رواية أنين الفصل الثاني عشر 12 بقلم رحمة محمد
رواية أنين الجزء الثاني عشر
رواية أنين البارت الثاني عشر
رواية أنين الحلقة الثانية عشر
شاكر اول ماشاف شاديه مع حسين وانين وامجد وفهد وفاطيما وثريا وعبد الهادي بيتصوروا كلهم مع بعض اتضايق وزعل وقام ومشي وفهد لاحظ سابهم وراح وراه وناداه عليه وقاله : ما لسه بدري ياشاكر.. انت لحقت تقعد علشان تمشي
شاكر زعلان بس داري حزنه قدام فهد وقال : معلش يافهد.. اصل عندي شغل ولازم امشي.. عن اذنك.. والف مبروك مره تانيه
ومشي
فهد بصله بسخريه ومشي
عند فارس ورنا كان بيكلموا
فارس : انت هتفضلي مكشره كده كتير
رنا بصتله بتكشيره : ملكش دعوه بيا لو سمحت.. وخلي الليله دي تعدي علي خير
فارس بصلها بغضب وسكت علشان لو اكلم هتزعل وممكن يعمل حاجه يندم عليها بعدين قال في نفسه : ماشي يارنا.. ماشي.. استني عليا اما وريتك وعلمتك الادب… انا هعرفك كويس اوي
عند حسين وشاديه
شاديه : حسين.. هي العروسه مالها مكشره ليه كده
حسين كان هيرد بس انين ردت بسرعه : اصل رنا ياماما زعلانه اوي.. كان نفسها وليد خطيبها الاولاني الي سابها.. يبقي مكان فارس.. اصلها كانت بتحبه اوي
شاديه بحزن : بسم.. يعني يابنتي.. بس اهو الحمدلله ربنا عوضها..
انين : انا قولتلها كده ياماما.. ربنا عوضك بالي شاريكي وبيحبك..
كلهم قاعدين يكلموا وامجد في عالم تاني خالص حسين اخد باله وقاله : امجد.. مالك سرحان في ايه
امجد بءنتباه : ها.. لا يابابا مفيش حاجه
انين بمشاكسه : ايوه ياعم.. تلاقيكي بتحب جديد
امجد : بس يابت انتي
شاديه : بس يابت..متكسفيش اخوكي
انين : قولي قولي متكسفش.. انا زي اختك
امجد : انتي هتسكتي ولا لا
انين : لا
امجد : طيب.. ماشي ياانين متسكتيش.. بس حسبنا في البيت مش هنا
انين بتمثل العياط : شايف يابابا.. ابنك بيزعقلي وعايز يضربني اهيء اهيء
حسين : متزعليش ياقلب بابا .. ميقدرش يعملك حاجه اصلا
امجد : والله.. طب ماشي هتشوفي ياانين
حسين : طب ابقي مد ايدك عليها كده.. وانا هوريك
شاديه : ياخويا.. اقعد انت دلع فيها كده.. لحد ماتبوظ
حسين : ايه يعني ماادلع فيها.. هو انا عندي كام انين.. هي واحده بس
انين : حبيبي يابابا
امجد بزعل مصطنع : والله.. طب وانا ياسي بابا
شاديه : انت حبيب قلب امك انت.. سيبها هي مع ابوها.. وتعالي اقعد جمبي.. وقولي كنت سرحان في ايه
امجد اتنهد : مفيش والله.. ياماما.. بس كنت سرحان في الشغل
انين : شغل برده وغمزتله
امجد : يابنتي هوديني هزعلك
انين : مش هتقدر.. انا في حمايه بابا وطلعت لسانها
شاديه : ونبي دول منظر ناس عاقله وكبيره.. واحد في كليه شرطه والتانيه كلها سنه و تتخرج وتبقي دكتوره
امجد : الله.. طب وانا عملت ايه ياماما
شاديه : حاطت نقيرك من نقر اختك ليه
امجد بغضب مصطنع : علشان رخمه ومستفزه
عند رنا وفارس كانوا قاعدين يكلموا لقوا واحده جات عليهم لابسه فستان ازرق وطرحه بيضه وكانت قمر اوي سلمت علي فارس ورنا وقالتلهم الف مبروك ومشت رنا مستغربه مين دي بعد مامشت بصت لفارس وقالتله مين دي قالها : دي.. دي تالين قريبه انين
رنا باءستغراب : قريبه انين؟!! .. بس انا عمري ماشوفتها مع انين ولا حتي جبتلي سيره عنها
فارس : لا اصل هي قريبتها من بعيد
رنا : ااه.. وانت عرفت منين بقي
فارس : عرفت ايه
رنا : عرفت منين انها قريبه انين
فارس : ااه.. لا ما انين قايلالي قبل كده.. وافتكر انها قالتلك بس انتي ناسيه
رنا : لا انا فكره كويس انها ماقالتليش.. ولا جابت سيرتها خالص قبل كده
فارس : اديكي عرفتي
بعد ساعات الفرح خلص ورنا وفارس بيودعوا اهليهم علشان يمشوا
فهد : مش هوصيك علي رنا يافارس
فارس باءبتسامه : متقلقش ياعمي رنا في عنيا فهد طبطب علي ضهره بحنيه
فاطيما بدموع : هتوحشيني اوي ياقلب ماما وحضنتها
فهد لفاطيما : لازمتها ايه الدموع دي.. هي مسافره؟ .. ده راحه القاهره يعني مش بعيد
فاطيما : برده هتوحشني اوي.. خلي بالك منها يافارس ونبي.. اوعي تزعلها
فارس : حاضر ياطنط.. مش عايزك تقلقي رنا في عنيا
رنا بدموع : هتوحشيني اووي ياماما انتي وبابا
فاطيما : وانتي كمان ياقلب ماما.. خلي بالك من نفسك ها وماتخفيش انا واثقه في ابن عمك هيخلي باله منك وانا انشاءالله هجيلك بكره انا وابوكي
رنا : ماشي ياماما.. مع السلامه
فارس ورنا ركبوا العربيه وميشيوا
فهد : والله ولا الي مسافره أمريكا
فاطيما بصتله : الله.. مش بنتي.. وهتبعد عني
فهد : هتبعد عنك فين.. ده ساعه بالعربيه تبقي عندها
فاطيما : برده حتي لو هي هتقعد في ڤيلا جمب ڤيلتي هتوحشني برده
فهد اتنهد وابتسم : متقلقيش انا واثق في فارس ومتاكد انه اكتر واحد يخاف علي رنا ويحميها
فاطيما : ربنا يسعدهم يارب
جيه حسين وشاديه وانين وامجد ومعاهم تاليت سلموا علي فهد وفاطيما علشان يمشوا
حسين : نستأذن احنا بقي.. عايز حاجه يافهد
فهد : سلامتك ياحسين.. ومتشكر اوي انك جيت
حسين : متقولش كده يافهد.. انت اخويا ورنا زي انين وامجد
شاديه لفاطيما : الف ومليون مبروك يافاطيما ربنا يسعدهم يارب
فاطيما بستها وحضنتها : الله يبارك فيكي ياحبيبتي.. اعبال انين وامجد يارب لما تفرحي بيهم كده
انين : لا لا ياطنط مش وقته خالص.. لما ابقي دكتوره الأول وبعد كده ابقي افكر في الارتباط والكلام ده
فاطيما ضحكت وقال : انشاءالله هتبقي اكبر دكتوره
فهد : حسين ممكن كلمه بس
حسين راح مع فهد
حسين : خير يافهد
فهد : خير ياحسين متقلقش.. بس كنت عايزه أسألك مين دي وشاور علي تالين الي كانت واقفه جمب انين
حسين : دي تالين قريبتنا.. كانت مسافره وجات انهارده من السفر علينا
فهد : ااه.. تمام
حسين : يلا.. عايز حاجه
فهد : لا سلامتك.. مع الف سلامه
حسين مشي وراح عند شاديه وراكبوا العربيه كلهم وكان معاهم تالين
عبد الهادي : يلا ياسريا علشان منتاخرش علي الطياره
فهد : طياره ايه.. هو انتم مسافرين تاني
عبد الهادي : اه.. مش هينفع نقعد هنا.. لازم نسافر تاني علشان شغلي وشغلها
فاطيما لثريا : طب ماتقعدوا معنا في الڤيلا.. والله دي واسعه وجميله وهتعجبكوا.. وابقوا امشوا بكره
عبد الهادي : لا مينفعش.. انا حاجز الطياره الي هنروح بيها.. مينفعش نقعد في مصر ..
فهد : ااه.. قول بقي انك جيت علشان فارس ورنا بس
عبد الهادي : ايوه طبعا.. مش فرح ابني لازم ابقي موجود
فهد : طب واخوك.. ماوحشكش
عبد الهادي : والله وحشتوني جدا.. بس معلش يافهد لازم نسافر انهارده علشان عندي شغل كتير اوي في سويسرا
فهد : ماشي ياعبد الهادي.. هسيبك براحتك.. بس ماتبقاش تتاخر علينا علشان بتوحشنا
عبد الهادي : انشاءالله يافهد.. يلا مع السلامه
عبد الهادي وثريا راحوا ركبوا العربيه وميشيوا.. وفهد وفاطيما دخلوا الڤيلا
عده ساعات حسين وصل البيت هو وشاديه وانين وامجد وتالين وطلعوا حسين فتح الباب وكلهم دخلوا شاديه طبطبت علي تالين وقالتلها بحب : نورتي ياحبيبتي
تالين باءبتسامه : شكرا ياطنط..
شاديه قال ليهم كلهم : يلا.. روحوا غيروا هدومكم عما انا كمان اغير واروح اجهز العشا
انين دخلت اوضتها علشان تغير وخادت معها تالين علشان يغيروا وامجد داخل اوضه وحسين كذلك وشاديه
جوه عند انين غيرت وكانت لابسه بيچامه عليها رسومات كرتونيه وبتجيب هدوم لتالين بس هي مش راضيه تلبس
انين : علي فكره انتي لو ملابسيتيش انا هخرج اقول لماما وهي تصرف بقي
شاديه فتحت الباب عليهم
شاديه : في ايه ياانين.. وبصت لتالين : انتي لسه ماغيرتيش ليه ياتالين.. هاتلها هدوم من عندك ياانين علشان تغير
انين : والله جبتلها ياماما.. ومش راضيه تلبس
شاديه : ليه ياحبيبتي.. مش راضيه تلبسي..
تالين بكسوف : مهو.. انا كده مرتاحه ياطنط..
شاديه : لا مينفعش خالص تقعدي بالهدوم بتاعتك.. لازم تغيري علشان هدومك ماتكرمش..
تالين : بس
شاديه : لا ياحبيبتي مفيش بس.. غيري هدومك وانا بكره انشاءالله هخلي عمك حسين يجبلك هدومك كلها من عندك صحبتك الي كنت قاعده معها
تالين اومءت براسها وخادت من انين البيچامه
شاديه لانين : تعالي يا انين علشان نجهز العشا
انين : حاضر ياماما
شاديه : يلا ياحبيبتي.. خدي راحتك البيت بيتك وقفلت الباب
امجد خرج كان لابس فنله بحملات علي برموده بيج وقعد علي السفره وماسك التليفون بتاعه حسين خرج لقي امجد قاعد علي السفره اضايق جدا منه لما شافه بالمنظر ده قاله بهدوء كانت شاديه جوه في المطبخ هي وانين
حسين بهدوء : امجد..
امجد : نعم يابابا
حسين : ممكن ياحبيبي تقوم تغير لبسك ده
امجد : ليه يابابا.. هو ماله
حسين :امجد.. مينفعش تلبس اللبس ده غير في حالتين بس.. لو احنا رايحين نصيف او احنا قاعدين لوحدنا ومش معنا ضيوف اظن واضح
امجد بتفهم : واضح يابابا.. انا اسف.. بس نسيت خالص ان احنا عندنا ضيوف
حسين : انا عارف ياحبيبي.. انك متعود تلبس كده.. بس معلش تعالي علي نفسك اليومين دول
امجد : حاضر يابابا عن اذنك ودخل اوضته
تالين خرجت وكانت لابسه بيچامه وعامله شعرها علي هيئه كحكه فوضاويه كان شكلها جذاب وخرجت حمحمت وقعدت علي السفره وانين رايحه جايه بتحط الأطباق مع مامتها امجد خرج وكان لابس بنطلوب ترينج اسود طويل وعليه تيشيرت بنص كوم ابيض وقعد جمب حسين وانين وشاديه قعدوا معاهم علي السفره وقاعدوا ياكلوا
************************************************
عند فارس ورنا وصلوا الشقه بتاعت فارس الي في القاهره وكانت رنا طول الطريقه ساكته وفارس كذلك وصلوا البيت وطلعوا فارس فتح الباب ودخلوا وقفل الباب وراهم رنا قعدت تتفرج علي الشقه.. عجبتها شكلها بسيط والوانها جميله ونظيفه
فارس : عجبتك
رنا : يعني مش بطاله.. فين الاوضه الي هنام فيها
فارس : دي اوضتك.. ودي اوضي.. وده المطبخ وده الحمام.
رنا : تمام تصبح على خير
فارس : استني.. انا لسه مخلصتش كلامي
رنا : نعم.. افندم
فارس شادها من ايديها ودخلوا الاوضه وزقها علي السرير
رنا بتوجع : اااه.. ايدي
فارس بعصبيه : بصي.. وركزي في الكلام الي هقوله ده كويس اوي علشان مش هعيده تاني.. رنا بصتله بخوف وهو كمل بنفس النبره : لازم تكوني فاهمه وعارفه ان جوازنا ده علي الورقه وبس يعني متحلميش في يوم ان في حاجه هتحصل بينا.. هنعيش مع بعض اه بس زي الأخوات ليكي اوضه وانا ليا اوضه.. ممنوع حد يدخل في حياه التاني معادا انا ادخل في حياتك انتي لا
رنا بعصبيه : واشمعنا انت بقي انشاءالله
فارس : ملكيش فيه.. انا حر.. رنا خافت من صوته وهو كمل كلامه : قدام اهلك قرايبك اصحابك اهلي اي حد احنا اتنين متجوزين بنحب بعض بنعشق بعض.. اوعي حد يعرف حاجه انتي فاهمه مشي خوطوتين وبعد كده رجع وقالها : واه.. انتي مش هتروحي الجامعه غير بعد شهر
رنا : ازاي ده.. شهر ايه لا طبعا مقدرش اقعد شهر من غير مااروح الجامعه
فارس بعصبيه : هو ده الي عندي
رنا : فارس لو سمحت.. بلاش عند في الكلام ده.. ده مستقبلي
فارس : وانا محرمتكيش منه.. بس متنسيش ياهانم انك في نظر الناس واصحابك عروسه ومفيش عروسه بتروح الجامعه يوم صباحيتها او حتي بعد اسبوع من جوازها.. ولا في عروسه بتسيب شهر العسل وتروح الجامعه
رنا : بس ك
قطعها بعصبيه : انا قولت الي عندي.. ومش عايز كلام في الموضوع ده سامعه
رنا هزت راسها بخوف وهو سابها ومشي ورزع الباب وراه
رنا خافت وقعدت تعيط وهو برا سامع عياطها وقلبه وجعه علشانها وقال في نفسه : اه لو تعرفي انا بحبك اد ايه.. بس انتي الي عملتي فيا وفيكي كده.. كان زمان النهارده اجمل ليله في حياتنا.. بس معلش كله باءوانه.. اصبري عليا يارنا اما وريتك ماشي ودخل اوضه وقفل الباب
************************************************
عند شاكر روح البيت كان مضايق ومخنوق وحزين ومش عايز يكلم حد طلع اوضه وغير هدومه وقاعد ساند راسه علي السرير وبص قدامه بشرود فاق من شروده علي صوت ناديه مراته : شاااكر
شاكر : ايه ياناديه.. في ايه
ناديه : بقالي ساعه بنادي عليك.. ايه كنت سرحان في ايه
شاكر : ها.. لا ولاحاجه
ناديه : طب قوم يلا علشان تتعشا
شاكر : لا معوازاش اكل.. عايز انام
ناديه : وه هتنام من غير عشا اكده
شاكر : اه.. وقفلي الباب علشان عايز انام
ناديه : طب مش هتكلم وليد وتصلحه بكلمتين.. زي ماقولتلك
شاكر : بكره بكره.. اقفلي الباب بقي
ناديه اتنهدت : طيب تصبح على خير وقفلت الباب
وشاكر اتنهد ونام
*************************************************
تاني يوم فهد وفاطيما ركبوا العربيه علشان يروحوا عند رنا وفارس وميشيوا وبعد ساعات وصلوا القاهره وعنوان الشقه وطلعوا خبطوا بس فضلوا يخبطوا كتير وفارس نايم وقفل باب الاوضه ورنا كانت نايمه بالفستان ووشها عليه كحل ومسكر من كتر العياط
فارس صحي وفتح الباب لقي حد بيخبط راح علشان يفتح بس افتكر رنا
فاطيما بزهق : ايدي وجعتني من الخبط يافهد
فهد : معلش يافاطيما.. عرسان بقي..
فارس دخل بسرعه عند رنا لقاها نايمه بالفستان
فارس : رنا رنا.. رنا اصحي بسرعه
رنا بخضه : ايه في ايه
فارس : اصحي بسرعه وغيري هدومك.. اهلك برا
رنا بصت علي نفسها لقت انها بالفستان لسه قامت بسرعه وفارس قالها انا هفتح وانتي غيري بسرعه هقولهم انك لسه نايمه يلا
فارس قفل الاوضه بتاعتها وبتاعته علشان مايخدوش بالهم ان في حد كان نايم في الاوضه التانيه وفتح
فاطيما : كل ده نوووم.. صباحيه مباركه ياعريس
فارس : الله يبارك فيكي ياطنط
فاطيما : امال رنا فين
فارس : رنا لسه نايمه
فاطيما : طيب انا هدخل اصحيها
فارس : لا.. اقصد انا هدخل اصحيها عن اذنكوا
فارس سابهم ودخل جوه ليها لقاها لابسه قميص احمر وعليه روب فارس في نفسه: ايه الجمال ده
رنا : ايه متنح كده ليه
فارس فاق : ها.. لا مفيش.. يلا بسرعه اخرجي
رنا بزهق : طيب انا خارجه اهو
فارس : يلا
رنا خرجت ليهم فاطيما حضنتها وفهد خاد فارس وقاله : ها طمني .. سبع ولا ضبع
فارس بعد فهم : مش فاهم
فهد : يعني قصدي.. عملتي ايه امبارح
فارس بتوتر : كل خير ياعمي كل خير
علي الناحيه التانيه فاطيما كانت بتقرر رنا عملتوا ايه امبارح بس لقت ان وشها باين عليه العياط قالتلها بخضه : رنا.. انتي معيطه ياحبيبتي
رنا بتوتر : ها.. لا ياماما ابدا هعيط ليه
فاطيما : مش عارفه.. بس شكلك باين عليه العياط
رنا بصت لفارس : لا ياماما متقلقيش ياحبيبتي.. ممكن بس علشان امبارح لما عيط وانا بسلم عليكوا
فاطيما : يمكن
رنا : عن اذنكوا.. هروح اجبلكوا حاجه تشربوها
فاطيما : لا.. ملوش لوزم يابنتي.. احنا جايين نجبلكم صباحيتكم وماشين علي طول
فارس : لا يمكن ابدا.. لازم تتغدوا معنا.. انتوا جاين من سفر
فاطيما : مينفعش ياحبيبي.. لازم تقعدوا مع بعض.. علشان انتوا عرايس.. يلا يا فهد
فارس : طب حتي اشربوا حاجه.. مينفعش تمشوا كده
فهد : معلش يافارس خليها مره تانيه
فاطيما حضنت رنا ومشت هي وفهد وفارس قفل الباب وراهم
ورنا بصتله ودخلت اوضتها وقفلت الباب
فارس بص للاكل ودخل عند رنا وقالها : الاكل هيبرد
رنا : مليش نفس
فارس بصلها باصه وبعدين قالها : قومي كلي يلا
رنا بصتله : قولتلك مليش نفس
فارس بعصبيه : وانا قولت قومي كلي
رنا : وانا مش عايزه اطفح.. كويس كده ممكن تسيبيني في حالي بقي
فارس : قومي يارنا يلا
رنا جابت اخرها : هو انت عندك مشكله في السمع.. قولتلك مش عايزه اطفح.. مليش نفس.. روح كل انت وسابني في حالي بقي
فارس قرب منها وشادها من دراعها وقوامها من علي السرير وقال : انا لما اقول كلمه تتسمع انتي فاهمه
وشادها قعدتها علي الترابيزه وقالها : يلا قربي كلي
رنا بعند : مش هطفح انا
فارس : بلاش عند احسنلك وكلي
رنا بصتله وعيطت فارس بحده : بطلي عياط بقي وكلي
رنا : ملكش دعوه بيا.. انت عايز مني ايه
فارس : عايزك تكلي يلا كلي
رنا : وانا مش عاوزه اكل.. هو بالعافيه
فارس : اه بالعافيه.. ومش عايز كلام كتير وكلي يلا
رنا خافت من نبره صوته وبداءت تاكل وهو كمان وبعد ماخلصوا اكل دخلت اوضتها وقفلت بالمفتاح وهو اتنهد ودخل اوضه غير هدومه ونزل وقفل الباب بالمفتاح
رنا كانت جوه سمعت رزعه الباب عرفت انه خرج بس اضايقت لما لقيته قفل عليها بالمفتاح وقالتله : انت يابني ادم انت.. بتقفل عليا بالمفتاح ليه
فارس : اصل انتي ملكيش امان.. ممكن الله اعلم وانا برا تخرجي
رنا بعصبيه : هخرج اروح فين يعني
فارس ببرود : معرفش وسابها ومشي
رنا : اووف بقي حيوان بجد
ودخلت اوضتها وجابت التليفون بتاعها وقررت انها تتصل علي انين علشان هي زهقانه ومضايقه
************************************************
عند شاديه صحيت من النوم متاخر قامت من علي السرير بتعب ملقتش حسين جمبها عرفت انه راح الشغل بصت في الساعه لقيتها 1 قامت بسرعه لقت امجد علي السفره
امجد : صباح الخير ياماما
شاديه : صباح النور ياحبيبي.. انت صحيت امتي
امجد : صاحي من بدري..
شاديه : امال فين انين وتالين
امجد : صحيوا من بدري وراحوا الجامعه.. وانا وصلتهم
شاديه : جدع ياحبيبي.. هروح اعمل كوبايه شاي واجيلك عايزه اكلم معاكي شويه
امجد : ماشي ياماما
شاديه قامت دخلت المطبخ وبداءت تعمل الشاي
************************************************
شاكر قعد يفطر مع مراته وابنه وكان ملاحظ وليد الي كان بيشرب قهوه وعمال يشنف كتير وطبعا بسبب الهيروين وباصص في التليفون بتاعه بس مهتمش وقال ممكن يكون عنده برد وبداء ياكل وبعد مااكل اكلم مع وليد وقاله : انا عارف ان انت زعلان مني.. حقك عليا.. متزعلش مني.. انا بس كنت في حاله صدمه وزعلان ومضايق وشاكك في كل الي حواليا.. بس اخر واحده مكنتش اتصور انها تعمل كده وتسرقني هي جدتك.. امي.. ناديه في اللحظه دي ضحكت بخبث شاكر اكمل : بس انا مسكتش.. طردها من البيت.. علشان ارتاح وانتوا كمان ترتاحوا
ناديه : خلاص بقي ياوليد.. ابوك مكنش يقصد
وليد : ماشي يابابا.. خلاص حصل خير
شاكر باسه ومشي
وليد بص لامه بخبث وقالها : طرديها من البيت
ناديه بصتله وسكتت
وليد : طيب ياماما بماءنك طردتيها وخلاص خلصنا منها.. عايز بقي الحلوه.. علشان انا عارف انك دخلتيني في لعبتك
قعد يقولها كلام ويهدها لو معطتلوش فلوس هيروح يقول لشاكر ابوه فاعطتله فلوس علشان يسكت ومشي
************************************************
عند شاديه كانت بتكلم مع امجد
شاديه وهي بتحط الكوبايه علي السفره : قولي ياامجد.. انت جاي وناوي تستقر ولا هتسافر تاني
امجد ساب التليفون من ايده : لا ياماما انا واخد اجازه اسبوع كده من الجامعه وهسافر تاني
شاديه : طب يابني.. ماتقعد معنا هنا وبلاش تسافر تاني.
امجد : مينفعش ياماما.. لازم اسافر علشان الجامعه بتاعتي..
شاديه : طب ياحبيبي.. اكلم ابوك ينقلك اوراقك وتقعد هنا معنا
امجد : لا ياماما..انا مش عايز اتعلم في مصر.. انا عايز اخد شهادتي من امريكا
شاديه : طيب يابني براحتك
امجد : انا عارف انك زعلانه.. بس معلش ياماما غصبن عني والله..
شاديه : لا يابني.. ولا يهمك اهم حاجه مستقبلك.. انت اي نعم هتغيب عني كتير وهتوحشني بس كله يهون علشان حضرت الظابط
امجد باس ايديها : ربنا يخليك لينا ياست الكل
شاديه : ويخليكوا ليا ياحبيبي.. ويسعدك يابني ويصلحالك يارب
امجد : امين يارب
شاديه : يلا خش ناملك شويه علشان انت صاحي بدري.. وانا هروح اجهز الغدا عما تالين وانين وحسين يجيوا
امجد : لا مينفعش انام.. لازم افضل صاحي علشان انين انا قايلها لما تخرج من الجامعه ترن عليا علشان اروح اخدهم
شاديه : ماشي ياحبيبي.. انا هروح اعمل الاكل
امجد : ماشي ياماما.. وانا هقوم اتوضي واصلي الضهر
**************************************************
عند رنا كانت قاعده تتصل باانين كتير بس التليفون بتاعها جرس ومش بترد فا حطت التليفون علي الترابيزه الي جمبها ونفخت بضيق وزهق
انين وتالين خلصوا المحاضرات كلها وقاعدوا علي كافتريا الجامعه
انين : انا اول مره اشوفك دكتور زي الدكتور طارق ده
تالين : ليه ماله
انين : ماله ايه بس.. ده رخم جدا وكمان بيستقصت
تالين : اه انتي قصدك علشان طرد البنت الي كانت بتكلم مع صحبتها
انين : يابنتي البنت مظلومه.. صحبتها هي الي كانت بتكلمها يطردها هي ليه
تالين : احنا مالنا خلينا في حلنا احسن ملناش دعوه
انين : علي رايك.. يلا علشان نروح
تالين : يلا
انين : استني علشان اكلم امجد يجي ياخدنا زي ماقال طلعت التليفون من الشنطه وفتحته برقت لقت رنا متصله عليها 10 مرات قالت : ياخبر.. كل ده..
تالين : في ايه
انين : لا مفيش.. بس البت رنا اتصلت عليا كتير اوي.. وانا كنت عامله التليفون سايلنت علشان المحاضره
تالين : اكيد عايزاكي في حاجه مهمه
انين : اعمل ايه بقي.. غصبن عني.. خلاص مش مشكله لما اروح اكلمها
تالين : تمام
انين وتالين ميشيوا خرجوا برا الجامعه وانين سابت تالين وميشيت بعيد عنها علشان تكلم امجد لان مفيش شبكه في الناحيه الي تالين واقفه فيها فا بعدت شويه وكلمت امجد فاجءه لقت تالين بتصوت انين بتلف وشها لقت واحد ماسك ايد تالين وبيشدها انين راحت عندها بسرعه وشادتها منه بس الشخص الي كان بيشد تالين اقوي من انين انين تشد وهو يشد انين قالتله : سيبها ياحيوان وخبطته علي راسه بالشنطه
الشخص بوجع : اااه يابنت ال ولسه رايح يضربها بالقلم لقي ايد بتمسكه انين قالت بخوف : الحقني ياامجد
امجد : ايدك دي.. تتقطع قبل ماتتمد
الشخص : طب اوعي ايدك انت لتوحشك
امجد : انا عايزها توحشني.. وريني كده هتوحشني ازاي
انين بخوف علي اخوها : سيبه ياامجد ويلا نمشي ونبي
امجد بهدوء : خدي تالين واركبوا العربيه ياانين
انين خادت تالين الي كانت خايفه وبتعيط وركبوا العربيه
وامجد بيتخانق مع الشخص ده بس امجد كان اقوي منه فضل يضرب فيه كتير لحد ماالشخص ده نزف واترمي علي الارض صاحبه ساحبه ومشي امجد عدل ساعته وركب العربيه وقالهم : انتوا كويسين
انين : انا كويسه.. بس تالين مش كويسه.. مخضوضه جدا
امجد لتالين : اهدي اهدي.. خلاص محصلش حاجه
وساق العربيه وميشيوا روحوا
امجد فاتح الباب وتالين وانين دخلوا وانين كانت محوطه تالين وبتهديها
شاديه جات من جوه لقت تالين معيطه ومخضوضه اتخضت وقالت : في ايه انين.. مالها تالين بتعيط ليه
امجد : مفيش ياماما.. هو موقف حصل وخلص خلاص اعمليلها بس ليمون علشان تهدا
شاديه : مش فاهمه موقف ايه.. ماتفهموني ايه الي حصل
انين : هقولك انا ياماما.. وقالتلها كل حاجه
شاديه : وانت كنت فين ياامجد
امجد : كنت في الطريق ياماما بس الحمدلله لحقتهم قبل ما الحقير ده يعمل حاجه فيهم
انين بفخر : مين.. ده حضرت الظابط عدمه العافيه.. وبصت لامجد : قولي بقي جايب الشهامه والجدعنه دي منين
امجد : من عند ام امين
انين : نينيني رخم
امجد : زيك
انين بتريقه : منا متعلمها منك بووم في منتصف الجبهه
امجد : امشي يابت من هنا
انين : مش همشي وانا قاعده علي قلبك
وشاديه لتالين : اهم كده علي طول.. ناقر ونقير
تالين ضحكت وغمزاتها بانت شاديه قالتلها : ايوه كده اضحكي ياحبيبتي
شاديه لانين وامجد : بس بقي بطلوا نقير في بعض… وروحوا غيروا هدومكم عما اجهز الغدا
انين اخدت تالين ودخلوا وامجد دخل
انين غيرت كانت قاعده تهديها وتقولها كلام حلو خلها تضحك وخرجت وسابتها علشان تغير هدومها
انين : بخ
شاديه اتخضت : خضتيني ياانين حرام عليكي
انين : سلامتك من الخضه ياقلب انين.. قوليلي ياشوشو ياقمر عامله ايه علي الاكل
شاديه : رز وبطاطس عجبك
انين : اه طبعا عجبني.. بس احنا عندنا ضيفه يعني ولا ايه رايك
شاديه : عامله فراخ ومكرونة بشاميل
انين بفرحه : هيه هيه مكرونه بشاميل
شاديه : ايه يابنت الهبله في ايه.. انتي محرومه.. محسيساني اني عمري ماعملت مكرونه بشاميل قبل كده
انين : لا ياشوشو متقوليش كده.. انتي بتعمليها بس نادرا.. وبعدين انتي عاملها علشان تالين مش علشاني
شاديه : هي تالين الي هتاكلها لوحدها.. محنا كلنا هناكل منها
انين : ماشي ماشي ياماما انا رايحه اتوضي واصلي العصر
شاديه : خلصي وتعالي علشان تساعديني في الغدا
انين : حاضر
امجد غير وخرج وتالين خرجت في نفس الوقت حمحمت اول ماشافت امجد وقاعده علي السفره وامجد دخل علشان يتوضي ويصلي لقي الحمام مقفول خبط انين قالت : مين
امجد : اخلصي بسرعه عايز اتوضي علشان اصلي العصر قبل مايفوتني
انين : اصبر شويه انا لسه داخله..
امجد : قدامك كتير يعني
انين : خارجه اهو
امجد : طيب
انين فتحت الباب وخرجت
امجد : ايه كل ده
انين : اذا كان عجبك
امجد : طب امشي من قدامي
انين : اصلا اصلا كنت ماشيه من غير ماتقول
امجد بصلها ودخل وهي دخلت الاوضه علشان تصلي بعد شويه امجد خرج وانين خلصت صلي وامجد دخل صلي وخلص وحسين جيه وانين دخلت تحضر الغدا مع مامتها وقاعدوا ياكلوا
وبعد ماخلصوا شاديه راحت تعمل شاي ليهم وانين كانت ناسيه رنا انها تكلمها تالين فاكرتها وكلمتها
انين : ايوه يارنا.. انا اسفه ياقلبي.. والله غصبن عني كنت في المحاضره وعامله التليفون سايلنت.. مالك فيكي ايه.. صوتك ماله.. طيب طيب هجيلك بكره بقي.. هقول لماما واجيلك سلام
شاديه : ايه مالها رنا
انين : مش عارفه.. بس صوتها مش مطمني.. وبتقولي مخنوقه وعايزه اكلم معاكي..
شاديه : مخنوقه.. معقول هي لحقت دي لسه عروسه
انين : عموما انا هروح ليها بكره بعد مااخلص محاضراتي واشوف مالها
شاديه : ماشي ياحبيبتي.. خدي الشاي
وقعدوا كلهم يشربوا الشاي وبعد شويه انين دخلت تشحن تليفونها في الاوضه وشاديه لمت الصنيه ودخلتها المطبخ وحسين قاعد علي السفره وقدامه اوراق وتالين وامجد قاعدين لوحدهم في الصالون تالين كانت بتفرك في ايديها وامجد ماسك الاب توب وشغال عليه وملاحظ انها متوتره ومحرجه فاقام وسابها ولسه هيمشي نادتهت عليه وقالتله : امجد
امجد بصلها وقال : نعم..
تالين بتوتر : انا كنت عايزه يعني.. اشكرك علي الي انت عملته الصبح
امجد باءبتسامه تخطف القلوب : لا شكر على واجب.. وبعدين انتي زي انين بالظبط.. فا ده واجب عليا اني اعمل كده
تالين ابتسمت ليه وامجد سابها ودخل اوضه وتالين دخلت الاوضه كمان
***********************************************
عند فهد كان قاعد في المكتب لقي تليفونه بيرن شاف الرقم لقاه حسين
فهد : الو ايوه ياحسين
حسين : فهد عايزك تجيلي
فهد : في حاجه ولا ايه
حسين : عايزك ضروري
فهد: طب في حاجه طيب
حسين : تعالي بس يافهد.. وهتعرف لما تيجي
فهد: حاضر ثواني واكون عندك
حسين : متتاخرش سلام
فهد قفل مع حسين وخرج ركب عربيته بسرعه ووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أنين)
