رواية إعادة تربية الفصل الأول 1 بقلم حياة
رواية إعادة تربية الجزء الأول
رواية إعادة تربية البارت الأول
رواية إعادة تربية الحلقة الأولى
ازاي عايزني اتجوز وانا لسه 18 سنه وبدرس امال العروسة عندها 15 سنه؟؟!
عز ببرود : لا عندها 24
حسام بصدمة : 24 ايه انت اتجننت…. انت عايزني اتجوز واحدة أكبر مني كمان؟؟!
عز ببرود : وفيها ايه… ما الرسول (صلى الله عليه وسلم) اتجوز خديجة وهي أكبر منه
حسام : عليه افضل الصلاة والسلام بس يا بابا ده يختلف عن دي اولا انا لسه بدرس في تالته ثانوي و إذا اتجوزتها كده انا ملزم اصرف عليها ومش انا اللي اخلي مراتي تصرف عليا او تشتغل وانا مش عايز اتجوز دلوقتي ثم انا مش حمل مسؤولية وعايز اتجوز اللي بحبها وكمان.. َ
عز بلا مبالاه لكلامه : طب ما تشتغل
حسام بصدمة : اشتغل ايه يا بابا؟؟!
عز : عادي اي حاجه تلاقيها
حسام : اي حاجه الاقيها ايه يا بابا ده لو وافقوا يشغلوني هيشغلوني كناس
عز بغضب مكتوم : كناس!!! ….. الفاظك بقت بيئة اوي يا حسام بس مش مشكلة انا هربيك
حسام : طب انا كده كده مش هتجوزها أساساً بس كنت بحاول اقنع فيك عشان ميحصلش خلاف سلام عليكم
عز بصرامة : لو ما تجوزتهاش مش هدفع مصاريف نادين!!!
حسام بغيظ :٠ بتلوي دراعي يا بابا طب ماشي اما نشوف اخرتها
عز بفرح : بجد وافقت؟!
حسام بغيظ : غصب عني ماهو كل حاجه في البيت ده بالغصب
عز بتجاهل : مش مهم غصب عنك ولا لا المهم هتتجوزها وروح بقى دورلك على شغل
حسام بصله بغيظ وخرج
حسام وهو بيعمل مكالمة : الو نادين تعالي على المطعم اللي متعودين نقعد فيه وحالاً !!
بعد مسافة نادين جت
نادين بقلق : في ايه يا حسام قلقتني؟!
حسام بحزن وغيظ : انا هتجوز
نادين بانفعال وبتقف على طول بصوت عالي : نعم يا روح امك
حسام بغضب : صوتك ما يعلاش واياكي تغلطي على امي فاهمة
نادين : انا غلطانة اني حبيت واحد زيك انا غبية بجد ازاي صدقتك……… وبتجري من قدامه
حسام بيتنهد وبيمسح الدمعة اللي نزلت من عينه وبيرجع البيت
عز : ها لقيت شغل ولا لا
حسام بكدب : اه يا ضهري اه يا رجلي!!!
عز بغيظ وقد فهمه : ماتسيب نحنحة الستات دي عشان مش هتجيب معايا سكة ها لقيت؟؟!
حسام : لا ملقيتش
عز بخبث : خلاص يبقى تجي تشتغل معايا في الشركة
حسام بتحجج : يابابا بس انت عارف اني مش بفهم في الصفقات والحسابات والكلام ده
عز بخبث : ومين قالك انك هتشتغل في ده؟؟!
حسام بخوف من نظرات والده واستغراب : امال هشتغل في ايه؟؟!
تتوقعوا هيشغلوا في ايه؟؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إعادة تربية)
