رواية ابنه بائعه الخضار الفصل الرابع 4 بقلم هبة نصر
رواية ابنه بائعه الخضار البارت الرابع
رواية ابنه بائعه الخضار الجزء الرابع
رواية ابنه بائعه الخضار الحلقة الرابعة
ليسرح سليم فى امل الى ان يقطع احلامه دخول احد العساكر وهو يؤدى له التحيه العسكريه
العسكرى/ تمام يا فندم
سليم / فيه ايه يا ربيع
العسكرى ربيع / بعد اذن سيادتك .. فيه مجموعه من المتسولين مترحلين من القسم النهارده .. وجاهزين للعرض على سيادتك
سليم / طب دخلهم
ليدخل المتسولين الغير مباليين لما يحدث مععم ومعظمهم وجههم مألوف بالنسبه لسليم الى ان يلفت نظره سيده ابكى بحرقه وتضرب وجهها بيدها
سليم / خدهم بره دلوقتى يا ربيع .. استنى انتى يا ست .. اسمك ايه
الست / امال عبد المجيد
سليم / انتى ايه حكايتك .. شكلك مش شحاته
امال / والله يا ابنى انا مش شحاته .. ومنه لله اللى كان السبب
سليم / اتفضلى اقعدى واحكيلى كل حاجه .. يا ربيع
ليدخل ربيع ويخرج بعد ان يأمره سليم ان يأتى بعصير ليمون للست امال
امال /والله يا بيه انا نش شحاته .. منه لله اللى خلانى اسيب بيتى وبناتى وامد ايدى للناس
سليم / مين ده
امال / المفترى ابو عين فارغه .. جوز الاتنين اللى عايز يتجوز بنتى غصب يا إما يدخلنى السجن
وتبدأ امال فى سرد ما حدث معها لسليم
سليم / حسبى الله ونعم الوكيل.. هو لسه فى ناس كده
امال / علشان عارف اننا مالناش راجل .. دا امل بنتى بتطلع الاولى على كليه العلوم كل سنه .. ويمكن تطلع بعثه لألمانيا بعد ما تنجح السنادى .. اما مش خايفه عليها .. انا كل خوفى على بنتى عبير .. هسيبها لمين لو انا دخلت السجن
سليم وشعر بخفقان قلبه بعد ان سمع اسم امل وانها فى اخر سنه كليه علوم / هى بنتك اسمها ايه
امال / امل حلمى
سليم / بعد ان تأكد ان بنت الست امال هى امل نفسها التى خطفت قلبه
سليم / طب اتفضلى يا ست امال روحى .. ومتقلقيش .. سبيلى موضوع سعد ده وانا هخلصه
أمال/ يعنى اروح لبناتى يا بيه .. والمحضر اللى اتعملى فى القسم
سليم ببسمه / اتفضلى يا ست امال .. والمحضر اهو
ليخرج المحضر من بين المحاضر الذى امامه ليقطعه امامها
لتخرج امال وهى تدعى لسليم بالصحه والستر
لينادى عليها سليم
امال / أيوه يا بيه
سليم / ادعيلى ربنا ينولنى اللى فى بالى
امال /دا انا هدعيلك فى كل ركعه يسترك زى ما سترتنى وينولك كل الل فى بالك ويريح قلبك
سليم / اللهم امين .
لتخرج امال وهى تبكى من الفرحه .. وتجرى تشترى بكل ما معها من اموال اكل لبناتها وتنتظرهم فى البيت .
……………………………………
مروه وهى تنفخ دخان من فمها / انا لازم اعرفهم الاتنين دول … واللى اسمها امل دى .
عمرو وهو يأخذ منها السيجاره / متشغلش بالك يا عمرى ..انا كمان مستحلف للى اسمها امل دى .
مفضلش الا حتة بت زى دى وترفضنى .. دا انا عمر الهلالى .. متجيش حتة بت زى دى وتقولى لأ
مروه وهى تأخذ منه السيجاره / يعنى هتعمل ايه
اصبرى بس لأخر يوم امتحانات وانتى تعرفى انا هعمل ايه
………………………………
امل / انا دماغى ورمت من كتر المحاضرات
سمر / ومين سمعك .. هتعملى ايه دلوقت
امل / هروح المكتبه .. عايزه اجيب كتاب .. عارفه فيه تجربه فى دماغى لو نجحت .. يبقى ان شاء الله هتقوى موقفى فى انى اخد البعثه
سمر / حبيبتى ربنا يوفقك .. يلا انا جايه معاكى
امل / يلا بينا
سمر/ عارفه يا أمل .. انا ربنا بيحبنى علشان اتعرفت عليكى .. كان زمانى باخد السنه فى سنتين و ولا حاجه فارقه معايا
امل / دا انا اللى امى دعيالى علشان ربنا يرزقنى بصديقه زيك .. وبعدين امتى جواكى حاجه حلوه .. وانا يا دوب شاورتلك عليها
سمر وهى تحضن امل / حبيبتى ربنا يحفظك . انا ماليش اخوات بنات وانتى اكتر من أختى
أمل / وانا ليا اخت واحده ولما عرفتك بقوا اتنين
ليتجه الاثنتان الى المكتبه للبحث عن الكتاب واستعارته
……………………………
سعد / هو انت فاكرنى عايز اتجوز اللى اسمها امل دى علشان بحبها .. انا منكرش انها عجبتنى اول ما شفتها ..
شفيق صديقه / امال عايز تتجوزها ليه . انت مش خايف من المعلمه سميه
سعد بصوت منخفض / وانا ايه اللى هيخوفنى .. وبعدين انت عارف ان المعلمه سميه خلفتها كلها بنات
شفيق / طب ما هى جوزتك علشان تجيب الواد
سعد / اعوذ بالله .. دى جوزتنى بنت عمها .. علشان تبقى تحت طوعها .. بعد ما قطعت الامل انها تخلف تانى
شفيق / امال عايز تتجوز اللى اسمها امل دى ليه
سعد / شابه وحلوه وصغيره .. وبعدين جابت الولد هتفضل على ذمتى .. مجابتش الولد .. شهر شهرين واطلقها
شفيق / وتغرم شقه وشبكه ومهر
سعد / ههههههههههه ومين قالك انى هغرم حاجه ..
الشقه موجوده .. شقه المزاج بتاعتنا .. والشبكه اى حاجه . والمهر مش هدفع .. انت ناسى انى ممضى امها على وصل امانه
شفيق / دا انت داهيه
سعد / امااال .. انت فاكرنى تلميذ ولا ايه
……………………………
سليم / بعد اذنك يا ماما .. انا عايزك فى موضوع
عفاف /اتفضل يا حبيبى
سليم / انتى بقالك فتره بتتحايلى عليا فى حاجه كده
عفاف / اوعى تقولى انك نويت تفرح قلبى وتتجوز
سليم وهو يهز رأيه بالموافقه
عفاف / ومين بقى سعيده الحظ دى اللى جابتك على وشك
سليم بإرتباك / امل صاحبه سمر
عفاف / بجد .. دى سمر بتشكر فيها جدا .. وكفايه انها هى اللى خلت اختك تهتم بمذاكرتها .. وكانت السبب امها ترتدى الحجاب
سليم بفرحه / يعنى انتى موافقه يا ماما ومعندكيش اعتراض
عفاف / هعترض على ايه يا حبيبى
سليم / يعنى .. علشان اهلها ناس على قد حالهم
عفاف/ وانت تعرف عنى كده .. وبعدين انت ناسى انى انا كمان اهلى ناس على قد حالهم .. وان باباك حبينى وحارب جدك والعيله كلها علشان يتجوزنى .. وانا مستحيل اخليك تعانى زى ما ابوك كان بيعانى مع جدك والعيله
سليم وهو يقبل يد امه / ربنا ما يحرمنى منك ابدا
عفاف / ولا منك يا حبيبى .. شوف عايز تروحلهم امتى وانا معاك
ليسمعوا صوت زغروته رجالى من خلفهم
عفاف / اسكت .. صوتك وحش
شريف وهو يجلس بالمنتصف / ايه يا ماما بزغرت لسياده المستشار .
سليم / انت سمعتنا
شريف / سمعت كل حاجه .. كنت جاى ولما سمعت سيره جواز وقفت علشان اتسنط
سليم وهو يخبط شريف فى رأسه / انت مش هتكبر أبدا
عفاف / عقبالك انت كمان يا حبيبى
شريف / بس الاقى اللى تجبنى على بوزى زى سياده المستشار
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
