رواية ابتلائي الفصل الثامن 8 بقلم حبيبة شداد
رواية ابتلائي الجزء الثامن
رواية ابتلائي البارت الثامن
رواية ابتلائي الحلقة الثامنة
فجأة لقيت الشاشة بتنور ب صورتي في إحدى المسابقات وأنا بتلو القرآن مقطع ورا التاني لحد مالقيت مقطع يوم ختامي وجمعي للقراءات العشر بكيت من كتر اللطف والجمال والحلاوة يالله فرحتين ف يوم واحد أنت كريم اوي يارب. قام شيخي واحتضني وقالي إنه محتفلش بيا وقت ختامي نظراً للظروف المحيطة بيه وقتها بس ملقاش وقت مناسب يحتفل بيا أنسب من النهاردة الحقيقة أنا اتخطفت من جمال المقاطع وتجميعها وتحول الكلام من الخِطبة لحفظ القرآن وتاج الكرامة وفضل حفظ القرآن. ياالله على الكرم والعطاء.
قطع بكاءي رنة موبايلي بصيت لقيتها والدتي بتطلب مني أقابلها على باب القاعة عشان اخد دبلتي وهي هتلبس العروسة الشبكة زي مااتفقنا
والحقيقة الدبلة جميلة اوي انا مشوفتهاش ولا كنت معاه وهي بتختارها هي بالنسبالي كانت مفاجأة وأحلى مفاجأة لما لاقيت اسمي منقوش عليها ومكتوب بخط صغير اوي ” وَالذِّيْنَ يَقُولُونَ رَبَنَا هَبْ لَنَا مِن أَزْوَاجِنَا وَذُرِيَاتِنَا قُرّةَ أَعْيُنٍ وَأَجْعَلْنَا لِلّمُتَقِينَ إِمَامَاً”
كان شكلها تحفه اوي .اخدتها من والدتي ودخلت قاعة الرجال تاني لبستها أمامهم والأكيد ان امي لبست حبيبة الشبكة هي كمان . شغلنا أغاني بالدف وفرحنا وهيصنا شوية ورجعنا نتكلم عن القرب من الله عزوجل والناس تأثرت جدا واللي بقى يبكي واللي نفسه يتوب واللي وقتها قام صلى توبة لله وغيره كتير
كان مجلس كله إيمان كان مجلس تَحُفُه الملائكة .كانت خطوبة وبداية مليئة بالإيمان والحديث عن الله ابتغاء رضا الله عزوجل . انتهى اليوم ودخلنا بيت والد حبيبة وعُرف البلد عندنا أن العريس بيتعشا مع عروسته الحقيقة أنا كنت ف عالم تاني عالمها هي اللي خطفتني ليه كانت جميلة بشكل يأسر القلب كانت لابسة فستان أبيض بسيط ورقيق وخمار بلون السما بيزينهم تاج الورد كان شكلها يخطف ورقيق اوي مكانتش زي البنات وحاطة ميكاب هي جميلة مش محتاجة ميكاب قعدنا سوا ف وسط أهلنا اتصورنا كتير كانت صور جميلة اوي لذكرى أجمل يوم في حياتي انتهى اليوم وودعناهم ومشينا . وصلنا البيت ودخلت اوضتي اتوضيت وصليت القيام وركعتين شكر لله على نعمه المحيطة بيا فتحت الدرج بتاعي ومسكت النوت وكتبت:
النهاردة كان يوم خطوبتنا بتاريخ……. النهاردة كان يوم فرحة قلبي وعوض ربنا عن تعب سنين كتيرة النهاردة أقدر أقول سلكت السبل ومشيت خطوة نحوك . هانت وكلها مدة وتبقي هنا معايا وجمبي. عاوز أقولك ان كنتي جميلة اوي اوي كنتي أجمل من البدر في سماه فستانك الرقيق وخمارك والورد اللي انتي تشبهيه انحنى من جمالك . انتي دايما جميلة ياجميلتي. ختمت كلامي ب
# «طُوبى لأعيُنِ قومٍ أنتِ بينَهُمُ،
القَومُ في نُزهةٍ من وجهِكِ الحَسَن.»
قفلت النوت بتاعتي ونمت كل يوم بقيت أصحى بهمة ونشاط وخصوصا ليلة الجمعه بحس إن طاير من الفرحة عشان رايح عندهم رايح أشوف اللي سلبتني قلبي وعقلي .فات شهر على خطوبتنا وأكاد أُجزم ان كان أسعد شهر في عمري لحد مايوم كنت رايح عندهم وقاعدين والدنيا تمام لقيتها بتقولي
_ دكتور أويس حابة أقول لحضرتك حاجة مهمة
= أكيد طبعا اتفضلي بس بلاش دكتور
_انا اسفة في اللي هقوله ده بس _ كل شئ قسمة ونصيب أنا مش هقدر أكمل أكتر من كده
= ليه ياحبيبة!
_مينفعش . علاقتنا متنفعش تماما
= ليه اي السبب. مش مرتاحه؟
_ لاخالص حضرتك شخص محترم ويكفي إنك حافظ قران وخلال الشهر ده مشوفتش منك غير كل خير بس مش هينفع
= ليه مش ينفع! طالما أنتي مرتاحة والأمور ماشية تمام . ليه مش هينفع ولا عاوزانا نكمل!
_لأن بكل بساطة أنت أصغر مني ب٣سنين ياأويس . ومجتمعنا مش بيقبل بعلاقه تكون فيها البنت هي الأكبر
= لا ياحبيبة نظريتك غلط لأن النبي صلى الله عليه وسلم تزوج السيدة خديجة وهي عندها ٤٠سنة وهو كان ٢٥سنة يعني مش أصغر بسنة ولا اتنين ده أصغر منها ب١٥سنة مع ذلك كانت أحب زوجته ليه هي والسيدة عائشة
_ بس احنا مش ف عهد النبي ياأويس تفكير المجتمع مش زي تفكير الصحابة
= أنا معاكي ف ده بس احنا مالنا بالمجتمع ميهمناش المجتمع .
_ممكن يكون ميهمكش بس محدش بيسيب حد ف حاله ياأويس . وأنت تستحق الأفضل
= أنتي الأفضل بالنسبالي ياحبيبة
_آسفة ياأويس بس أنا مش هقدر أكمل حياتي تحت نظرات الناس وعيونهم وهما بيبصولي زي مابيقولو من همه خد واحده اد أمه . كل شئ قسمة ونصيب
= لا ياحبيبة وهثبتلك مع مرور الأيام أنك الأفضل ليا واه انتي في الأفضل منك زي مابتقولي بس أنا مش شايف غيرك ولا عاوز غيرك ياحبيبة وهثبتلك مع مرور الأيام.
بعداذنك. سلام عليكم ورحمة الله وبركاته
قومت مشيت وأنا زعلان قال بتقولي أنساها وأحاول أبعد وأنسى قال يعني سهل أنسى طب ماكان ف ايدي أنسى من كام سنة
Flash Back
₩ السلام ورحمة الله وبركاته ازيك ي دكتور
= وعليكم السلام ورحمة الله وبركاته ايوه اتفضلي
₩ أعرف ان حضرتك من أوائل الدفعة ومتميز عند الدكاترة ف كنت عاوزة من حضرتك تشرحلي الجزء ده في مادة دكتور محمد لأن صعب بالنسبة ليا
= بس فيه أكتر من بنت تشرحلك ومن أوائل الدفعه
₩ بيرفضوا ومش بيردوا ع حد . نفسنه بنات يعني وكده
= اه تمام . طيب معلش انا مضطر استأذن عشان بس مشغول وان شاء الله قبل محاضرة دكتور محمد هشرحها للكل ف المدرج او على جروب الدفعه
₩ ماهو مش بس كنت عاوزة مادة دكتور محمد كنت عاوزة كذا مادة تانية . ممكن اخد رقمك واكلمك تشرحهملي
= اللي حضرتك محتاجاه اطلبي ع جروب الدفعه وأنا هبعته . معلش بس مضطر أمشي
مشيت وأنا بدعي ربنا يحفظني منهم يارب اي البنات دي! البنت اللي الشباب هتموت وتكلمها جاية تجر معايا سكة وانا مش فاضي للكلام ده ولو انشغلت بالحاجات دي هنشغل عن دراستي مش عاوز ده
يوم ورا التاني البنت كل شوية تكلمني وتحايل فيا وأنا كارف ليها بجد مقرفة اوي ورامية نفسها عليا
لحد مافي يوم لقيت رقم غريب بيرن عليا رديت وطلعت البنت دي برضو صديتها وعملتلها بلوك حاولت مرة واتنين وتلاته لحد ماكسفتها وبلغت دكتورة بنت وانها لازم تتصرف معاها بعدها تقريبا مبقيتش أشوف البنت كتير ف الجامعه ولا كنت مهتم ليها اصلا. ومن وقتها وأنا التزمت وسعيت أكون ف قرب ربنا .انا مش ملاك وكنت بفكر كتير ليه مكلمش البنت دي وأنسى حبيبة وأقضي لي يومين اتسلى فيهم بس لا أنا مش خاين مينفعش أخون حبيبة ولا ثقة أهلي ولا بنات الناس لعبه وده مرضهوش ع أختي ولا اي حد من.أهلي دايما كان ف بالي كما تدين تدان ولو بعد حين.الدين هيترد .
( في معتقد عند كل الناس أنك دخلت جامعه ف صاحب بنات وشلة بنات وخروجات وفيلم الباشا تلميذ ده بس لا افتكر ان انت كراجل مش هتقبل بواحدة خرجت مع شباب وليها أصحاب شباب ولو رضيت ف اسمحلي اقولك انك كده ديوث وافتكري انك كبنت فطرتك اللي جبلت على الغيرة مش هتسمح ان زوجك يعرف بنت قبلك او يكون له صاحبة بنت ولو رضيت ب ده ف اقولك راجعي فطرتك! الجامعه مش زي ماكتير فاهم الجامعه مكان تعمل منه كيان خاص بيك وآخر مرحلة تعليمية هتمر بيها)
Back
كان ف ايدي أنسى ياحبيبة بس مقدرتش أخونك أصل اللي بيحب بيبقى قلبه مع واحد بس وبيحافظ عليه حتى من نفسه اللي بيحب بيغير! وأنا حبيتك ولازم احافظ عليكي.
دخلت اوضتي ورنيت على والد حبيبة وعرفته ان عاوز اقابله بكره بس ف مكان غير البيت وهو وافق برغم اصراره يعرف السبب بس مرضيتش أقوله.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابتلائي)
