رواية إسراء الفصل الأول 1 بقلم إسراء بكار
رواية إسراء البارت الأول
رواية إسراء الجزء الأول
رواية إسراء الحلقة الأولى
فتحت عينها لقت نفسها ع سرير جوه أوضة
اتصدمت وخافت وبدأت دقات قلبها تبقا سريعه وتتنفس بسرعه من الخوف
فجأه لقت باب الاوضه بيتفتح ودخل منه شاب وبيقولها : يلا ياروحي كل دا نوم قومى بقا
اترعبت اكتر وقالت بسرعه وبصوت كله خووف :
انت ميين!! وانا بعمل اي هنا؟؟
الشاب ضحك بصوت عالي خلاها تستغرب وتقول لنفسها هو اي اللي يضحك
الشاب : طب قومي يا إسراء وانا احكيلك ع كل حاجه
هي : إسراء؟ إسراء مين انا ماسميش إسراء
الشاب : امال اسمك اي النهارده
إسراء سكتت و سرحت ومعرفتش تقول اى
الشاب بضحك : طب قومي يلا عشان نفطر وانا احكيلك كل حاجه
إسراء بصوت حزين و خوف : انا مش عارفه انت مين وعايز مني اي بس ممكن تطلع بره وانا هاجي وراك
الشاب : حاضر بس ماتتاخريش عشان انا عملتلك الاكل اللي بتحبي
إسراء : حاضر
خرج الشاب من الاوضه وهي فضلت تبص ف كل حته ف الاوضه وتحاول تعرف هي بتعمل اي هنا
ولا اى اللى حصل امبارح لكن للأسف مافتكرتش حاجه ومش قدامها حاجه غير انها تخرج من الاوضه وتسمع من الشاب وتفهم!!
خرجت من الاوضه لقت الشاب قاعد ع السفره مستنيها
الشاب : تعالي ياسوسو خايفه ليه
إسراء بغضب : طبعآ لازم اخاف هو انا اعرفك
الشاب بهدوء و ابتسامة : بصي ع الحيطه دي كده
هي بصت لقت صوره كبيره فيها الشاب وهيا
وكان شايلها ع ضهرو وهي بتضحك ف الصوره وباين انهم كانو مبسوطين اوي ف الصوره
إسراء بستغراب شديد : هي اي الحكايه هوا دى انا
الشاب : اقعدي ياستي وانا احكيلك زي كل يوم
____________________________________
فلاش باااااك
اسراء : محمد انا خلصت ونزله عشان اتاخرت ع الكليه
محمد : ماشي خلي بالك من نفسك ياروحي
إسراء قفلت باب الشقه ونزلت ركبت عربيتها
واتصلت ع اسماء
( اسماء صحبت إسراء من ايام الثانوي ومعاها ف نفس الكلية كلية الهندسة )
اسراء : الو ياحيوانه
اسماء بصوت كله نووم : اممممم
إسراء بزعيق : قومي ياكلبة البحر انتي هو انا كل يوم هفضل اصحيكي و نروح الكليه متأخر بسببك
اسماء بصوت كله نوم وبتخرف : طيب طيب مااااشي انا هعمل كل اللي انت عاوزه
إسراء بصوت عالي واستغراب : هو مين دا يابت وهتعمليلو اي انتي مين معاكي ف الحلم ياقليلة الأدب قومي يابت قبل مايعمل فيكي حاجه
اسماء بفزع ع الصوت : حاضر حاضر قومت يا جزمة
اسراء : انا وصلت تحت بيتك البسي يلا عقبال ماجيب هوت شوكلات من عم عبده يلا سلام
( عم عبده راجل كبير معا عربيه مشروبات قدام بيت اسماء ع الناحيه التانيه من الطريق )
اسراء ركنت عربيتها ونزلت عدتت الطريق وراحت لعم عبده
اسراء بصوت عالي وهزار : عم عبده ياراجل ياطيب
عم عبده : ازيك ياست البنات اي صحبتك لسه نايمه كالعاده
إسراء بضحك : اه مهيا لازم تأخرني عشان اجي أصبح عليك وانفعك، اوع تكون متفقه معاك دي واطيه وانا عارفها تبيع ابوها عشان الفلوس
عم عبده : هههههههه يابت بطلي بكش ولو ع الحساب خلي عنك خالص تكفى بس اني بستفتح بوشك القمر دا
اسراء بهزار : هقول لاخويا انك بتعاكسني
عم عبده : هههههههه يابت هتموتيني من الضحك خدي الهوت شوكلات بتاعك اهو
ف اللحظه دي موبيل إسراء رن وكان اللي بيتصل اسماء
ردت إسراء عليها بسرعه وبعصبيه
اسراء : ايوه يازفته انت…..
قطع كلام إسراء صريخ اسماء ف الموبيل
إسراء بلهفه وخضه : مالك ف اي اسماء مالك ف اي اسماااااء اسماء
اسماء بصوت عالي وصريخ : الحقيني يااسراء الحقينييييي
إسراء من الخضه وخوفها ع صحبتها الموبيل وقع من ايدها وجريت تعدي الطريق عشان تطلع لصاحبتها وتلحقها
وهي بتعدي الطريق عربيه خبطتها…..
( بااااااك )
_____________________________________
محمد : بس ياستي هو دا كل اللي حصل روحتي المستشفى والدكتور قال انك عندك فقدان ذاكره مؤقت ودي حالة وكل يوم تصحى مش فاكره اي حاجه وانا أفضل اقولك واشرحلك كل حاجه
اسراء بصوت حزين : معلش يا محمد تعباك معايا
محمد بابتسامه : ع فكره انتي فرفوشه
إسراء بحزن : طب انا المفروض بعمل اي او هعمل اي انا مش عارفه حاجه خالص
محمد : لا اهدي كده ياروحي وقومي يلا البسي عشان تيجي معايا المصنع بتاعي
إسراء بستغرب : المصنع بتاعك ؟
محمد : اوبا نسيت اقولك اني عندي مصنع صغير كده بتاع اللعاب الاطفال
إسراء بدهشه : واي تاني يابيه اوعا يكون عندنا عربيه وبنخرج بقا انا وانت وكده وبنشقت بنات
محمد بضحك : خربيتك هتموتيني هو اه عندنا عربيه بس مش بنشقت بنات
إسراء بفرحه كبيره: هييييييييييه عندنا عربيه عندنا عربيه
محمد : طب يلا ياحبيبتي وكملي فرحتك دي ف الطريق البسي يلا عشان اتأخرت
إسراء بلهفه : ف دقيقه الا تلت هتلاقيني جاهزه ياسي محمد
إسراء ومحمد نزلو من الشقه واسراء كانت ف صدمه من فخامة الشقه بتاعتهم والبرج اللي قعدين فيه ومن المنطقه الراقيه جدآ
إسراء : محمد هو احنا مش فقراء وغلابه وكده
محمد : لا ياقلبي احنا بابا الله يرحمه كان دكتور مشهور ف فرنسا وكان مبسوط مادياً بس انتي اللي كونتي مش بتحبي تعيشي عيشت الاغنياء بتحبي تكوني بلدي ومتواضعه جدا وكأنك من حي شعبي
محمد وصل عند العربيه وبيفتح الباب بريمود
إسراء بصدمه : اي دا
محمد : اي ف اي
إسراء بدهشه : العربيه بتفتح لوحدها يامحمااااا
محمد : ههههههه يابنتي انتي ف اي النهارده قلبتي فلاحه وفقيرا كده ليه واي يامحمااااااا دي
إسراء بضحك شديد : ههههههه اسكت البت بتاعت الفيديو اللي بتقول ف يامحمااااااا انت نمت يامحمااااااا محمااااا ههههههههه البت دي بتفصلني ضحك
محمد باستغراب : ثانيه واحده بس انتي اتفرجتي ع الفيديو دا امتا
إسراء : مش فاكره
محمد : طب انتي مسكتي الموبيل النهارده
إسراء : لا انا اصلا مش عارفه انا معايا موبيل ولا ضاع يوم الحادثه ولا مكنش معايا موبيل اصلآ
محمد بفرحه شديده ان اختو بدأت تفتكر لوحدها: طب يلا بينا ع الدكتور بسرعه
______________________________________
( ف مكان ما اخر ف شقة الحاجه كريمه
الحاجه كريمه ست كبيره عندها 58 سنه عندها ابن واحد فقط اسمه خالد )
الحاجه كريمه : يابني ارجع لخطيبتك تاني البنت كانت بتحبك
خالد : مش هرجع ياماما انا زهقت منها كل يوم اقولها انا مين واتعرفنا ع بعض ازاي وموال كل يوم ياماما لحد مامليت وزهقت
الحاجه كريمه : اللي بيحب حد يابني لازم يستحمل
خالد : وانا استحملت كتير هي اه بتحبني وانا بحبها بس لا ياماما دي بقت زي الطفل ياماما
الحاجه كريمه : يابني الله يهديك ارجعلها قبل ماتخف وتعرف كل حاجه
خالد بضحك استهزاء : تخف اي بس ياماما دي بقالها اكتر من 7 شهور مخها تعبان
الحاجه كريمه بستحقار من ابنها : انت ماتستاهلش اللي هي عملتو عشانك ولا تستاهل حبها ليك انت قلبك دا اي حجر
خالد بستغراب : ف اي ياماما انا ابنك ع فكره مش هي
الحاجه كريمه قطعت كلامه بصوت عالي : هي اكتر من بنتي هي وقفت ف وش اخوها عشانك وعملت المستحيل عشان مامتها توافق عليك هي جبتلك شغل ف شركة اخوها وغير انها هي اللي اديتك فلوس دهب الشبكه من ورا أهلها وعملت منك بنى ادم لكن ياخسارة ماتمرش فيك
خالد : انا مش هرجع ليها تاني خلاص انا اصلا شوفت بنت تانيه وهخطبها وشوفت شغل تاني
الحاجه كريمه بحزن شديد : منك لله ياخالد يابني منك لله
______________________________________
( ف عيادة الدكتور عماد )
محمد ماسك ايد إسراء ودخل العياده بلهفة كبيره وراح لسكرتيرة
محمد بصوت كله حماس : ياسمين عاوز ادخل لدكتور بسرعه حالا
ياسمين السكرتيرة : حاضر يااستاذ محمد لحظه واحده……… اتفضل ياستاذ محمد الدكتور ف انتظاركم
محمد دخل لدكتور وهو بيجري وماسك ايد إسراء وطاير من الفرحه واسراء مش فاهمه ف اي ولا مين الدكتور دا
محمد : دكتوووور عماااد إسراء افتكرت فيديو اتفرجت عليه قبل الحادثه ب 17 يوم بظبط
الدكتور بدهشه : احكيلي براحه ياستاذ محمد
محمد حكي لدكتور وقاله ان هي لما اتفرجت ع الفيديو دا عملته مشاركة وبعتتهولي ع الواتس
دا كان قبل الحادثه ب 17 يوم بظبط وهي افتكرت البنت وافتكرت كانت بتقول اي ف الفيديو
الدكتور بابتسامه : طب الحمد لله بدأنا اول درجه ع السلم والعلاج المستورد جاب نتيجه هايله
محمد : انا يادكتور طاير من الفرحه اخيرا الحمدلله انا ……
الدكتور عماد سرح ومش مركز مع محمد وبيقول ف نفسه انا لو اعرف ان العلاج المستورد هيجيب نتيجه كنت خليتك دفعت دم قلبك
إسراء بصوت عالي : انت بتقول اي يادكتور
محمد كان بيتكلم سكت والدكتور اتخض
الدكتور بتوتر : انا متكلمتش يا انسه إسراء الاستاذ محمد هو اللي بيتكلم
محمد بستغراب : ف حاجه يااسراء
سكوت تام لمدة دقيقه
الدكتور بيقول ف سره هي بتسمع الأفكار دي ولا اي
إسراء سمعت فعلا افكار الدكتور للمره الثانيه
إسراء : انا سمعت حضرتك يادكتور بتقول علاج مستورد…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية إسراء)
