رواية ابنه بائعه الخضار الفصل السادس 6 بقلم هبة نصر
رواية ابنه بائعه الخضار البارت السادس
رواية ابنه بائعه الخضار الجزء السادس
رواية ابنه بائعه الخضار الحلقة السادسة
سعد / خير يا باشا اؤمرنى
امجد / ما انا هؤمرك فعلاً … وانت مش هتعمل حاجه غير انك تنفذ الامر
سعد وهو يخبط بيده على المكتب امامه/ هو انت مين علشان تكلمني كده .. انا ممكن مطلعكش من هنا حى
امجد وهو يضع رجل على رجل ويشير له بأن يجلس / الحبتين دول وفرهم للصبيان اللى عندك
سعد بصوت مهزوز/ انت عارف انا ممكن اعمل فيك ايه .. انا ممكن اخلى الصبيان بتوعى يعملوا معاك الصح
امجد وهو يخرج المسدس ويضعه امامه على المكتب / مش عيب على دكر شنبه فى وشه يستقوى على واحده ست
سعد بغباء / ست .. ست مين انا مش فاهم حاجه
امجد / الوصل اللى انت خليت الست امال تمضى عليه
سعد / ااااه .. وانت مالك ومالها .. واحده خدت منى بضاعه ومدفعتش تمنها .. مش لازم اضمن حقى
امجد /حقك .. بس هى خدت منك ايه بالظبط .. علشان يبقى المبلغ نص مليون جنيه
سعد بإرتباك / دا وصل صورى علشان اضمن انها هتجيب الفلوس فى معادها
امجد / من غير كلام كتير .. هات الوصل وخد فلوسك
سعد / فلوس ايه لا مؤاخذه
امجد / ال٥٠٠٠ جنيه اللى عليها
سعد / وهى بقى اللى بعتاك
امجد /ملكش دعوه مين اللى باعتنى .. اتفضل خد فلوسك وهات الوصل
سعد / معقول يا باشا .. وصل ب نص مليون جنيه .. اخد فيه ٥٠٠٠ جنيه بردوا
امجد / امال انت عاوز كام
سعد / ٢٠٠٠٠٠ الف جنيه بس
امجد / على فكره انا ممكن اخد الوصل من غير ما ادفع ولا مليم .. ف خليها تتحل ودى .. لانى بصراحه بحب العنف اوى
سعد بخوف / ه هو ده اللى عندى
امجد بصوت عالى نسبيا / هما خمسين الف جنيه .. ومتحلمش بمليم زياده
سعد بتفكير سريع / تمام يا باشا .. اتفضل ادى الوصل .. فين الفلوس
امجد وهو يخرج شنطه وبها المبلغ المتفق عليه / حسك عينك أعرف انك ضايقت الست امال .. والطلب اللى انت طلبته منها تنساه نهائى
سعد وهو يعد الفلوس بطمع / ما خلاص بقى .. خيرها فى غيرها .. ليقول بخبث بصوت غير مسموع … بردو مش هسيبك يا امل
وينصرف امجد ليذهب للست امال لينفذ ما قاله له مديره شريف
امجد / ازيك يا ست امال
امال / اهلا يا باشا .. معايا خضار طازه يستاهل بقك
امجد / انا مش عايز خضار .. اتفضلى
امال / ايه دا ..دا الوصل اللى كنت ماضيه عليه .. انت اخدته من المعلم سعد ازاى
امجد / مش مهم ازاى .. المهم انه بقى معاكى دلوقتى ومش هيقدر يهددك
امال / يا انت كريم يارب .. هو حضرتك من طرف وكيل النيابه .
امجد / لا ..مش مهم انا من طرف مين .. المهم انك تتفضلى معايا دلوقتى ..
امال / على فين .. والفرش هعمل فيه إيه
امجد / هتعرفى دلوقتى .. والفرش ممكن اخل حد ياخد باله منه
ليأخذ امجد امال ويذهب الى محل فاكهه فيه جميع انواع الفاكهه والخضار
امال /دا المحل اللى هاخد منه الخضار بدل المعلم سعد
امجد / المحل ده بتاع حضرتك .. علشان محدش يتحكم فيكى
امال بدهشه / بتاعى انا .. ازاى يا باشا
امجد / المحل دا يا ست امال .. واحد من رجال الاعمال لما عرف مشكلتك اطوع انه يحلهالك .. وكمان جابلك المحل ده شركه بينك وبينه . هو بالمحل والبضاعه ونتى بالاداره والمجهود
امال / بس دا كتير اوى .. انا مش عايزه المحل دا .. انا هرجع للفرش بتاعى
امجد / حضرتك انا رسول .. وما على الرسول الا البلاغ ويعطيها مفاتيح المحل
ليتركها امجد فى المحل لا تصدق ما حدث وتضرب كف عل كف .. لتدخل سعاد .
سعاد / فيه ايه يا امال .. ومحل مين ده
سعاد بذهول / مش عارفه .. واحد ادانى المفاتيح وقالى ان المحل دا بتاعى
سعاد / بجد .. الف بركه ياختى .. ربنا عوض صبرك خير .. طب والفرش هتعملى بيه ايه
امال /هه .. الفرش .. معرفش .. اقولك خليه ليكى .. استرزقى منه هو كمان .. واى حاجه انتى عيزاها من هنا تعالى خديها ومتشليش همها
سعاد / بجد .. ربنا يوسع عليكى وما يحرمنى منك
امال / انتى اكتر من اختى .. ومفيش فرق بينا
………………………….
شريف/ عملت ايه
امجد /نفذت كل الل حضرتك قولت عليه
شريف / وهى كان رد فعلها ايه
امجد / كانت رافضه المحل .. لولا انى سيبت لها المحل والمفاتيح ومشيت .. وحطيتها ادام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
