رواية أم البنات الفصل الرابع 4 بقلم ريهام علي
رواية أم البنات الجزء الرابع
رواية أم البنات البارت الرابع
رواية أم البنات الحلقة الرابعة
في بيت نونا
قامت من على سريرها لما سمعت صوت من سليم بره وسندت على عكازها وقالت ان هفهمك يا سليم يا ابني سلمى بتعمل ايه هناك كل يوم ….
سلمى / راحت عندها بسرعه وقالت نونه انتي ايه خرجك من اوضتك
نونا / ابتسمتلها وطبطبت على أيدها بحنان وقالت انا كويسه يا حبيبتي وبصت لسليم وقالت أتفضل يا ابني اقعد
قرب سليم وقعد على الكرسي وقعد عليه
وقعدت نونا وسلمى سندتها و قعدت جنبها
نونا / انا يا ابني زي ما انت شايفني ست كبيره وعجوزه مقدرش اعمل اي حاجه لوحدي وأتنهدت ورجعت لورا تسند ضهرها وكملت كلامها وقالت بس كنت زمان أم.. ام. بتسهر وبتعمل كل حاجه بأيديها عشان تكبر اولادها ثلاث اولاد كنت انا وابوهم بنعمل كل حاجه عشان نساعدهم ونكبرهم …
كنا بنحرم نفسنا من لقمه العيش عشان هما ياكلوا ويضحكوا و يكونوا مبسوطين والحمد لله قدرنا نأمنلهم مستقبلهم كويس وعيشتنا بقت كويسه
وعملنا شركه صغيره وكبرت يجهد جوزي والشركه بقت اتنين وثلاثه لما الاولاد كبروا بقم هما المسؤولين عن الشركات دي وكل واحد فيهم مسك شركته وأتجوزوا وخلفو كمان
وبعدها جوزي مات.. وبقيت عايشه لوحدي هنا في بيتنا القديم استنيت حد فيهم يقول هاخد امي تعيش معايا عشان متبقاش لوحدها محدش نطقها كل اللى قدروا يعملوه يجيبولي حد ياخد باله مني يعني زي بيبي سيتر…. بس انا عشان ربنا عالم التعب اللي تعبته عشانهم ربنا رزقني بسلمى وطبطبت على أيدها و ابتسمتلها وقالت وكمان خلود دي بتبدل مع سلمى بتيجي في النهار وسلمى في الليل
يعلم ربنا ان سلمى وخلود عندي بالدنيا لاني بحس فيهم انهم جايين لامهم مش جايين شغل عشان يقبضوا منه مرتب اخر الشهر حسيت فيهم بحنيه عمري ما حسيتها من اولادي وأتنهدت وكملت كلامها وقالت يكفي انها في الاجازه بتجيلي كل شهر مره تطمن عليا وانا مقربلهاش اصلا
وسكتت شويه وقالت تعرف يا ابني انا اولادي بقالهم اكثر من شهرين محدش فيهم جه زارني ولا سال عني
سليم / كان باصص في الارض وقال طيب مين براعي طلبات حضرتك غير سلمى وخلود
نونا / ابن اخويا رافت هو في ثانويه عامه السنه دي صغير اه لكن هو اللي محسسني بحلاوه الدنيا وسكتت شويه و أتنهدت وقالت تعالي يا سليم يا ابني اسندني لحد اوضتي ادخل على أريح شويه
سلمى / يلا يا حبيبتي انا هوصلك
نونه / لا يا حبيبتي شوفي سليم يشرب ايه
سلمي / بصت لسليم وقالت حضرتك تحب تشرب ايه
سليم / لو ممكن قهوه مظبوط
سلمى / حاضر ودخلت المطبخ
سليم / راح لنونا وسندها لحد اوضتها وقعدها على سريرها وجاب كرسي وقعد قصادها وبص في الارض وقال انا اسف
نونه / ………….
_____________________________
في فيلا روان
كانت عاليه فتحت عيونها مسكت أيد علي
على / اتخض وبص عليها وقال ع.عاليه
عاليه / قامت من على السرير وراحت قصاد المرايه ظبطت شعرها وكانت بتظبط هدومها
على / كان بيبص عليها باستغراب لانه عارفها ومش متعود منها على السكوت ده
عاليه / شدت الكرسي وقعدت قصاد على وحطت رجل على رجل وسندت ضهرها لورا وقالت ….
تعرف المثل اللي بيقولك تربيه الست غير الراجل
والمثل الثاني اللي بيقولك برضه قلب المؤمن دليله
خليك فاكر المثلين دول كويس عشان هنحتاجهم
بالنسبه بقى لحكايه المثل الاول تربيه الست غير الراجل : انا طبعا فخوره بده انا اللي مربياني انا واخواتي ست ومش اي ست دي ست بميت راجل … تربيه ماما لينا كلها كانت بالقران والصلاه وعرفتنا الصح من الغلط وعلمتنا كل حاجه و اهم حاجه اننا نكون قريبين من ربنا عشان ربنا يفضل قريب مننا ويحمينا من اي غدر وبصتله بقرف
اما بقى بالنسبه للمثل الثاني قلب المؤمن دليله : فانا لما جيت الحفله دي جيت عشان روان متزعلش مني وجيت مع اصحابي زي ما شوفتنا .. ووقت ما كنا داخلين انا واصحابي لمحت عربيتك بره وحسيت ان في حاجه هتحصل بس حبيت مظلمكش بس قولت احرص مش هخسر حاجه ولما هدير وقعت عليا العصير تحت الشك زاد اكتر في قلبي ولما طلبت مني تعزمني علي عصير تاني كان الشك زاد جوايا اكتر
ولما جابتلي العصير رميته في الحمام وسبت في الكوبايه شويه عشان تتاكد ان يعني كاني شربته
واتنهدت وقال وعملت نفسي اغمى عليل وقولت لنفسي هشوف لو طلعت واتخضت هفوقلها على طول ويبقى انا ظلمتها.. بس لقيتك جيت وأتنهدت بوجع وغمضت عيونها وقالت جيت وكنت عايز تتدبحني بسكينه بارده كل ده ليه عشان ضربتك بالقلم هو القلم يستاهل عقابه اللي كنت عايز تعمله في دا يا علي وبصتله بصه طويله وقامت من على الكرسي وراحت عند الباب عشان تمشي بس …. وقفت وبصتله قالت بس تعرف ان قلبي اول مره يخدعني . خدعني فيك اوي
علي / وقف وقال قصدك ايه
عاليه / غمضت عيونها بوجع وقالت قصدي عمرك ما هتحس بيه ولا هتفهمه ولسه بتفتح الباب..
دخلت روان عليهم و قالت عاليه أتاخرتي ليه وأتفاجئت بوجود على في الاوضه وقالت على انت بتعمل ايه هنا
على / سكت وحط وشه فى الارض
عاليه / بصت لعلي بوجع وبصت لروان وضحكت بسخريه وقالت لا بجد متعرفيش على بيعمل ايه هنا .. بس احب اطمنك خطك انتي واختك انا قفشتها من بدري وانا اللي مثلت عليكم مش انتي وهي
روان / باستغراب خطه !! خطة ايه دي يا عاليه انا مش فاهمه حاجه
عاليه / ضحكت بسخريه وقالت اسالي اختك وعرفيها وعرفي نفسك كويس ان كما تدين تدان وسابتهم ومشيت
روان / راحت لعلي وقالت بعصبيه ممكن تفهمني خطه ايه اللي عاليه بتقول عليها مع اختي دي وبعدين انت جيت هنا ازاي
علي / مردش عليها وسابها ومشي
_______________________
في بيت نونا
كان سليم بتاسف لنونا على اللي حصل منه
نونه / ابتسمت وقالت دي متتقلش ليا انا دي تتقال لسلمى
سليمه / اتنهد ورجع بضهره لورا وربع ايده على صدره وقال سلمى .. انا مش عارف انا انشغلت بيها ليه للدرجه دي و بحكايتها
نونا / ضحكت وقالت يمكن عشان شتمتك في القطر
سليم / ابتسم وقال انت عارفه كل حاجه بقى
نونه / وهي بتضحك عشان بس تتاكد انها بنتي وصاحبتي
سليم / وهو مبتسم طب وقالتلك ايه تاني عني
نونه / سيبك من اللي قالته عنك دلوقتي المهم انت متزعلهاش تاني وتطردها بره المحاضره انت متعرفش انت احرجتها قد ايه
سليم / اتنهد وقال لينا قاعده تانيه اكيد ولا عندك مانع
نونا / ابتسمت وقالت لا طبعا بس مش عايزه اتعبك
سليم / مفيش تعب ولا حاجه انا ساكن في الشقه اللي تحتك علطول
نونه / نورتني يا ابني
وفي الوقت ده جت سلمي بالقهوه
سليم / مد أيده واخدها وقال تسلم أيدك وقعد يشربها
وقعدوا يتكلموا يضحكوا مع بعض
________________________
في بيت امين شكري
كانت وصلت عاليه وحكت لامها عن كل حاجه
فاطمه / كانت ساكته ومبتردش عليها ومبتسمه
عاليه / باستغرب ماما انتي بتضحكي على ايه
فاطمه / ضحكت وقالت اصلي متخيله منظره وهو قاعد زي الكتكوت المبلول في عز الشتا
عاليه / ضحكت وقالت هو ده وقته هزار يا ماما
فاطمه / اخدتها في حضنها وقالت وعسى ان تكرهوا شيئا وهو خير لكم انت متعرفيش الخير فين يا حبيبتي
عاليه / ونعمه بالله
فاطمه / يلا يا حبيبتي قومي عشان تنامي وترتاحي
عاليه / باست أيدها وقالت تصبحي على خير
فاطمه / وانت من اهله يا حبيبتي
دخلت عاليه اوضتها وقامت فاطمه تصلي وتقرا قران وفضلت تدعي ربنا انه يحفظ بناتها
اما عاليه دخلت اوضتها عشان تنام لقت روان بتتصل عليها بصت للتليفون بغضب وقفلت التليفون خالص ونامت
________________________
في فيلا روان
كانت روان متعصبه عشان عاليه مبتردش عليها ومش فاهمه خطة ايه اللي قالت عليها دي وايه سبب وجود علي في الاوضه وافتكرت كلمتها انتي واختك
روان / انفسها باستغراب اختي هدير ايوا صح
ونزلت بسرعه عشان تسال هدير وتفهم منها
روان / بصت علي هدير لقيتها واقفه مع اصحابها راحتلها بسرعه وشدت ايدها بعصبيه وقالت تعالي عيزاكي
هدير / ايه . ايه ياروان بتشديني كدا ليه الناس بتبص علينا
روان / بلا ناس بلا زفت علي دماغك ممكن تفهميني خطة ايه دي اللي عملتيها علي عاليه
هدير / بتصنع المكر خطه ! خطة ايه دي انا مش فاهمه قصدك
روان / هدير متصتعبطيش عليا فيه ايه اللي حصل وليه انتي وعلي اتفقتوا علي عاليه ومسكت دراعها بعصبيه وقالت ردي عليا بقولك
جت عليهم والدة روان وقالت
ام روان / ايه ياروان ياحببتي بتزعقي ليه كدا لأختك
روان / بعصبيه اسالي الهانم ياماما وهيه هتقولك
ام روان / بصت لهدير وقالت فيه ايه ياهدير اتكلمي انتي
هدير / بتصنع البراءه والله ياماما معرفش حاجه ولا فاهمه هيه بتتكلم عن ايه اصلا
روان / كدا ياهدير ماشي انا هعرف بقا كل حاجه وبطريقتي بس وحيات ربنا لو عاليه حصلها حاجه لهقتلك انتي فاهمه وزقتها ومشيت
ام روان / بصت باستغراب وقالت هدير انتي مخبيه ايه يابنتي اتكلمي
هدير / ماما انا مش مخبيه حاجه وسيبك من كلام بنتك دا شكلها شربت النهارده وخرفت وسابتها ومشيت
ام روان / اتنهدت بحيره ومشيت هيه كمان
________________________________
في بيت نونه
بعد ما سليم قعد معاهم وقضوا وقت طويل مع بعض هم الثلاثه
سليم / وقف وائل طب استاذن انا عشان الوقت أتاخر
نونا / خليك يا ابني اقعد شويه
سليم / لا يا دوب عشان عندنا محاضرات بكره استاذنكم
نونا / مع السلامه يابني شرفتني
خرج سليم وخرجت سلمى وراه عشان تقفل الباب
سليم / وقف عند الباب وبص لسلمى وقال سلمي بجد انا اسف
سلمي / على ايه يا دكتور مفيش حاجه تستاهل اسفك ده
سليم / ابتسم وقال انتي طيبه اوي يا سلمى
سلمى / ابتسمت وقالت متشكره اوي
سليم / تصبحي على خير وخرج
سلمى / وانت من اهله وقفلت الباب وراه وجريت على نونا وحضنتها
نونه / حاسه بفرحتك كأن قلبي انا اللي بيرقص
سلمى / حضنتها تاني وقالت ربنا يخليكي ليا يا نونه
____________________________
بعد مرور اسبوع
اشرق صباح جديد على مليكه كانت قامت من نومها تعبانه بس محبتش تقلقش امها او عاليه وخرجت وكانت جاهزه لجامعتها وخرجت بره كان فاطمه وعلى بيفطروا
مليكه / بابتسامه صباح الخير
فاطمه / صباح النور يا حبيبتي
عاليه / صباح النور يا ملوكه يلا هتنزلي معايا
مليكه / لا يا حبيبتي روحي انتي انا هستنى مياده وجيلان
عاليه / اوكي يلا عن اذنكم سلام يا ماما ومشيت
فاطمه / مع السلامه يا حبيبتى ربنا يستر طريقك وخرجت عاليه
فاطمه / بصت لمليكه كان وشها باهت وقالت مالك يا مليكه ساكته ليه يا حبيبتي
مليكه / ابدا يا ماما مفيش
فاطمه / هو دواكي خلص
مليكه / ل.لا لسه يا حبيبتي …. وسكت شويه وقالت بصراحه يا ماما فيه حاجه
فاطمه / في ايه يا بنتي اتكلمي
ملكه / اتنهدت وقالت شهاب مش سايبني في حالي كل شويه يوقفني ويقولى سامحيني وانا اسف وكلام ملهوش اي لازمه كده
فاطمه / وقفت بغضب وقالت تاني هو ايه الواد ده مش هيجيبها لبر طيييب انا بقى اللي هتصرف معاه المرادي ولسه هتمشي….
مليكه / مسكت ايدها وقالت ايه يا ماما رايحه فين
فاطمه / هروحله طبعا ودي حاجه ميتسكتش عليها
مليكه / بخوف لا يا ماما بلاش والنبي
فاطمه / هو ايه اللي بلاش
مليكه / بلاش المره دي وصدقيني لو عملها تاني هقولك بس عشان خاطري بلاش المره دي
فاطمه / حست بخوف مليكه وأتنهدت وقالت ماشي يا مليكه بس لو حصلت تاني تعرفيني عشان مينفعش نسكت
مليكه/ اوعدك لو حصلت تاني هعرفك واخدت شنطتها وقالت انا همشي يا ماما
فاطمه / مع السلامه يا بنتي ربنا معاكي
وخرجت مليكه وبدات فاطمه تجهز نفسها عشان تنزل الشغل هي كمان
____________________________
في الجامعه عند سلمي
كانت ساره وصلت هي وميرنا ومروه ودخلوا المحاضره دخل الدكتور سليم وبدأ شرح المحاضره
واثناء ما كان بيشرح دخلت سلمي وخبطت على الباب وقالت ممكن ادخل
سليم / حاول يداري ابتسامته وقال أتفضلي بس ياريت متتكررش تاني
سلمى / شكرا يا دكتور ودخلت قعدت جنب البنات
ساره / ايه يا بنتي انتي أتاخرتي ليه كده
سلمى / اسكتي لولا أنك اتصلت عليا كنت هفضل نايمه
ساره / غريبه يعني اول مره تنامي كده
سلمى / ابتسمت وقالت هحكيلك بعدين
سليم / كان شايف ساره وسلمى وهما بيتكلموا … وقف شرح وقال يا ريت نركز مع بعض شويه في المحاضره والناس اللي بيتكلموا مع بعض محبكتش يعني الكلام وقت الشرح فاريت ننتبه عشان مش عايز اطرد حد بره المحاضره ومسك المايك وكمل شرح
__________________________
في الجامعه عند عاليه
كانت وصلت وكانت لوحدها ودخلت عليه وأتفاجئت بعلى قدامها
بصتله بلامبالاه وسابته ومشيت
على / وقفها وقال عاليه لو سمحتي عايزه اتكلم معاكي
عاليه / بصتله بقرف و سابته ومشيت
على / شدها ايدها وقال عاليه ارجوكي اسمعيني
عاليه / بصت علي ايده وبصتله وقالت شكلك وحشك القلم وعايز تجربه تاني
علي /ابتسم وفك أيده وقال معنديش مانع
عاليه / لفتله وقالت وياترى المرادي ناوي تعمل فيا ايه
على / اتنهد وقال بصي انتي من حقك اي حاجه تقوليها بس قبل اي حاجه لازم تعرفي ان روان ملهاش ذنب … وسكت شويه وقال انا وهدير اللي ظبطناها سوا لكن روان متعرفش حاجه عشان متزعليش منها
عاليه / ببرود خلصت كلامك امشي
على / ارجوكي اسمعيني واسمعي مني الكلام اللي هقوله لاول مره لحد في حياتي ….. وسكت شويه واتنهد وقال عاليه انت لفتي نظري من اول يوم شوفتك فيه كل حاجه فيكي شدتني ليكي وخصوصا شخصيتك وردك عليا وكنت كل ما اشوفك مع زمايلك البس نضارتي عشان اقدر ابص عليك براحتي من غير ما حد يعرف اني ببوصلك وصاحبي لاحظ دا وساعدني اعرف عنك كل حاجه …. وعرفت عنك كل حاجه بس في اليوم اللي ضربتيني فيه بالقلم بعدها حسيت بحاجه جوايا غريبه على قد أعجابي بيكي على قد ما كنت عايزه اردلك القلم عشره ولما جتلي فرصه عيد ميلاد روان انا اللي اتفقت مع هدير على كل ده ولما حصل وكنتي قدامي كنت ببص عليكي باستغراب مش منك لا من نفسي اني فكرت مجرد تفكير انا هعمل فيكي كده لكن والله يا عاليه مكنتش هقدر المسك ولا اذيكي
عاليه / سقفت بأيدها وقالت برافو عليك وياترى بقى بقالك قد ايه بتحضر في الكلام ده
على / بصلها باستغرب وقال انا يا عاليه … انتي مفكراني بخدعك تاني
عاليه / مفكراك ايه بس لا انا متاكده بس اللي انت متعرفوش بقى ان ربنا معانا وعمرك مهتقدر تأذيني ومش معنى ان قلبي دق ليك يا على يبقى انسى نفسي
على / ابتسم وقال بتقولي ايه……….
____________________________
في الجامعه عند مليكه
كانت وصلت ودخلت جامعتها وكان زمايلها بيبصوا عليها ويتكلموا
مليكه / استغربت وراحت لمياده وجيلان
مليكه / صباح الخير
البنات / صباح النور
مليكه / هو في ايه هما مالهم بيبصولي ليه كده
راندا / جت من وراها وقالت عشان شافوكي على حقيقتك يا حلوه
مليكه / باستغراب يعني ايه قصدك ايه
راندا / هو انا مش سالتك عن شهاب وعملتيلي فيها انك مش طيقاه واللي ما بينكم انتهي
جيلان / لو سمحتي وطي صوتك انتي بتزعقيلها ليه
راندا / بصوت عالي اوطى صوتي ايه بس لا انا لسه صوتي هيعلي وهيعلي اوي كمان
مياده / راندا حوارك انتي وشهاب ده مليكه مالهاش دعوه بيه واللي بين مليكه وشهاب انتهي فلو عايزه تتكلمي يبقى الكلام مع شهاب نفسه مش مع مليكه
رندا / ولما هو انتهي زي ما بتقولوا واقفه معاه وبتمسك أيده هاااا وطلعت صوره لما كان شهاب واقف مع مليكه على السلم بيعتذرلها وماسك أيدها
مليكه / مسكت الصوره بدموع وبصت لمياده وجيلان وقالت كذب .. كذب والله ده هو.. هو اللي…. وأنهارت من العياط
جيلان ومياده اخدوتها في حضنهم وطبطبوا عليها
راندا / ايوه ايوه اعمليهم علينا بقى شويه الدموع دي عشان يصدقوكي بس خلاص يا حلوه الكل عرف وساختك على ايه
مياده / بعصبيه لو سمحتي الزمي حدودك بقى الكل عارف مليكه بادبها واحترامها ولو على الوساخه مفيش اوسخ منك يا راندا على الاقل هما كانوا مخطوبين وهو اللي بيجري وراها مش زيك انتي اللي بتجري وراه …
في الوقت ده سمعوا صوت جيلان بتصرخ وتقول مليييييكه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
