رواية ابنة الصياد الفصل الأول 1 بقلم أيات عبدالرحمن
رواية ابنة الصياد الجزء الأول
رواية ابنة الصياد البارت الأول
رواية ابنة الصياد الحلقة الأولى
كانت الساعه 5 الصبح في شهر واحد في عز البرد كان لازم اقوم بحكم شغلي ان انا صياد ولازم انزل بدري في النهر اصطاد عشان الساعه 8 بالضبط لازم انزل السوق ابيع السمك للتجار لكن اللي شوفته كان اغرب من الخيال
كان في شخص واقف علي حرف النهر وشايل طفل صغير رضيع لسه بلفته كان بيقدم خطوه ويأخر التانيه لحد ما اخد قرار بعد ما التفت حواليه يمين وشمال وساب الطفل في النهر وفي لحظه كان طلع وجري
من بشاعة المنظر كنت واقف مصدوم مش قادر استوعب ليه عمل كدا في طفل لسه في عمر ايام
جريت بالمركب بسرعه وبما ان الطفل لسه صغير اوي فمانزلش في القاع بسرعه كنت اخدته وشيلت الجاكت اللي كنت لابسه ولفيته بيه في اليوم دا سيبت شغلي واخدته ورجعت البيت
ماكنتش اعرف ان وجود الطفل دا في بيتنا هيكون بدايه لمشاكل كتير هواجهها في حياتي
مين دا يا قادر
مش عارف يا امي دا طفل لقيته في النيل
في النيل ازاي يعني
كنت بااصطاد ولقيت شخص وقف علي حرف النهر وسابه في الميه وجري
لا حول ولا قوة الا بالله ذنبه اي بس يتعمل فيه كدا
مش اد المسؤوليه ليه بيجيبوهم هات يا ابني هات حسبي الله ونعم الوكيل هات
واخدت بدريه الطفل عشان ترعاه
كانت ملك قامت علي الصوت ملك دي بتكون زوجة قادر ودي حكايتها حكايه
صباح الخير وكملت بسخريه اي دا يا حماتي انتي جيبتي دا منين
اسألي زوجك وهو هيقول ليكي ولسه هتمشي وقفتها ملك وقالت
اسأله ازاي انا مش فاهمه حاجه اوعي يكون دا ابنك من واحده تانيه
بدريه : هو دا كل اللي همك
ملك : واي اللي يهمني اكتر من ان اعرف الطفل دا مين
قادر كان هيحكي لملك اللي حصل لكن قبل مايحكي الطفل بدء بالصراخ وهنا بدءت بدريه تهز فيه عشان يهدي شويه
ومن هزات بدريه الجاكت اللي كان علي الطفل وقع وكانت صدمه كبيره اوي لملك لما شافت الطفل فتحت عيونها بقوه وبدء نبضات قلبها تذيد
وقالت بصوت مش مسموع : مش معقول كل مره احاول اتخللللص منك الاقيك في طريقي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنة الصياد)
