رواية ابن الأكابر الفصل الثالث 3 بقلم فونا
رواية ابن الأكابر الجزء الثالث
رواية ابن الأكابر البارت الثالث
رواية ابن الأكابر الحلقة الثالثة
بصلي بغل وقرب مني عشان يضربني بس في لحظه لقيت حد مسك ايده ببص لقيته زين!!
مسك زين ايده وبصله بغضب_أنتَ بتعمل ايه
بصله الشاب بغضب_أوعي أنتَ مين أصلا اوعي سيبني عليها
مسكه زين من ياقة قميصة وأتكلم بصوت عميق_أهدى علي نفسك عشان متزعلش
خلص كلامه معاه بعدين بصلي وأتكلم بحدة_ايه اللي حصل!
بصيت للشاب وأتكلمت ببرود_العسل ده كان بيتحرش بيها وكملت بسخرية_وأنا كنت بقرصه من ودنه مش أكتر
زين بصلي شوية وبعدين اتكلم_أنهي واحده
شاورتله علي البنت_البنوته دي
زين بصلها_الكلام ده صح
البنت أتكلمت بخوف_ايوة
زين بص للشاب ده بغضب وبعدين مسكه من هدومه_تعالى معايا
كان الشاب لسه هيتكلم بصله زين وأتكلم بصوت هادي_مش عايز أسمع صوتك أمشي بالذوق
وبص للبنت وأتكلم بهدوء_وأنتِ لازم تيجي معانا عشان نعمل محضر
البنت بصتله بخوف وبعدين بصتلي قربت منها ومسكت ايدها_متخافيش زين باشا هياخد حقك
البنت بصتلي بخوف ودموعها نزلت_بب بس أنا عمري ما دخلت قسم أو عملت محضر مش هعرف أروح أنا خايفه
بصيت للبنت بحزن علي حالها وشددت علي مسكت أيدها وابتسمت_متخافيش
يلا تعالي
بلغت البنات إني همشي وطلعت معاهم زين أخد الشاب ده في عربيته وأنا أخدت البنت في عربيتي وطلعت وراه علي القسم
وصلنا ودخلنا علي مكتبه
دخل زين قعد علي مكتبه وقالي أنا والبنت نقعد والشاب ده كان واقف وباصصلي بغل وأنا كنت مبتسمه ببرود
زين بص للبنت وأتكلم بجدية_تقدري دلوقتي تحكيلي كل حاجه بالتفاصيل
البنت بصتله بخوف وبعدين بصتلي فقربت ومسكت ايدها وابتسمت_يلا
البنت بصتلي بعدين بصت لزين وخدت نفس عميق وبدأت تتكلم
_كنت نازله اقابل صحبتي واتفاجئت أن خطيبها موجود هو والشخص ده
وشاورت علي الشاب اللي واقف وكملت_كان بيقرب مني بشكل غير مباشر وإحنا ماشيين بس كنت بقول غصب عنه لكن لما وصلنا الكافيه وبدأ يلمسني بطريقة مش لطيفه مقدرتش أتكلم ولا أعمل ايه حاجه خوفت عشان محدش كان هيصدقني بس الحمدلله ربنا بعتلي الانسه دي وهي اللي انقذتني
كانت بتتكلم ودموعها علي خدها بصتلها بحزن وبعدين بصيت للشاب ده بشر
أتكلم الشاب بأندفاع_دي كدابه كل ده محصلش ده هي اللي بتتلزق فيا من أول ما شافتني
أتكلم زين بزعيق_أنتَ تخرس خالص
خاف الشاب من نبرة زين وسكت فجأة
أخد زين نفس عميق وبعدين بص للبنت_اسمك ايه
اتكلمت البنت بتوتر_نور
_تمام يا نور كل الكلام اللي قولتيه أتكتب وهيتم المحضر وتقدري تسيبي رقم فونك عشان أقدر أتواصل معاكي
بالفعل البنت كتبت رقمها وادتهوله
_تمام كده تقدري تتفضلي أنتِ دورك أنتهي
قومنا والشاب فجأة قرب من البنت لدرجه أنها خافت ورجعت وقفت ورايا
أنا بصيتله ببرود_ابعد
بصلي بغل_ماشي أنا هوديكم في داهيه
أتكلمت بأستفزاز_هتودينا الساعه كام
كان لسه هيقرب مني بس زين زعق جامد لدرجه أن كل اللي موجود اتخض_أرجع مكانك يا قذر أنا لغاية دلوقتى مش عايز اتغابى عليك
الشاب رجع بخوف وبصيتله بشماته وبعدين مسكت ايد البنت وخرجنا برا القسم
كانت البنت أيدها بتترعش ودموعها بتنزل بصمت
حاولت اطمنها_متخافيش خلاص الموضوع خلص
بصتلي وفجأة لقيتها بتحضني جامد وبتعيط_شكرا جدا ليكي مش عارفه من غيرك كنت هعمل ايه حقيقي شكرا
ابتسمت وبادلتها الحضن_حبيبتي أنا معملتش حاجه أنتِ زي أختي
بعدت عن حضني وأتكلمت بتردد_هو ممكن اطلب منك طلب
أبتسمت_أكيد أتفضلي
أتكلمت بتوتر_هو ممكن نبقي صحاب
أبتسمت علي لطافتها وبرائتها_اكيد أنا ليلي
مديت ايدي ليها وهي مددت ايدها برضو وسلمت عليا_وأنا نور
اتصاحبنا وأخدنا رقم بعض ووصلتها للمكان اللي كانت رايحاه وأنا رجعت تاني للكافيه وكملت شغل
علي الساعه ٩ بليل روحت عشان أشوف الناس الجديدة اللي دخلت واتفاجئت أنه أخويا ومراته
أبتسمت_ده الكافيه منور
ضحك أدهم_بصحابه يا حبيبتي
قربت منهم حضنتهم
_وعشان دي أول مرة تيجو هنا وأنتم متجوزين فليلتكم علي حسابي
فضلت اهزر معاهم شوية وبعدين روحت جبتلهم اللي طلبوه وسيبتهم لوحدهم
علي الساعه ١١
لقيت أدهم بيقرب مني_حبيبتي إحنا هنمشي عايزة حاجة
أبتسم _سلامتكم يا حبايبي
مشي أدهم ومراته وأنا بدأت انضف الكافيه عشان اقفل
كنت لوحدي
فجأة حد دخل الكافيه بس كان مديني ضهره
روحت عشان أقوله أن الكافيه اتقفل لسه هكلمه لفلي
أتكلمت بصدمة_بابا
بصلي وأترسمت علي وشه ابتسامه سخريه_يااه بقالي كتير مسمعتش الكلمة دي
بصتله بسخريه فكمل_بس ايه العز اللي بقيتي فيه ده لاء وسايبه ابوكي مرمي في الشارع
بصتله ببرود_أنتَ اللي مشيت
بصلي وأتكلم ببرود_واديني رجعت
بصتله بهدوء_يعني
بصلي وابتسم ببرود_يعني مش همشي تاني
بصتله وأتكلمت بسخريه_وجودك مش مرحب بيه
بصلي وأتكلم بجمود_مش بمزاجك
ضحكت بسخرية_فوق يا بابا اللي أنتَ بتحلم بيه وأنك تاخده ده كله ملكي أنا واخويا وماما أنتَ ملكش اي حق فيه ولو نسيت افكرك
بصلي بغضب_أنتِ عيله متربتيش وكل اللي أنتِ فرحانة بيه ده بتاعي
ضحكت بسخريه_أرجع من مكان ما جيت بهدوء عشان متزعلش من ردة فعلي
بصلي وأتكلم ببرود_يلا بينا عشان نروح بيتنا يا… بنتي
بصتله بهدوء_أتفضل حضرتك أرجع من مكان ما جيت مش هعيدها تاني
والبيت اللي إحنا عايشين فيه مش هتعتبه حتي
ولو سمحت اطلع عشان اقفل الكافيه
بصلي بغضب_ماشي يا ليلي صدقيني هتندمي
خرج هو من هنا وأنا شيلت قناع القوة اللي علي وشي
راجع ليه؟!
راجع بعد ايه؟!!
جاي يفتكر أن له أهل دلوقتي!!!
اتنهدت ومسحت دموعي وقفلت الكافيه وروحت علي عربيتي واتجهت للبيت ومكنتش واخده بالي من العيون اللي بتراقبتي!
روحت البيت ماما مكنتش موجودة عشان كانت عند زين
يعني كنت لوحدي
دخلت بهدوء أخدت شاور ولبست لبس بيتي مريح عبارة عن شورت واصل للركبة وتيشرت حملاته عريضه
سرحت شعري ولميته كحكة وروحت المطبخ أعمل الآيس كوفي بتاعي
عملته واخدته وطلعت البلكونه زي روتين كل يوم
مسكت الفون وبدأت ابعت لماما إني روحت البيت
ولسه رايحه أقعد في هدوء لقيت الباب خبط
استغربت لأن الساعه داخله علي واحده
دخلت لبست روب غطي جسمي كله حطيت الفو ن في جيب الروب وطلعت عند الباب
_مين
ملقتش رد والباب خبط تاني
أتكلمت بنفاذ صبر_قولت ميت
مفيش رد بردو ولسوء حظي أن الباب مفهوش عين سحريه اقدر ابص علي اللي برا
اتنهدت بخنق بسبب الشخص اللي عمال يخبط ومش بيرد
فتحت الباب بعصبيه_خير نع…
سكت لما لقيت بابا واقف برا وباصصلي بخبث
بصيتله بصدمة وضيق_نعم عايز ايه
في لحظه لقيته زقني جامد ودخل لدرجة ان ضهري اتخبط في ترابيزة كانت جنب الباب شوية
صرخت بألم وبعدين بصيتله بضيق_ايه اللي أنتَ عملته ده
دخل بكل برود وقعد علي الكنبه وحط رجل علي رجل فوق الترابيزة اللي قدام الكنبة
بصيتله بعصبيه_أتفضل أطلع برا بالذوق
بصلي باستفزاز_ولو مطلعتش بالذوق
بصيتله وأتكلمت ببرود_هبلغ عنك
بصلي بسخريه_في واحده محترمة عايزة تحبس ابوها
رديت ببرود_اه أنا
بصلي بغيظ بعدين بص لأرجاء الشقه_مش بطاله الشقه دي
مردتش عليه فكمل_أنا مش خارج من شقتي
ضحكت بسخرية_شقتك ضحكتني
بصلي بغضب وفي لحظه لقيته قام وقرب مني مسكني من دراعي جامد وشدني وراه وفي لحظه فتح الباب وزقني وقفل في وشي
أنا كل ده كنت مكنتش مستوعبه ايه اللي حصل دقيقه واستوعبت واتعصبت وبدأت اخبط علي الباب بعنف_أفتح أفتح لو راجل
بقي بتطردني من بيتي أفتح بقولك
وبكل برود لقيت النور اللي قدام باب الشقة انطفي
أتصدمت من بجاحته
لقيت فوني بيرن طلعته من جيب الروب بعصبيه لقيتها ماما
رديت بعصبية_ألو
أستغربت رحاب_مالك يا ليلي في ايه
انفجرت في العصبية مقدرتش استحمل_في أن جوزك جالي لغاية عندي وعرف مكان البيت لاء ومش كده بس لاء ده دخل بكل بجاحه وراح طاردني من بيتي وقفل الباب وأنا دلوقتي واقفه قدام الباب بتاع شقتي بهدوم البيت ومش عايز يفتحلي
علي الجانب الآخر كانت رحاب بتحضر العشاء لزين وبتحطه علي السفرا
وكانت بتكلم ليلي في التلفون وبعد ما سمعت كل كلامها شهقت بصدمه والطبق اللي في ايدها وقع اتكسر ميت حته
صوته كان عالي لدرجه أن زين دخل بسرعة يشوف في ايه
أتكلم زين بقلق_داده أنتِ كويسة
بصتله رحاب بعدين ردت علي ليلي_ ليلي حبيبتي متتحركيش من مكانك أنا هكلم أخوكي ولا بلاش لاء أخوكي فرحان مع مراته مش عايزة أنكد عليه
أنا مسافة السكة وجاية هحل الموضوع متتحركيش ها وافضلي واقفه مكانك متنزليش تحت أبدا يا ليلي دي شقة كلها شباب اوعي يا ليلي تنزلي وأنتِ بلبس البيت
هنا انفرجت ليلي لدرجة أن صوتها كان عالي وزين سمعه_تحلي!!تحلي ايه
بقولك أنا برا شقتي بلبس البيت الحمدلله إني لبست الروب قبل مافتح
وربنا هعمله محضر واجيب البوليس دلوقتي
قفلت ليلي السكة
أتكلمت رحاب بخوف_لازم الحقها لازم
طلعت تجري برا وزين طلع وراها بسرعه_استني يا دادة هوصلك مش هينفع تمشي لوحدك
بالفعل ركبت رحاب مع زين وراحوا عند ليلي في أقل من تلت ساعة بسبب سرعته
عند ليلي كانت لسه بتكتب رقم البوليس عشان ترن لكن فجأة الفون فصل
أتكلمت بعصبيه_أوف وده وقته
رجعت اخبط علي الباب بعنف بس لا حياة لمن تنادي
بعد مرور وقت مش كتير لقيت ماما طالعه علي السلم بتجري
_ليلي حبيبتي أنتِ كويسه
اتعصبت غصب عني_لاء يا ماما لاء
ماما هنا طلعت المفتاح روحت خطفته من ايدها وبدأت افتح الباب بعصبيه
الباب اتفتح فزقيته بعنف ودخلت لقيته قاعد بكل اريحيه بصلنا واتصدم وهنا محستش بنفسي
جريت نحيته وبعنف مسكته من ياقة قميصه وصرخت_يا جبروتك يا اخي جاي تتطلعني من شقتي ايه يا اخي ايه وبعدين راجع ليه ها ليييه مش كنت غورت في داهيه راجع تقرفنا تاني لييه
فجأة عم الصمت في المكان بعد القلم اللي نزل علي وشي
ماما شهقت بصدمه
أتصدمت وسيبت هدومه براحه وبصيتله بصدمه وسرعان ما تحولت لغضب
_أنتَ بتضربني
خدت فون ماما اللي كانت ماسكاه_ماشي أنا هجبلك اللي يتعامل معاك
وبعدت في لحظه قبل ما ياخد الفون مني وكنت لسه هرن علي البوليس بس لفيت بسرعه لما سمعت صويت ماما
بصيت بصدمة علي المنظر اللي قدامي
لقيته ماسك ماما وحاطط علي دماغها سلاح وأتكلم بكل برود_هتبلغي عني هخلص عليها
بصيتله بصدمة_ عايز تخلص علي مراتك!!!!
فجأة تدخل صوت تاني_ايه اللي بيحصل هنا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابن الأكابر)
