رواية أم البنات الفصل الخامس والعشرون 25 بقلم ريهام علي

رواية أم البنات البارت الخامس والعشرون

رواية أم البنات الجزء الخامس والعشرون

رواية أم البنات الحلقة الخامسة والعشرون

اشرق صباح جديد في بيت امين شكري
صحيت فاطمه من نومها تجهز الفطار
وصحي رافت من نومه وراح لفاطمه على المطبخ وقال صباح الخير يا ماما
فاطمه / بابتسامه صباح النور يا نور عيني
رافت / ابتسم وربع ايده على صدره وقال انا مستغربك اوي يا ماما
فاطمه / مستغربنى ليه يا حبيبي كفالله الشر
رافت / يعني بتضحكي عادي ومبتسمه مش زي اي ام بتعيط انها جوزت بناتها والبيت فضي عليها
فاطمه / اخص عليك يا رافت يابني فضي ايه بس .. ليه يا حبيبي بتقول كده ربنا يخليك ليا ولا اخواتك انت موجود مالي علينا البيت .. وبعدين ازعل ازاي يعني ان اخواتك أتجوزوا ليه يعني هو انا رميتهم في الشارع لا يا حبيبي دي سنة الحياه وكل واحد هيتجوز .. وانا يعني كنت همنعهم من الجواز عشان ما يسبونيش
رافت / بس تعرفي برضه يا ماما البنات بيقولوا عليهم هم بس بصراحه لما عشت مع اخواتى الفتره الصغيره دي اتمنيت بجد ربنا يرزقني بتلات بنات تحسي ان البنات فيهم طبع الحنيه عن الولد
فاطمه / طبعا يا حبيبي البنات ربنا مديهم فطرة الامومه اللي كلها حنيه بتبقى حنينه على اولادها وجوزها وشوف بقى لو حماها وحماتها واخوات جوزها ليله كبيره اوي…البنت عمرها ما كانت هم زي ما بعض الناس مفكرين بالعكس البنت حبيبه لاختها وصاحبه امها و تلاقيها بتسافر من بلد لبلد عشان تطمن على اخوها لو بعد الشر جراله حاجه وبتبقى هتتهبل عليه..
انما طبعا البنات الجاحده اللهم احفظنا دول بيبقوا حاجه ثانيه خالص..
بس لازم كل واحد فينا يرضى بنصيبه وبرزقه من ربنا يعني لو ربنا ارادلك ان خلفتك كلها تبقى بنات اعرف ان ليه حكمه في كده هتعرفها بعدين .. ولو اراد ان خلفتك كلها اولاد برضه ليه حكمه في كده انت هتعرفها بعدين .. لا قدر الله اخد منك ابنك حكمته وحده هو اللي يعلم بيها ..كل شيء في الدنيا دي يابني ماشي بحكمه احنا مابندخلش فيها لان وجودنا في الدنيا نفسه حكمه احنا ما نعلمهاش
رافت / ابتسم وقال انت متاكده انك مكملتيش تعليمك يا ماما
فاطمه / بابتسامه ليه بتسال
رافت / ابدا اصل حضرتك بتتكلمي كده كلام مثقفين وكلامك حلو أوي
فاطمه / اتنهدت بحنين وقالت الله يرحمه اللي كان بيقعد معايا ويفهمني كل حاجه زي استاذي ونزلت دمعه من عيونها وقالت الله يرحمك يا امين
رافت / اتنهد وقال لسه فكراه يا ماما بعد العمر ده كله
فاطمه / اللي زي ابوك مايتنسيش يا ابني وانت سمعت وعرفت هو عمل معايا ايه ده ضحي بكل حاجه عشاني انا عمري مهنساه ابدا ده هو حب عمري وعمر ما قلبي ولا حضني هيعرفوا راجل غيره
رافت / راح وباس راسها وقال ربنا يخليكي لينا يا حبيبتي
فاطمه / ويخليك لينا ويخلي اخواتك يا حبيبي
رافت / صحيح مش هنروح لاخواتي وحشوني اوي
فاطمه / ابتسمت وقالت لا هما هيجوا لوحدهم قبل ما يسافروا
رافت / بصلها باستغراب وقال هما اللي قالولك
فاطمه / لا طبعا بس انا متاكده انهم مستحيل يسافروا قبل ما يجولي ويسلموا عليا
رافت / زغزغها وقال يا واثق من نفسك انت يا متمكن
فاطمه / ضحكت وقالت يخرب عقلك يا رافت يلا بينا عشان نفطر
رافت / يلا يا بطتي
فاطمه / بصتله وقالت تعرف ابوك مكنش بيقولي غير بطتي
رافت / لا واضح ان امين ده كان رومانسي اوي عموما تعالى كده نفطر واحكيلي هو كان بيقولك ايه كمان الخلبوص ده
فاطمه / هههههه تعالي هقولك
_________________________________
في بيت سليم وسلمي
فتحت سلمى عيونها لقيت سليم نايم جنبها وصاحي وكان بيبصلها ومبتسم
سلمى / ابتسمت وقالت صباح الخير
سليم / ملس على خدودها بحنيه وقال صباحيه مباركه يا ميمي
سلمى / صباحيه مباركه علينا يا حبيبي انت صاحي من بدري
سليم / انا ما نمتش اصلا
سلمي / ليه
سليم /هز كتفه وقال مش عارف بس كنت خايف انام يطلع حلم انك كنتي في حضني
سلمى / ضحكت وقالت طب وسع كده خليني احضرلك الفطار
سليم / تؤ تؤ تحضريلي الفطار ايه الفطار متحضر من بدري لحبيبه قلبي من جوه
سلمى / سليم بلاش الدلع ده انت كده انت اللي هتتعب
سليم / ملكيش فيه انا مستعد لأي تعب .. يلا عشان نفطر بقى ونجهز عشان نسافر
سلمى / هنسافر دلوقتي
سليم / بعد ساعتين كدا هنسافر كلنا
سلمى / احم طب هنروح لماما الاول
سليم / باس ايديها وقال من غير ما تقولي والله انا عامل حسابي على كده
سلمي / مسكت وشه بأيديها الاتنين وقالت انا بموت فيك من شويه و باسته بوسه خفيفه
سليم / غمزلها وقال لا واضح ان الشبكه هتتلبس الاول قبل الفطار ……..
________________________________
في بيت مالك ومليكه
صحيت مليكه من نومها لقت نفسها نايمه في حضن مالك وضاممها بأيده الاتنين
مليكه / هااا نهارك مش فايت يا مالك قووووم انت عملت فيا ايه
مالك / صحي مخضوض وقال ايه يا حبيبتي في ايه
مليكه / انت عملت في ايه ومنيمنى في حضنك كمان
مالك / مسح وشه وقال الواحد بيصحى يوم الصباحيه يا لوكا على الدلع والفرفشه والبوسه وانت تقوليلي عملت فيا ايه هكون عملت ايه يعني اغتصبتك يعني يا مليكه ما تفوقي كده
مليكه / اه صحيح نسيت ماشي ولسه هتقوم …
مالك / شدها وقال رايحه فين
مليكه / هقوم اخد شاور
مالك / مش هاتصالحينى الاول
مليكه / اصالحك ازاي يعني هو انا زعلتك في حاجه
مالك / انتي هتقلبيلي على بهاء سلطان انا زعلتك في حاجه صالحيني بقى
مليكه / يعني عايز ايه
مالك / ما قولتلك عايز حنان وقرب منها
مليكه / رجعت لورا وقالت اتلم
مالك / اتلمي انتي يا مليكه وتعالى لحضني
مليكه / والله انت بقيت قليل الادب خالص
مالك / جز على اسنانه بغيظ وقال انا مش تمام
مليكه / خافت منه وقالت تفطر
مالك / ابتسم وقال نفطر عشان نمشي بعد شويه ونلحق نسافر
مليكه / لا هنروح لماما الاول اشوفها
مالك / طبعا يا حبيبتي بس هتدفعي كام
مليكه / نعممم يا حبيبي ادفع.. عشان توديني لامي
مالك / مسح وشه وقال امي !! انت قفلتيني خالص يا مليكه
مليكه / قربت منه بدلع وقالت اخص عليك يا لوكا قفلتك كمان وباسته من خده
مالك / بتضحكي على بكلمتين وبوسه
مليكه / اتنهدت وقالت مالك ارجوك راعي اننا خجوله شويه
مالك / يا حبيبتي عارف بس انتي مع جوزك يعني مش عيب ولا حرام اي حاجه ارجوكي انا مش حابب نبدا حياتنا بخناقه
ماليكه / ملست علي خده بحنيه وقالت وحياتك عندي هحاول بس متكشرش في وشي كده
مالك / طب صالحيني
مليكه / داست على شفايفها بخجل وابتسمت
مالك / لا خلاص انا اللي هصالحك بعد الحركه دي …….
______________________________
في فيلا عبد الله العايدي
في اوضه على
عاليه صحيت من النوم ملقتش علي بس سمعت الميه في الحمام عرفت ان هو صاحي قعدت على السرير وانتظرت خروجه من الحمام
علي / خرج من الحمام لقي عاليه قاعده راح عندها وباسها في خدها وقال صباح الفل يا قلبي
عاليه / صباح النور يا حبيبي صحيت من بدري
على / لا من شويه كده وقولت اخد شاور على ماتصحي عشان نفطر مع بعض
عاليه / اوكي انا هاقوم اخد شاور انا كمان
علي / طب هقولهم يطلعولنا الفطار عشان نفطر ونلحق نسافر
عاليه / ويطلعوا الفطار ليه احنا ننزل تحت نفطر معاهم
على / ابتسم وقال براحتك يا حبيبتي
عاليه / بس كنت عايزه اعدي على ماما الاول قبل ما نسافر
علي / مفيش مشكله طبعا نجهز حاجتنا ونعدي عليها قبل ما نسافر
عاليه / اوكي يا حبيبي هاخد شاور وهجيلك
علي / اوكي
وبعد شويه خرجت عاليه وغيرت هدومها ونزلو تحت مع بعض
وكان موجود رنا وجيهان وعبد الله بيفطروا
على وعاليه كانوا نازلين ماسكين في أيد بعض فرحانين
عبد الله / بفرحه يا اهلا اهلا بالعرسان
رنا / شافتهم قامت وزغرطت
جيهان / قطعت زغروطتها وقالت بنت ايه شغل الناس البيئه والحواري دا
عاليه ابتسامتها راحت وبصت لعلى
رنا / حبت تهدي الموقف وقالت ايه يا ماما بس دي زغروطه كده بمناسبه الفرح وراحت باركت لعلي وقالت الف مبروك يا لوشه وسلمت على عاليه وقالت نورتي الفيلا يا لولو
عاليه / منوره باهلها يا رنوش
جيهان / بقرف خلصنا بقي يا ريت نقعد ناكل عشان انا زهقت
عاليه / على مهلك شويه يا تنت ليجيلك كرشه نفس من الزهق
جيهان / بصتلها بقرف ومردتش عليها وبصت لعلي وقالت مسافرتوش ليه
علي / هنسافر دلوقتي يا ماما عاليه هتروح بس تسلم على مامتها ونمشي
جيهان / وتسلم على مامتها ليه لحقت توحشها
عاليه / لما رنا تتجوز يا تنت ابقى اساليها عن الاحساس ده وبصت لعلى ومسكت في دراعه وقال بدلع انا مبحبش الاكل ده
علي / ليه يا حبيبتي ماله الاكل عايزه حاجه معينه
جيهان / تلاقيها عايزه فول من العربيه
عاليه / آااااه تصدقي يا طنط ويا سلام بقى لو بالزيت الحاره حاجه كده واوووو
عبد الله / جريتي ريق الواحد يا بت يا لولو يا سلام لو معاهم بصل
عاليه / قربت من عبد الله وقالت واللي يعملك الاكله دي تعمله ايه
عبد الله / بفرحه بجد تعرفي
عاليه / خمس دقائق ويبقى عندك احلى طبق فول وبصت لجيهان باستفزاز وبصت لعلى وقالت بعد اذنك يا حبيبي وسابتهم ودخلت المطبخ
جيهان / كانت بتبص عليها بغيظ وقالت لعلي بقى بذمتك لو واحده من عيله كنت عملت كده ايه اسلوب شغالين اللي بتعمله مراتك دا
على / بعصبيه ماما مسمحلكيش تتكلمي عن مراتي بالشكل ده لان هتضايق منك بجد ثم ايه هو الاسلوب اللي بتتعامل بيه ده ماله يعني عاليه بتتعامل بتلقائيه مش حابه ترسم نفسها
رنا / حبيبي مضايقش نفسك وبصت لامها وقالت ماما يا ريت تحاولي تتأقلمي على اسلوب عاليه لان دي طبيعتها
عبد الله / سيبك انت يا علي وطمني يا حبيبي رفعت راسنا وغمزله
على / ضحك وقال وده وقته يا بابا
في الوقت ده خرجت عاليه من المطبخ وفي أيديها طبقين طبق فول وطبق فيه بصل وحطيتهم قدام عبد الله وقالت دوق بقى وقولي رايك
جيهان / بقرف ياااااي بصل
عاليه / سيبك منها يا حاج ودوس وقولي رايك
عبد الله / بدا ياكل وعجبه جدا وقال امممم تسلم أيدك يا لولو
رنا / صحيح يا بابا وسعولي كده بقى بدي دووق
عاليه / افتكري اني قولتلك بلاش
واكل الكل من الفول رنا وعبد الله وعلى وكان عاجبهم جدا بس طبعا جيهان كانت من متغاظه جدا وغيرانه جدا بمحبتهم ليها
وبعد ما انتهوا من الاكل على مسك أيد عاليه وباسها وقال تسلم أيدك يا حبيبتي يلا بقى عشان هنتاخر
عاليه / يلا يا حبيبي
عبد الله / روحوا يا اولاد ربنا يجعل ايامكم كلها سعاده
رنا / ما تنسونيش بقى في كادوا يكون حلو كده
عاليه / من عيوني الاتنين وبصت لجيهان وقالت وحضرتك يا طنط مش محتاجه حاجه اجيبهالك
جيهان / بقرف ميرسي انا كل الحاجات اللي عندي سينيه
عاليه / سينيه !!! ماشي براحتك وبصت لعبدالله وقالت هديتك بقى هعملهالك لما اجي تاني
عبد الله / ربنا يسعدك يا بنتي
علي / يلا يا حبيبتي
وطلعوا عشان يغيروا هدومهم ويسافروا هما كمان
____________________________________
في بيت امين شكري
وصلوا البنات كلهم مع بعض واتفاجئوا ببعض قدام البيت كلهم بصوا لبعض وضحكوا وسلموا علي بعض
وبعد السلام بينهم اخدوا بعض وطلعوا للبيت وضربوا الجرس
رأفت / راح يفتح الباب واتفاجئ باخواته البنات واجوازهم من فرحته بيهم عيونه دمعت
سلمي / بتعيط ليه يا حبيبي
رأفت / ادخلو بس الاول
ودخلو كلهم وسلموا علي رافت
عاليه / ايه يا رافت عيطت ليه لما شوفتنا
رافت / هتصدقوني لو قولتلكم وحشتوني اوي
مليكه / ياحبيبي وانت كمان والله وحشتنا اوي
رافت / ربنا يسعدكم يارب
سلمي / فين ماما يا رافت
في الوقت دا خرجت فاطمه من المطبخ وقالت ماما بتجهزلكم الغدا عشان كنت متاكده انكم هتيجولي قبل ما تسافروا وسلمت عليهم واخدتهم في حضنها هما التلاته
عاليه / ياحببتي يا ماما ربنا ما يحرمنا منك
مليكه / بجد يا ماما كنتي حاسه اننا هنجيلك
فاطمه / وكنت متأكدة كمان انكم هتيجو وبصت لرافت وقالت مش كدا يا رافت
رافت / فعلا ياماما صدقتي في كل كلمه قولتيها ربنا يخليكي لينا
سليم / شاور بايده وقال طبعا يا ماما احنا بقينا ذباب
مالك / علي رايك دا لو ذباب كانو شافوه من زنه احنا مبقيناش نري الا بالعين المجرده دلوقتي
علي / لا طبعا احنا مكانتنا محفوظه بس مهما كان البنات الاول وبعدين السلام لينا ولا ايه يا ماما
فاطمه / ابتسمت وقالت انا عندي اربع اولاد مش واحد بس وربنا يعلم كلكم عندي غلاوه واحده
سليم / ربنا ما يحرمنا من لمتنا حواليكي يا حماتي
فاطمه / تسلم وتعيش يا سليم يابني
رافت / طب يالا بقا يا بنات ادخلو جهزوا الاكل خلينا نتغدي مع بعض
البنات / حالا الاكل هنجهزه
ودخلو البنات المطبخ وجهزو الاكل وقعدوا كلهم اتغدوا مع بعض بسعاده وفرحه وحب
وبعد ما انتهو قامو عشان السفر وسافروا فعلا وبدا كل اتنين يقضوا شهر العسل السعيد
___________________________________
في السجن
كان انور وامجد قاعدين مستنيين خروج ايمن وزيارتهم ليه
وبعد شويه خرج وسلموا عليه وقعدوا معاه
انور / طمني عليك يا ايمن عامل ايه
ايمن / بانكسار كويس
امجد / انا مش عايزك تقلق احنا هنقوملك اكبر محامي
ايمن / ضحك بسخريه وقال متفرقش خلاص
انور / اجمد يا ايمن احنا مش هنسيبك وهنقف جنبك
ايمن / ضحكلهم بسخريه وقال لأ هتسبوني ومش هتقفوا جنبي اللي يخليكم تتخلوا عن امكم يبقي مش هتتخلوا عن اخوكم
امجد / ليه بتقلب في اللي فات بس يا ايمن
ايمن / عشان اللي فات مبني عليه اللي جاي يا امجد وانا كل اللي حصلي دا من اهمالي لامي وجحودي عليها ولهفتي علي الفلوس وشوفوا اخرتي كانت ايه مرمي في السجن مابين اربع حيطان ياريت تاخدوا موعظه من اللي حصلي وتنتبهوا لربنا شويه وتحاولو تكفروا عن ذنبكم في حق ماما الله يرحمها
انور / حاضر يا ايمن بس انت قولي مش محتاج حاجه
ايمن / بصلهم بدموع وقال محتاج لحضنها اوي
انور وامجد / بتساؤل حضن مين ؟؟
ايمن / غمض عيونه بالم وقال ماما اول مره احس اننا محتاج لحضنها اوي كدا
امجد / ربنا يرحمها يا ايمن ياحبيبي
ايمن / بصلهم برجاء وقال ارجوكم متعملوش زيي حاولو علي قد ما تقدروا متخلوس الشطان يسيطر عليكم ويحلي الفلوس في نظركم واتنهد وقال نفذوا وصية ماما يا انور وابنولها دار الايتام ودار المسنين
انور / احم ربنا يسهل هنشوف الموضوع دا
ايمن / ضحكله باستهزاء وقال يعني حالي دا مش يخليك تغير كلامك ماشي .. عموما افرح ثروتك اللي انت بتخاف عليها دي مبقتش ملكنا دلوقتي
انور / نعمم !! اومال ملك مين
ايمن / ماما اتنازلت عنها بيع وشرا لتلاته.. البنتين اللي كانوا شغالين عندها بيبي سيتر ورافت
امجد / بصدمه أيه ..
انور / وقف بعصبيه وقال انت اتجننت ولا ايه لا طبعا مستحيل دا .. مستحيل ياخدوا فلوسي مني دا انا اقتلهم قبل ما يقربوا علي مليم واحد منه
ايمن / وقف بعصبيه واتكلم بتحذير وقال قسما بالله لو حصل لحد فيهم حاجه لابلغ عنك يا انور
انور / زقه من صدره وقال يعني ايه كمان خايف عليهم
ايمن / بدموع افهم بقاا يا اخي .. افهم وحس وشوف اللي انا فيه .. حس بالندم اللي انا حاسه . انا خايف عليكم خايف الفلوس تحرقكم بنارها وتتكوا بيها .. ياخي ملعون ابو القرش اللي ينسي الواحد نفسه واحنا منسناش نفسنا بس يا انور لااا احنا نسينا اهم حاجه نسينا أمنا .. نسيناها وسبناها لاتنين بنات ميعرفوهاش كانو احن عليها مننا وسيبناها لرافت اللي كان بياخدها هو وخالك الله يرحمه ويروحوا بيها للدكتور لو تعبانه .. نسينا انها امنا ودا اقل واجب ليها عندنا اننا نقعد تحت رجليها .. نسيناها كتير اوي عشان كدا ربنا غضب علينا اووي ونسهالنا اكتر واكتر .. امكم ميته غضبانه علينا انتو فاهمين يعني ايه ام تغضب علي ابنها .. عقاب غضوبتها عليا اللي انا فيه اهو اتحبست ومش زعلان والله اني اتحبست بالعكس انت بقول كويس ان ربنا بيخلص ذنبها مني في الدنيا احسن من الاخره .. مش عايزكم تندموا زيي وتفوقوا بعد فوات الاوان بروا امكم وهيه ميته ونفذوا وصيتها وابنولها الدار واعملولها كل حاجه كانت بتحبها لحد ما اخرج انا كمان وهحاول اعوضها واهعملها عمره وهعملها حاجات كتير اوي
انور وامجد / شافوا الحسره في كلام ايمن صعب عليهم اوي وفكروا في كلامه كويس وخافوا هما كمان علي نفسهم من غضب ربنا عليهم بسبب موت امهم غضبانه وحضنو ايمن وفضلوا يعيطوا هما التلاته وافتكروا لو كانت امهم عايشه اكيد كانت ممكن تمسح دموعهم بس فاقوا لنفسهم في وقت متاخر اوي بس يا تري ممكن يصلحوا غلطتهم؟ …
__________________________________
في جزيرة العشاق
مجتمع كل واحد وعروسته والجو خالي ليهم تماما وكان كل واحد قاعد مع مراته لوحده
عند مالك ومليكه 💖
مليكه / حبيبي احنا هنرجع امته
مالك / ياااه زهقتي مني بسرعه كدا
مليكه / لا مزهقتش والله بس ماما وحشتني اوي
مالك / هههههه ماما فاكره يوم الفرح لما قولتيلي اتصلي بماما
مليكه / اتكسفت وقالت خلاص بقا هتمسكهالي ذله
مالك / كان شكلك مسخره
مليكه / والله انت غلس يامالك
مالك / طب بقولك ايه تعالي نستغل انشغال كل واحد مع مزته كدا ونطلع
مليكه / مصيبه انت مفيش فايده فيك
مالك / شدها وقال ربنا ميجيب مصايب يالا بقا ……
عند علي وعاليه💖
عاليه / كانت سرحانه وبتبص للبحر
علي / رجع شعرها من علي وشها وقال سرحانه في ايه
عاليه / في ماما يا علي وحشتني اوي
علي / هانت ياحببتي هنرجع وتشوفيها
عاليه / تسيبني ابات معاها يوم ما نرجع يا علي وحياتي
علي / معنديش مانع يا روحي
عاليه / بفرحه بجد
علي / طبعا بجد وانا هبات معاكي انا كمان منا مينفعش ابعد عن حضنك ثانيه خلاص دا بقا ادماااان
عاليه / نامت علي كتفه وقالت بعشقك يالوشا
علي / ايه دا عادي كدا بتنطقيها
عاليه / بصتله باستغراب وقالت يعني ايه
علي / برضو مش فاهمه ماشي عموما يالا نطلع اوضتنا وانا هفهمك
عاليه / هههههه آاااه قول كدا بقا
علي / انتي لسه صغيره بس عموما هصبر عليكي لحد ما تتعلمي علي ايدي وشالها وطلعوا لاوضتهم……
عند سليم وسلمي 💖
سليم / كان بيضحك علي مالك وعلي
سلمي / بتضحك علي ايه
سليم / ابدا كل واحد اخد مزته وطلع لاوضته
سلمي / ياخرابي عليكم قلة الادب بتجري في دمكم
سليم / بغمزه بذمتك فيه احلي من قلة الأدب
سلمي / هههههه طب انا عايزه اتكلم معاك في حاجه مهمه
سليم / ايه هيه خير
سلمي / انا ان شاء الله عايزه لما ننزل ونستقر يعني افتح شركه هندسيه
سليم / معنديش مانع يا حبيبتي
سلمي / بفرحه بجد يا سليم
سليم / بجد يا حببتي طبعا وهبقي اساعدك كمان وقت ما تحتاجيني
سلمي / لا تساعدني ايه انا عيزاك تشتغل معايا وتبقي المدير كمان
سليم / طب وشغلي
سلمي / انت ممكن تحفظ شغلك عادي لحد بس ما نكبر الشركه ووقتها ليك حرية الاختيار
ها قولت ايه
سليم / طب وفكرتي هتجيبي مين معاكي فيها
سلمي / ايوا طبعا هيبقي معايا البنات صحابي ومحمد خطيب ساره وكمان جوز ميرنا مهندس هجيبه معانا ونشتغل مع بعض كلنا
سليم / ياسلاام انتي كمان اخترتي الموظفين يا خوفي لتكوني بنيتي الشركه كمان
سلمي / ههههه مش للدرجادي يا سولي
سليم / قرب عليها وقال قولتي ايه
سلمي / بدلع سولي
سليم / بغمزه تقريبا كدا انا محتاج اجرب الدلع دا وشدها وطلعو لاوضتهم……
__________________________________
في مكان هادي
كانت قاعده رنا مع كارم وبتتكلم معاه وطلبت منه ياجلو الخطوبه
كارم / ليه يا رنا عايزه تاجلي الخطوبه لبعد السنادي
رنا / ع.عشان دي اول سنه ليا يا كارم وانا عايزه افهم الاول همشي ازاي في جامعتي عشان مش اشتت نفسي وبعدين مش هتفرق يعني الكام شهر دول هيه مش سنه
كارم / يا رنا انا عايز تكون علاقتنا واضحه قدام كل الناس لاني عارف ومتاكد حضرتك مش هتقابليني خالص طول السنه دي وانا بصراحه مش هتحمل
رنا / كارم ارجوك افهمني صح انا بالنسبالي جامعتي دي كانت حلم ولما وصلت لحلمي عايزه ابتديه صح عشان اعرف احققه ارجوك حاول تفهم انا عايزه ايه
كارم / اتنهد بزهق وقال معنديش مانع خلاص يا رنا بس ممكن علي الاقل ابقي اكلمك اطمن عليكي
رنا / مفيش مشكله يا كارم ومتشكره انك قدرت موقفي
كارم / بصلها بحب وقال انا مقدرش ارفضلك طلب يا رنا انا بحبك
رنا / ابتسمت بتوتر ومسكت كاس العصير تشربه
ياتري ايه نهاية قصة رنا مع كارم ؟؟..
__________________________________
في مكان في الاسكندريه
كان قاعد رافت بانتظار جيرمين وكان محتار يقولها الحقيقه وخايف من رد فعلها
بعد شويه جت جيرمين وجريت عليه بلهفه
رافت / وقف وبصلها بحب وقال وحشتيني يا جيجي
جيرمين / وانت كمان وحشتني اوي يا رافت يهون عليك تسيبني كل دا
رافت / غصب عني يا حببتي
جيرمين / فهمني سبت اسكندريه ليه انا سألت رامي بس هو قالي هو هيفهمك كل حاجه فيه ايه بقا
رافت / بصي يا جيجي في حاجات مهمه اوي لازم تعرفيها
جيرمين / حاجات ايه دي
رافت / ……………
ياتري ايه نهاية قصة رافت مع جيرمين ؟؟..
انتهي الجزء الاول بحمد الله
وإلي اللقاء وانتظروني ان شاء الله في الجزء الثاني من حكاية أم في رواية
رد_اعتبار_”حب_تبنته_الظروف”