رواية ابنه بائعه الخضار الفصل العاشر 10 بقلم هبة نصر
رواية ابنه بائعه الخضار البارت العاشر
رواية ابنه بائعه الخضار الجزء العاشر
رواية ابنه بائعه الخضار الحلقة العاشرة
سمر / وكمان مرتب كل حاجه .. مش سهل انت بردو يا ابيه
سليم / عيب عليكى ..
ليدخل سليم والبنات محل المجوهرات
عفاف / الف مبروك يا امل
امل / الله يبارك فى حضرتك
عفاف / ايه حضرتك دى .. انتى زي سمر تقوليلى يا ماما
امل / حاضر يا ماما
سليم / انا عايزك تختارى كل اللى يعجبك يا امل
امل / ملوش لزوم كل ده .. حاجه بسيطه وخلاص
ليبدا العروسان فى اختيار الشبكه تحت نظرات الحقد من مروه والفرح والسعاده من الباقى
عفاف / معقول دا بس اللى اختارتيه
امل / كفايه .. وبعدين انا بحب الحاجات الهاديه
سمر / واو .. ذوقك جميل يا أمل
سليم / طب ممكن اجيب انا الدبله على ذوقى .. ليطلب من الصائغ دبله الماظ والتوينز بتاعها
لتشهق مروه فور سماعها لكلمه الماظ .. ليلتفت لها الجميع .. لترتبك وتتصنع انها عندها ( زغطه)
سمر/ الف سلامه عليكى يا مروه .. ايه رائيك فى الدبله اللى اختارها ابيه سليم لأمل
مروه ببسمه خبيثه / جميله يا حبيبتى .. مبروك عليه ..
امل بفرحه / ايه رائيك يا ماما .. ايه رائيك يا عبير
امال بفرحه اكبر / الف مبروك يا حبيبتى .. ربنا يهنيكى
سليم / ممكن ايدك .. ليلبسها الدبله فى يدها لترتفع الزغاريط والتهانى والمباركات
عفاف / ايه رائيكم الفرح بعد شهر من النهارده .. يعنى زى النهارده الشهر الجاى
امل /بس انا عندى مذاكره .. وباقى ٣ شهور على الامتحانات
سليم / انا موافق .. ومتقلقيش من حاجه .. وزى ما وعدتك .. هفضل فى ضهرك لحد ما تحققى حلمك
وبعد ان يتفق الجميع يوصل سليم امل وامها واختها
امال / ما تطلع يا بنى تقعد معانا شويه .
سليم / مره تانيه .. علشان امل عندها مذاكره كتير
امال / طب اسبقونى انتوا يا بنات …. لتصعد امل وعبير
امال / سليم بيه .. انا مش عارفه اشكرك ازاى على اللى انت عملته معايا
سليم / عملت ايه
امال / كفايه انك مقولتش لحد انك تعرفنى وانى كنت ممسوكه تسول
سليم بإستغراب / انا … ولا عمرى شفتك قبل كده
امال ببسمه / انا عارفه انك ابن اصول .. وان انت اللى بعت اللى اسمه وليد للمعلم سعد وشال سكينته من على رقبتى
سليم / انا عايزك تنسى اى حاجه حصلت قبل كده .. لتأخذه امال فى حضنها .. انت مش عارف انت بقيت ايه بالنسبه لى
فى حاجه يا ام امل .. مين الراجل ده .. تقولها احدى الجيران
امال/ مفيش يا حبيبتى .. دا خطيب امل بنتى .. سليم بيه .. وكيل نيابه اد الدنيا .. والفرح كمان شهر
لترتفع زغاريط الحاره التى بدورها ترتفع فى الحاره كلها مهنئة ام امل بهذا الزواج … ليستاذن سليم .. وتصعد امال لشقتها وبناتها
لينتهى اليوم سعيد على الجميع حزين على مروه وعمرو
…………………………………..
مروه / الف مبروك يا امل
امل / الله يبارك فيكى .. عقبالك
مروه / بس يكون عريش غنى ومتريش زى عريسك
امل / الفلوس مش كل حاجه .. أهم حاجه الحب .. الضهر.. السند
مروه / دا كلام روايات ..
امل / بالعكس انا عمرى ماكان همى اتجوز راجل غنى او فقير .. دا ما كان حلمى انتى اتجوز راجل يكون امانى وسندى
مروه /يعنى لو كان اتقدملك واحد فقير كنتى هتوافقى بيه
امل / لو بحبه وحاسه ان هو ده اللى هحس معاه بالامان هوافق
مروه / امال رضيتى ليه بالالماظ
امل / والله ما بالالماظ ولا بالدهب .. على فكره انا بحب الفضه .. ولو كان جابلى الشبكه فضه .. بردوا كنت هوافق
عمرو من خلفهم / الف مبروك يا امل
لتسأذن مروه وتتركهم
لتهم امل بالمغادره .. ليمسكها عمرو من ذراعها .. ارجوكى استنى
لتشد امل ذراعها من يده / لو سمحت . قولت لك الف مره ابعد عنى
عمرو / انا اسف .. ارجوكى سامحينى .. انا جاى اباركلك .. واقولك الف مبروك
امل / بعد كل اللى انت عملته معايا .. جاى دلوقتى تقولى مبروك
عمرو / ارجوكى سامحينى ..ولو ممكن تتعتبرينى صديق او اخ .. وننسى كل اللى فات ونبدأ صفحه جديد .. ليمد يده لأمل بالسلام
امل وهى تمد يدها / نبدأ صفحه جديده كزمايل واخوات
ليمسك عمو يدها ويرفعها على فمه ويقبل يدها
امل / وبعدين يا عمرو .. احنا اتفقنا على ايه
عمرو / انا اسف .. بعد إذنك
لتاتى سمر / هو الواد ده كان عايز منك ايه
امل / ابدا كان بيعتذرلى عن اللى عمله قبل كده وطلب اننا نبقى زى الاخوات
سمر / غريبه .. اشمعنى دلوقتى
امل/ اهو اللى حصل بقى ..
سمر / اعملى حسابك بعد الكليه هنروح لأكبر مصمم ازاياء علشان يعملك فستان الفرح
امل / ليه دا كله
سمر / من غير نقاش .. دى اوامر عليا
……………………………….
عمرو / عملتى اللى قولت لك عليه
مروه / عييب .. دا انا مروه .. سجلت كل كلامها معايا .. وصورتك فيديو انت وهيا
عمرو / برافو عليكى
مروه / بس هتعمل اللى قولتلى عليه دا ازاى
عمرو / انتى ناسيه ان فيه برامج لقص الكلام وتركيبه علشان يظهر الكلام بمعنى تانى .. والفيديو بردوا هيتقص ويظهر على انه فيديو غرامى واحنا واقفين مع بعض
مروه / دا نت داهيه
عمرو / وانتى بلوه يا حياتى
لترتفع ضحكات المجرمين على ما سيفعلوه فى ضحيتهم .
………………………….
ليمر الشهر سريعا فى تجهيزات الفرح من فستان وبدله ودعوات وتجهيز جناح لسليم وزوجته فى بيت العيله … ليأتى يوم الفرح فى اكبر الفنادق
لتنزل امل مع جارهم .. وهو يعتبره الجميع كبير الحاره.. وهو من اصر على ان يكون هو وكيلها فى عقد القران وانه من سيسلمها لعريسها
ليبدأ حفل الزفاف .. ويرقص الجميع بفرحه وسعاده تحت نظرات مروه الحارقه لأمل .. لينتهى الحفل .. دائما ما تنتهى اللحظات السعيده سريعا
ليصعد العروسان الى جناح خاص بالعروسان بالفندق
امل .. احنا رايحين فين .. هو احنا مش هنروح البيت مع ماماوسمر وشريف
سليم وهو يقترب منها / احنا هنقضى الليله دى هنا وبكره ان شاء الله هنسافر نقضى شهر العسل .. ونبقى نرجع على البيت
ليرن تليفون سليم
امل / التليفون بيرن .. شوف مين لتكون حاجه مهمه
سليم وهو يغلق التليفون / هتلاقيه شريف او حد من صحابى بيرخموا عليا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
