رواية أنين قلبي الفصل الثاني 2 بقلم ريهام
رواية أنين قلبي الجزء الثاني
رواية أنين قلبي البارت الثاني
رواية أنين قلبي الحلقة الثانية
دخلت الاوضه وبتنفس بسرعه ومش قادر أهدى
دخلت ورايا وحطت أيدها ع كتفي “اي بس ي خالد اللي حصل لكل دا
بعدت أيدها بعنف*انا سؤالي واضح اي خربشك كدا
“انا والله مش فاكره ممكن اتخبطت أو لين خربشتني بغير قصدها
كملت وهي بتمسك ايدي”انا عارفه انك بتخاف عليا بس مش لدرجة خربوش يضايقك اوى كدا انا كويسه والله
اتنهدت بضيق طب اقولها اي دي ولا افهمها اي بقيت مش عارف هي ساذجه ولا بتتذاكي عليا مش فاهم !!!
عطيتها ضهري ونمت من غير ولا كلمه
أمينه :
مكنتش فاهمه في اي خرجت شيلت الاكل وغسلت الاطباق واطمنت ع لين ودخلت نمت وانا قلقانه ع خالد ي ترا في اي مزعله كدا ؟؟
صحيت تاني يوم لقيته خرج بدري ومصحنيش ولا فطر
كنت برتب البيت وقتها لين صحيت وفطرنا سوا و بدلت لها هدومها وسرحتلها
°اعمليلي قطتين ف شعري ي ماما
“ي عيون ماما انت حاضر
°وهنزل عند تيتا سهام ممكن
“بس بلاش تزهقيها ي لينو اوك
°حاضر ي ماما
وبوستها ونزلت كنت حاسه بملل رتبت الشقه وبفكر اجهز غدا اي ولا اغير حاجه ف الشقه يمكن نفسيتنا تتحسن قريت قبل كدا أن تحريك الاثاث وتغيير الديكور كل فتره بيجدد الطاقه
خالد:
كنت ف الشغل وبحاول الهي نفسي ومفكرش بس الشيطان مش سايبني ف حالي كل شويه اتخيل استغفرك ربي و اتوب اليك
روحت لقيت ماما واقفه ع السلم وباين أنها مستنياني
_حمدالله ع سلامتك ي حبيبي
*الله يسلمك ي ماما
كملت كلام وانا ببصلها بشك*صحيح ي ماما انتي سمعتي امينه أمتي وهي بتكلم راجل
ابتسمت _يجي من يومين كدا
غمضت عيني من الصداع والألم اللي مش راضي يسيب دماغي
بصتلي بقلق _مالك ي حبيبي شكلك مرهق كدا ليه تعالي اتغدي معايا
افتكرت اني ماكلتش حاجه طول اليوم اصلا ابتسمت بسخريه *شكرا ي ماما
_تعالي بس دي حتي لين هنا من الصبح
برقت عنيا *وأمينه فين ؟!
_معرفش البت نزلتلي من بدري وطلعت من نص ساعه ونزلت تاني قالت ماما مش فوق
خبط بايدي بعنف ع ترابزين السلم لدرجه اني ايدي انجرحت
_اي خالد مش تخلي بالك ي ابني
اتكلمت بعصبيه *خلاص ي امي ارحميني انا طالع
_وتنزل تاني ورق العنب ع النار تاكل صوابعك وراه
طلعت وفتحت الباب ملقتهاش ف نديت عليها محدش رد دورت الصاله وف الاوض والحمام
مسكت تليفوني اتصل بيها بس رن ف الشقه
قعدت ع الكرسي بتعب وانا بشيل الكرافته ورميتها ع الارض
وقتها أمينه لقيتها طلعت من المطبخ وهي لابسه بيجاما قصيره وحاطه بونيه صغير ع شعرها
قومت وانا متعصب *كنتي فين ؟
“كنت بنضف الاوضه اللي فوق السطح
شاورت ع لبسها *واذاى تطلعي كدا
“انا كنت بنضف المطبخ وفتحت الباب اللي ورا وطلعت نضفتها ومحدش هيشوفني من فوق لأننا عاليين اوى
مسكت دراعها بعنف *وريني نضفتي اي
اتألمت “في اي خالد اي الطريقه دي
سيبتها وطلعت للأوضه اللي فوق لقيتها مترتبه وريحتها حلوة
افكار كتير هاجمتني الاوضه دي كنا بنحب نقعد فيها اول جوازنا ولينا ذكريات حلوة فيها
نزلت لقيتها قاعده زعلانه
*اي اللي فكرك بالاوضه دي
بصتلي بزعل “ابدا حبيت نسهر فيها انهارده فكنت بنضفها
عطيتها ضهري وسامع صوت عياطها وحاسس بالدنيا كلها بتخبط ف دماغي
دخلت اوضه النوم اتفاجئت باللي شوفته
بصوت عالي *أميننننننننـه
رفعت راسي ع صوته وهو بينده عليا ودخلت الأوضه
“ايوا ي خالد
حطيت تليفونها ادامها *مين الرقم دا وباعتلك يقولك انا ف الطريق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أنين قلبي)
