رواية أين أنا الفصل الأول 1 بقلم ريم محمد
رواية أين أنا الجزء الأول
رواية أين أنا البارت الأول
رواية أين أنا الحلقة الأولى
“عايزني أتجوز ممثل ومين!!، يوسف الأنصاري إلى كُلّ مشاهده مش محترمة!!”
_آسر:وهو شاريكِ يا تالين
_تالين:أنا مش عايزة أتجوزه، أنا عايزة أتجوز واحد مُحترم
_آسر:طيب مهو مُحترم
_تالين:قول عايز إيه يا آسر
_آسر:إيه إلى عايز إيه؛بقولك مناسب
_تالين:مرفوض، أنت عايزني أوافق عشان البيزنس إلى بينكم
_آسر:بيزنس إيه صدقيني مناسب ليكِ
^^^^^^^^^^^^^^^^^^^^^^
“فى مكان تاني”
_أمير:أنا بقولك مينفعش نكون مع بعض
_جيلان:بس أنا بحبّك، ومُستعدة أضحي بإي حاجة عشانك
_أمير:أنا
“كات”
_يوسف:مش عايز أمثل الدور دا بعتذر عنه
_المُخرج:بس حضرتك أكتر حد مُناسب فى الدور دا؛لأجل كدا أخترتك
_يوسف:أنا بعتذر عنه، وهقوم أمشي
^^^^^^^^^^^^^^^^^^^^^^^^^
_عمرو:هتعمل إيه يا يوسف
_يوسف:فى إعلان معروض عليّ همثله
_عمرو:مين ال فيننس (الممول)
_يوسف:آسر العُمري
_عمرو:آسر مرة وحدة
_يوسف:اه من زمان كنت عايز أتعاقد مع الشركة دي، والإعلان عن شامبو
_عمرو:هتتفقوا انهاردا
_يوسف:اه
^^^^^^^^^^^^^^^^^^^^^^
_آسر:هعقد مع يوسف الأنصاري شراكة لتصوير إعلان
_تالين:اه، اشمعنا هو
_آسر:وجهة إعلانية+معروف والنّاس كُلّها هتتفرج على الإعلان هيجيب إيرادات عالية
_تالين:اه، ربّنا يسهل أدهم هيجي أنهاردا
_آسر:تمام، متقعديش معاه لوحدك
_تالين:طول ما أنت فى البيت هو هيجي أنما لو برا مبيجيش
_آسر:تمام، البس دا ولا دا؟
_تالين:ألبس الأزرق هيكون مميز
_آسر:تصدقي معاكِ حقّ
_تالين بغرور مُصطنع:اه، أنا فاشون ديزينر
_آسر بمرح:متأكد
^^^^^^^^^^^^^^^^^^^^^^^^
_أدهم:أخيرًا رجعت مصر
_أميرة:لسه بتحبّها يا أدهم؟
_أدهم:دي فى شراييني يا أميرة
_أميرة:وهي؟
_أدهم:معرفش، لحظة حد بيرنّ
ألو، أزيك يا آسر عامل ايه أجي على هناك تمام مسافة السكة وجي
_أميرة:دا مين؟
_أدهم:دا آسر
_أميرة بتوتر:آسر
^^^^^^^^^^^^^^^^^^^^^^
“فى الشركة”
_يوسف:مهيكنش معايا سِت فى الإعلان؟
_آسر:هنجبلك موديلز وأختار إلى تعجبك
_يوسف:اممم، تمام
_آسر:تمام، أدخلوا
_يوسف:لأ، مش عجباني
طلعهم برا معجبنيش حد
_آسر بحيرة:دول إلى عندك، خلاص مش ضروري موديل؛ يبقى الإعلان ليك بس
_يوسف:متأكد معندكش موديلز تاني؟
_آسر:لأ
“بعد انتهاء الاجتماع”
_يوسف:طب ودي
_تالين بحدة:أنا تالين العُمري أخت آسر العُمري
_أدهم بغضب ممزوج بغيرة:
دى شريك فى الشركة مش سلعة
_يوسف بهدوء مُخيف:خلاص أعمل الإعلان لوحدي يبقى كُلّه بتاعي
_آسر:تمام اتفقنا، وأسف على الى حصل
^^^^^^^^^^^^^^^^^^^^^^^
_يوسف بهدوء:جبلي كل المعلومات عن تالين العُمري
_عمرو:أخت آسر؟
_يوسف:ايوا، وبسرعة يا عمرو وكمان أدهم العُمري
_عمرو:تمام
^^^^^^^^^^^^^^^^^^^^^^^
_تالين بغضب:دا وقح ومش عايزة أشوفه نهائي
_آسر:حصل خير لمَّا صدقنا يوافق هستفيد منه كويس وبعدين مكنش يعرف أهو عرف
_تالين بهدوء:أهم حاجة شُغلك ميضرش وربنا يقدم ما فيه الخير
_أدهم بتوتر:ألو، أزيك يا تالين
_تالين:الله يسلمك عامل ايه
_أدهم:الحمد لله بخير، أسف على مضايقته ليكِ
_تالين بإضطراب:ملكش ذنب فى إلى حصل المُهم الإعلان يبقى كويس
_أدهم بهيام:متى يكون القمر ساطعًا ليّ وحدي؟
_تالين بهدوء مصطنع:حينما تكون الليلة قمرية
_أدهم:وخافقي المُهلكَ الذى يأبى التوقف؟
_تالين:سيهدأ، يومًا ما تحِلُ غيمة السكينة عليه يبتُ مطمئنًا
_أدهم بتَعلثُم:سلام يا تالين
_تالين:سلام
“آهٍ من هوى قد أشتعل فتيلًا ليصبح متوهجًا كشمس الأرض وهل له من مُثلِج؟”
^^^^^^^^^^^^^^^^^^^^^^^^^
فى الصباح التالى”
*أقبل ومعه الأخبار المُحملة بالغيوم التى ستنفجر فى أى بُرهة ليجلس يوسف يُباشر عمله وبعدها يستلم ملف خاص ب “تالين”*
_يوسف:حلو أوى “تالين العُمري”
_عمرو بحماس:نوعك المُفضل
_يوسف بتفكير عميق:لسه متأكدتش
^^^^^^^^^^^^^^^^^^^^^^^^^^^^^^
_تالين:هو أدهم لسه خايف من آسر؟
_أميرة:أدهم بيتحرق كُلّ يوم من الموضوع دا يا تالين
_تالين بهدوء:دا لُغز غامض ملوش حلّ نهائي
_أميرة بهدوء:حلّ، كلمة حلّ دي اتبخرت من زمان آسر هو آسر متغيرش
_تالين:أنا أخته ومش فهماه
_أميرة:جالك حاجة؟
_تالين بغموض:لأ، لحد دلوقتي
^^^^^^^^^^^^^^^^^^^^^^^^^^
_يوسف بغموض مماثل:هتأكد، لأ محدش هيعرف مش هرحم حد وقتها
“تريث يا فتى فما عليك إلَّا التأكُد”
_يوسف بهدوء:ما ليّ سواها؟
“لا نعلم بعد”
^^^^^^^^^^^^^^^^^^^^^^^
“يوم الإعلان”
“شامبو يُنهى القشرة”
_المُخرج:هايل يا يوسف هايل
_يوسف بإرهاق:أنا تعبت، هروح أنا
^^^^^^^^^^^^^^^^^^^^^^^^^^^^
“فى منزل يوسف”
_عمرو:شكلك تعبان باين عليك أوى
_يوسف:اه، ممكن تسبني لوحدي
_عمرو:تمام
^^^^^^^^^^^^^^^^^^^^^^^^
_تالين:ممكن أتكلم معاك فى حاجة يا
آسر؟
_آسر:اتكلمي
_تالين:أنا، أدهم عايز
_آسر بغضب:ممنوع جوازك أنتِ وأدهم لأ
_تالين بهدوء:إيه إلى بينكم
_آسر:على جثتي جوازكم
_تالين بخيبة أمل:دا أخر كلام عندك؟
_آسر:اه
“كيف للهوى أن يحرق ربه إلِّا إذا كان بسببه مُعذَبُ”
_أدهم:كنت عارف أنه هيرفض بس على جثتي لو كانت لغيري
_أميرة:والحلّ
_أدهم بغموض:الحلّ!
^^^^^^^^^^^^^^^^^^^^^^^^^
“بعد مرور مُدة”
_آسر بإنبهار:الإعلان حقق إيرادات عالية
_تالين بهدوء:اه
_آسر:هنعمل حفلة
_تالين:إلى تشوفه
_آسر بحنان:مش عايزك تزعلي مني بس أنا عارف مصلحتك كويس
_تالين:أنت عارف أننا بنحبّ بعض وكمان عايزين تبقى عارف كُلّ حاجة لأنك عارف عُمري ما هخون ثقتك
_آسر بمرح:لأجل عُيونك العسلي دي بعمل كُلّ دا
_تالين بتنهيدة مسموعة:امتى الحفلة؟
_آسر:بكرا
٩
^^^^^^^^^^^^^^^^^^^^^^^
*كان القصر يَعج بالحضور استعدادًا للحفل بمناسبة النجاح الباهر الذي حققه الإعلان وضجت سمعته ويوسف على وشك أن يكون من العلامات التجارية، كانت ساحة القصر بها عدد كبير من المنضدات وكراسي وأمام كُلّ ضيف كيكة ومشروب غازي، وبه أنوار بإلوان بهيجة متنوعة والمكان مُزين بالبالونات والأشياء الزخرفة
*أتى يوسف وسلّم على الجميع يليه آسر وفى نهاية المطاف أتت تالين وكانت فى غاية البساطة والإبهار فى الوقت عينه، لتليها نظرات أدهم الهائمة العاشقة كان يرنو إليها فى أدق التفاصيل وكُلّ حركة تصدر منها تحت أعين أدهم وكان أيضًا لها شطر من نظرات يوسف!*
_آسر:ودي أختي تالين
_يوسف:اتعرفنا قبل كدا يا أنسة تالين بس بشكل غير لطيف
_تالين بهدوء:حصل خير
_يوسف بغموض:كُلّ الخير
*أحتفلوا وأعلنوا نجاحهم وانتهى الحفل بدون عوائق تُذكر*
“لعلّ العوائق تنجلي ويصبح الشمس والقمر من الشواهد على حبّنا”
^^^^^^^^^^^^^^^^^^^^^^^^^^^^^
_آسر بجدية:يوسف متقدملك
_تالين بغموض:عارفة
_آسر بإندهاش:بس دي أول مرة أقولك
_تالين بهدوء:قولتلي قبل كدا وقولتلك “عايزني أتجوز ممثل ومين يوسف الأنصاري إلى كُلّ مشاهده مش محترمة”
_آسر بصدمة:بس دي أول مرة أقولك لمَّا عرفت علطول
يتبع…
لقراءة الفصل التالي : اضغط هنا
الرواية كاملة اضغط على : (رواية أين أنا)
