رواية ابنه بائعه الخضار الفصل الرابع عشر 14 بقلم هبة نصر
رواية ابنه بائعه الخضار البارت الرابع عشر
رواية ابنه بائعه الخضار الجزء الرابع عشر
رواية ابنه بائعه الخضار الحلقة الرابعة عشر
مروه وهى تتحدث فى التلفيون/ براااافو عليك .. دا الراجل مش بعيد يولع فيها النهارده
عمرو/ عيب عليكى يا قلبى .. هو انا بلعب .. انا حلفت انى لازم اندمها على اللى عملته معايا .. انا واحده زى دى تضربنى بالقلم وتفرج عليا الكليه كلها
مروه / بس تصدق صعبت عليا .. بس تستاهل طالعه فيها وعامله بنت بارم ديله .. على ايه دا امها بياعه خضار
عمرو / طب الخطوه الجايه ايه
مروه / الخطوه الجايه دى عليا انا .. اقفل انت بقى دلوقتى علشان اتصل ب سولى اطمن عليه
لتقفل مروه الخط وتتصل على سليم
………………………………
سليم وهو ممسك بيد امل بقوه / ايدك متلمسنيش .. وياريت تخليكىفى حالك وكانى مش موجود معاكى فى الاوضه .. وانا هعتبر انك مش موجوده معايا ولا فى حياتى
امل بألم / ايه اللى حصل لكل ده .. انا عملت ايه
سليم / انتى عارفه عملتى ايه .. ربنا بعتلى اللى كشف حقيقتك .. انا كنت غلطان لما اتسرعت واتجوزتك
امل وهى تشد يدها من يده بالقوه وبصوت عالى / لا يا حضرة وكيل النيابه .. ياللى بتطبق العدل .. المفروض اعرف تهمتى ايه .. ومين اللى قالك واتهمنى بإيه .. اظن دى ابسط حقوقى
سليم / انتى ملكيش حقوق عندى .. وادام الناس هنفضل زوجين سعداء مبسوطين زى اى اتنين فى شهر العسل .. لكن بينى وبينك .. اوعى اسمعك بتنطقى اسمى حتى بينك وبين نفسك .. وكل طلباتك هتبقى مجابه .. كل اللى بتحلمى بيه هيتحقق
امل بقوه / براحتك اللى انت عايزه اعمله .. انا مش هدافع عن نفسى .. لان شكلك اصدرت الحكم قبل حتى ما تسمع الدفاع
لتتركه امل وتدخل الحمام .. التى تنهار بمجرد اغلاقها الباب
امل وهى تجلس فى احدى زوايا الحمام وتبكى بحرقه على فرحتها واحلامها / معقول ياسليم تطلع كدبه .. معقول انت السند اللى انت وعدتنى بيه
لتقف وتنظر فى المرأه على وجهها الاحمر من البكاء والكحل اسفل عينيها
امل لنفسها / اوعى .. اوعى تضعفى .. انتى طول عمرك قويه .. اوعى تسمحى لأى حد انه يقف فى طريق حلمك ..من دلوقتى محدش هينفعك الا دراستك وشغلك .. هما دول قيمتك فى الدنيا
لتخلع ملابسها وتنزل تحت مياه الدش البارده تبرد نارها .. لتخرج من الحمام بالبرنس .. لتجد سليم يجلس شارد .. لينظر لها بمجرد خروجها من الحمام .. لتتجاهله وتدخل غرفه الملابس دون ان تنظر له .. لتبدل ملابسها استعدادا للنزول لأمها واختها وفى هذه الاثناء يأتى تليفون لسليم ..
سليم / الو .. ثوانى معايا
لتخرج امل كن الغرفه وتضع مكياج خفيف دون ان تلتف لسليم لتتركه بالغرفه
سليم / ايوه يا مروه .. خير فى حاجه
مروه / قلقت عليك .. فحبيت اطمن .. انت عامل ايه دلوقتى
سليم / انا كويس .. الحمد لله
مروه / الحمد لله يا حبيبى .. قصدى الحمد لله
سليم / ممكن تقفلى دلوقتى يا مروه .. مش قادر اكلم حد
مروه / انا مش هضغط عليك .. بس ممكن ابقى أكلمك تانى
سليم / تمام اتفقنا .
لتغلق مروه الخط .. انا وراك وراك ياسليم .. مش هسيبك الا لما ترميها فى الشارع وتتجوزنى
…………………………
لتنزل امل على السلم وعلى وجهها ابتسامه جميله ولا يعلم احد بوجعها
امال / فيه ايه يا امل . مالو سليم هو كويس
عفاف / فيه ايه يا امال . مش شايفاها نازله وشها بيضحك وكمان اخدت دوش وغيرت هدومها .. افهميها انتى بقى
امل وهى تنظر للارض مدعيه الكسوف .. عن اذنكم انا هروح اشوف عبير وسمر .. لتجلس الفتيات فى جو من الضحك والمرح بعد ان قررت امل ان ترمى كل ما يوقفها عن تحقيق حلمها خلف ظهرها . وتركز فى مستقبلها ومذاكرتها
………………….
لتمر فتره الشهرين ونصف
امل اهتمت بمذاكرتها امتحانتها وقدرت انها تعوض ما فاتها .. والحقيقه انها كانت بتنسى همومها والامها بالمذاكره ..
سليم قويت علاقته بمروه التى اصبحت تحدثه وتقابله كل يوم .. وانخرط هو الاخر فى عمله والذى ساعده فى ذلك انشغاله بقضيه من اكبر القضايا التى مرت عليه .. ليرجع اخر اليوم ليجد تسأولات من عفاف عن وضعه هو وزوجته .. معللا انه عنده قضيه كبيره يعمل عليها وان امل لديها امتحانات ولا يريد ان يشغلها ..
………. ………………..
لينتهى الامتحانات وتظهر النتيجه وكالعاده امل هى الاولى على الدفعه .. اما سمر تخرجت بتقدير جيد جداً ..
العامل / استاذه امل .. العميد طالبك فى مكتبه
لتذهب امل للعميد / ايوه يا فندم .. حضرتك طلبتنى
العميد / الف مبروك يا امل ..
امل / الله يبارك فى حضرتك .. حضرتك طلبتنى
العميد / انا طلبتك علشان اسلمك جواب البعثه ..بصراحه هو فى مكتبى من فتره وكنت مستنى لما النتيجه تطلع .. اللى انا متأكد منها
امل بفرحه / يعنى انا خلاص اختارونى للبعثه
العميد / اكيد .. انتى وقع عليكى الاختيار من التيرم الاول .. دى اوراق البعثه .. بس لازم توقيع زوجك علشان تسافرى
لتستأذن امل من العميد وتخرج لسمر التى تنتظرها بالخارج ..وتعود امل وسمر لتجد الجميع يعمل على قدم وساق ..
سمر / هو فيه ايه يا ماما .. اوعى يكون عندكم فرح ومقلتليش
عفاف / لا يا حبيبتى . دا سليم كلمنى وقالى انه عامل حفله لزملائه ورؤسائه علشان اترقى .. وكمان علشان نجاحكم ..
سمر / بجد .. الف مبروك .. يعنى نجاح وترقيه فى يوم واحد
عفاف / الف مبروك النجاح يا امل …مبروك ياسمر
سمر / مبروك كده حاف .. فين هديه النجاح
عفاف / يا مسروعه .. اصبرى على رزقك
امل / طب عن اذنكم انا هطلع فوق علشان مش قادره
عفاف / على فين يا أمل .. تعالى معايا انتى وسمر .. ( لتدخل بهم عفاف لحجرتها ) انا جبت لكم الفساتين دى علشان حفله النهارده .. لانى عارفه ان مفيش وقت علشان تنزلوا وتلفوا على المحلات واشتروا حاجه جديده .. يلا كل واحده تختار لها فستان
لتجرى عليها سمر وتحضنها / ياسلام يا ماما يا جامده .. عامله حساب كل حاجه انتى
امل / مكنش له لزوم التعب ده يا ماما
عفاف / ملوش لزوم ازاى .. انتى ناسيه ان دى اول حفله بعد جوازكم .. وهيبقى موجود فيها كل قرايبنا واصحابنا علشان يتعرفوا عليكى
لتكمل عفاف / يلا كل واحده تاخد فستان وتنام شويه علشان تعرفوا تسهروا بليل
لتصعد كل من امل وسمر لغرفتها .. وبعد مرور الوقت تستعد سمر التى تنزل لأسفل
سمر / هى فين امل يا ماما
عفاف / لسه منزلتش .. اطلعى شوفيها اتأخرت ليه
سمر /انا هطلع اشوفها علشان لو عايزه مساعده
لتصعد سمر لتجد امل ما زالت فى السرير ..
سمر وهى تفتح النور / انتى لسه نايمه .. قومى يا حجه ورانا حفله وناس جايه
امل بتعب / اطفى النور والنبى يا سمر وسبينى نايمه
سمر / قومى علشان تجهزى .. الناس قربت توصل
واثناء حديثم تجرى امل على الحمام ممسكه ببطنها والتى تخرج وهى دايخه ولا تستطيع المشى
سمر وهى تسند امل / مالك يا امل . انتى تعبانه .. ثوانى هطلب الدكتور
امل / لا مفيش داعى .. خلى اى حد يعملى بس حاجه سخنه وانا هبقى كويسه
سمر / انتى حامل ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
