رواية إسمي حياة الفصل الحادي والثلاثون 31 بقلم آلاء اسماعيل
رواية إسمي حياة الجزء الحادي والثلاثون
رواية إسمي حياة البارت الحادي والثلاثون
رواية إسمي حياة الحلقة الحادية والثلاثون
بارت 31 🔥
رجع حسام و عيلته و في العربية الكل بيتكلم و متحمس ما عدا شهيرة اللي طول السكة ساكتة و مبوزة .
دخلوا الفيلا و رشدي جاله تلفون فضل في الجنينة يتكلم
نور بحماس- شايفة يا ماما المستوى اللي بقوا فيه ؟؟ بسم الله ماشاء الله …بيتها باللي فيه حاجة كدة فوق الوصف
شهيرة بغيرة : مش بطال ايوة بس عادي مش حاجة كبيرة اوي للدرجة دي
حسام – عادي ازاي يا ماما هو احنا عندنا التحف دي كلها ؟؟
شهيرة بمكر : ألا قل لي يا حسام ..هو مرتب مضيفة يجي كام اليومين دول ؟؟
حسام بتعجب : بتسألي ليه ؟؟
شهيرة بنبرة دهشة مصطنعة – يعني مش غريبة ازاي في ثلاث سنين بس تشتري فيلا زي دي و تجهزها بالشكل دة !! دي فيلا في سموحة يعني عارف حقها كام ؟؟؟ ده الناس بتطحن نفسها عشرين سنة عشان توصل للمستوى ده .. ولا الفستان ! ده لوحده يجيله عشرتلاف جنيه لو كان لولي بجد
نور بتأكيد : ااااه من الفستان يا ماما؟؟ ده انا اتهبلت عليه بجد
بصت شهيرة لحسام و ابتسمت ابتسامة خبيثة و كملت
– هي كانت مضيفة ولا رئيسة وزراء يا حسام !!
حسام بضيق- مش هنقعد نعد على الناس رزقها كمان يا ماما 😏
كان رشدي داخل و سمع كلامها و قبل ما ترد قاطعها بصوت عالي : شهييييييييرة !!! بلاش كلامك السم ده لاني فاهم قصدك كويس اوي … احنا نعرف البنت من ثلاث سنين و نعرف اصلها و معدنها و كلنا عارفين انها كانت بتشتغل خدامة اصلا عشان ما تمدش ايدها لحد !! ولا انتي ليكي رأي تاني يا بنت عوض ال ….الراجل الطيب !! 😤😡
بصت شهيرة بغيظ لرشدي و ما ردتش عليه
حسام بحدة : بتلمحي لايه يا ماما ؟؟؟
رشدي بغضب : انا داخل المكتب اخلص شغل قبل ما ضغطي يعلى ….امك مش بتسيب فرحة حد تكمل يا ابني ..إلا ما تسممها
حسام بغضب : انتي بتشكي في اخلاق حياة ؟؟؟ معقولة يوصل بيكي الكره و الحقد لكدة يا مامااااا !!!
بصت شهيرة لحسام و تصنعت البراءة : لا يا ابني انت فهمتني غلط !! معقولة يعني عشان اتطلقت هأشك في اخلاقها !! انا بس كنت بقول ازاي ….
اتضايق حسام و قاطعها : خلاص يا مااااما انا هاريح قلبك و اقولك ازاي و لو انها حاجة ما تخصكيش ….حياة متواضعة مش بتحب تتباهى و تتعامل بغرور و طبقية عشان كدة طلبت مني ما اقولش لحد على سر الخير اللي هوما فيه ده .
شهيرة بفضول – سر ايه ده ؟؟
حسام : حياة لمت قرش فوق قرش سنة و نص بحالهم مش بتصرف حاجة من مرتبها ما عدا إيجار الفيلا…. ده غير انها في أوقات فراغها بتشتغل مترجمة اونلاين بتترجم مقالات و سيناريوهات و مسلسلات ، يعني حسب الطلب و تقبض بالدولار
لما بقى عندها رأس مال كويس دخلت بيه المشروع بتاع الاتلييه ده هي بفلوسها و طنط الهام بمجهودها يعني ليها مكسب خمسين في المئة من ارباح الاتلييه
و كل ما بيتوسع و يكبر الارباح بتزيد ، و انتي شايفة المكان اللي فتحت فيه بيجيب شغل قد ايه ؟دي كل قطعة بتساوي كذا الف جنيه خصوصا لما يكون الموديل ليه قطعة وحدة بس يعني تحت الطلب و فريد
نوران بإعجاب : بسم الله ماشاء الله طول عمرها شاطرة
كمل حسام :حياة ذكية مكانش ناقصها غير الفرصة و اهي جات لها
بحكم شغلها فهي بتسافر لبلدان كثير عشان كدة قررت تدخل مجال المزادات و بقت كل ما تروح لأي بلد تدخل مزاد فيه و تشتري الحاجة و بعدين تعرضها على طول في موقع ايباي بسعر أعلى و بكدة تدفع ثمنها لصالون المزادات و تأخذ هي الزيادة . ..
و طبعا معارفها من ركاب الفيرست كلاس ساعدوها كثير عشان تطور شغلها اكثر ….ده حتى عملت مشروع لسند مع شغله في الشركة اللي هو فيها , فتحتله شركة برمجيات صغيرة مكسبها كويس اوي و أتوقع انها هتكبر بسرعة لان حياة بتقدر تجيبله قطع الغيار اللي بيحتاجلها من الصين …و دي مشكلة كبيرة لأي شركة تانية …لان الشحن بالمركب بيكلف كثير ده غير الضرايب في المينا على كل قطعة اللي بيكون ثمنها اضعاف القطعة نفسها و المعاملات الورقية و القرف ده ..و طبعا هي ليها ارباح معاه كمان لانها شريكة معاه
بص لشهيرة و كمل بإصرار : فهمتي بقى قدرت تشتري الفيلا و تجهزها في سنتين منين يا شهيرة هانم ؟؟
نوران بإعجاب :
– واااااو !! على كدة هي بقت سيدة أعمال كمان !!
كانت شهيرة هتتجلط بعد ما انقلب السحر على الساحر و ما قدرتش تنطق بكلمة
بص حسام لوالدته بفخر و كمل لنوران : ايوة يا نور تقدري تقولي كدة …حبيبتي دلوقت سيدة اعمال مش مضيفة و بس .
نور بتذكر ..ألا صحيح …ايه حكاية السلسلة يا حسام ؟
قالتها نور و هي بتغمزله و بتبص لمامتها اللي هتفرقع من الغيظ
حسام بإبتسامة حب : ده الهدية الوحيدة اللي كانت مني ليها
نور بمزاح : اااااه عشان كداااااا 😉…و انا بقول ايه حكاية قيمة عاطفية دي !!!
شهيرة بزهق : انا تعبانة طالعة ارتاح …ربنا يهني سعيد بسعيدة
طلعت بتخبط في الارض من الغيظ و فضلوا لوحدهم يضحكوا
نور : بقالنا كثير ما سمعناش امثال حارة الزيات 🙄😂
حسام : أهم حاجة ما تضايقش حياة في حاجة …هي وافقت تعيش معاها هنا عشاني انا مع ان فيلتها احسن من فيلتنا و في مكان أرقى و اهدى
قربت منه اخته و حضنته بحب
– ما تاخذش في بالك شكلها غيرانة بس ..المهم انها وافقت 🥰
– الحمد لله يا نور
– الا قل لي يا سوما … اخوها ده ..
– خاطب يا نور …خاطب بنت متهو’رة بس بتحبه بجنون و مستعدة تق،تل اي حد يقرب منه.
نور بزعل : تمام انا كمان طالعة أنام 😓
طلع اوضته و هو بيضحك عليها و أتصل على حياة
– كنتي طالعة زي القمر يا روحي شوية و كنت هاتهور و ابو’سك قدامهم
-مجنون و تعملها طبعا ! 😂.. انت كمان كنت آخر شياكة
– مش لو كنا كتبنا الكتاب و الد’خلة على طول كان احسن !! ايه لزمتها نستنى كمان !!
– الكبار اتفقوا كدة …ولا انت عايز ايه ؟
– انا عايز نتجوز على طول مش قادر استنى يا ناااس
– هاااانت يا روحي ..
– مساء الخير
– …….لا رد
– مالك قالبة بوزك شبرين كدة ليه .
– …….لا رد
– لااااا …ده الموضوع طلع كبير اوي!! هاتي يا ستي …أكيد واحد من افلامك زي العادة
– افلامي انا برضه!!! و لا افلامك انت يا شايب يا ابو عين زايغة
– ايه الكلام الغبي الي انتي بتقوليه ده !!
– غبي !! يعني فاكرني عبيطة ؟؟ ما انا شايفة الهانم قاعدة تتدلع عليك و تسبلك في عينيها …و اتفضل الكيكة يا رشدي بيه و يسلم ذوقك القمر يا رشدي بيه و مش هاقدر اقاوم جمالها و مش عارف ايه ؟؟ ايه المسخرة و قلة الأدب دي ؟؟
يا راجل كنت اختشي على شيبتك قدام ولادك
– الله الله !!! ما انا كمان قلت أنه فيلم كبير ؟؟ إمتى بقى حصل الكلام ده كله !!!
– يعني انا كذابة !! ده حتى الولاد لاحظوا مدحكم و نظراتكم مش انا و بس !
– انتي الظاهر كبرتي و بقيتي بتخرفي يا شهيرة !! انا و حسام اتعاملنا بلباقة و كنت بأحاول اتصرف بلطف مع الناس مش اكثر !!الجماعة ما قصروش في ضيافتنا تقومي تعملي الحوار ده كله عشان جاملتهم باللي يليق بمقامهم ..؟
لوت شهيرة بوزها و تمتمت : مقامهم !!
– مش كفاية كلامك الدبش و نظراتك الحاقدة ؟ قلت خليني انا ألطف الجو بدل ما يقولوا عننا غيرانين منهم ؟
شهيرة بغرور ممتزج بإشمئزاز : اناااااا غيراااانة ؟؟؟ و انا اغير من وحدة زي إلهام دي ليه ؟؟؟ هي كانت احسن مني ف ايه ؟؟ وحدة خريجة ملاجيء ملهاش أصل ولا فصل و معاها ولد جايباه ف الحرام !
رشدي بتحدي و غضب: و مع كدة احسن منك فكل حاجة يا شهيرة !
شهقت شهيرة بصدمة
– ايوة احسن منك في كل حاااااجة ! أدب و اخلاق و لطف و جمال و تواضع ….صحيح عاشت في ملجأ بس ابوها عالم آثار و امها باحثة و فوق كل ده هي اللي عملت الفلوس بمجهودها و شغلها مش زيك الفلوس هي اللي عملتها سيدة مجتمع .
بتحاسبيها على ايه ؟ انتي مين عشان تحاسبيها هااا ؟؟ من لما وعيت لقا نفسها لوحدها ملهاش ظهر و محدش يوجهها و محتاجة حب و اهتمام و غلطت و تابت ..انتي مش ربنا عشان تحاسبي الناس يا شهيرة …لوكنتي مكانها يمكن كنتي عملتي اكثر منها !!
إلهام ابتدت من الصفر و بقت سيدة اعمال و تستحق كل الإحترام . بتتكبري عليها بأمارة ايه؟ هاااا !! و شايفة نفسك عليها و على الناس كلها ليه ؟؟ عشان بس معاكي فلوس ؟؟ احنا لو خسرنا الفلوس اللي انتي بتتباهي بيها هتبقي في الشارع يا شهيرة و مش هتعرفي تعملي واحد في المية من اللي هي وصلت له ده لإنك مش متعودة غير تصرفي و بس و تتأمري و تتمنظري على الناس و تبصيلهم من فوق بقرف …
شهيرة بصدمة : بقى كل ده عشان قلتلك انا احسن منها !!! مش قلتلك عاجبااااك !!! طب و الله ما انا قاعدالك يا رشدي و خلي الهام ال……. تنفعك
رشدي بعصبية : هتروحي فين ؟! سراية ابوكي الله يرحمه ؟
انا اللي سايبلك البيت و رايح .. دي مبقتش عيشة ! قارفاني في الرايحة و الجاية بعنطزتك الكذابة…و كلامك اللي زي السم
شهيرة بإنهيار : و ايه اللي جابرك تقعد معاي ما دام شايف فيا كل عيوب الدنيا …و شايف وحدة زي الهام احسن مني فكل حاجة ؟ طلقني احسن من الكلام اللي بتلقحه في الرايحة و الجاية
مادمت شايفني بنت مكوجي ليه تتقدملي و تطلعني فوق بعدين تذلني كل شوية و تنزلني لسابع ارض بالشكل ده !😭
رشدي بصوت عالي – لاني بحبك بجد و مش عايزك تنسي اصلك عشان ما تفضليش شايفة نفسك على الناس و تأذيهم بكلامك و تصرفاتك ….عايزك تشوفي الحقيقة ما تفضليش عميا طول عمرك ….خايفك تخسري الناس اللي بيحبوكي و تفضلي لوحدك يا شهيرة
طلع و سابها منهارة من العياط
– لسة ما نمتيش يا حياة ؟ ولا الفرحة طيرت النوم من عينك
– بصراحة النهاردة يوم مش ممكن يتنسي في حياتي يا ماما
– اومال حاساكي متضايقة ليه ؟
– مش عارفة ….بس مامته و كلامها و نظراتها مكانتش عاجباني
– ولا يهمك من الحقودة دي …. ما تبوظيش فرحتك اللي انتي مستنياها من سنين عشان وحدة زي شهيرة و بعدين انا شفيت غليلك منها بكل أدب و احترام ايه رأيك فيا ؟🙄😂😉
– بصراحة انا مكنتش عايزاكي تغيظيها بالشكل ده ..خايفة كل ده يطلع عليا انا بعدين ..انتي ناسية ان انا هأعيش معاها
– ولا يهمك منها …انتي حياة القوية محدش يقدر يأذيكي بعد كدة…انتي بس عامليها بما يرضي الله و ربنا هو اللي هيمنع كيدها عنك .
حياة : بس حكاية اني مطلقة مش هتنساها أبدا..
– بس ما تنسيش انك مش هتكوني لوحدك ..حسام هيكون معاكي و في ظهرك دايما .
حياة بحب و هي تتذكر حسام : ايوة معاكي حق يا ماما🥰
– طب انا عندي فكرة يا حياة ..هتريح قلبك و تقفل بوق شهيرة
– فكرة ايه يا ماما
الهام : …….
عدى الأسبوع بسرعة ما بين انشغالنا بتحضيرات كتب الكتاب
عزمنا من ناحيتنا حنان و بسملة و ايمن و الست ناهد و نيرة و بابا اللي كانت مراته رافضة بسبب ماما الهام بس اضطرت تقبل في الاخر ..و مع كدة جه زيه زي اي ضيف غريب ولا كأنه ابوي …ولي أمري كان سند طبعا .. صافيناز جات طبعا و كانت هتموت من قهرتها و هي شايفة ماما الهام متألقة بجمالها و شياكتها قدامها
ماما رفضت ترد على اتصالي اصلا
جوم هو و عيلته مع خاله و خالاته الإثنين و جدته ام شهيرة و عمه اللي جيه من لندن مخصوص عشانه و بنته ندى اللي اتعذبت بسببها ثلاث سنين بحالهم 🙄😂
لبست قفطان مغربي لونه ذهبي جبته مخصوص من المغرب حاجة تحفة .. اتكتب الكتاب و حسام مبسوط و عقله طاير من الفرحة …و طلب من سند أنه يدخل يشوفني بعد ما اتفقت مع حنان تفهم سند الموضوع
كنت مع حنان في اوضتي بأعدل في الميكب لما خبط سند
– جوزك عايز يشوفك جاهزين ؟؟
فتحت حنان الباب و قالت له بحب : جاهزين
دخل سند و فضل حسام من وراه مستني اشارة منه عشان يدخل
اتكسفت من سند و حطيت عينيا في الارض
سند همس لحنان في وذانها : عقبالنا يا سكرة ..
حنان بخجل – طب يالا عاوزاك في حاجة .
سند و هو بيبص من وراه على حسام : يالا فين هسيب الراجل لوحده معاها ؟
– مش بقى جوزها !! امشي معايا دلوقت ..
– على فين يا مجنونة !!
قربت من وذانه : بص ! فيه كدة حاجة اسمها حضن كتب الكتاب تقريبا دي أحلى لحظة ف كتب الكتاب ، اختك هتتكسف منك أكيد مش هتسمحله يحضنها قدامك …يا اما تطلع دلوقت يا اما هاحرمك منه يوم كتب كتابنا ..قلت ايه ؟؟؟
همس بضحك : لاااا و على ايه يا بنت الهب،لة ..طلعت اهو 😂
بص لحسام اللي كان مكسوف
– اتفضل يا جوز اختي ..مراتك مستنياك
دخل حسام و فضل واقف يبص عليا بذهول كأنه بيشوفني لاول مرة …قفلت حنان الباب و هو جيه عندي و من غير اي كلمة اخذني جووة احضانه جاااامد و…
يتبع….
لقراءة الفثل التالي : اضغط هنا
لقراءة الرواية كاملة اضغط على : (رواية إسمي حياة)
