رواية أوبر وومن الفصل الأول 1 بقلم ريهام زيدان
رواية أوبر وومن الجزء الأول
رواية أوبر وومن البارت الأول
رواية أوبر وومن الحلقة الأولى
_اركب ي هندسه
رفع حاجبه بضيق *افندم
_مش حضرتك طلبت اوبر وحضرتك الأستاذ ليل عبدالله
بصيت ف الفون ع بيانات السائق ورجعت بصيت تاني ليها *ايوا انا طلبت بس المفروض السواق يبقي علاء حامد
اتوترت _ حضرتك كدا هتت هتتاخر ع مشوارك
بصيت لها بكبرياء *عوزاني اركب معاكي انتي No way…
لسا مكملتش كلامي فوني رنّ رديت
*ايوا ي علي
-..
*حاضر حاضر مسافة السكه
قفلت معاه والتفتت للي جوا العربيه لابسه كاب مغطي شعرها وملامحها طفوليه جدا من غير اي ميك آب وبتبصلي ببراءه لاتليق بالمهنه أو بكونها شابه فوقت من سرحاني ع صوتها بزهق
_ها ؟!حضرتك هتركب ولا اي ؟؟
*ها …اها بس بسرعه
_حاضر
اتحركت بالعربيه ومشغله قرءان بس مكنتش مركز بس حواسي كلها انتبهت عند آيه معينه (والذين إذا فعلوا فٰحشة أو ظلموا أنفسهم ذكروا فاستغفروا لذنوبهم ومن يغفر الذنوب الا الله ولم يصروا علىٰ مافعلوا وهم يعلمون )136أل عمران
وقتها صوت جوايا فضل يأنبني ع خطائى بس تجاهلت احساسي وشغلت نفسي ف الفون ، الشيخ عاد الايه مره كمان گانها رساله من ربنا وكمل بعدها (أولئك جزاءهم مغفرة من ربهم وجنٰت تجرى من تحتها الانهار ونعم اجر العاملين )137أل عمران
فجأه وقفت بالعربيه بصيت المكان باستغراب
*ياااا لو سمحتي ،مش دا المكان اللي بعته لابلكيشن أوبر
_ايوا ي فندم عارفه ،دقيقه بس ابن اختي هيركب معانا هوصل حضرتك الاول متقلقش
بصيت لها بغيظ*جايبه ابن اختك معانا ليه مِحرم ؟؟!
بصتلي من المرايه _لا ي فندم عنده مدرسه ومش هعطل حضرتك
نفخت بغيظ وانا ببص للساعه
وقتها دخل ولد صغير العربيه وانا متابع ابتسامته اللطيفه
°صباح الخير ي لولو
رديت عليه وهي بتدور العربيه _صباح الفل ي زين
°يلا ي الاء بسرعه انا اتاخرت ع المدرسه
_سورى ي زينو ممكن نتأخر بس شويه
بغضب طفولي °لا طبعا الميس هتزعقلي
زعقتله _زين !!
كشر وابتدت الدموع تتجمع ف عيونه
وانا هولع منهم انا مش عارف اي الورطه دى
بصتلي ف المرايه برجاء بس ماتكلمتش
اتنهدت بنفاذ صبر *اتفضلي وصليه
ابتسمت بحماس _شكرا جدا لحضرتك
والولد الصغير التفت لي ببتسامه°شكرا ي عمو
ابتسمت له
وصلته بسرعه وكملت الطريق ووصلت الشركه وعطيتها الفلوس ونزلت كل خطوه بخطيها جوا الشركه حاسس اني مش مرتاح ومش مبسوط طلعت استنيت ال interviewبتاعي ،كنت متأخر شويه وادامي لسا وقت ع المقابله
وانا متلخبط وكل شويه الايه اللي سمعتها ف الاوبر تيجي ف دماغي وانا بحاول اركز وافكر ف اي شئ تاني وقتها جاتلي ابلكيشن عشان اكتب بياناتي فيها مسكت القلم ولسا هكتب
السكرتيره بعمليه +سورى ي استاذ العدد المطلوب للوظيفه اكتمل
هزيت راسي وعطيتها الابلكيشن و سبتها ومشيت ونزلت من الشركه دى اتمشيت وانا مضايق من كل حاجه لو مكنتش اتاخرت كنت اتقابلت ف الوظيفه و.. فضلت ماشي بدون هدف وقتها فوني رنّ باسم حببتي رديت
~ها ي ليل نقول مبروك
*…
~ليل ،انا خلاص كلمت بابا ووافق انك تيجي تتقدم لما عرف انك شغال ف شركة ..،ليل انت معايا
*انا متقبلتش ومشيت ي أروى
اتكلمت بزعل ~ اذاى دا حصل دا انت دافع فلوس كتير عشان تقبل
*وصلت متأخر
بعياط ~بعد كل دا !!
زعقت *المفروض اعمل اي ي آروى !!انتي ممكن تصبري عليا شويه وهلاقي وظيفه احسن بس مش بالطريقه دى ابقي بادى حياتي برشوه وكدب
بعياط ~لا ي ليل انت مبتحبنيش وعاوزني ابقي لغيرك
نفخت بزهق *انا كنت مضايق من اني هشتغل بالطريقه دى وكملت عشان خاطرك، ربنا موفقنيش دا مش ذنبي
~وانا كمان مش هقدر اكمل وهوافق ع العريس اللي متقدملي سلام ..تيت تيت
بصيت للفون بخنقه وخبطته ف الارض بكل قوتي نزل قطع مشيت مخنوق ف اماكن معرفهاش الجو ضلم وبقي بارد اكتر ،حاسس اني تايه عقلي مش مستوعب كل دا ف يوم واحد وقتها سمعت صريخ جاى من شارع جانبي ضلمه ف الاول تجاهلت بس الصوت زاد انتبهت وتتبعته بالراحه لقيت3 شباب شكلهم بلطجيه ومعاهم بنت
*في اي انت وهو سيبوا البنت
..وانت مالك غور من هنا لانسيح دمك
وقتها سمعت صوت أنثوي ممزوج بعياط ورجاء * لا ارجوك متسبنيش معاهم
..امشي ي قمور بدل ماتمشي من غير رجلك
بصيت للاسلحه البيضا اللي معاهم*خلاص ي عم متزوقش
التفت عشان امشي وهي صرخت تاني وقفت مكاني وبصيتلهم *معلش فلوسي بس وقعت هدور عليه واحد منهم قرب مني بشر..مش قولت لك امشي ولا انت مستغني عن عمرك وقتها خبطت بالبوكس ع ايده وقع منه السلاح وخبطته ع راسه والتاني جه حاولت اضربه والبنت اتشجعت وضربته برجلها وخبطت التاني ومسكت ايديها وجرينا ومش بنقف ولا نبص ورانا لحد ما وصلنا لشوارع منوره وفيها ناس
وقتها وقفت اخد نفسي وهي كانت بتنهج جامد بصيت لها وافتكرت شكلها لساهنطق قاطعتني لما شافت قلل ميه محطوطه ع باب مسجد
سقفت بحماس *الله ميه دا انا هموت من العطش
بصيت لها باشمئزاز
شربت وبعدها قربت القله مني *تشرب ؟!
_لا طبعا ،انتي اذاى كدا
رفعت أكتافها ب لا مبالاه *عطشانه المفروض اعمل اي يعني وحطيت القله تاني
_انتي البنت بتاعت الاوبر صح ؟!
بصتلي بثقه *ايوا انا
_مش عارف انتي طلعتيلي منين الصبح اخرتيني ع شغلي ودلوقتي بنجرى من مجرمين انتي ايه بالظبط
بصتلي وردت ببساطه*مش ذنبي حضرتك اللي بتيجي ف طريقي
شاورت ع نفسي بصدمه _دا اللي هو انا
هزت راسها بايوه
*هو احنا فين هنا؟
بصيت حوليا ولعبت ف شعرى بحيره_احم بصراحه مش عارف
*اذاى هو انت كنت فين لما قابلتني اصلا
بصيت لها وبحاول الاقي اجابه بس معنديش ف اتعصبت _انتي مالك اصلا
بصت ف الارض *انا اسفه
_انا …
مكملتش الجمله ولقيتها جريت وهي بتشدني من چاكتي ف شارع صغير
_ايه الطريقه دى انتي همجيه
*انا اسفه والله بس شوفت واحد منهم
_احم انا اللي بعتذر انا مش قصدى
*ولا يهمك
وقتها الاذان أذن
هي كانت بتردد معاها الله اكبر الله اكبر
*يلا ندخل نصلي
اتوترت_ايه ؟!لا اتفضلي انتي واناهمشي
*انت مش بتصلي ؟!
هزيت راسي ب لا
ضحكت *ليه عندك عُذر ؟
بصتله بعدم فهم _عُذر اي؟
فضلت تتضحك وقتها الفكره جت ف دماغي مسكتها من السلوبت بتاعتها _انتي بتقولي اي انتِي!!
اتوترت *بهزر ي عم والله
سيبت هدومها وبصتلها من فوق لتحت وبسخريه_بصي لنفسك الاول شعرك باين وهدومك مش مناسبه للمسجد
*ي عم هو دا بيتكم دا بيت ربنا وربنا بيقبلنا بأي حال واكيد في إسدال ف مُصلي السيدات
بصيت للسمابتعب ولسا هنطق
*يلا ي ليل يلا
طلعتيلي منين بس مش فاهم بصيت بترقب ع الشارع الرئيسي ملقتش حد.منهم طلعنا وهي دخلت مُصلي السيدات وانا دخلت مُصلي الرجال كنت حاسس برهبه جوايا سمعت إقامة الصلاه فاتشجعت ودخلت اتوضيت ولحقِت بالجماعه وقتها نسيت كل اللي حصل ف اليوم وحسيت قلبي راضي خلصنا والتفتت عشان امشي لقيت واحد من اللي كانوا بيجروا ورانا واقف وبيبص ع المسجد وبيراقب الشارع
قرب مني راجل مُسن :بعد اذنك ي استاذ هنقفل المسجد
بصيت له بتوتر_ها اااممكن ادخل الحمام بس
:اتفضل ي بني
دخلت وانا بتلفت حوليا لقيت مُصلي السيدات جمب الحمامات وبينا باب صغير فتحت فتحه صغيره ملقتش الا واحده بس لابسه ايسدال اسود من الهيئه عرفت انها الاء اترددت بس دخلت التفتت لي ابتسمت لها كان شكلها لطيف اووى بالحجاب والاسدال
بصيت لها _هو في كدا ؟!
*ايه جابك هنا ؟!
_ها،البلطجيه برا
قضمت شفايفها بتوتر * وبعدين
حركت راسي بيأس _مش عارف
بصت حوليها دقيقه وبعدين بصتلي وهي بتضحك *جاتلي فكره
ضيقت عيني _اي هي؟؟؟
بعد شويه
بغيظ _خلصي ي الاء
بتضحك وهي بتربط النقاب ع وشي *حاضر
بصتلها بخنقه _بطلي ام الضحك دا
انفجرت زياده في الضحك*متزعليش ..اقصد متزعلش مش قصدى
خرجنا من المسجد احنا الاتنين بالنقاب
خرجنا وكما توقعنا لقيناهم ف وشنا وبيبصولنا بشك وحد منهم جه يقرب مننا وقتها هي صرخت*ابعد ايدك ي حيوان
وقتها الناس اللي ماشيه انتبهت ووقفوا والناس اللي كانت بتصلي وخلصت طلعت وبعدوا ايده عنها
بصت للناس بعياط كاذب *الحقوني بيعاكسوني
`ماتحترموا نفسيكم بقا ي اخي البنات منتقبات وبرضه انتو زباله
وقتها شباب المنطقه اتجمعوا واتضربوا علقه واحنا كنا
بنحاول نهرب بسرعه وسط الزحمه إلا أن صوت احدهم وقفنا
=دقيقه من فضلكم !!
التفت له والاء بتبصلي بخوف ..
المفاجات كتيره ،ليل حدكيوت اوى ع اللي شافه مع الاء بس هل ي ترا دى النهايه ولا دى مجرد بدايه جديده
مع أوبر و9من
يتبع…
لقراءة الفصل التالي : اضغط هنا
الرواية كاملة اضغط على : (رواية أوبر وومن)
تعليق واحد