رواية أولى خطوات العشق الفصل الخامس 5 بقلم سارة محسن
رواية أولى خطوات العشق الجزء الخامس
رواية أولى خطوات العشق البارت الخامس
رواية أولى خطوات العشق الحلقة الخامسة
إياد بضيق/جره اي يا روان في حد يعامل حد بالطريقه دي
روان بضيق /حد ايه دول مش اي حد دول الخدامين بتوعنا وبياخدوا فلوس اخر الشهر علي خدمتهم لينا فأعاملهم براحتي ،نظر إياد لروان بضيق قائلا/مش اسمهم خدامين اسمهم ناس بيجوا يساعدونا عشان المدلعين اللي زي حضرتك مابيعرفوش يعملوا حاجه في شغل البيت فمن غيرهم مش هتعرفي تعملي اكلك ولا تغسلي لبسك ولا تروقي المكان اللي بتقعدي فيه فالمفروض تشكريهم وتعامليهم بذوق واحترام شويه وخصوصاً لو كانوا تعبانين ذي ريفان كيدا
روان بلا مبلاه /ماهي ذي القرده اهي ايه اللي متعبها بقي انشاء الله
اياد/ايديها مجروحه
روان برفعة حاجب/وانت ايش عرفك بقي هما الخمس دقايق اللي وفقت معاها فيهم في الجنينه عرفت عنها كل حاجه *انهت روان جملتها الأخيره وهي ترمق ريفان بنظره ذات معني *،اما اياد فوقف مسرعاً والقي بالمنديل بعد أن استخدمه في مسح فمه وتحدث قائلاً/بعد اذنكم انا شبعت
بدر وهو يشير لإياد/اقعد كمل اكل
اياد/شبعت ،خرج إياد للجنينه
كوكب بعصبيه موجها حديثها لريفان/وانتي واقفه عندك بتعملي ايه مش حطيتي الاكل يلا انزلي عند الخدم تحت وابعتي حد ينضف اللي حضرتك هببتيه ده ،ارتعشت ريفان من صوت كوكب فأومأت لها و هرولت مسرعه للأسف مكان تواجد المطبخ ،اما غسان فوقف وهو يتمتم بكلمات غير مفهومه ومن الواضح انه منزعج هو الأخر من معاملة جدته وابنة عمه مع هؤلاء الناس البسيطه
بدر /وانت رايح فين انت التاني ،التفت له غسان قائلا/رايح الشركه يا بابا
بدر/طيب استني نروح مع بعض
غسان بإحترام/لا يابابا انا هسبق حضرتك عشان احضر للإجتماع
بدر بإقتناع/طيب ربنا يوفقك
تحدث بدر موجها حديثه لكلا من كوكب وروان /مكانتش مستاهله كل ده
روان بإندفاع/يا عمو دي بوظتلي الفستان
بدر بطيبه /مكانش قصداها انها تعمل كيدا،صمت بدر بضعة لحظات ثم تحدث قائلا/اوباعدين تعالي هنا انتي شوفتي البنت دي وافقه مع إياد امتي وكانوا بيعملوا ايه
روان بضيق /شوفتها عماله تتمحكله امبارح في الجنينه و وافقه عماله تتمايص عليه كيدا وحاجه اخر قرف يعني
كوكب بضيق /بنات قليلة ادب بصحيح
بدر بحكمه /سمعتي كانوا بيقولوا ايه ؟
روان بتردد/ ل ل لا
بدر /يبقي ماتحكميش علي حاجه طول ما انتي ماتعرفيش أصلها من فصلها يعني انتي ماستمعتيش كانوا بيقولوا ايه بس شفتي انهم واقفين مع بعض مش معني كيدا انهم بيتمايصوا مع بعض ما ممكن كانت بتتوجع من الجرح بتاعها وهو بيواسيها مش ممكن برضوا ولا انتي ايه رأيك؟!!
روان بتردد/ م مع حضرتك حق ،هز بدر رأسه وتحدث موجها حديثه لكوكب قائلاً/انا ماشي علي الشركه عشان عندي اجتماع مهم عاوزه حاجه اجيبهالك معايا يا أمي
كوكب /أعوذ سلامتك يا حبيبي ،قبل بدر يد كوكب وخرج من القصر متوجها للشركه
🌟في الجنينه 🌟
كان يقف إياد بزعر شديد ليس فقط من أجل معاملة ابنة عمه وجدته مع ريفان ولكن بالأعم معاملتهم مع باقي العاملين في القصر فهو يتذكر ان وصلت بروان الجرأه ذات مره ان تضرب احدي العاملات في القصر لسبب بسيط جدا ،استمع إياد لصوت هاتفه يرن فتنهد واجاب قائلا/الو عامل ايه
شخص /الحمد لله وانت يا فنان الناس بتسأل وصلت لحد فين
إياد بتدقيق عين/يعني ايه وصلت لحد فين
الشخص بتنهيد/ماهو يا فنان ماينفعش كيدا عدي وقت كبير قوي علي اخر مره عرضت لوحه من بتوعك عندنا في المعرض وفي ناس كتير جدا بتيجي تسأل علي اخر أعمالك واحنا مش عارفين نرد نقول ايه
إياد بعصبيه فشل ان بخفيها/تقولوهم اني برسم عشان بحب الحاجه دي مش برسم عشان فلوس ولا شهره ذي ناس كتير وتقولهم اني ارسم وقت ما انا عاوز والوقت اللي مش عاوز ارسم فيه مش هرسم واني برسم رسم بإحساس مش مجرد رسم وخلاص ،أغلق إياد الهاتف في وجه تلك الشخص وهو يتمتم بعصبيه قائلاً/ ازاي الفن وصل للدرجه دي من التدني والإنحطاط بين الناس واحد عاوز يكسب من ورايا فلوس وخلاص افف،دخل إياد مرسمه بضيق شديد
🌟في المطبخ مكان تجمع العاملين في القصر 🌟
دخلت ريفان بضيق وهي تضع الصنيه علي الرخامه بضيق شديد فتحدثت احدي العاملات وكان اسمها مريم قائله/مالك فيكي ايه
ريفان بعصبيه مكتومه جعلت خديها باللون الأحمر وعيونها ايضا/البت الحيزبونه اللي فوق دي وقعت عليها الطبق بالغلط قامت عليا هي والساحره الشريره اللي كانت جنبها
مريم بضحكه موجها حديثها لإحدي الخادمات الذي كانوا يضعون مع ريفان الطعام علي السفره /قصداها علي مين دي
الفتاه بضحك /تقصد ست روان بالحيزبونه وتقصد الهانم الكبيره بالساحره الشريره
مريم بضحك /يخرب بيتك يا دي البت ده انتي لسا متعينه امبارح حافظي علي لسانك شويه خليكي تكملي في ام الشغلانه
ريفان بلا مبلاه /خليها علي الله
غمزت الفتاه لريفان قائله /بس اي استاذ إياد قام زعق معاهم عشانها
مريم بصدمه /ابوا اوبوا اوبوا ايه ده بقي نسميه ايه *انهت مريم جملتها الأخيره بغمزه لريفان*
ريفان بتهته وهي ترتب في المطبخ/هو ماتكلمش عليا بوجه خاص استاذ إياد اتكلم بوجه عام يعني ماخاصنيش انا بالكلام
الفتاه /اه بس هو عرف اسمك منين وكمان عرفت انك متعوره منين
ريفان/ اص أصل احنا اتكلمنا امبارح شويه في الجنينه اما اتقابلنا بالصدفه
مريم بغمزه وهي تهز كتفها بكتف ريفان /صدفه برضوا
ريفان /امم صدفه فيها ايه دي ،كادت الفتاه ان تتحدث ولكن قاطعتها مريم قائله /يلا يا ختي روحي لمي السفره انتي واي واحده من اللي قاعدين بيتساهروا هناك دول احسن لو ست خديجه جات لاقيتهم كيدا هتزعق ،ذهبت الفتاه لتفعل ما امرته بيه مريم
مريم موجه حديثها لريفان /اسمي مريم انتي اسمك ايه
ريفان بابتسامه/اسمي ريفان
مريم /عاشت الأسامي يا ريفان شكلنا هنبقي صحاب
ريفان بذوق /ليا الشرف
ريفان بابتسامه/طبب يلا يا ست ريفان حضري الشاي ونزلي فنجان لأستاذ إياد في المرسم بتاعه وزمان ست خديجه جايه وهتنزل الشاي لست روان وست كوكب وأنا هروح اكمل غسيل
ريفان /حاضر ،كادت ان تذهب مريم الا انها وقفت والتفتت لريفان قائله /عارفه المرسم فين ،اخفضت ريفان رأسها بخجل قائله /امم عارفاه
مريم بضحكه/ماشي يا جميل،ذهبت مريم وشرعت ريفان بتحضير الشاي
🌟في بيت رائد🌟
كانت نعمه تتشاجر مع احد جيرانها كعادتها فهمي انسانه لا تستطيع أن تحيَ بدون شجار او مشاكل فهمي كما يقولون تتغذي علي المشاكل كل يوم
نعمه من الشباك بصوت عالي /جري ايه يا مره بقولك ابقي اعصري غسيلك بعد كيدا قبل ما تنشري عشان بينقط علي غسيلي
الست/في ايه يا نعمه بقولك عصراه عصراه ولا انتي مابتفهميش يعني
نعمه وهو تخبط بيدها علي صدرها /نهار اللي خلفوني اسود يا بنت بياع البليله بقي اما مبفهمش يا مره **** بنت ***
الست بعصبيه /لمي لسانك يا نعمه مش كيدا احنا برضوا جيران ماه ما كان
نعمه بلوية فم /بقي ديلوقتي عرفتي اننا اخوات اتفو عليكم عالم تخاف ماتختشيش ،أرادت احدي الحيران ان تفض بينهم فتحدثت قائله /خلاص يا ام سيف حقك علي انا المره دي
نعمه /وانتي مالك انتي يا مره انتي كمان اتفو عليكم شارع وسخ، اغلقت نعمه الشباك بعد أن دخلت وجلست بجانب رائد الذي كان يجلس علي احدي الكنبات وبيده سيجاره غير عاديه
نعمه بتسخين /وهندور علي بنتك قليله التربيه دي فين
رائد بتوهان /بنتي مين ،هزت نعمه رائد قائله/يا راجل فوق من الهباب اللي بتطفحه ده بقي فوق بنتك تلاقيها هربت مع واحد ومين عالم بيعملوا ايه ديلوقتي وانت قاعد ايدك في المايه الساقعه،نفخ رائد دخان السيجاره بسكران قائلاً/ايه ده هو انا عندي بنت كمان ،نهضت نعمه من علي الكنبه وربطت الإشارب الخاص بها وتحدثت بضيق قائله/توب عليا يا رب توب عليا بقي
🌟عند سيف 🌟
كان في احدي الصيدليات يريد دواء ممنوع صرفه بدون روشيته لذلك كان يتشاجر مع الشاب الواقف في الصيدليه
سيف بضيق /لأ ماهو انا مش هقعد هنا اليوم كله التحايل عليك انك تديني البرشام ما تخلص ياض
الشاب وهو يعدل نظارته الطبيه بخوف /مش هينفع والله اديهولك من غير روشيته الدكتور هيزعقلي وممكن يطردني
سيف وهو يضع يده علي صدره المرسوم عليه الوشم/احسن ما انا اخد روحك اخلص خش هات البرشام ،بينما كان سيف يهدد تلك الشاب دخلت هنا موجه حديثها للشاب الواقف في الصيدليه قائله/عاوزه علبة بامبرز مقاس ٢ وعلبة بودرة أطفال بسرعه والنبي ،كانت هنا تتحدث دون أن تلاحظ وجود سيف ولكنها تفاجئت بصوته يتحدث قائلاً/طب ارمي السلام انتي داخله علي كفره ،التفت هنا له قائله /ماخدتش بالي منك ولو حتي كنت خدت بالي منك ماكنتش هرمي عليك السلام عشان الكافر احسن منك ،احمرت عيون سيف مت كثرة الغضب وتحدث بصوت عالي دون أن ينظر للشاب قائلا/اخلص روح هاتلي طلبي وهات طلبها والحساب عندي ،نظرت له هنا بعدم اكتراث وأخرجت المحفظه الخاصه بيها وأخرجت منها بعض النقود وانتظرت حتي مجئ الشاب بالطلبات فأخذتهم منه واعطته النقود وكادت ان تخرج الا أن وقف أمامها سيف قائلاً/دفعتي ليه مش قولت الحساب عندي
هنا بوجه خالي من المشاعر /وانا مش هدخل علي ابني فلوس حرام ،كادت ان تذهب وتتركه الا ان تذكرت بعض الكلمات فإلتفتت له مره اخره قائله /اه صحيح نسيت اقولك بلاش تستقوي علي الشاب اللي واقف هنا وتاخد منه حاجات غصب عشان الدكتور بيجي يتخانق معاه باليل ومش بعيد في مره يطرده
سيف بلا مبلاه وهو يهز كتفيه /ما يطرده وانا مالي
هنا بضيق مكتوم /الشاب ده عنده امه تعبانه وبيصرف عليها لو اتطرد من هنا مش هيلاقي حته يشتغل فيها وأمه ساعتها مين هيعالجها تقدر تقولي ؟!
سيف برفعة حاجب /ما تتعالج ولا تموت انا مالي انا
هنا بضحكه مليئه بالسخريه/هو انا بكلم مين صحيح انت واحد ماعندكش دم ،ما ان انهت كلمتها الأخيره الا أن اسمك سيف شعرها بقوه واقترب من اذنها قائلا بتحذير/لأول ولأخر مره هقولك ماتدخليش في اي حاجه تخصني ولا تطولي لسانك عليا عشان انتي مش قدي يا قطه ،ترك شعرها بقوه فنظرت له بغل وحقد وذهبت علي الفور ،التفت سيف للشاب وجده اتي من
الداخل وبيده علبة البرشام فإتجه ناحيته واخذها منه قائلاً/كيدا تعجبني اما تسمع الكلام ،نظر له الشاب بخوف قائلاً/لو حضرتك خدت اللي عاوزه ممكن بقي تخرج عشان اشوف اكل عيشي قبل ما الدكتور يدخل يعملي مشكله
سيف بغمزه للشاب /وماله سلام يا نجم
خرج سيف خارج الصيدليه وجد بعض من أصحاب السوء بإنتظاره بالخارج فصاح أحدهم قائلا/سبع ولا ضبع
سيف بفخر/سبع ياض عيب عليك خد الرجاله واسبقوني علي بيت الواد علوشه
🌟في المرسم 🌟
كان إياد يجلس بتعب وضيق علي احدي الكراسي فدلفت ريفان و وضعت الصينه أمامه وتحدثت وهي تنظر لإياد الذي يبدو عليه التعب بشكل كبير /شكراً،كان إياد واضع يده علي وجه بتعب حتي انه لم يلاحظ دلوفها للمرسم فانتبه لها فور تحدثها فأزال يده من علي وجهه ونظر لها بعدم ادراك قائلاً/شكرا علي اي
ريفان بتوتر وهي تعبث بالتنوره الذي ترتديها بخجل /يعني عشان دافعت عني اما ست روان زعقتلي عشان وقعت الطبق،نظر لها إياد ولتصرفاتها الذي تدل بشكل كبير علي توترها وخجلهافتحدث قائلاً /انا دافعت عنكم كلكم لأن ماينفعش ان ده يكون المقابل بتاعنا ليكم وانتوا بتساعدونا
ريفان بخجل /امم
إياد وهو ينظر ليد ريفان/اديكي عامله اي ديلوقتي
ريفان بتوتر /الحمد لله كويسه
اياد/طيب كويس ابقي خلي بالك بعد كيدا ،احنت ريفان رأسها بطاعه قائله/هحاول
إياد/تقدري تروحي تشوفي شغلك ديلوقتي
ريفان/تؤمرني بحاجه تانيه قبل ما امشي
إياد نظره ذات معني /الأمر لله واحده يا ريفان ولا يا سيتي شكرا مش محتاج حاجه
ريفان /فهمت ،خرجت ريفان بخطوات مهزوزه واياد يراقب خطواتها وهو متأكد ان هذه الفتاه غير طبيعيه ،تنهد إياد وامسك فنجان الشاى الخاص بيه وشرع في تناوله وهو يفكر في مشاكله الخاصه
🌟في صالون القصر 🌟
كان يجلس كلا من روان وكوكب وخديجه تضع الشاي أمامهم
خديجه بعد أن وضعت الشاى أمام كلاهما /تأمروني بحاجه تانيه يا هوانم ،نظرت لها كوكب نظرة تعالي و وضعت قدم فوق الأخري وامسكت بفنجان الشاي الخاص بيها وتحدثت موجه حديثها لخديجة/هي مين البنت اللي اتعينت هنا جديده يا خديجه
خديجه بإحترام/انا كنت قلت لحضرتك اننا محتاجين بنت تشتغل معانا جديده وحضرتك وافقتي فجبت البنت دي عشان تساعدنا
كوكب بإنزعاج/من غير كلام كتير تعرفيها منين البنت دي
خديجه بخجل / تبقي بنت واحده صاحبتي بس والله امينه ومتربيه كويس
كوكب/انا مسألتكيش عن أخلاقها انا سألت تعرفيها منين بس بعد كيدا ابقي رودي علي قد السؤال يا خديجه مش معقول كيدا كل اما أسألك علي حاجه تصدعيني كيدا ،احنت خديجه رأسها بخجل قائله /اسفه يا ست هانم ،بينما روان كانت تنظر لخديجه بشماته
كوكب/اخره البت دي ماشفهاش في القصر يعني يكون اخرها المطبخ ماتخرجش منه فاهمه يا خديجه
خديجه بطاعه/تحت امرك يا ست هانم
كوكب وهي تشير لخديجة بالذهاب /طيب يلا يلا روحي شوفي شغلك بسرعه ،هرولت خديجه مسرعه
روان بضحكه /الله عليكي يا تيته ايه الجمدان ده
كوكب بضيق /انتي متأكده يا روان انك شوفتي البنت دي بتحاول تقرب من إياد
روان بكذب/اه والله يا تيته كانت وافقه عماله تتمايص عليه في الجنينه بتاعت القصر
كوكب بقلق /واياد كانت ردة فعله اي
روان وهي تنظر لجدتها بنصف عين/كان واقف ساكت يا تيته والله
كوكب بغيظ من ريفان/بنات قليلة ربايه صحيح ،اخذت روان فنجان الشاي الخاص بيها وهي تنظر لجدتها بمكر /عندك حق يا تيته والله
🌟في شركة بدر الطحاوي 🌟
كانوا جميعهم في اجتماع وكان غسان يبدو عليه التعب الشديد وبدر ينظر له بإستمرار من شدة القلل عليه
بدر وهو ينظر لغسان بقلل/انا من رأيي اننا ناخد بريك نشرب فيه حاجه ونرجع نكمل ،وافق الجميع علي هذا الرأي فإقترب بدر من غسان وهو يهزه بخفه قائلاً/مالك يا غسان شكلك تعبان
غسان بدوخه/انا تمام يا بابا
بدر بحنيه/تمام ايه بس يا غسان قوم روح انت استريح وانا هكمل الإجتماع
غسان بإحترام وهو يدلك جبينه بتعب /لا انا هكمل مع حضرتك الإجتماع
بدر بغضب /ولد اسمع الكلام ويلا قوم روح بسرعه بدل اقسم بالله
غسان بتسرع وهو يأخذ جاكيت البدله /والله ما انت حالف يا حج انا همشي بكرامتي احسن ،قبل غسان جبين والده وذهب علي الفور
بدر وهو ينظر لظل غسان وهو متجه خارج المكتب /ربنا يصبرك يا حبيبي انا عارف انه مش سهل عليك ،تنهد بدى وراح ظهره للخلف بتعب
🌟في منزل هنا 🌟
كانت تجلس بزعر وهي تحاول أن تصمت تلك الفتي الذي لم يكف ولا يمل عن البكاء
هنا وهي تلعب معه /بس يا حبيبي بس يا روحي ،كان صوت بكاء الطفل يزداد كلما تحدثت هنا فصاحت بيه بدون وعي قائله /ما بس بقي يا ايهم زهقتني ،صمت الطفل ونظر لها بعيون برئيه مليئه بالدموع فبادلته هي بنظرات ندم وحنان قائله /معلش يا ايهم يا حبيبي انا متعصبه اليومين دول شويه الفلوس اللي معايا قربت تخلص وانا مش هعرف انزل الشغل واسيبك ولا حتي لاقيه شغل انزله يس يا حبيبي متزعلش مني ،ضمت هنا ابنها لصدرها الحنون وأخذت تملس عليه بحنان الأم الي ان ذهب في نوم عميق فوضعته علي السرير ونامت بجانبه ولكن سرعان ما رن هاتفها فإتجهت ناحيته بحرص حتي لا توقظ تلك الصفير
هنا/الو يا ندي عامله اي
ندي بفرحه /انا الحمد لله المهم انتي وايهم عاملين ايه طمنيني عليكم
جلست هنا علي الكرسي وتنهدت بضيق قائله/والله مش كويسين خالص
ندي بقلق /ليه بس يا هنون مالك احكيلي
هنا بتعب /تعبت يا ندي الفلوس اللي معايا قربت تخلص ومش عارفه هصرف منين انا وايهم
ندي بشفقه/معلش يا هنون استحملي شويه منه لله اللي كان السبب
هنا بضيق من ذكرها لتلك الموضوع/ندي مش قولتلك ماتغتحيش الموضوع ده كذا مره
ندي بزعل علي حال صديقتها /معلش والله يا هنا ماكنتش اقصد
هنا وهي تمسح بعض الدموع الذي نزلت لا ارادياً منها /ولا تقصدي
ندي بتفكير/طيب ايه رأيك اشوفلك شغلانه تكون مناسبه ليكي
هنا /طب وايهم اوديه فين
ندي بتوضيح/يا بنتي شغلانه تكون مناسبه ليكي يعني ينفع انك تاخدي ايهم معاكي ذي مثلا انك تقفي في صيداليه او محل وكيدا يعني فاهمه
هنا /ايوا ايوا فهمت طيب ودي هتلاقيها فين
ندي بغمزه/سبيها دي عليا
هنا بفرحه/بجد يا ندي
ندي /بحد يا بنتي احنا عندنا كام هنون يعني
هنا /ربنا يخليكي لهنون
ندي بتسرع/طيب سلام انا بقي يا هنا عشان مديري بينادي عليا
هنا بإبتسامه/سلام يا ندوش
اغلقت هنا مع ندي وذهبت سريعا لتتفقد طفلها الصغير
🌟عند غسان🌟
كان يجلس في شقته بتعب وهو يحدث صورة حبيبته
غسان بدموع /وحشتيني قوي علي فكره تعرفي كيدا صح ؟!
واكيد انا كمان وحشتك انا عارف كيدا تعرفي يا حبيبتي كل اما احس اني تعبان ومش قادر وانك وحشتيني قوي بجي هنا واشوف صورنا واسترجع الذكريات دي وافتكر ضحكتك اللي اول ما تيجي في خيالي بتديني باور مش طبيعي ،ازدادت دموع غسان وتحدث بضيق وهو يحتضن صورة صفاء بإشتياق وهو يقول/عارف انك زعلانه مني عشان رجعت للزفت ده تاني بس انتي الوحيده اللي كنتي مخلياني بعيد عنه من ساعة ما سبتيني وانا مش بخير
فلاش باك ***
صفاء بعصبيه /انت اتجننت يا غسان ايه اللي بتعمله ده
غسان بخوف وهو يحاول ان يصمتها /بس يا صفاء وطي صوتك لحد يسمعك
صفاء بدموع /يسمعوا ويجوا يشوفوا ال،اسرع غسان بصمتها وادخلها داخل غرفته وأغلق الباب بعد أن تفحص الطريق بحرص
صفاء وهي تدبدب علي الأرض كالأطفال وتشير للطبق الموضوع فيه السم الأبيض*الهروين* /بقي عازمني انا واهلي وسايبنا تحت مع اهلك وحضرتك طالع تشم الزفت ده
غسان وهو يحاول ان يمسك يدها ولكنها ترفض /مش قادر ابطله يا صفاء افهمي بقي مش قادر ،نظرت صفاء لغسان وجدت عيونه مليئه بالدموع فتنهدت واقتربت منه وأخذت يده واحتضنته قائله/انا معاك ومش هسيبك وهنادي كل حاجه مع بعض
غسان وهو يشد علي الحضن/يعني مش زعلانه مني
صفاء وهو تخبطه بخفه علي كتفه /من امتي بعرف ازعل منك ،اخرجها غسان من حضنه وهو ينظر لعيونها التي يعشقها ويعشق كمية البراءه التي بداخلها وامسك يدها وقبلها وهي تنظر له بحب ،ولكن سرعان ما دق باب غرفته وكانت احدي الخادمات
غسان بضيق وهو ينظر لصفاء التي تضحك /ميين
الخادمه /استاذ بدر بيقول لحضرتك يلا عشان العشا جهز
غسان بصياح/الموضوع ع ده مايستناش خمس دقايق
الخادمه بخجل /لا
غسان بضيق /جايين خلاص ،ازدادت صوت ضحكات صفاء فإحتضانها غسان قائلاً/يالهوي علي الجمال ♡
باااك***
مسح غسان دموعه فور سماعه صوت بالخارج وخرج ليري من الذي يفتعل كل تلك الفوضي ولكنه تفاجئ بشخص يرتدي ملابس اوفر سايز رجالي اخذ غسان ينظر لتلك الشخص من قدمه الي رأسه الا أن التفت تلك الشخص وهنا تفجأ غسان
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أولى خطوات العشق)
