رواية إختيار خاطئ الفصل الثالث 3 بقلم إيناس طه
رواية إختيار خاطئ الجزء الثالث
رواية إختيار خاطئ البارت الثالث
رواية إختيار خاطئ الحلقة الثالثة
ملك بتوتر : مازن خطب أخت داليدا اللي معانا في الجامعة
عالية بصدمة : إيه
انتي بتقولي إيه…لا مستحيل أكيد في حاجة غلط
ملك بحزن : للاسف دي الحقيقة
داليدا عزمت كل البنات علي الخطوبة بكرة
عالية كانت واقفة مش مستوعبة اللي بيحصل ودموعها نازلة
ومرة واحدة خدت شنطتها ومشيت بسرعة
ملك ناديت عليها كتير بس مردتش و مشيت وراها علشان تحصلها
_______________________________
عالية روحت البيت وقعدت تبكي وتفتكر كل حاجة وكلام مازن
فلاش باااك
عالية : مش واخد بالك إن بقالنا كتير بنتكلم وبنتقابل ومفيش حاجة لحد دلوقتي ومجيتش زي ما قولت
مازن بتوتر : أجي فين
عالية : هو إيه اللي تيجي فين
تيجي البيت علشان تتقدملي مش ده كان كلامك وقولتلي لما اخلص واتخرج وانت خلصت بقالك شهور
و اشتغلت مع باباك أظن معندكش حجة
مازن : أه طبعا هاجي أتقدملك يا حبيبتي
أنا بس قولت استني لما أظبط أموري الاول
معلش اديني فرصة أفاتح أهلي في الموضوع و بعدها هنيجي نطلب ايدك ونتخطب رسمي زي ما إنتي عايزة
عالية سكتت
مازن : سكتي ليه
عالية : عايزني أقول إيه
مازن : قوليلي إنتي بتحبيني وواثقة فيا ولا لا
عالية : وتفتكر لو مش بحبك كنت هوافق اننا نتكلم ونتقابل طول الفترة اللي فاتت دي
مازن : عارف وإنتي كمان عارفة أنا بحبك قد إيه..كل الحكاية إن كان في شوية مشاكل في الشغل وملقيتش وقت مناسب
أتكلم مع بابا في موضوعنا
بس أوعدك إن قريب أوي هتكون خطوبتنا
باااااك
مسكت تليفونها واتصلت بمازن وطلبت منه يقابلها ضروري
_________________________
في مكان تاني
مازن : خير يا حبيبتي قلقتيني… إنتي كويسة
عالية قربت منه و بكل قوتها ضربته بالقلم وقالت بدموع : ليه تعمل فيا كده حرام عليك أنا عملتلك إيه
ده انا محبتش حد غيرك…تكدب عليا وتفهمني إنك بتحبني وأنا زي العبيطة صدقتك وفي الآخر تروح و تخطب واحدة تانية
مازن بغضب وبجاحة : أااه خطبت يا عالية
و كل حاجة قولتهالك كانت تمثيل بس مش أكتر
انتي بالنسبالي كنتي مجرد رهان
عالية بصدمة و دموع : رهان
مازن : أيوة رهان
اتراهنت مع صحابي و حبيت أثبتلهم إن ممكن أوقع أي واحدة أيا كانت مين و حظك بقي إن الرهان كان عليكي واختاروكي انتي بالذات لانك غير أي واحدة صاحبتها
علشان كده كنتي صعبة عليا فدخلت وعملت القصة دي كلها علشان تحبيني وتثقي فيا
عالية : أنا فعلا مش مصدقة انت شيطان مش بني ادم
مازن : إيه كنتي فاكرة إن أنا ممكن اتجوز واحدة زيك مشيت معاها وكانت بتكلمني من ورا أهلها
وبعدين بصي لنفسك كويس يا حلوة بقي أنا أبصلك انتي علي إيه…أنا كنت بتسلي بس مش أكتر
عالية : انت حقيقي طلعت زبا*لة و أحق*ر واحد قابلته في حياتي… بس أنا مش هسكت و هفضحك في كل مكان لازم الناس تعرف حقيقتك القذ*رة
مازن ببرود : وماله بس مش هتقدري عارفة ليه علشان انتي اللي هتتفضحي يا روحي لما أهلك و الناس تعرف اننا كنا متصاحبين وبنتكلم وبنتقابل
بلاش تلعبي معايا بدل ما أندمك علي اللي هتعمليه وإنتي عارفة ممكن أعمل إيه
وبعدين أنا راجل محدش هيلومني الدور والباقي عليكي
عالية بدموع و وجع : حسبي الله ونعم الوكيل فيك
أنا ندمانة وبكره نفسي إن في يوم حبيت واحد زيك…وسابته ومشيت
____________________________
في بيت مازن كانت نور أخته في الجنينة بتتكلم في الموبايل
نور : معلش يا حبيبي مش هعرف أقابلك علشان بنجهز لخطوبة مازن مش هقدر أخرج
أيمن : خلاص يا حبيبتي ولا يهمك
نور : أوعي متجيش بكرة هستناك
أيمن : متقلقيش هاجي…يلا سلام يا قلبي
خلصت و قفلت معاه ولقيت والدتها
والدتها : بتكلمي مين يا نور
نور : أبدا يا مامي ده أنا كنت بأكد علي صحابي علشان الخطوبة
والدتها : طب يا روحي..كلميهم وأنا هدخل أكلم أخوكي
نور : أوك يا حبيبتي
___________________________
عند عالية روحت البيت وأول ما دخلت اتفاجأت ب ملك عندها
والدة عالية : كنتي فين يا بنتي دي صاحبتك هنا من بدري
عالية : مفيش يا ماما أنا كنت روحت أجيب حاجة واتمشيت شوية
والدتها : طيب يا حبيبتي…اسيبكم أنا بقي
عالية خدت ملك ودخلوا الأوضة
ملك : إيه يا بنتي قلقتيني عليكي و كنتي فين
عالية بكذب : أبدا مفيش حاجة كنت مخنوقة وعايزة أقعد مع نفسي شوية
ملك : عالية انتي مخبية عليا حاجة
عالية بكذب وتوتر : لا مفيش حاجة
ملك : لا في يا عالية
في إنك من لما عرفتي بخطوبة الزفت اللي اسمه مازن وإنتي مش علي بعضك
صدقيني والله ما يستاهلك وانا قولتلك الكلام ده قبل كده وكويس انه اتكشف قدامك قبل ما كنتي تتعلقي بيه أكتر
عالية ساكتة ودموعها نازلة
ملك : في إيه يا بنتي متقلقنيش عليكي…قوليلي فيكي إيه
عالية انهارت في حضنها و حاسة إنها مش قادرة تستحمل أكتر من كده
ملك حضنتها وقالت : اتكلمي يا عالية علشان أقدر أساعدك طلعي كل اللي جواكي
عالية : أنا هقولك علي كل حاجة يا ملك
و حكت لملك علي كل اللي حصل من أول الرسايل اللي كانت بتجيلها لحد مقابلتها ب مازن النهاردة
ملك :..😲😳
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إختيار خاطئ)
