رواية إعادة تربية الفصل الثاني 2 بقلم حياة
رواية إعادة تربية الجزء الثاني
رواية إعادة تربية البارت الثاني
رواية إعادة تربية الحلقة الثانية
بقى انا حسام عز الدين الصاوي ابن عز الدين محمد الصاوي اشتغل كناس!!! ….. طب ماشي لما نشوف اخرتها معاك يا بابا
منه : ايه ده حسام بيه انت ماسك المكنسة كده ليه؟!!
حسام بغيظ : تقولي على اساس بمزاجي روحي غوري في أي داهية
منه ببكاء وهي تشد المكنسة : جيب المكنسة
حسام : في ايه يا بنتي ما تسيبيني اعرف اكنس… وبيسحب المكنسة
منه ببكاء : انت عايز عز بيه يطردني من الشركة حرام عليك…. وبتسحب المكنسة
حسام : يا بنت الناس عايز اكنس انتي ما بتفهميش ولا ايه انا عايز اكنس تلاقيكي عشان مقصرة في شغلك بابا قال يشوف حد بدلك…. وبيسحب المكنسة
منه بعياط وصوت عالي : طب لو كنتوا عايزين تطردوني كنتو قولولي وكنت همشي مش تذلوني كده بعدين تطردوني
عز بيطلع من اصواتهم : في ايه يا ولاد صوتكم عالي
منه : يعني يا عز بيه لو كنت مقصرة في شغلي كنت قولتلي قصرت في ايه وانا اخد بالي وو….
عز بمقاطعة : مين قالك الكلام ده؟؟! ….. بالعكس انتي مش مقصرة وعاملة اللي عليكي وزيادة
منه : اصل جيت لقيت حسام بيه بيكنس ولما شوفته وجيت اخد المكنسة بقي يقولي كلام غريب وقالي اني مقصرة في شغلي عشان كنت انت بتدور على حد بدالي ومش راضي يديني المكنسة
عز : ايوة ما ده شغله انا وظفته في مكانك ورقيتك
منه : وظفته في مكاني؟!!
عز بخبث : حسام انت واقف بتبص علينا ليه؟؟!
…. روح كمل شغلك
حسام بصله بغيظ وقعد يكنس
منه : طب انا هشتغل ايه بقى؟؟!
عز بخبث : تعالي افهمك شغلك كويس
حسام في وقت الاستراحة في الكافيتيريا
حسام وباين عليه التعب :والنبي يا صوفي عايزلي مية وحاجه سقعة اشربها واتنين سندويتش كف..
عز بمقاطعة : حيلك حيلك جيبي له مية وسندويتش واحد
حسام : ليه يا بابا ده انا تعبت اوي في الشغل وجيعان اوي وهفتان
عز بتذكير : لما كانوا الموظفين بياخدوا الحاجه اللي عايزينها كنت بتقولي ايه؟؟؟
حسام بغيظ وقد فهمه :ازاي تخلي الموظفين ياخدوا اللي عايزينه من الكافيتيريا؟؟! …..احنا مش فاتحين جمعية دول آخرهم سندويتش ومية ويتكتموا
عز : الله عليك يعني دلوقتي اخرك تشرب مية وتاكل سندويتش وتتكتم
حسام بصله وسكت
بعد انتهاء العمل في البيت
عز : اعمل حسابك كتب كتابك يوم الخميس انا كلمت أهل البنت
حسام برفعة حاجب وتذمر : لسه مصمم يعني؟!
عز : اه
حسام : ومين بقى العروسه؟؟؟
عز :
حسام بصدمة وغضب : ايه عايزني اتجوز الكناسة؟!!
عز بعصبية : تاني يا حسام اعدل كلامك واتعلم تحترم الناس !!!
حسام بانفعال : لا كفايه أوي بجد لحد هنا وخلصت اولا بسبب القرار بتاعك ده نادين واللي كنت بعمل ده عشان تصرف عليها بعدت عني واشتغلت كناس وتحملت نظرات وكلام الموظفين والأسوأ منك انك عايزني اتجوز الكناسة بس خلاص وفتح الباب عشان يخرج
عز بهدوء : قبل ما تطلع جيب مفتاح العربية يا حسام!!
حسام بصله بضيق وطلع مفتاح العربية في جيبه ورماه في وش ابوه ورزع الباب
عز بخذلان ودموع : انا استاهل ده لأن دي آخرة تربيتي….. وبيمسح الدمعة اللي نزلت وبيكمل بس هصلحها برضو!!!
عند حسام كان قاعد قدام البحر بيسترجع ذكرياته مع نادين وندم على أنه رمى المفتاح في وش ابوه بيتنهد وقرر يروح يصالحه وبيروح بس بيتصدم بيها فتحتله الباب
حسام بغضب : يووه انتي بتعملي هنا ايه مش كفاية المشاكل اللي سببتيها لي؟؟!
عز بيطلع على صوته : انت بتكلم مراتك كده ليه؟؟!
حسام بصدمة : مراتي؟!!
مين دي وازاي مراته؟؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إعادة تربية)
