رواية ابتلائي الفصل الثاني 2 بقلم حبيبة شداد
رواية ابتلائي الجزء الثاني
رواية ابتلائي البارت الثاني
رواية ابتلائي الحلقة الثانية
مرت الأيام وجيه اليوم اللي شقلب كياني
& السلام ورحمة الله وبركاته كنت عاوزة أقولك ياأبي إن إدارة المسجد بتدعو حضرتك وأمي وأويس لحفل ختامي
*مبارك ياحبيبة بابا
& الله يباركلي فيكم ياوالدي
النهاردة خِتام أختي عائشة قَرِت عيني بها ومن سنة ونص بدأت تحفظ قرآن مع معلمة والنهاردة حفل ختامها قررت أفاجئها بهدية جميلة تشبهها نزلت اشتريت ليها فستان ونقاب وملحفة جديدة عشان بقى عندها قناعه متلبسش غير لبس أسود ولأن الفستان سواريه مش هينفع تخرج بيه
غلفته كهدية بشكل جميل وبسيط زي مابتحب.
=عائشتي
& نعم
=غمضي عيونك
&اهو
= فتحي. تيرارارا
& الله دي هدية ليا
=أحلى هدية لأحلى عائشة. مبارك ياحبيبي جعلك الله من العاملين بكتابه يارب
& يارب واياك ي حبيبي تسلملي ربنا يديمك ليا
= طيب يلا اجهزي عشان باقي ساعتين بس
& حاضر
=الفستان هيأكل منك حته بجد
& حضنتني وقالتلي : جميل عشان انت اللي جايبه ياأوسو
=هو جميل عشان انت اللي لابساه ياحبيبي
^ ربنا يديم حبكم لبعض ياولاد
ردينا ف نفس الصوت ويديمكم لينا ياأمي انتي ووالدي
& بعد اذنك ياأبي بعد اذنك ياأويس انا هدخل انا وأمي بقى عند النساء عشان منتأخرش
كان حفل كبير عجبني جداً إن الرجال منفصل عن النساء واللي بيكرم الرجال شيوخهم والنساء معلماتهم. عائشة خطفتني بجمالها كانت جميلة اوي في اليوم ده هي دايما جميلة الفستان والنقاب جُمال عليها ووشاح دار التحفيظ والتاج كأنها حورية من حور الجنة .قعدنا واتكرموا الشباب الأول وبعدين حان دور النساء يتكرموا وكان بيكرم النساء معلماتهم بس الرجال كانوا بينادوا الاسم وولي أمر المُجازة يطلع عند الرجال ياخد هدية ويتكرم كمان والبنت كانت بتتكرم عند النساء كان حفل جميل وملتزمين بحدود الله وعدم الاختلاط
وفجأة لقيت اسم عائشة أختي ينادى ووالدي طلع عند الرجال اتكرم والأكيد ان عائشة حاليا تُكرم هي كمان عند النساء والدي كان فرحان اوي وفخور بيها لدرجة أنه بكى على الاستيدج ونزل بكى بكاء هستيري وقتها كنت بحاول اهزر معاه والطف الجو و بقوله ربنا يكتر افراحك ياسيد الناس بس وريني الهدية ومتعيطش بقى
قالي أنتو ثمرتي في الدنيا كفاية أنكم حافظين كلام ربنا كفاية ان لما بقيت اروح مكان الناس تقولي احنا بنرتاح في الصلاة ورا ابنك الشيخ أويس انا فخور بيكم والله
= احنا ثمرتك زي ماقولت ياأبي ثمرة مجهودك وتعبك وتربيتك لينا وأنك حريص كل الحرص نبقى من أهل الدين ونطيع ربنا
بوست راسه وقولتله = هنيئاً لك تاج الكرامة ياأبتِ.
انتهى تكريم المجازين والمجازات وتم تكريم الشيوخ والمعلمات وكان أولياء أمور المعلمات سواء زوج أو والد أو أخ بيستلم هدية ويتكرم و حان وقت اختيار أفضل شيخ وأفضل معلمة وأفضل حلقة .
_ الآن نُقدم لكم تكريم أفضل معلمة وحلقة على مر الثلاث سنوات الماضيات. حلقة بُذل فيها من الجهد مالم يبذل قط تقولُ نساءها أنهن بدأن من سورة الفاتحة وهن لايفقهن قراءة القرآن والآن هن يكرمن مجازات بالقرآن متقنات له عاملات به معلمات له في المستقبل . نشكر معلمتهم كل الشكر ونقدم لها عمرة ونتمنى لها القبول المعلمة …. نرجو من ولي أمر المعلمة التقدم لآخذ العمرة .
سمعت اسم المعلمة وحسيت ان دي حلقة عائشة أختي كان بتقول ان ليها معلمة اسمها ده
عدى اليوم وانتهى الحفل وخرجت أنا ووالدي نستنى عائشة وأمي .
^ اتأخروا ليه كده
= مش عارف؟ اي رأيك ياأبي أقدم كذا خطوة كده ممكن يكون فيه طفلة أطلب منها تنادي ليهم
^ ماشي بس متتأخرش
= حاضر
= عائشة فين ماما واتأخرتي لي ؟
_ حضرتك انا مش عائشة
= كنت بتكلم وأنا مش شايف هي مين بس لابسه زي عائشة ونفس لفة نقاب عائشة لحد ماقلبي اتنفض أول ماسمعت الصوت. دي هي هي
= أنا آسف لحضرتك
_ ولايهم حضرتك
= انا بعتذر لحضرتك جزاكم الله خيرا
_ وجزاكم السلام ورحمة الله وبركاته
كانت بتتكلم وهي مارفعتش عيونها من ع الأرض لحد مامشيت كان فيه استحياء في ردها بس مش الاستحياء اللي يجلط ده بتاع العيال ال….. لا كان استحياء أدب
رجعت لمكاني عند أبي تاني وسمعت حد بيتكلم بصوت عالي نسبياً
*اي ياحبيبة انتي فين . اه اه انا واقف اهو تعالي يلا
مركزتش بس لما لقيتها هي جاية على الراجل استغربت . معقول؟ معقول هي معلمة حبيبة معقول
*ليه اتاخرتي ياحبيبة؟
_اسفة ياأبي بس المكان كان مزدحم .
*مبارك العمرة يابيبة
_ ربنا يباركلي فيك ياحاج
بصراحه فضلت منشغل بيهم واسمعهم لحد ماصوتهم اختفى ومشيوا
يااااه هي حبيبة هي معلمة عائشة هي اللي قلبي دق ليها.
& اسفة ياأبي أنت وأويس اتاخرنا عليكم
= ولايهمك ياحبيبي يلا بينا
^ معلمة عائشة دي معلمة جميلة هادية ومحترمة جداً وكمان حلقة عائشة حلقة جميلة كلهم
*هي مش حلقة عائشة اللي قالوا أنها أفضل حلقه
& اه ياأبي بصراحه معلمتي تستحق العمرة بذلت معانا مجهود من الصفر
*ربنا يباركلها يابنتي . مبارك ليها وليكي
& الله يباركلي فيك ياأبي
قضيت أيام وأنا منشغل بيها مش قادر أبطل تفكير فيها بدعي ربنا كل يوم أنها تبقى من نصيبي لحد اليوم اللي اتصدمت فيه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابتلائي)
