رواية أم البنات الفصل العشرون 20 بقلم ريهام علي
رواية أم البنات البارت العشرون
رواية أم البنات الجزء العشرون
رواية أم البنات الحلقة العشرون
في فيلا عبد الله العايدي
صحي على من نومه وبص في الساعه لقي الوقت أتاخر اوي مسح وشه بأيده عشان يصحصح وقال لنفسه يااااه انا نمت كل ده ازاي
وقام من على السرير ودخل اخد شاور وأدي فرضه ونزل تحت وقال مساء الخير
رنا / مسا فل يا لوشه كل ده نوم يا عريس
علي / قري بقى يا رنا سيبيها سالكه وحياه ابوكي وبص لجيهان وقال مساء الخير يا ماما
جيهان / من غير ما تبص ليه قالت مساء النور
علي / بص لرنا بمعنى في ايه
رنا / هزت كتافها وقالت معرفش
على / بص لجيهان وقال مالك يا ماما
جيهان / مالي انا كويسه الدور والباقي عليك انت .. انت اللي هتميل بختك بأيدك من جوازتك بال
ست عاليه بتاعتك دي
على / اتنهد و قعد جنبها وقال ممكن بس تفهميني يا ست الكل عاليه مش عجباك في ايه بس
جيهان /انا معترضتش على البنت انا منكرش انها حلوه وواجهه بس اعتراضي على بيتهم والمنطقه اللي ساكنين فيها ايه ده ازاي ابني انا ياخد واحده زي دي هااا. وبعدين انا لفت نظري حاجه هناك كده واحنا عندهم
علي / اممم حاجه ايه يا ماما ما هيه كملت
جيهان / مكنه خياطه هي مامت الست الهانم بتشتغل ترزي ولا ايه
على / ايوه كانت بتشتغل في مشغل وسابته وبتشتغل على مكنه خياطه
جيهان / والوضع ده عادي بالنسبالك كده غريبه والله .. بقى على عبد الله العايدي اللي نص بنات النادي .. نص ايه ده كل بنات النادي هتتهبل على نظره منه يروح يجيبلي بنت زي دي طبعا عرفة تاكل عقلك .. سهوكة فلاحين صحيح
رنا / قصدك كهن فلاحين يا حاجه
جيهان / اخرسي انتي كمان انتي لسه حسابك معايا مجاش
رنا / وانا عملت ايه بس ده انا كيوت خالص مش كده يالوشه
جيهان / ازاي يعني تدخلى المطبخ معاها وتقدميلنا كمان الحاجه مع امها ولا صحيح هما لو عندهم شغالين مكنتيش أتحركتي بس يلا ده تمامهم شغالين في بيوتهم
علي / وقف بعصبيه وقال لو سمحتي يا ماما لحد كده وهوقفك عند حدك بقا .. انا مسمحش لحد يجيب سيرة خطيبتي واللي كلها كام يوم وهتبقي مراتي ويقول عليها شغاله لازم تعرفي زي ما مش هسمح لعاليه في يوم تقل ادبها عليكي مش هسمحلك انتي كمان تهينيها باي كلمه حتى لو بدون قصد
جيهان / وقفت وقالت ولد انت بتتحداني عشان خاطر الجربوعه دي
على / داس على اسنانه بغيظ وسابها ومشي
جيهان / طبعا النهارده هتسيبني وتمشي وانا بكلمك يا عالم بكره هتعمل فيا ايه من بنت الخياطه دي
رنا / هي كمان زعلت من امها وسابتها وطلعت اوضتها
جيهان / في ستين داهيه انتم الاتنين عيال ما تربتش بصحيح بس انا وراك بقى يا سي علي لحد ما تبعد عنها يا اما اسيبك تتجوزها بس هكرها في عيشتها و هعرفها مين جيهان
(غلبانه قوي يا جيجي ما تعرفيش عاليه انتي لسه )😂
_________________________________
في المحطه
كان القطر وصل نزل سليم وسلمى و رأفت معاهم
رافت / كان حاسس خطواته تقيله اوي والف خطوه بتقدمه وترجعوا في نفس الوقت
سلمى / لاحظت ده وقالت ايه يا حبيبي وقفت ليه
رافت / خايف
سليم / من ايه يا رافت
رافت / مش عارف
سلمى / خرجت تليفونها وكلمت مامتها وردت عليها فاطمه بس كانت سلمى فاتحه الاسبيكر
فاطمه / ايوه يا حبيبتي انتو فين
سلمى / انا علي وصول اهو يا ماما
رافت اول ما سمع صوت فاطمه ابتسم وحس بخفقة فرحه بقلبه
سلمى / ابتسمت لما شافته فرحان وقالت طب بقولك ايه بقى يا ماما جهزي الاكل بقى بسرعه اصل انا هموت من الجوع
فاطمه / يا حبيبتي الاكل جاهز من بدري
سلمى / اوكي يا حبيبتي احنا دقايق ونكون عندك
فاطمه / ماشي يا حبيبتي توصلوا بالسلامه
سلمي / مع السلامه وقفلت التليفون وبصت لرافت وقالت خوفك راح شويه
رافت / سلمى هو انتو هتتقبلو وجودي معاكم في البيت علطول ولا….
سلمى / ابتسمت وقالت انا عن نفسي وجودك في حياتي متعوده عليه اصلا اما بقى بالنسبه لعاليه فدي ما تقلقش منها خالص مرحه جدا و لو مش مصدق اسال سليم
سليم / على يدي يا معلم لسه رزعاني دعوه قالتلي تطفح الاكل لو اكلت من غيري
سلمى ورافت / ههههههههههههه
سلمى / ومليكه هي خجوله شويه بس انا متاكده انها هتفرح بوجودك اوي
رافت / بتردد ط.طب ماما
سلمى / حبيبي ماما بالذات هي اللي هتبقى بالنسبالها لحظه حاسمه اوي انك رجعت لحياتها من تاني وبالنسبه بقى ان هتتقبلك ولا لا فمفيش ام بترفض ابنها يا رافت مهما طالت المسافات والسنين بينهم
رافت / ابتسم وقال طب يلا بينا
سلمى / يلا ومشيو راحوا على البيت
__________________________
في بيت امين شكري
كانت فاطمه بتجهز الاكل وبتجهزوا على وصول سلمى وسليم ومتعرفش ان معاهم الفرحه الكبيره
فاطمه / يلا يا عاليه خدي الاطباق رصيها زمانهم على وصول
عاليه / طب كنت استنى يا ماما لما يوصلوا
فاطمه / لا خلاص هما على وصول اومال فين مليكه
عاليه / معلقه محلول نحنحه
فاطمه / باستغراب ايه …
عاليه / ضحكت وقالت بتكلم مالك يا ماما
فاطمه / ضحكت وقالت طب يلا واخدو الاكل وكان بيرصوه
وشويه خبط الباب وفتحت عاليه شافت سلمي وسليم بس رافت كان ورا سليم
عاليه / يا هلا يا هلا اوعى تكون طفحتو من غيري حاجه
سليم / وانا اقدر يا لولو برضه وبعدين انا مقدرش استغنى عن اكل حماتي
عاليه / اه حماتك في الخطوبه بس وبعد كده …. اه منكم يا رجاله
سلمى / يا بنتي وسعي بقى هنفضل واقفين على الباب كده
عاليه / هههههه نسيت والنبي ادخلوا
دخلت عاليه ودخل سليم وسلمي و رافت
رافت كان قلبه بيدق بسرعه غريبه ومش مصدق نفسه ان ممكن يشوف امه ويحضنها كان بيبصلها بابتسامه وتمعن كانه نفسه يسابق الزمن والهوا اللي حواليه ويوصل لحضنها ويشبع منه
فاطمه / حمد لله على سلامتكم يا … وسكتت لما شافت رافت
هي كمان حست بخفقه في قلبها .. حست بان جزء من جسمها كان مفقود ورجعلها من تاني وخصوصا ان رافت نفس ملامح امين وهو شاب .. نفس وسامته ، نفس غمازات الجمال ، ولون عيونه البنيه اللي تسحر ، وشعره الاسود الناعم ..
فاطمه كانت بتبص لرافت بتمعن شديد وكانها بتقارنه بامين وصراع داير ما بين قلبها اللي بيقولها ده حته منك ومن حبيبك وعقلها اللي بيقول الصبر وانتي هتعرفي .. كل الصراعات دي دارت جواها هي بس هي وحدها تعلم طول المده والوقت في اللحظه دي على الرغم انها لحظات بس فعلا اطول واصعب لحظات عاشتها في حياتها
سلمى كانت بتبص من امها و خايفه عليها من الفرحه وفي نفس الوقت شايفه سرحان امها في رافت وكذلك رافت سرحان وفي امه
قطع كل تفكيرهم وسرحانهم صوت عاليه وهي بتقول مين المز ده يا سليم
الكل فاق وانتبه لنفسه وفاق من شرود هنه وضحكو
فاطمه / انتبهت عشان تسمع الجواب من غير سؤال منه وبصت لسليم كانها بتترجاه يجاوب
عاليه / ايه يا جماعه في ايه وبصت لرافت وقالت طب عرفنا بنفسك انت يا عم المز شكلهم مستخسرين فينا المعرفه
رافت / ابتسم وبص لفاطمه من تاني
عاليه / لما شافته بص لفاطمه وقالت ايه يا ابني انت جاي تسبل لامي هنا ولا ايه .. لا ده انا اشرحك
سليم / ما تفصلي الراديو ده بقى يا شيخه
عاليه / راديو .. انا راديو طب شك اللي معاك بدبوس خليه يسمعنا صوته نعرف انه انسان طيب مش جثه مبتسمه ومبحلقه في امي كده
سلمى / بصت لامها وقالت ايه يا ماما ساكته ليه
فاطمه / دموعها نزلت وهزت كتفها بمعنى مش عارفه وحطت ايدها علي وشها وعيطت بصوت عالي
رافت هو كمان دموعه نزلت وعيط وكل واحد فيهم مستني لحظة لقا حضنه بالتاني
سلمى / بدموع بتعيطي ليه يا ماما بس وراحت عندها وشالت ايدها من وشها
فاطمه / وهي بتعيط خايفه …. خايفه قلبي يكون بيكذب عليا يا بنتي .. خايفه اسال مين ده عشان متصدمش .. خايفه من حاجات كتيره اوي
سلمى ف عيطت هي كمان واترمت في حضنها وقالت لا يا حبيبتي قلبك ما بيكدبش عليكي .. هو اللي قلبك حاسس بيه
فاطمه / اتشبثت بسلمى اكتر وعيطت بحرقه بس بدموع فرحه وقالت آاااااااااااااه يا رب يا رب كنت عارفه وحاسه انك هتجمعني به احمدك واشكر فضلك يا رب احمدك واشكر فضلك يا رب
سلمي / خرجتها من حضنها وقالت طب مش هتسلمي عليه
فاطمه / من فرحتها مش قادره تبصله ولا تحضنه حاسه بنفسها كانه حلم جميل خايفه تلمسه تفوق منه وبصتله ببطء ولقيته هو كمان دموعه نازله منه وبيعيط ومستني لحظه ما يكون في حضنها
رافت / بدموع مااامااا
وفي اللحظه دي كان قلب فاطمه رجعلها من تاني وقالت بدموع وفرحه يا قلب ماما من جوه وهما الاتنين جريو على بعض وحضنو بعض بقوه مستحيل تتوصف مفيش كلام يقدر يوصف اللحظه دي بقى احساسهم احساس مختلف كانه عالم تاني روح اتردت لروح
فاطمه / آااااااااااه ياوجع قلبى من حرماني منك طول السنين دي كلها يا احمد يا وجع قلبي يا ابني آااااااااه وبصوت عالي احمدك واشكرك يا رب احمدك واشكرك يا رب على كرمك ليا رديتلي روحي من تاني آااااااااه يا ابني ملحقتش افرح بيك واضمك…… اخدك مني الكلب ورماك في الشارع وواحده تانيه اتمتعت بدفا حضنك وانت صغير يا احمد…. واحده تانيه سهرت عليك يا ابني …. هاااااا واحده تانيه عاشت معاك اجمل ايام طفولتك آاااااااااه يارب يارب انا مش معترضه على حكمك والله اناراضيه بقضاؤك وعارفه ان ليك حكمه في كل ده وخرجته من حضنها وفضلت تبوس في كل حته في وشه وعلى راسه ومسكت أيده تبوسها
رافت / وهو بيعيط مسك ايدها وباسها بقوه واترمي في حضنها من تاني وقال بصوت عالي وبكاء شديد مااااااماااااا آاااااااااااه يا ماما حضنك جميل اوي حضنك امان اوي يا ماما …… آااااااااااه اتحرمت منا كتير هااااااا آااااةةةه يا رب يا رب ما تحرمني منه تاني ابدا وضمها جامد لحضنه
الكل كان بيتابع الموقف بدموعه بكاء مرير عليهم
فاطمه / خرجته من حضنها ومسكت وشه بأيدها ومسحت دموعها وقالت مش عايزه اشوف دموعك تاني يا حبيبي انا عايزه اللي جاي فرحه وبس
رافت / مسك ايدها وباسها وابتسم وقال حاضر يا ماما
فاطمه / حضنته تاني وعيطت وقالت يا قلب امك يا احمد يا قلبي من جوه
رافت / خرج من حضنها وبص لعاليه اللي كانت بتعيط هي كمان وراح حضنها بقوه ودموع وقال مش مصدق نفسي ان عندي اخوات حاسس انه حلم بس حلم جميل اوي
عاليه / حضنته بدموع وضمته جامد ليها وقالت اه يا حبيبي يا حرقه قلبي لما عرفت انك ما موتش واترميت في الشارع يا حرقه قلب بجد …. آاااااةااه اتمنيت لو الارض تنشق وتبلعني بس اقدر اوصلك يا حته مني و مننا كلنا يا قلب اختك من جوه يا حبيبي وفضلت تبوس في كتفوا
رافت / مسك أيدها وفضل يبوس فيها هو كمان وخرج من حضنها ومسح دموعها وقال بلاش الدموع تاني
عاليه / لو كل الدموع دموع فرحه معنديش مانع اعيط عمري كله بس مفيش فرحه احلى ولا اجمل من رجوعك لينا يا حبيبي وباست أيده
رافت / باس جبينها وبص حواليه وقال فين الثالثه
عاليه / بدموع وابتسامه معلقه محلول نحنحه
الكل / هههههههه
رافت / يعني ايه
عاليه / وهي بتضحك لا بقولك ايه امشي معايا على الخط احسنلك
سلمى / مسحت دموعها و نادت علي مليكه تخرجلهم وخرجت مليكه ولقيتهم كلهم بيعيطوا اتخضت وقالت في ايه بتعيطيوا ليه
فاطمه / راحت عند رافت وطبطبت علي كتفه وقالت تعالى سلمي على اخوكي يا حبيبتي اخوك رجعلنا بالسلامه
مليكه / بصتله بصدمه وقالت ا.أخويا وقعت من طولها اغمي عليها
رافت جرى عليها بسرعه والكل جرى عليها و حاولوا يفوقوا فيها لحد ما فاقت وبدات تستوعب اللي بيحصل حواليها
فاطمه / سلامتك يا حبيبتي
مليكه / بصتله بدموع وقالت ب.بجد انت اخويا احمد
رافت / ايوا يا حببتي انا والله واترمي في حضنها
مليكه / بدموع آااااااااه يا قلبي ياحته مني ومننا كلنا يا احمد يا فرحة عمرنا من النهارده برجوعك لينا يا قلب اختك وفضلت تبوس في ايده وحضنته تاني
رافت / يا فرحة عمري انا يا حببتي اني رجعت لحضنكم من تاني
مليكه / با بتسامه ودموع لا والله بجد آ.انا عنري مهحس بفرحه زي فرحة النهارده دي
رافت / قرب منها وباس جبينها
قاطمه / اخدتهم في حضنهاهما الاربعه وقالت مش مصدقه نفسي والله انكم رجعتولي كاملين في حضني واتنهدت بحنين وقالت الله يرحمك يا أمين
سليم / بمزاح شوفت يا عم رافت انت جيت اكلت الجو مننا كلنا وشكلنا هنعمل عليك عصابه انا ومالك وعلي
رافت / رفع ايده با ستسلام وقال حقي وبعدين انتو لسه هترجعوا تطلبوا ايدهم مني هما التلاته من تاني
سليم / بص لسلمي وقال عاجبك كدا
سلمي / مسحت دموعها وقالت حقه مش اخويا حبيبي وعايز يطمن عليا
سليم / لا دا انا هكلمهم فعلا عشان يجولي ونشوف حل مع اخوكي دا
رافت / ههههههههه كلمهم فعلا بس عشان اتعرف عليهم انا نفسي اعرفكم كلكم
فاطمه / طب يالا الاول اتغدوا قبل الاكل ما يبرد
عاليه / انا هكلم علي ييجي
مليكه / وانا هكلم مالك
وكل واحده كلمت خطيبها وبلغته وقعدوا يتغدوا مع بعض بفرحه وسعاده
________________________________
في فيلا عبدالله العايدي
جهز علي نفسه عشان يروح لعاليه ويتعرف بأخوها وكان فرحانلهم جدا
عبدالله / رايح فين يا علي
علي / رايح لعاليه يا بابا
جيهان / ايه حكاية الست عاليه دي انت مكنتش معاها امبارح ولا هيه مش قادره علي بعدك مش بقول كهونة فلاحين
رنا / ههههههه كهن يا حاجه كهن
جيهان / بلا قرف
علي / خلصتي يا ماما امشي
جيهان / نفخت بغيظ وسكتت
علي / بص لعبدالله وقال بابا اعمل حسابك بعد كام يوم هنروح لعاليه عشان نحدد معاد الفرح مع امها واخوها
عبدالله / وماله ياح…. وسكت وبصله وقال اخوها .. اخوها مين
علي / ابتسم وقال دي حكايه كبيره يا بابا بس عاليه ليها اخ بعدها اسمه احمد
جيهان / ايوا يعني جه منين ده كمان احنا ناقصين قرف
علي / ياماما قولتلك دي حكايه كبيره مش هتتحكي في لحظه كدا هروحلهم دلوقتي ولما ارجع هقولك وسابهم ومشي
جيهان / وقفت وندهت عليه بس مردش وكان مشي .. بصت لعبدالله وقالت عاجبك وضعه دا وايه حكاية اخوها دا كمان
رنا / مهو قالك يا ماما هتعرفوا بعدين و… قطع كلامها رنة تليفونها بصت فيه اتوترت وبصتلهم وقالت ط.طب ا.انا طالعه اوضتي
جيهان / مين بيتصل
رنا / د.دي ص.صحبتي عن ااذنكم وطلعت اوضتها
جيهان / اوففف مخلفه مجانين
عبدالله / شدها من ايدها وقال ما تيجي نتجنن احنا مع بعضنا فوق
جيهان / ضحكت بدلع وقالت يا راجل احنا كبرنا علي الكلام دا
عبدالله / لا انا لسه شباب تيجي اثبتلك
جيهان / ههههههه يالا بينا وطلعوا لاوضتهم…
_________________________________
في بيت امين شكري
كان الكل متجمع بفرحه وسعاده بمناسبة رجوع احمد من تاني لحضنهم
وحضر القعده معاهم كمان مالك وعلي
رأفت / انا سعيد جدا بمعرفتي بيكم واتمني انكم لما عرفتوا بموضوعي تكونوا تقبلتوه وتفضل علاقتكم با اخواتي البنات زي ما هيه
عاليه / نعممم وانت بتستسمحهم كمان لا يا حبيبي انت تحط رجل علي رجل كدا في وشهم وتتنك في قعدتك وتتشرط عليهم
سليم / وشوش علي وقال ما تلحق يا عم مزتك دي بتسخن الواد علينا
علي / بصله وقال مزتك تصدق قفلتني يا دكتور ايه الفاظ الناصيه دي
سليم / بصوت عالي مالها النصيه يا بتاع مامي وبابي
علي / بصوت عالي لا ميغركش هاا انت فاهم وبص علي جسمه وقال واوعي يغرك جسمك
مالك / وحدوا الله يا شباب فيه ايه
علي / فيه محشي
مالك / اغرفلك ولا احشي
رأفت/ وقف بعتذرلكم يا شباب معنديش اخوات بنات للجواز
سليم وعلي ومالك / بصوت واحد وعالي قالو نعممم
رأفت / خاف من صوتهم وقال احممم قصدي يعني نحدد معاد الجواز بقا
سليم وعلي ومالك / في صوت واحد آااااه افتكرنا حاجه تانيه
عاليه / ولاه انت وهو انتو هتعملوا رباطيه علي اخويا
سلمي / جو الثلاثي المرح دا مش معانا يا امامير فاكس اوي
مليكه / واللي تعرف ديته اقلعله دبلته
الكل / ههههههههههههههههه
فاطمه / هو دا بجد ولا هزار بس عشان اعرف ارد عليكم واهزقكم براحتي
سلمي / وهيه بتضحك لا طبعا ياماما هزار
فاطمه / تمام كدا اتنيلوا اقعدوا بقا وخلونا نتكلم جد شويه
مالك / بجد والله يا ماما احنا فرحانين اوي برافت
رأفت / وانا كمان فرحان وسعيد اننا بقا ليا عيله حلوه كدا واحلي ما فيها امي طبعا وباس ايدها وقال ربنا عوضني بوحدتي عوضني بتلات بنات زي القمر اخواتي وتلات رجاله اخواتي هما كمان بجد والله دا كرم من ربنا عليا كبير اوي
سليم / واحنا كمان يا رافت سعداء جدا جدا بفرحتك وبفرحتهم بيك
فاطمه / ربنا ما يحرمنا من لمتنا الحلوه دي ابدا
الكل / يارب
مالك / طب تسمحولي بقا انا عايز اقول حاجه مهمه
الكل / خير
مالك / عايزين نتفق علي معاد افراحنا وبص لمليكه وابتسم
سليم بص لسلمي وغمزلها
علي بص لعاليه وبعتلها بوسه
فاطمه / معنديش مانع طبعا بالنسبه لسلمي ومليكه
علي / قطع ابتسامته وقال طب والحزين علي عينه نزل الغضب عليه ولا ايه
فاطمه / هههههه لا طبعا مقصديش بس عاليه لسه رايحه تانيه جامعه لسه بدري اوي عليها يا بني
علي / وفيها ايه بس انا مش هعطلها عن المذاكره
سليم / دا انت تعطل طريق مرور بحاله
علي / اتغاظ منه وقرب منه وقال قرب عليا هسمعك الدعوه في ودنك عشان لو حد قلبه ضعيف وشوشه وقاله …..
سليم / برق عيونه وقال لأ ابوس ايدك اسحب الدعوه دي الا دي ….
علي / وهو بيعدل هدومه وقال بثقه عشان تعرف
عاليه / وانت متخيل ان دعوته هتستجاب اوي يا بني فكك
علي / ربنا يهز برستيج يا عاليه زي ما برستيجي اتهز
الكل / ههههههههههههههه
علي / لا بجد والنبي يا ماما خلي فرحنا معاهم عشان خاطري
فاطمه / بصت لرافت وقالت ايه رايك يا بني
رافت / معنديش مانع يا ماما شكلهم بيحبوا بعض والحب بالذات لما بيبقي صادق الواحد بيتمني لو يعيش مع حبيبه كل ثانيه تعدي من عمره
سليم / شوفت
علي / اوووبااااا
مالك / الحققق
رافت / بخضه ايه فيه ايه
سليم / فيه حب
مالك / فيه لفلفه
علي / فيه مزه في حياتك انطق
فاطمه / الله الله اتلموا كدا وانزلوا من علي كتف الواد والا والله هرجع في كلامي
سليم / لا لا خلاص
مالك / طب كتب الكتاب أمته
فاطمه / يبقي مع الفرح
سليم / اتنهد بزعل وقال ياااااه لسه هستني البسها الشبكه يوم الفرح
الكل / استغرب كلمته بس سلمي كانت فاهمه قصده وضحكت
رأفت / بس فيه حاجه لازم اعملها قبل فرح اخواتي البنات
فاطمه / خير يا حبيبي حاجة ايه
رافت / عايز ازور اللي كان السبب في بعدي عنكو طول السنين دي
فاطمه / ايه !!!!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
