رواية ابنة عمي ولكن الفصل الثاني 2 بقلم أسيل البنا
رواية ابنة عمي ولكن الجزء الثاني
رواية ابنة عمي ولكن البارت الثاني
رواية ابنة عمي ولكن الحلقة الثانية
ادهم.. انا موافق نكتب الكتاب بس بشرط
خالد.. قول
ادهم.. محدش يعرف خالص بالكلام ده غير اللي في البيت بس
خالد.. وده ليه ان شاءلله انت عامل حاجه وحشه
ادهم.. لو سمحت يابابا انا عايز كده
خالد.. طيب امرى لله انزل يلا سلم على عمك
معاذ خرج برا يستقبلهم سلم علي خالد وادهم مد ايده ليه
معاذ خده بالحضن.. عامل ايه يا ادهم والله وكبرت اخر مره شوفتك فيها كان عندك سنه ونص هههه
ادهم حس بشعور غريب يمكن حنيه او حب من ناحيته ارتاحله يعني بادله الحضن وابتسم له
خالد.. امال لارا فين
معاذ.. بتلبس وخارجه اهى انت عارف البنات بقي
ادهم تليفونه رن بعد عنهم شويه ورد
لارا خرجت كانت لابسه بنطلون بوى فريند وكوتش ابيض وتيشرت لونه احمر مدخلاه في البنطلون وعامله شعرها ديل حصان كانت قمر جدا ومعاها شنطتها فيها الكتب والهدوم
خالد .. بسم الله ماشاء الله اى الحلاوه دي
لارا.. شكرا يعمو
معاذ.. يلا يا حبيبتي عشان اتأخرنا
راحوا عند العربيه هي ركبت في الكرسي اللى ورا ادهم وابوها جمبها ادهم خلص فى الفون وركب من غير مايبص عليها حتى وطول الطريق مركز في التليفون
وصلوا عند المأذون ونزلوا كلهم وهو برضو مش عايز يبصلها حتى كانت ماشيه ماسكه ايد باباها وبعدين دخلوا
المأذون.. انتو متأكدين ان دى العروسه
خالد.. ايوه
هنا ادهم القي نظره عليها كانت قاعده بجمب كده وشها كله مش باين بس شكلها صغير يعنى قصيره وصغنونه كده 😂
معاذ.. هههه هى اللى اوزعه كده
المأذون ضحك وبعدين بدأ يقول الكلام اللي بيقولو ده
لارا كانت قاعده سرحانه ومش مركزه
المأذون.. موافقه يابنتي؟
هزت راسها وخلاص
المأذون بص لابوها
معاذ مسك ايديها.. بيقولك موافقه ياحبيبتي
لارا فاقت.. ها اه آه موافقه
ادهم فى سره.. اممم دي شكلها تعبانه باين وجاين مدبسينى فيها 🙂
المأذون.. بارك الله لكما وبارك عليكما وجمع بينكما في خير
خرجوا من عنده
لارا بدموع.. بابا انا مش عايزة امشي واسيبك خلينى معاك لبكرا طيب لغاية ما تسافر
معاذ.. مش هينفع يا حبيبتي أنا همشي بدرى وبعدين عمك هيروح ويرجع بكرا تاني تعب عليه
خالد.. خلاص يا معاذ متزعلهاش هنبات النهارده ونمشي بكرا
معاذ بصله بنظره هما بس اللي فاهمينها خالد ابستم وغمض عينه يعني بيقوله اطمن
ادهم بصوت هادي.. نبات فين يا بابا خلاص هروح انا وابقي جيبها بكرا
خالد.. بطل كلام فاضي يلا ع العربيه
ادهم.. بس
خالد .. يلااا
وصلوا البيت تاني وهى فرحانه عشان هتفضل مع ابوها
سابت الشنطة فى العربيه ونزلوا معاذ فتح الباب .. اتفضلوا اتفضلوا. كانت الشقه منظمه نوعا ما بس مش واو يعني
ادهم دخل قعد على الكرسي وهما دخلوا قعدوا
معاذ.. اعملى قهوه يا لارا
لارا دخلت المطبخ وعملت القهوه
حطتها قدامهم على التربيزه ودخلت اوضتها
خالد.. مكسوفه مننا ولا ايه
معاذ.. هى اتعودت على كده مفيش ليها اخواات ولا حاجه دايما في اوضتها بتذاكر او بترسم وانا طول النهار فى الشغل ولما ارجع بليل نتكلم شوية وعلى النوم
خالد.. ايوه ايوه زمانها برضو مخنوقه من البيت وكده
معاذ.. اكيد بس بخرجها من وقت للتانى قولى الجماعه عاملين ايه فى البيت
خالد.. كلهم كويسين ومرحبين بيها كمان
ادهم تليفونه رن تاني .. بعد اذنكم هرد علي التليفون
معاذ.. لو عايز تخرج البلكونة هى ف الاوضه اللى عندك دى
ادهم هز راسه ومشي
……
خالد.. يعني هتفضل قد ايه
معاذ.. والله مش عارف انا خايف اصلا
خالد.. مفيش حاجه انت اقوى من كده بكتير وهتبقي كويس متقلقش وهى فى عينى زى بنتى والله
معاذ.. لو حصلى حاجه متخليهاش تمشي من البيت خليها معاكم حتى لو ادهم طلقها يا خالد
خالد.. مش هيحصلك حاجه وهتبقي احسن من الاول متفكرش في حاجه بس
معاذ.. يارب ياااارب
…………………..
ادهم فتح الباب ودخل مره واحده هى كانت قاعده علي السرير وماسكه صوره وبتعيط
ادهم.. ايه ده … لأ لأ مش انتى يا ياسمين لحظه بس
لارا مسحت دموعها بسرعه
ادهم.. البلكونة هنا ولا فى الاوضه التانيه عشان مفيش شبكه جوا
لارا ولاول مره تتكلم معاه قالت بصوت هادي .. هنا
ادهم دخل فتح البلكونة وخرج يتكلم
ياسمين.. بتكلم مين وبلكونه ايه؟
ادهم.. مفيش المهم انتى كنتى بتقولى ايه
ياسمين.. الحفله بكرا عند باسم واخر الاسبوع عند كريم هتروح عند مين فيهم
ادهم.. بكرا ممكن معرفش اجى بس لو مجتش نروح لكريم
ياسمين.. ليه انت فين
ادهم .. فى مشوار مع بابا
ياسمين.. ماشي ياحب خلى بالك من نفسك
ادهم.. اشطا سلام
ياسمين.. سلام
دخل تاني وهى كانت قاعده مكانها لسه بس مش باصه ناحيته اصلا بص فى الاوضه حواليه وبص على المكتب والصور اللى معلقاها ولفت نظره ورقه مكتوب عليها .. بشمهندسه لارا بخط كبير
ادهم.. بشمهندسه لارا 😏
لارا بصتله.. نعم
ادهم.. اى الثقه دي جايباها منين
لارا اتعصبت.. لو خلصت كلام في التليفون اتفضل
ادهم فى سره .. اممم من اولها كده
لارا.. سمعت؟
ادهم.. ماشي كلها كام ساعه وتبقي عندي 😉
خرج وقفل الباب وراه
وهى قعدت مكانها.. اى الرخامة دى والله لبقي مهندسه وبكرا تشوف
………………
الليل جه ودخلوا يناموا وهى كانت فى الاوضه لسه وابوها دخل
معاذ.. منمتيش ليه
لارا .. مش جايلى نوم ومستنيه يناموا عشان اقعد معاك 🥺🥺
معاذ.. ياقلب بابا تعالى
لارا راحت حضنته جامد وهو باس راسها .. تعالى نقعد سوا في البلكونة لغاية الصبح لما تزهقى منى
لارا.. مستحيل ازهق منك ابدا 🫂
فضلوا سهرانين للصبح وبعدين قامت تنام عشان السفر
ادهم صحى هو وباباه وبعدين لبسوا وهى كمان وحان وقت الرحيل
ادهم سلم عليه وسبقهم على العربيه
ولارا فضلت تعيط كان شايفها وهو ف العربيه
خالد.. خلاص بقي يا لارا كفايه عياط يا حبيبتي
معاذ حضنها تاني وبعدين خالد مسك ايدها وركبت العربيه
وفضلت تشاور لباباها لغاية م اختفي من قدامها
ادهم كان قاعد لا يبالى خالص وخالد هو اللى قاعد يهديها
نامت فى نص الطريق وبعدين مده وصلوا
ادهم.. انتى يااا أصحى وصلنا
لارا فتحت عينها وبعدين فاقت .. تمام
نزلت من العربيه وهو شد الشنطة بتاعتها ودخلوا بعد خالد الكل كان واقف مستنيهم
دخلت ورا ادهم اللى كان اطول منها 😂 كان البيت زى الفيلا وشكله رووعه
لارا فى سرها.. اووه ده بابا طلع غنى
خالد .. تعالى يا لارا اعرفك عليهم
ده جدك عبد القادر الصعيدي
سلمت عليه وباست ايده وهو ابتسم لها بود كان كبير جدا في السن
وده عمك رامي الصغير بتاعنا
سلمت عليه وهو ضحك لها برضو
ودي منال مرات عمك رامى ودول حازم وزياد عيالهم
منال سلمت عليها وحضنتها نورتى البيت يا عسل
لارا.. شكرا
ودى بقي ناهد مراتى وحماتك ههه
ناهد سلمت عليها بود ولارا حست انها طيبه جداً ناهد.. أهلا بيكي يا حبيبتي نورتى البيت
لارا.. شكرا ياطنط
ناهد.. قوليلي ماما عادى انتى زى عبير بالضبط
لارا فرحت جدا.. ماشي يا ماما
دى عبير بنتى واخت ادهم
عبير كانت عندها يجى ١٥ سنه كده ضحكت لها
اخيرا بقى عندى اخت فى البيت بقي غير ياسمين 😂🫂 لارا ضحكت لها وبادلتها الحضن
خالد.. بس يا ستى هى دى العيله البسيطه بتاعتنا والجمعه الجايه عمتك هتيجي هى وعيالها واعرفك عليهم
لارا حست براحه لانها كانت خايفه يكونوا مش مبسوطين بيها ويعاملوها وحش
ادهم كان واقف بعيد وحاطط ايده في جيبه وبيتفرج عليهم
ناهد.. خدى لارا وديها الاوضه بتاعتها بقي ياعبير عشان ترتاح
عبير .. اى اوضه اللى هنا جمبى ولا اللى فوق
ناهد.. خلى اللى تحت لياسمين بقي وهى هتطلع فى اللى جمب ادهم
عبير.. ماشي يلا
لارا طلعت معاها
عبير.. انا نازله ولو احتاجتى اى حاجه البيت بيتك زينا بالظبط
لارا.. تسلمي يا حبيبتي
فضت الشنطه فى الدولاب وحطت الكتب بتاعتها وغيرت هدومها ببيجامه ونامت
ادهم طلع غير هدومه ونزل عشان يروح الحفله اللي ياسمين قالت عليها
…….. الوقت عدى والساعه كانت واحده بليل وهو راجع
لارا قامت من النوم غسلت وشها ونزلت تعمل قهوه عشان تذاكر
ادهم دخل وشم ريحة قهوه.. يااا سلاااام عبير معقول صاااحيه وبتعمل قهوه كماااان وبعدين سكت لما لقى لارا هى اللي واقفه
لارا فى سرها.. راجع منين فى الوقت ده
ادهم.. بتعملى اى
لارا.. بلعب
ادهم.. بتتكلمي وتردى اهو كنت فاكرك خرسه
لارا تجاهلته ومردتش عليه
ادهم .. اممم بما انك هتفضلى هنا كتير بقي ف ياريت محدش يعرف اننا متجوزين يعني يبقي احسن عشان انا مغصوب علي الجوازه دي مكنتش حابب اقولك بس كل ما تضايقينى هقولك كلام يزعلك
لارا بكل برود صبت القهوه وعدت من قدامه.. وقالت بثقه وانا محدش يقدر يزعلنى وطلعت علي فوق
ادهم بص شويه كده وبعدين ابتسم ابتسامه جانبيه .. شكلنا هنتسلى 😉
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابنة عمي ولكن)
