رواية أنرت عتمتي الفصل الثالث 3 بقلم سعاد السيد
رواية أنرت عتمتي الجزء الثالث
رواية أنرت عتمتي البارت الثالث
رواية أنرت عتمتي الحلقة الثالثة
نور وليل كانوا بلفوا على الأراضي واتكلم
ليل : الأراضي مساحتها كام
نور بجديه:الأراضي متجسمه مش كُلها في حِته واحده عندك الأرض البحريه دي ١٥ فدان ومزروعين لمون والأرض القبليه ودي ٣٠ فدان ومنوعين يعني تفاح وجوافه ومانجا وخوخ
ليل تمام والري بتاعهم ايه
نور كيف عني مفهماش
ليل : يعني بتروا الأرض ازاي غمر ولا تنقيط
نور : ايه تنقيط ده لا الري غمر بنشغل المكنه والميه تمشي في الأرض كِلاتها
ليل : تمام اول حاجه لازم تتغير هي طريقه الري لازم نجيب خراطيم تنقيط عشان نوفر ميه وبالنسبه للتسميد
نور : المهندس الي قابلك كان بيقول على نوع كيماوي معين كنا بنجيبه ونسمد بيه
ليل : ده كمان لازم نقلل منه ونعتمد على الطبيعي اكتر اظن هنا الناس بتربي بهايم وطيور صح لازم نجيب منهم الفضلات نستخدمها ده هيوفر وكمان افيد للزراعه
نور : صُح انا كنت بقول إكده للمهندس القديم لاني بعمل إكده في المشاتل بتاعتي بس ماكنش يوافق فسكت وسيبته يعمل الي يناسبه
ليل بأعجاب : انتي عندك مشاتل خاصه بيكي
نور : ايوه ابوي الله يرحمه كان عنده ٢ ولما ربنا خد أمانته اهتميت بيهم وبقوا اكتر من 30 دلوك
ليل : ماشاء الله ربنا يبارك طب ومزروعين ايه بقه
نور بشرح: يعني شتل خضار منوعه والشجر الزغير بأنواعه برضك و ورود زينه كذا شكل ونوع و العطريات زي الريحان ونعناع
ليل : ماشاء الله طيب ده حاجه حلوه جدا طب ايه الي مخليكي تشتغلي الشغل ده المشاتل دي اكيد شغلها كويس يعني
نور بملامح جامده : مظنش ان دِي حاجه تخصك يا بشمهندس خلينا نكمل لف عشان الحاج لسه عايز يتحدك معاك وانا ورايا شغل مفضياش للحديت دِه.. ليل بأحراج : احم اسف تمام اتفضلي… كملوا لف على كل الأراضي وشاف كل حاجه وقالها على الناقص وكل الحاجه المطلوبه
نور : تمام يا بشمهندس كده انت شوفت كل الأراضي وكل الي ناقص هنبقى ننزل المحافظه نجيب الي انت طالبه و دلوك هوديك للحاج في المندره اتفضل.. ليل :تمام اتفضلي. وصلوا المندره وهناك عوض كان مستني نور
عوض : الحقيني يا ست نور في اتنين من الاُجريه عم يتعاركوا ومعرفينش نسلك بينهم
نور بعجله: طب يلا بسرعه هما فين
عوض : في الأرض القبليه. نور: طب هم بينا يلا ومشيت بسرعه
ليل. لعوض: طب انا جاي معاكوا استنى.. واتحركوا
عوض : ملوش لزوم يا بشمهندس الست نور هتحل المشكله زي كل مره
ليل باستغراب: هتعرف تفصل بين رجاله بيتخانقوا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية أنرت عتمتي)
