رواية ابتلائي الفصل الرابع 4 بقلم حبيبة شداد
رواية ابتلائي الجزء الرابع
رواية ابتلائي البارت الرابع
رواية ابتلائي الحلقة الرابعة
عدت الأيام والشهور وأنا لسه بدعي مستغرب اني لسه بدعي بس اتعودت أدعي ٧سنين قليل لما بدعي لنفسي ٧ سنين وهي دعوتي الثابنه في كل صلاة .أهملت كل حاجة بحبها فقدت شغفي ويئست حسيت ان فقدت الرغبة في اني أكمل مسيرتي . ملامحي بقت باهتة شكلي بقى مش طبيعي بقيت أنام كتير جدا أهملت كل حاجة حتى نفسي! .
& أويس ممكن كفاية كده سبت نفسك كتير اوي ووالدي زعلان عليك وأمي تعبت لتعبك ممكن تبقى بخير حاول تنساها ياأويس أنساها مجرد التفكير فيها مبقاش ينفع.
= انا مش عارف فعلاً ليه سبت نفسي كده مش بإرادتي بس انا حاسس بثقل على قلبي ! بس أرجع وأقول دي مجرد خطوبة عادي ممكن ربنا ميقدرش أنها تكمل!
& اسفة على اللي هقوله ياأويس بس انت لازم تتدرك إن خلاص المعلمة مش نصيبك . المعلمة كتب كتابها بعد أسبوع
= وقعت كلمة عائشة عليا زي الصاعقة مش عارف أنطق ولا حاسس بحاجة غير اني محتاج أهرب من الدنيا بس !
قضيت الأسبوع ده كله نايم وتعبان مش قادر أعمل حاجة فاقد رغبتي في كل شي!
& أويس أويس اصحى ياأويس
= نعم ياعائشة
& استجاب ياأويس استجاب
= في أي انا مش فاهم حاجة وفرحانه كده ليه
& معلمتي . فركشت خطوبتها
=اه مبا… اييي قولتي اي؟
& معلمة حبيبة فركشت وبقت سنجل وتقدر تخطبها ربنا استجاب ليك ياأوسو
= بتهزري صح؟ بجد بجد ربنا استجاب . الحمد لله يارب الحمد لله
بس ليه فركشت؟
& العريس مكانش ملتزم زي ماكان باين اكتشفت انه ظاهريا بس لكن كمعاملة مش كويس
= عرفتي ازاي؟
&كلمتها بعد ماقالت انها فركشت وعرفت منها.
= بجد مش عارف اقول اي انتي رديتي فيا الروح ياعائشتي
& دلوقتي عائشتك! ماشي ياسيدي المهم بقى أسرع ياعمو أسرع عاوزة المعلمة تبقى مرات أخويا وابقى عمتو الحربوءة
= ههه لا بقولك اي براحه على البت اللي حيلتنا. وبعدين من امتى وانتي حربوءة انتي هتبقى أحلى وأحن عمتو
& ربنا يديمك ليا ويديم الفرحة في بيتنا يارب وسعادتنا بيك
= يارب يا حبيبي. طب بقولك اي عاوز منك خدمة بقى !
& من عونيا .
= ممكن تاخدي رقم والدها لمحيلها اني عاوز أتقدم وكده
& بس كده غالي والطلب غالي برضو عشان انا هتكسف
= غمضت عيوني كأني هعيط في محاولة استعطافها
عشان خاطري! هجبلك الشوكولاته اللي بتحبيها
& امم خلاص صعبت عليا
= بوستها من خدها وقولتلها يديمك ليا ياعائشتي
& ويديمك ياأوسو
مشيت وأنا حسيت ان الغرفة لاتسع أجنحتي فعلا. سبحان مغير الأحوال . كنت لسه زعلان ومكتئب فجأة بقيت بتنطط وعندي نفس أعمل كل حاجة واملا الدنيا بهجة. ده أهل الحب صحيح مساكين!
كلمت أبي و أمي وعرفتهم كل حاجة قالولي ان لازم نستنى على الأقل أسبوعين أو شهر عشان مينفعش تكون لسه مفركشة واحنا تاني يوم نتقدم تبقى عيب. كلامهم صح عشان كده كنت بعد الأيام والدقايق امتى اتقدم ليها وتكون حلالي. عدى شهر وأنا مازلت بدعي متوقفتش عن الدعاء أبداً يارب تكون نصيبي ولا تبتليني فيها يارب. طلبت من عائشة أختي تاخد رقم والدها وتلمحلها بالموضوع وربنا يسر واخدت رقم والدها بالفعل
= السلام عليكم ورحمة الله وبركاته ازي حضرتك مع حضرتك أويس…
^ وعليكم السلام ورحمة الله وبركاته أهلاً بيك يابني اؤمرني
= لو تسمحلي كنت طالب أقابل حضرتك
^ خير يابني ان شاء الله فيه حاجة؟
= خير ان شاء الله بس كنت عاوز أشرب شاي مع حضرتك
^ ماشي يابني تنورنا
= شكراً ياعمي اجي امتى ان شاء الله؟
^ يوم الخميس بعد صلاة العشاء هستناك ان شاء الله في بيتي في شارع………
= شكراً لحضرتك ان شاء الله أكون في المعاد بأمر الله
^ الشكر لله يابني .
^ الشكر لله يابني . سلام عليكم
= وعليكم السلام ورحمة الله وبركاته
——-
قفلت وأنا حرفياً قلبي بينبض مش مصدق أخيراً هشوفها أخيراً هسمع صوتها بعد ٧ سنين
بلغت والدي واتفقنا اني انا اللي اروح بس عشان لو حصل حاجة مسببلهمش إحراج
اليومين اللي كانو باقيين على يوم الخميس عدوا عليا كأنهم سنين مش راضيين يمشوا.
جيه يوم الخميس وجهزت ونزلت أصلي العشاء بالناس واتوجهت للمكان اللي قالي عليه . بعد ربع ساعة وصلت واستقبلني أفضل استقبال الحقيقة شخص محترم وزوق اوي بجد . قعد معايا والدها وأخوها
= بعد إذنك ياعمي أنا طالب ايد الآنسة حبيبة
^ ياأهلاً يابني بس عرفني بيك الأول
= انا اسمي أويس…. عندي ٢٤سنة خريج كلية صيدلة وليا صيدليتي الخاصة وشغال في شركة أدوية شركة …….
^ ربنا يزيدك يارب . محافظ على الصلاة والقرآن؟
= الحمد لله ياعمي الحمد لله
^ ربنا يثبتك يارب
طيب يابني ربنا يقدم اللي فيه الخير وان شاء الله أبلغك
=شكرا جدا ياعمي. ممكن استأذن حضرتك؟
^ الشكر لله يابني. ماأنت منورنا يابني
= نور حضرتك ياعمي والله بس عشان عندي شغل بس
^ ربنا معاك يابني .
= سلام عليكم ورحمة الله وبركاته
^ وعليكم السلام ورحمة الله وبركاته
مشيت وأنا بقول يارب اجعلها من نصيبي يارب لاتجعل ابتلاء قلبي في حبها يارب اجعلها خير ليا واجعلني خير ليها
فات أسبوع وموبايلي مرنش ولا وصلني رد الأيام بتفوت وأنا قاعد على أعصابي ومتوتر أكتر ماكنت بتوتر في امتحان الشفوي استشرت والدي:
= اي رأيك ياأبي إني أتصل أنا واسأل
^ كل تأخيرة وفيها خيرة ياأُويس ادي الناس وقتها ياحبيبي وانت استخير مرة واتنين وتلاته
= قلبي ياأبي قلبي مستني يوم لقاها بفارغ الصبر
^ ادعي ربنا تكونلك خير وهي لو خير ربنا يجعلها لك
= يارب ياأبي. ادعيلي
^ الله يرزقك الخير يارب ويراضيك بيه
= يارب
احترت فات أسبوع وأربع أيام ولسه متصلوش يارب يكون خير يارب
لحد مافي يوم كنت شغال في الصيدلية وتعبان مش مركز……..
