رواية إعادة حب الفصل الرابع 4 بقلم هاجر العفيفي
رواية إعادة حب الجزء الرابع
رواية إعادة حب البارت الرابع
رواية إعادة حب الحلقة الرابعة
زين كان واقف كاتم ضحكته على منظر منار ال قاعده على الكنبه وماسكه ضهرها من الواقعه وفرح كانت بتبصلها بانتصار
هانم بغضب : يعني الاوضه دي متعفرته يعني ولا ايه
فرح ببرود : والله معرفش بقا محدش قالها تقتحم خصوصية غيرها
زين بحزم : خلاص مش عايز كلام تاني حصل خير
منار بوجع : هو ايه ال حصل خير انا وقعت على دراعى
فرح وقفت وقالت بخبث : بعد كده اخرك هنا الصاله متدخليش مكان مش مكانك تمام
قالت كلامها ودخلت أوضتها وقفلت الباب
هانم بعصبيه : شايف أفعال مراتك
زين بهدوء : أمى فرح مغلطتش ده بيتها وهى حره فيه
هانم : ومنار برضوا ليها فيه
زين : لاء معلش منار وقت مؤقت وانا مش مستعد اخسر فرح عن أذنكم هدخل اشوفها واطمن عليها
قال كلامه ودخل ورا فرح الأوضه
منار بغيظ : مفيش فايده
هانم : البت دي عايزه تتربى
فى الأوضه عند فرح وزين
زين بضحك : ايه ال عملتيه ده
فرح ببرود : كنت عارفه انها هتصمم تدخل الاوضه قولت لازم حاجه صغيره كده تعلمها الادب
زين قرب منها وقال بابتسامه : يلا كل واحد بياخد نصيبه
فرح بصتله وقالت : هى هتنام فين
زين : فى اوضة الاطفال
فرح : وانت معاها طبعا
زين : لاء
فرح : هتنام فين
زين باستغراب : هنا يافرح مالك
فرح : اها
فرح كانت بتطلع هدوم خروج وهي بتتكلم
زين : رايحه فين
فرح : عندي متابعة عند الدكتوره النهارده
زين : تمام يلا
فرح بصتله وقالت : لاء مش لازم هروح لوحدي
زين بحده : فرح من فضلك متحرمنيش من حقي ك أب أن اطمن على ابني مهما كان ال بيحصل
فرح بقلة حيله : طيب
زين : هنزل استناكي تحت
قال كلامه وخرج من الاوضه وهى كانت بتنظر على أثره بحزن
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
كريم : ها عملت ايه
الشخص : الواد معايا ومش عايز يعترف
كريم : حاول معاه
الشخص : حاولت وهو مصمم على كلامه
كريم بوعيد : تمام خليه عندك وانا جاي حالا
قفل معاه ونزل ركب عربيته بس افتكر موقف ليه مع مراته وهو سايق العربيه
كريم بحب : فرحانه
هدير بسعاده : جدا ياحبيبى
كريم : عارفه ياهدير انك تكوني على ذمتي ده حلم بعيد كان صعب تحقيقه
هدير نامت على كتفه وقالت : وخلاص اتحقق ياحبيبى
رجع من تفكيره ودمعه نزلت من عينه وابتسم بسخريه وقال : مش هسمح لده يحصل معاك يازين ابدا مش هسمح
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
الدكتوره : انتي مهمله جدا يافرح
فرح بقلق : ليه يادكتور بتقولى كده البيبى كويس صح
الدكتوره : مش فى احسن حاله انا قايله ليكي أن العلاج اهم من الاكل نفسه وكمان محذره عليكي كذا مره أن الزعل وحش عليكي
فرح القت نظرها على زين تلقائى وهو نزل عيونه فى الارض بحزن
أكملت الدكتوره وقالت : اعملى حسابك غلطه كمان لاقدر الله ممكن تخسرى البيبى
فرح بدموع ولهفه : لاء لاء بعد الشر انا هعمل كل ال هتقولى عليه بالحرف والله بس هو يكون كويس مليش غيره فى الدنيا دي
الدكتوره بحزن على حالتها : أهدى ياحبيبتى انا مش قصدي اخوفك انا بس بحذرك دي شوية تعليمات تمشى عليها كويس جدا وان شاء الله البيبى يجي وينور حياتكم
فرح هزت راسها بدون كلام
فى العربيه
زين بحزن : شايفه اهمالك فى نفسك وصحتك هيعمل ايه
فرح بشرود : مبقتش فارقه معايا حاجه غير أن اشوف ابني واحضنه وبس ومش عايزه حاجه تاني من الدنيا
زين بقلق : طيب وانا يافرح ؟؟
فرح ضحكت بسخريه وقالت : انت ايه يازين انت خلاص بقيت زيك زي غيرك مؤذى زيهم للأسف
زين بوجع : هتسبيني
فرح غمضت عيونها وقالت : سيب الايام تحكم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
هانم : ال حصل النهارده ده بيثبت أن فرح مش هتسيبك فى حالك
منار بغيظ : انا مش عارفه اتعامل مع زين بسببها قولتلك اقنعي زين ياخدلى شقه بره
هانم : مستحيل كان يوافق ابني وانا عرفاه
منار : وانا المطلوب مني اعمل ايه
هانم طلعت ازازه من شنطتها وقالت : هو ده ال هتعمليه
منار باستغراب : ايه ده
هانم : شويه من البتاع ده يخليها تخسر الطفل ال فرحانه بيه وكمان شاغله زين معاها وقتها زين هيكون ليكي ومعاكي
منار عيونها لمعت بخبث وقالت : هنفذ من بكره
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إعادة حب)
