ بصى وراكى وانتى تعرفى الله يخربيتك
= بصيت ورايا براحه وانا بدعى ميكونش الى فى بالى بس مكنش حد غيره مؤمن يالهوى على الكسفه الى انت فيها يا حازم حازم الله يحرقك يا ابتسام انتى ونورهان وانا معاكوا فوق البيعه لقيته بيضحك جامد اوى وعرفت بردو ان كلامى طلع عفوى طلعت اجرى على الشقه وابتسام ضحك ومشيت وهو طلع ورايا من توترى وكسفتى بحاول افتح بالمفتاح معرفتش واول ما لقيته قدامى وقع من ايدى وطى جابه وحطه فى الباب وهمسلى
– عالفكرة عيون مؤمن مش بتشوف حد فى الدنيا غير روما وبس
= بصيتله بصدمه وهو لف المفتاح فى الباب واتفتح وطلع شقته دخلت وانا مصدومه ومكسوفه و عايزة اضرب نفسى محستش غير وانا بعيط من كسوفى واحراجى عدى اليوم والتانى وانا بهرب من مقابلته فى الجامعه او البلكونه او اى مكان حتى السلم وفات اسبوع من غير ما اشوفه كنت مشتقاله اوى بس كنت مكسوفه اكتر ومش عارفه هقابله بانهى وش ……
يتبع…
لقراءة الفصل التالي : اضغط هنا
الرواية كاملة اضغط على : (رواية ابن الجيران)
جميلة جميلة