رواية إسراء الفصل الثالث 3 بقلم إسراء بكار
رواية إسراء البارت الثالث
رواية إسراء الجزء الثالث
رواية إسراء الحلقة الثالثة
إسراء خبطت ع باب مكتب ياسر
ياسر من داخل المكتب : ادخل..
إسراء حست انها بتعمل حاجه غلط وتوترت اكتر ومبقتش عارفه تفتح الباب وتدخل ولا تطلع تجري فضلت واقفه وضهرها لباب المكتب مش عارفه تعمل اي وفجأه تسمع صوت باب المكتب يتفتح..
ياسر شايف إسراء واقفه قدام الباب ومدياله ضهرها
إسراء من الاحراج فكرت تلف وتقوله بخ وتعمل نفسها بتهزر معاه بس قالت لا لا اي دا انا اكبر من كده
ف الحظه دي ياسر قال ف نفسه هو اي اللي بيحصل دا معقول إسراء هي اللي بتخبط عليا انا مش مصدق نفسي… وطبعا إسراء سمعته وقالت تلحق الموقف ولفت وشها وقالتلو
إسراء : ممكن بعد اذنك ياستاذ ياسر تصرف 100 جنيه مكافأة ل منه
ياسر بضحك : هههههههه 100 جنيه مره واحده.. طب ممكن اعرف سبب المكافأة اي
إسراء : عادي انا اخت صاحب الشركة وادي مكافأة لأي حد ومن غير اي سبب
ياسر : حاضر يانسه إسراء انا تحت امرك يافندم
إسراء : يلا دلوقتي مستني اي
ياسر : حاضر حالا وهتكون 100 جنيه ع مكتبها
إسراء : طب انا محتاجه اشرب عصير
عندك عصير ولا محمد اخويا مش جيبلك تلاجه صغيره زي اللي ف مكتبه
ياسر : عندي! دانا عندي وعندي وكمان كل أنواع العصير اتفضلي ادخلى
دخلت إسراء مكتب ياسر وقعدت
وياسر راح وفتح التلاجه وهو بيجيب العصير قال ف نفسه
ف حاجه غريبه بتحصل انا متأكد ان كل اللي هيا بتقولو دا مبررات بس عشان تيجي وتتكلم معايا
بس نظرتها اول لما شافتنى انهارده غريبه بردو بس لا لا ازاي دي المفروض مخطوبه لخالد
وفضل سرحان وهو بيجيب العصير وبيتكلم ف نفسه واسراء سمعه كلامه وقالت تنقذ الموقف
إسراء بصوت دلع : اي ياستاذ محتار تجيب عصير اي مش عارف انا بشرب اي ولا اي
ياسر بستغراب من أفعال إسراء : لا طبعا عارف بس بحاول اجيبلك عصير يكون ساقع شويه عشان العصير كله لسه محطوط ف التلاجه
إسراء : طيب ماشي
ياسر جاب العصير وهو بيدي ل إسراء العصير أصرت انها تمد ايدها اليمين وهي بتاخد العصير
ياسر بتعجب!! : اي دا يا انسه إسراء هو حضرتك نسيتي تلبسي الدبله
إسراء : دبلة اي ااااه قصدك دبلة الخطوبه لا لا دا كان هم وخلصت منه
ياسر بصدمه قال ف نفسه ازاي دانا اعترفتلك بحبي ليكي قبل ماتتخطبي لخالد وانتي رفضتيني عشانه ازاي بسهوله دي تقولي عليه هم وخلصتي منه
إسراء سمعته وقالت ف نفسها بفرحه اي دا انت بتحبني يابطه وبعدين حد يرفض العثل دا دانا كنت غبيه اوي
ياسر ب فرحه : طب كويس انك خلصتي منه والله كان خنقه وكان فاكر نفسه بيفهم ف كل حاجه وهو ولا بيفهم ولا نيله
إسراء بضحك : انا كنت حاسه انك مش طايقه بردو بس يلا الحمد الله
ياسر : الحمد الله بس عارفه انك بقيتي قم
قطع كلامه صوت تليفون المكتب
ياسر : الو
محمد بزعيق : انتو بتعملو اي عندكم احنا هنشوف شغلنا ولا لا ياستاذ اتفضل ادي السماعه ل اسراء
ياسر بقلق وتوتر : اتفضلي كلمي استاذ محمد يا انسه إسراء
إسراء بخوف : الو
محمد بهدوء تام وحنيه : اي ياقلبي مش يلا عشان نمشي نروح نتغداء .. انا جوعت جدا انتي مش جعانه ولا عجبك العصير اللي بتشربي دا
إسراء بصدمه : اي دا انت شايفني ازاي
محمد بضحك : بصي فوقك هتلاقي كاميرا ياروحي يلا مستنيكي
إسراء جريت ع بره بسرعه وراحت دخلت مكتب اخوها وقالتله انا جيت يامحماااا
محمد : اخر مره تعملي كده اشطا
إسراء بدلع : حاضر ياابيه
______________________________________
ف فندق ما ف فرنسا مسؤل استقبال الفندق بيتصل بغرفة 107 مساء الخير يامدام سعاد
مدام سعاد : مساء النور
استقبال الفندق : بفكر حضرتك يافندم بمعاد حجز طيارة حضرتك النهارده الساعه 5 المغرب يافندم
مدام سعاد : تمام شكرآ لحضرتك
… مدام سعاد مامت إسراء ومحمد من ساعة لما سفرت فرنسا مع جوزها والد إسراء ومحمد لحد الان منزلتش مصر حتى يوم وفاة جوزها منزلتش ومحمد حاول يوصلها لكن معرفش..
______________________________________
اسماء بتتصل ع خالد ومش بيرد عليها فاتصلت ع محمد اخو إسراء محمد واسراء كانو نزلين من الشركه رايحين النادي عشان يتغدو
موبيل محمد رن رقم اسماء
محمد : الو اذيك ياسماء
اسماء : انا الحمدلله ياستاذ محمد اخبار إسراء اي
محمد : إسراء تمام الحمد الله
اسماء : طب حكيتلها عني زي كل يوم ولا لسه
محمد : اكيد طبعا واحنا دلوقتي رايحين النادي نتغدا هعدي اخدك زي كل مره
اسماء : تمام ماشي رغم اني لسه واكله بس مايضرش هههههه
محمد بجديه : تمام ماشي
محمد قفل مع أسماء ودا كله وإسراء سرحانه اصلا ف ياسر وقد اي هو بيحبها وانه شخص جميل وطيب ودمه خفيف وهي كانت عبيطه ومش بتحبه هو وبتحب واحد مايستهلش اصلا
محمد بصوت واطي : احححم احممم القمر سرحان ف اي
إسراء : ها لا ولا حاجه
محمد بابتسامه : اي الواد خطف قلبك
إسراء باحراج : بس ياولا… الله بتكسف
محمد : طب خلاص ياسوسو صحبتك هنعدي
ناخدها من قدام بيتها وهتيجي تتغدا معانا…
(محمد بيتريق ع اسماء ويتكلم بمياعه ) وبتقول رغم اني لسه واكله بس مايضرش نننننن وبتضحك
…
إسراء بتموت ع نفسها من الضحك ع شكل محمد وهو بيتريق ع صحبتها
..
إسراء : هههههههه كفايه همووت من الضحك خربيتك يا محمااا انت طلعت مسخره
محمد بعصبيه : مهو اصلا البت دي مش برتاح ليها اصلا
إسراء : طب اهدي ياحبيبي انا اصلا معرفهاش تعال ننفضلها ونروح نتغدا احنا لوحدنا
محمد : ماينفعش دي لازم تشوفيها كل يوم عشان تحاولي تتذكري اي حاجه من الاخر كده هي بتساعدنا فانها بتفكرك بمواقف وذكريات معاها ف الكليه او الشارع
إسراء : امممممم ماشي هاتها وانا هقراء أفكارها واشوف البت دي تمام ولا لا أدام انت مش مرتحلها
محمد بدهشه : تصدقي صح انا نسيت انك بتقرئ الأفكار
إسراء : عيب عليك هو انا اي حد دانا سعديه والاجر ع الله هههههههه
محمد بيضحك ومشى بالعربيه
و اول لما وصل تحت بيت اسماء إسراء بصت ع مكان الحادثه وسرحت للحظات وفجأه صرخت بصوت عالي ومسكت دماغها
______________________________________
(عند خالد)
خالد راح سحب الفلوس من البنك اللي إسراء كانت مديهاله قبل الحادثه بيومين وراح بالفلوس ع البيت ودخل يتسحب عشان الحاجه كريمه ماتشفوش وفعلا دخل الاوضه وقفل ع نفسه وطلع الفلوس من الشنطه وفضل يضحك بصوت واطي ويشم ف الفلوس ويحدفها ع السرير ونام ع الفلوس زي ناصر الدسوقي ف مسلسل الاسطورة بس خالد غلبان فرحان ب٥٠٠ الف جنيه اللي ضحك ع إسراء وخدهم منها
فلاش باك
خالد : بصي يااسراء ياحبيبتي انا عاوز اقولك حاجه بس محرج منك
إسراء بحب : ياقلبي هو ف حد يتحرج من خطيبته اللي هتبقا مراته دا اسمه كلام بردو
خالد بيمثل انه محرج فعلا : لا مهو مش هينفع ياروحي.. لا لا خلاص انا مش هقول لانه عيب يعني
إسراء بصوت جاد : هو اي اللي عيب ياخالد ف اي انت بتفكر ف اي
خالد بكدب : لا لا لا مش قصدي حاجه والله انا قصدي اني عيب اطلب منك حاجه يعني اخد منك فلوس يعني عشان صفقة وكده
إسراء بستغراب : صفقة ! صفقة اي؟
خالد بيتمسكن : صفقة كده حلم حياتي اني كنت اعملها بس للاسف مش معايا فلوس ليها بس خلاص بقا مش مشكله
إسراء : طب دي صفقة اي او معرضتش الصفقة ع محمد اخويا ليه؟
خالد : لا دي ملهاش دعوه بشغل الشركه
دي صفقة استيراد وتوريد دي فيها مكسب الضعف وانا صراحه هموت واعملها ياقلبي بس كنت محتاج حد يديني نص مليون جنيه بس وف خلال أسبوع ارجعو تاني
إسراء بضحك : بقا هي دي الحاجه اللي مش هينفع اقولها وعيب دانا فهمتك غلط.. ع العموم ياقلبي انا ممكن أعرض ع محمد اخويا ويدهملك وتبقا ترجعهم تاني اي رأيك
خالد بخوف : لا لا محمد لا قصدي يعني انا مش عاوز محمد يعرف اني باخد طريق وببني نفسي بعيد عن الشركه عشان مايزعلش مني
إسراء : طب خلاص ماشي انا معايا المبلغ دا بس اسبوع ياخالد ويرجع عشان المبلغ كبير ومحمد لو عرف هتحصل مشكله
خالد بخبث : حاضر والله هو اسبوع واحد بس وهرجعهملك تاني.. ربنا مايحرمنيش منك يا روحي انا مش عارف اشكرك ازاي
إسراء بصدق : ياحبيبي انا وانت واحد ولازم أقف جمبك عشان نخلص ونتجوز بقاا
نرجع من الفلاش باك
صوت باب الاوضه بيخبط
خالد ايوه
الحاجه كريمه : انت جيت امتا واي جابك تاني
خالد : ثواني ياماما بلبس وخارج
الحاجه كريمه : ماتخرجش انا اللي هسبلك البيت وهخرج روح ياشيخ قلبي وربي غضبانين عليك منك لله منك لله ضيعت أجمل حاجه من ايدك منك لله
خالد بتريقه : احلى حاجه قال دي الفلوس هي الاحلى حاجه ف الدنيا
______________________________________
(ف مكتب ياسر)
ياسر كان بيكلم اخوه تامر ف الموبيل
( تامر اكبر من ياسر ب10 سنين وياسر عنده 25 )
ياسر : اه والله ياتامر زي مابقولك كده
تامر بفرحه لاخيه : طب كويس يابني لو كده افتح كلام معاها وخد رأيها ولو كده نخلي الخطوبه ف أقرب وقت
ياسر : خير ان شاء الله انا مش مصدق وفرحان اوي يا تامر والله
تامر : ربنا يفرحك دايما ويجعلها من نصيبك ياحبيبي انا والله نفسي اشوفك مبسوط مع اللي بتحبها ياياسر ربنا يوفقك يارب
ياسر بصوت عالي : ادخل…
اللهم امين ياتامر اسيبك انا بقا دلوقتي عشان اشوف شغلي
( يقصد منه اللي خبطتت ع باب المكتب ودخلت )
ياسر : خير يامنه ف حاجه
منه : اه طبعا فين المكافأة
ياسر بضحك : انتي صدقتي
منه : اه طبعا الانسه إسراء هي اللي قالتي وهي نازله مع استاذ محمد ابقى خدي المكافأة من استاذ ياسر
ياسر : طب هي قالتلك المكافأة كام ولا لا
منه : لا ماقلتش بس اكيد يعني هتصرف مكافأة محترمه مش 100 جنيه يعني دي اخت صاحب الشركة
ياسر بضحك شديد : بظبط كده هي فعلا 100 جنيه
منه بصدمه : بتهزر صح
ياسر : لا والله 100 جنيه فعلا
منه : هاتها هاتها مش هقول لا بردو هشلها تذكار
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية إسراء)
