رواية ابنه بائعه الخضار الفصل الثالث عشر 13 بقلم هبة نصر
رواية ابنه بائعه الخضار البارت الثالث عشر
رواية ابنه بائعه الخضار الجزء الثالث عشر
رواية ابنه بائعه الخضار الحلقة الثالثة عشر
عفاف وهى تاخذ امل فى حضنها وتطبطب عليها / اما يجى انا ليا كلام تانى معاه .. لازم اعرف ايه مبرر اللى بيعمله دا كله .. دا انتو مكملتوش ٢٤ ساعه جواز
امل / ارجوكى يا ماما .. بلاش تقولى له حاجه .. مش عايزاه يعرف انى اتكلمت معاكى
عفاف/ليه يا امل .. زى ما هو ابنى انتى خلاص بقيتى بنتى .. ولا انتى مش معتبرانى زى مامتك
امل وهى تقبل يديها / والله ما قصدى ..انا بس مش عايزاه يعرف انى حكيت لحضرتك حاجه .. علشان ميزعلش .. وكمان لو فيه مشكله افضل ان احنا نحلها من غير ما حد يعرف
عفاف / ربنا يكملك بعقلك يا حبيبتى .. ليقطع حديثهم صوت عبير وهى تصرخ بإسم امل وتجرى عليهم
امل وهى تفتح ذراعيها / عبييير .. وحشتينى يا مجنونه .. وتأخذ امها فى حضنها .. وحشتونى .. عاملين ايه من غيرى
عبير / يعنى كان لازم تتجوزى .. البيت وحش من غيرك ..ومين هيزاكر لى لما تبقى قيه حاجه واقفه ادامى
امال/ عيب يا عبير اكبرى بقى واعقلى .
امل/ سبيها يا ماما .. يعنى كلامها دا جديد عليا
امال/ انا اسفه يا مدام عفاف .. اصل امل كانت وحشانى ونسيت كل حاجه لما شوفتها
عفاف / ولا يهمك .. انا عارفه .. بس بلاش مدام عفاف دى .. زى ما بقولك يا امال تقوليلى يا عفاف
لتأخذ عفاف امال للداخل بعد ما امرت احدى العاملات بعمل عصير بارد لأمل وعبير وسمر التى انضمت لهم بعد ان سمعت صوت عبير … لتجلس الثلاث بنات فى جو ملئ بالحب والضحك والهزار
……………………….
مروه / انت هتفكر انى غيرانه وحاقده على امل .. بس محدش فيكم عارفها زيى .. كلكم انخدعتم فى وش البرأه اللى هى لبساه .. حتى الانسان الوحيد اللى انا حبيته واتمنيته اخدته منى
سليم بصدمه / ايه اللى انتى بتقوليه ده
امل / انا سكت كتير وقلت هتحس بيا .. انا بحبك من اول ما شفتك .. من وقت ما كنت بتوصل سمر واحنا فى سنه اولى .. حاولت الفت نظرك ليا .. حاولت اكلمك واصارحك بس كسوفى وحيائى هما اللى منعونى.. ولما خطبت امل .. قلت لنفسى مدام هتبقى مبسوط وسعيد معاها وان وهى اللى هتقدر تلاقى عندها الحب اللى مش هقدر اديهولك انا .. لكن لما صارحتنى باللى فى قلبها وانها اتجوزتك علشان تهرب من الفقر وتبقى غنيه .. مقدرتش اسيبك مخدوع
سليم / وايه اللى خلاكى تبعتيلى التسجيلات يوم الفرح .. ليه مش قبلها
مروه /لانى افتكرت انها ممكن تكون غيرت رائيها واحساسها اتغير من ناحيتك .. بس لما دخلت عليها الاوضه قبل ما تطلع تاخدها .. ولقيتها فرحانه بالطقم الالماظ اللى انت جبتهولها هديه .. وانها خلاص هتودع الفقر وانك بالنسبه لها فلوس بس مش حبيب او سند.. صدقنى مقدرتش انى اسكت اكتر من كده
سليم / طب والصور دى .. تعرفى الشخص ده
مروه وهى تنظر للموبايل / ايوه اعرفه .. دا عمرو زميلنا .. واحد من ضحايا امل .. ابوه رجل اعمال وامل كانت متفقه معاه على الجواز بعد ما تخلص الدراسه .. ولما عرفت انها هتطلع البعثه .. طلبت منه انها تأجل الجواز بعد ما ترجع من البعثه . فعمرو حس انها بتتهرب منه . قالها انهم ممكن يكتبوا الكتاب ولما ترجع يبقوا يتجوزا .. ولما رفضت اتخانقت معاه وقالت انه بيعاكسها ..
سليم / ومين اللى قالك كل الكلام ده
مروه / امل اللى قالتلى .. لما سألتها .. ليه اتخانقتى مع عمرو .. قالتى ليه تربط نفسها بواحد لما ممكن تلاقى حد احسن واغنى منه
سليم / وانا ايه اللى يثبتلى كل كلامك ده
مروه / انا ممكن اتصل بعمرو ويجى هنا دلوقتى ويأكد لك كل الكلام اللى انا قلته
سليم / طب اطلبيه .. ولما يجى .. تستأذنى وتدخلى الحمام .. علشان عايز اتكلم معاه لوحدنا
لتتصل مروه بعمرو الذى يأتى على المكان المتواجده فيه هى وسليم .. التى تستأذن لدخول الحمام بعد جلوس عمرو والتعرف على سليم
سليم / انا عايز اعرف انت ليه بعت لى الصور دى
عمرو / لانى حبيت انتقم منها .. لازم ادمرها واكسر قلبها زى ما كسرت قلبى ..انا عمرى ما حبيت حد ادها .. بس للاسف فضلتك عليا .. مع انى كنت مستعد استناها لحد ما ترجع من البعثه .. وانا اسف انى بقولك الكلام ده .. بس برغم اللى عملته فيا انا لسه بحبها .. ومش بإيدى
لتأتى مروه / انتوا ليه مخلصتوش كلام
ليقف عمرو مستأذن وينظر لمروه بخبث .. التى تبتسم له بخبث بعيدا عن نظرات سليم الشارده والمصدوم فى حبيبته
سليم / قومى يلا علشان اوصلك … لتقوم معه مروه .. وتركب معه السياره ..
مروه وهى تمسك يد سليم وهو كالمغيب / انا اسفه يا سليم .. لو ممكن تسمحلى ابقى اتصل بيك اطمن عليك
سليم وهو يهز رأسه بالموافقه وهو سارح فى الطريق
…………………………..
ااااه .. يصرخ بها شريف بعد ان صدمت رأسه الكره التى يلعب بها البنات .. لينظر لعبير التى تضع يدها فمها من الخوف وضحك امل وسمر
ليذهب عندها شريف / لما انتى مش اد اللعب بتلعبى ليه ..
عبير / ايه يا عم انت .. هى انا يعنى خبطتك بالطوبه فتحت دماغك ان شاء الله .. قصدى لا سمح الله
شريف / بس ياماما .. اكبرى وتعالى اتكلمى
عبير/ اكبر .. ليه هو انت شايفنى نوغه ادامك ومعايا ببرونه
شريف / انا سمعت انك لسه سايبه الببرونه السنه اللى فاتت . . لسه مفطومه جديد يعنى
عبير وهى تلتقط طوبه من على الارض / طيب مشى من ادامى بدل ما افتح دماغك ويقوله اللى لسه مفطومه السنه اللى فاتت فتحت دماغك
شريف / لااا انتى فكرانى كبير .. دانا فى كى جى وان ياماما .. يعنى لو انتى عيله انا اعيل منك
لتاتى امل وسمر وهم مش قادرين ياخدوا نفسهم من الضحك
سمر / خلاص ياشريف
امل / خلاص ياعبير
عبير وشريف فى صوت واحد / سبينى عليه / عليها
ليدخل سليم دون ان يلتفت لهم .. ليسلم على امه ويقبل يدها ويسلم على امال ويصعد غرفته .. بحجه انه متعب ويريد ان يرتاح .. لتتركهم امل وتدخل خلفه
امل / هو فين سليم ياماما
عفاف / لسه طالع حالا .. اطلعى اطمنى عليه علشان بيقول ان هو تعبان شويه
امل / حاضر ياماما
لتصعد امل لتجده واقف امام الشباك عاقد يديه . لتذهب له وتخضنه من ظهره وتضع خدها على كتفه
امل / ممكن اعرف مالك
سليم وهو يشيل يدها من عليه / ملكيش دعوه .. واوعى تانى مره تلمسينى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
