رواية أول مايو الفصل العاشر 10 بقلم هبة النحاس

رواية أول مايو الجزء العاشر

رواية أول مايو البارت العاشر

رواية أول مايو الحلقة العاشرة

#الحلقة_العاشرة
بعد اسبوع
ريهام ولينا فى الجامعة
ريهام : أنا جيت عشان اديكى الاسئلة على فكرة
لينا: الله يخليكى حبيبتى … انتى مذواقة كتير …. ذوق يعنى
ريهام : هههههههه انا بافهم سورى على فكرة وصاحبتى فى السكن سورية
لينا : انتى مش عايشة مع اهلك
ريهام : لا انا بابا وماما ميتين وكنت عايشة مع عمى فى بنى سويف وبصراحة مصدقت التنسيق جابنى القاهرة قعدت اول السنة فى سكن الجامعة وبعدين أجرنا شقة انا واتنين صحابي سوريات ووالدتهم معانا
لينا : الله يرحمهم حبيبتى … بس بدى اسألك سؤال وما تعتبريه تدخل منى … تسكت لينا
ريهام : لا براحتك اسألى .. انا حبيتك اوى يا لينا والله وانا عارفة انتى عايزة تقولى ايه
لينا : عن جد … طب شو بدى اسأل
ريهام : ليه مصاحبة الشلة بتاعتنا
لينا : تبتسم .. عن جد اه .. انتى ما متلهم … لا مروى ولا خالد هادا … ولا البنات اللى معكم
ريهام : (محرجة) بصي يا ستى انا اول ما دخلت اتعرفت على شاهر حد محترم اوى وجدع وكمان بيساعدنى كتير فى فلوس الجامعة والكتب وكمان مش بيحسسنى بده ولا بيمن عليا … خالد ده ابن عمه وكان موجود فى الجامعة … وخالد اول ما تشوفيه تنبهرى بيه بس شاهر حذرنى منه وبقيت بعيدة عنه وحاول يرسم عليا بس شاهر بعده عنى بس انا بطبيعتى مبحبش حد يعرف عنى حاجة ففضلت معاهم وبقيت انا وخالد اصحاب عاديين واللى معاهم فى الشلة غصب عنى بقيت معاهم عشان هما بتوع مصالح ميهمهمش انا مين ولا يفرق معاهم غير خروجهم والديسكوهات والفلوس اللى خالد بيصرفها عليهم وانا مش باخرج معانم فبيعتبرون. زميلة وخلاص … اما مروى دى بقا مش صاحبة حد غير نفسها ومبتحبش حد غير مصلحتها وهى بتتمنظر عشان فى شلة الملك بقا وحاجة كمان …
لينا : حاجة ايه .. قولى
ريهام : امممممممم … اقولك بس سكرتة
تشير لينا برأسها بالموافقة
ريهام : بتحب شاهر
تبرق لينا وتسكت سرحانة وتكمل ريهام
بس شاهر ولا فى دماغه … شاهر راجل اوى رغم صغر سنة وعلى فكرة شاهر ده عدو المرأة
لينا : (مستغربة) ليه عدو المرأة يعنى مش حاساه بيكره البنات
ريهام : بصي دى حاجة تخصه يمكن الظروف تخليكي تعرفيه بس قصدى مش بتاع حب ولا ارتباط .. بس بقا عشان شاهر جاى
يأتى شاهر اليهما
ريهام (بفرحة ) : فينك يا شاهر … طمنى
شاهر : التذاكر اهى اول تذاكر ليكى وللينا كمان…. يعطيها التذاكر ويسلم على لينا
ريهام (بخبث) : ليا انا ولينا اه بس دول اربع تذاكر يا فنان مش اتنين
شاهر (بحرج) : اه ما عشان اصحاب لينا بسنت وشهد
ريهام : ااااااااااه … ماشي يا رومانسي
لينا : شكرا كتير شاهر بالتوفيق
شاهر : اوعوا متجوش يا لينا انتى وشهد وبسنت… انا هامشي يا ريهام عشان مشوفش حد من الشلة وورايا ستين حاجة عشان خالد عامل حوارات ولازم تخلص ومتقوليش حاجة للشلة عشان محدش يتضايق لو جم الحفلة … وينظر الى لينا …
يسلم عليهم ويمشي …
لينا : طيب كتير شاهر
ريهام (بضحك) : لا وشكل عقدته هتتفك .. بركاتك يا شيخة شهد
تضحك لينا : وما لقا غير عدوة الارتباط … شهد دى اكتر واحدة رومانسية وعمرها ما ارتبطت وتقول اللى هترتبط بيه لاول مرة هتتجوزه عقلانية لدرجة تخنق بيقولوا عنها مثالية بس هى عقلها اكبر من سنها ما عاشت سن المراهقة ما حبت حدا حتى اللى حبوها ما عبرتهم ولا حنت … تعرفي حد قريب مروى صاحبتكم دى ساب البلد وهاجر بسببها وهى ما تأثرت حتى
ريهام : ياااااه قلبها جامد اوى كده ميبنش عليها
لينا : بالعكس احن قلب بالدنيا بس ما تفهمى السبب يمكن مامتها قوت قلبها وهى وحيدة يعنى … بس كلنا بنحبها وكل اللى يعرفها لازم يحبها … انتى كمان يا ريما طيوبة كتير
ريهام : حبيبتى ربنا يخليكى … يالا نمشي ولا وراكى حاجة هنا
لينا : لا ..يالا انا كمان مروحة
فى فيلا شهد
تتكلم فى التليفون
شهد : لا يا ماما انا بس باجيب حاجات من هنا وهاتصل بأم محمود تيجي بقا عشان الفيلا تنضف فرح لينا كمان اسبوعين وانا اول امتحان بعد بكرة هارجع على هنا وكفاية كده اوى
ماشي يا ماما انا عندى حل قلت اقترحه عليكى قبل ما اقول لرضوى … رضوى حامل ومشوار المستشفي بعيد اوى عليهم اخلى رضوى ووليد ييجوا يقعدوا معايا كده تطمنى شوية … واهى حجة كويسة نقولها لخالتو هناء …. ماما انتى خايفة عليا كده ليه مش هاتخطف والفرح يخلص وهاجيلك … ماشي يا حبيبتي … بوسي لي بابا … لا انا هاقعد هنا استنى لينا جايه هنشترى حاجات وهاوصلها واروح على خالتو … ماشي يا حبيبتي …. محمد رسول الله
تغلق السماعة وتجد الدادة تنظر لها
شهد : مالك يا دادة بتبصي لي كده ليه
ام محمود : صعبانة عليا يا بنتى عايشة اكبر من سنك وامك خايفة عليكى وده حقها

شهد: وانا يا دادة متحملة فوق طاقتى …. مروى مستفزة لدرجة مميتة باضغط على اعصابي عشان متنرفزش وعشان خالتو ورضوى ميحسوش … اعمل ايه وانا واحدة لو كتمت اموت … وهى فى اخر الدنيا برضو مش عايزة اشيلها همى بس خلاص اتخنقت … يالا يا دادة ميهمكيش … اعملى لى شاى وقللى السكر ووحشنى الأكل من ايديكي اوى … شوفي هتعملى لنا ايه واعملى حساب لينا ….
يرن جرس الباب
روحى انتى شوفي اللى وراكى وانا هافتح
فى فيلا بسنت
بسنت نايمة فى اوضتها . باب الأوضة يخبط
بسنت : اييييييه .. . مين عايز ايه
تدخل دادة هنية
هنية : يا بنتى قومى انتى نايمة من امبارح
بسنت : وانتى مالك يا ستى … انا نايمة على سريرك
هنية : يا بنتى قومى كلى لقمة حتى مفيش حاجة دخلت جوفك من امبارح … وصافي هانم عايزاكى تحت
بسنت : باقولك ايه … فككوا منى كلكم قولى لها ماتت
هنية : يا بنتى تفي من بوقك وقومى الله يهديكى …. دى عفاريت الدنيا بتطنطط فى وشها
بسنت : ترميها بالمخدة … اعملى لى نسكافيه وانا هاقوم
تنزل ع السلم بالبيجامة تجدصافي رايحة جايه ومتنرفزة
بسنت : خير يا ماما
صافي : هييجي منين الخير … مبترديش على سامى ليه …بيتصل بيكي بقاله ٣ايام … ايه اطرشتى
بسنت : (بزهق) نايمة
صافي : متستعبطيش يا بسنت انا مصدقت اتعدلتى هتتعوجى تانى
بسنت (بزعيق) : انتى عايزة ايه منى .. انتى شايفانى واحدة من اصحابك اللى بتقعد معاكى على ترابيزة القمار … انا بنتك ولا انتى جبتينى من الملجأ ولا ايه … انا بسببك شهد بقالها اسبوع مخصمانى و…..
صافي : شهد ايه وزفت ايه … البت اللى مبوظاكى دى انشاله مكلمتك يارب ياختى متكلميها تانى …اللى خلتك بقا عندك خمسين سنة وعاملالى فيها امك …. بلا هم اطلعى البسي وسامى جاى عايزاكى تنزلى قمر والضحكة على وشك …. فاهمة
بسنت :(بتأفف) ماشي
تطلع بسنت تلبس اما شهد ولينا فى احدى المولات ولينا تقيس فساتين الخطوبة
شهد: ده تحفة عليكي
لينا : بس غالى اوى
شهد : انتى مالك … ده هدية ماما
لينا : لا يا شهد كفاية كل اللى بتعملوه كده كتير احنا نروح ناخد اى فستان ايجار وخلاص
شهد :يوووووه … لو سمحتى يا انسه هناخد الفستان ده
لينا (بفرحة) ربنا يخليكي ليا
فى بيت ماجد الصفتى ابو خالد
ماجد : شاهر شوف لى الزفت خالد فين …ده عمل مصيبة وهيتسجن …
ويقع ماجد فى الارض مغمى عليه
يا ترى خالد عمل ايه وايه هيحصل مع بسنت ورد فعل شهد من شاهر