رواية أم البنات الفصل الخامس عشر 15 بقلم ريهام علي
رواية أم البنات البارت الخامس عشر
رواية أم البنات الجزء الخامس عشر
رواية أم البنات الحلقة الخامسة عشر
في فيلا عبدالله العايدي
وصل على ودخل لابوه مكتبه
عبد الله / كان في مكتبه اول ما شافه قال قلع نضارته وقال اهلا اهلا اخيرا افتكرتني يا راجل
علي / كان بيبصله بلوم وساكت
عبد الله / استغرب وقالت في ايه مالك يا علي
علي / ضحك بسخريه وقال انت زعلان اني اوقات بنساك وانت ومدام جيهان دايما نسينا تقدر تقولي اخر مره مدام جيهان ولا انت كلمتني في التليفون امتى تطمنوا عليا
عبد الله / اتنهد وقال في ايه يا علي يا ابني فهمني بس
علي / اتنهد وقال انا عايز منك خدمه ويمكن لو ساعدتني فيها وقتها هنقدر نقعد ونتكلم بس الاول تساعدني في الطلب ده لانه بالنسبالي موت او حياه
عبد الله / حاضر يا ابني فهمني عايز ايه
علي / حكاله عن كل حاجه حصلت لعاليه وعايز حد يقدر يوصل لهم بسرعه بس يكون ليه مكانه في الداخليه وطبعا بمعرفه عبدالله العايدي لناس كتيره في الداخليه الموضوع ده كان سهل عليه
عبد الله / طبطب على كتفه وقال هكلملك واحد دلوقتي مهم يعرفلنا حد في الصعيد في المكان اللي هما فيه ويشوف اقرب قسم ليهم ويوصيهم يقوموا باللازم وماتقلقش انت
على / انا مسافر الفجر الصعيد
عبد الله / يا ابني هما هيعملوا اللازم مش لازم سفرك ده
علي / بابا كلم اللي هتكلمه ده وعرفه اننا مسافر الصعيد وهروحله واكون معاهم خطوه بخطوه لحد ما اطمن على عاليه وارجعها
عبد الله / خلاص يا ابني اللي يريحك وكلم عبد الله العايدي حد مهم وعرفه بالحكايه وقدر يعرفهم بحد من الصعيد
________________________________
عند سلمي وسليم
مر الوقت ووصلت سلمى بيتهم طلعت خبطت بس محدش فتحلها
سليم / غريبه راحوا فين كلميها يا سلمى
سلمى / طلعت تليفونها وكلمت فاطمه وعرفتها انها في المستشفى مع مليكه
قفلت معاها بدموع وقالت يلا يا سليم على المستشفى بسرعه مليكه تعبانه
وركبت سلمي وسليم العربيه وراحوا على المستشفى
دخلت سلمي حضنت امها وهي بتعيط
فاطمه / كانت مبتسمه طبطبت عليها وقالت متقلقيش عليها يا حبيبتي ان شاء الله هتبقى كويسه وربنا عمره ما هيضرني فيكم ابدا
خرجت سلمي من حضنها وراحت لمليكه حضنتها
سليم / سلم على فاطمه وقال ربنا يطمنكم عليها يا ماما
فاطمه / تعبناك معنا يا سليم يا ابني
سليم / متقوليش كده ان شاء الله خير
سلمى / مفيش اخبار عنها يا ماما
فاطمه / اتنهدت وقالت خير يا بنتي ما تقلقيش ادعوا لها بس
____________________________
في الصعيد
اشرق صباح يوم جديد على عاليه كانت قاعده في اوضتها وضامه رجليها لصدرها ومش قادره تبطل عياط
عرفان / دخل عليها وقال واه جبر يلمك ليه النكد على الصبح ديه
عاليه / بصتله ومهتمتش بكلامه
عرفان / غضب منها وقال جهزي نفسك الليله دخلتك على طه ولدي فهماني وضحك بشر وسابها ومشي
عاليه / كانت بتبص علي الباب وهي بتعيط وقالت يارب احميني منهم يارب
_____________________________
في المستشفى
استيقظت فاطمه على قبضه في قلبها وخافت اكتر على عاليه
قعدت وقالت ياترى هيعمل فيكي ايه يا بنتي بس ربنا يسلمك من شره وافتكرت اللي حصلها زمان
فلاااااااااااااااااش بااااااااااك
لما كانت فاطمه بتشتغل في دوار العمده شكري وشافها عرفان مكنش بيسييها في الرايحه والجايه يحاول يتعدي حدوده في الكلام معاها .. بس فاطمه كانت بتصده دايما وبتقدر عليه
وفي يوم كانت خارجه فاطمه من اوضة عرفان بعد ما نضفتها وهي بتبرطم وبتقول …
فاطمه / والله لو مش اكل عيشي لكنت سيبت اوضتك بزبالتها يازباله واحد مهزء صحيح عايز طلقه في عينه تفختهاله ولسانه يقطعهوله
وفي الوقت دا سمعت صوت حد بيضحك عليها
راحت فاطمه عنده وهيه متغاظه وقالت بتضحك علي ايه شوفت اراجوز قدامك انت كمان
……. / ههههههه اصل شكلك مسخره وانتي ماشيه بتبرطمي كده ها يا ستي قوليلي مين زعلك
فاطمه / انا محدش يقدر يزعلني وبعدين ….. وسكتت شويه وبصتله وقالت ايه دا هو انت مش من هنا
……. / ليه بتسالي السوال دا
فاطمه / ابدا اصلك بتتكلم زينا يعني لهجتك مش صعيدي
……./ لا ياستي انا صعيدي وابويا صعيدي وامي كمان صعيديه ها ايه تاني
فاطمه / باستغراب طب وكلامك دا ليه لهجتك مش زيهم
……../ اتنهد وقال لان اننا بدرس في كلية التجاره في جامعة القاهره وساكن مع اصحابي بقالي 4 سنين فطبعا لازم اتعود علي لهجتهم
فاطمه/ انت تبقي مين اصلا
……../ ضحك وقال انا امين شكري اخو الزباله اللي عايزه طلقه في عيونه تفختهاله وطلقه في لسانه يتقطع
فاطمه / خبطت دماغها بايدها وقالت يا حوستي السودا يانا يا جدتي شكلنا هنتكرش النهارده من ام الدوار دا
امين / هههههههه لا لا متخافيش سرك في بير
فاطمه / كلام رجاله ولا هترجع تعايرني بأم السر الاسود دا
امين / ههههههه لا واضح انك مبتخافيش من حد خالص
فاطمه / ها ا.آه طبعا مبخافش
امين / يعني كدا طيب انا هنزل دلوقتي اقول لابويا ولسه هيمشي..
فاطمه / شدته وقالت استني بس يا جدع انت مالك قفوش ليه كدا انا بهزر
امين / ايوا كدا اتعدلي
فاطمه / بصوت عالي لااااا بقولك ايه مش معني اني اتهببت وقولت كلمه في حق اخوك هتمسكني من ايدي اللي بتوجعني لا ياحبيبي دا انا بطه اللي مبتخافش من حد .. بطه اللي بميت راجل وارجل من اخوك الزباله دا لانه فعلا زباله
امين / يخربيتك ايه بلاعه اتفتحت
فاطمه / انا بلاعه يا مسوره مصديه يا جلده من غير حنفيه
امين / ههههههههههههه طب اهدي كدا وفهميني الزباله ق.قصدي اخويا عمل فيكي ايه
فاطمه / عمال يتلزق فيا وانا رايحه وجايه واشتمه يقولي احب المره الحمشه ايه نوعه دا فريزر ولا تكييف
أمين / ههههههه يخرب عقلك يا بطه انتي دمك خفيف اوي
فاطمه / ابتسمت وقالت شكرا
امين / ابتسامة فاطمه سحرته وبصلها شويه وسكت
فاطمه / هيه كمان اول مره تدقق في ملامح راجل بالشكل دا علي الرغم انها مراهقه بس كانت دايما محافظه علي قلبها
قطع سرحانهم في بعض صوت حوريه وهيه بتنادي علي فاطمه
حوريه / بت يا بطه مالك واقف مسهمه كدا ليه
فاطمه وامين كل واحد انتبه لنفسه
وبصت حوريه لامين وقالت ازيك يا امين يا ابني حمدالله على سلامتك
امين / ابتسم وقال متشكر اوي يا خاله وبص لفاطمه وقال احمم بعد اذنكم وسابهم ودخل اوضته
فاطمه / كانت بتبص علي امين وفجاه ظهر قدامها عرفان
عرفان / ابتسم وقال كيفك يا حلوه
فاطمه / نفخت بغيظ وقالت احسن منك وطلعت لسانها وسابته ومشيت مع جدتها
عرفان / هعهعهعهعه علي مين والله لهجيبك ودخل اوضته هو كمان
* كانت كل يوم بتمر الايام وفاطمه تشوف كلام امين مع ابوه وازاي عاقل وراسي في كلامه وكمان محترم كان بيزيد من تعلقها بيه اكتر واكتر
وفي يوم كانت فاطمه بتنضف اوضة امين ولقت صورته مسكتها وابسمت وفضلت تكلم في الصوره
فاطمه / آااااه يعني يوم ما قلبي يدق يدق ليك أنت .. وانت مش اي حد دا انت ابن عمده وابتسمت وقالت بس غير طينة عرفان دا خالص اكيد طبعا ايش جاب لجاب دا واحد متعلم ومثقف وفجاه اختفت ابتسامتها لما افتكرت انه واخد كلية تجاره بصت للصوره بدموع وقالت صحيح انت متعلم وواخد كلية تجاره وابن عمده وشكلك حلو وابن ناس … هتحب عيله زيي لأ وايه كمان شغاله عندك … واتنهدت بوجع وقالت جيتلي منين بس يا امين يا ابن العمده
امين / كان واقف بره الاوصه وسمع كل كلامها وكان فرحان جدا انه عرف انها كمان بتجبه دخلها وقال جيتلك من الباب يا بطتي
فاطمه / اتخصت وقالت أ.استاذ امين
امين / لا يا فاطمه انا امين . امين وبس
فاطمه / لا يا استاذ امين العين متترفعش عن الحاجب
امين / راحلها وبص في عيونها بحب وقال لا يا بطتي لو انا العين فا انتي رموشها اللي بتحليها ولو انا الحاجب انتي الشعر اللي بيرسمها
فاطمه / ههههههه يخربيت رومانسية الصعايده
امين / هههههه اصلي عمري ما قولت كلام زي دا لواحده بصراحه
فاطمه / ابتسمت وقالت يا سلام بقا بقالك اربع سنين في مصر وبتشوف بناتها وعيونك مشافتش حد
امين / ابتسم وقال هتصدقيني لو قولتلك اول مره قلبي يدق لحد … فاطمه انتي بالنسبالي ملكه او جوهره غاليه اوي نادره في الزمن دا
فاطمه / بجد يعني انا مش في نظرك عيله
امين / عيلة ايه دي بالعكس انا شايف قدامي مزه
فاطمه / ابتسمت بخجل وقالت ط.طب وحضرت العمده شكري هيوافق وانا بالنسباله خدامه
امين / قرب منها ومسك ايدها وقال اوعي تقللي من نفسك ابدا قدام اي حد مهما كان … انا اكتر حاجه شدتني ليكي انك واثقه من نفسك وانا عايزك كدا دايما وان كان علي ابويا حتي لو موافقش انا هختارك انتي ونتجوز ونرجع مصر نبدا حياتنا مع بعض ونعيش علي الحلوه والمره
فاطمه / امين انت بتتكلم جد
امين / بابتسامه وحيات بطه عندي بتكلم بجد
فاطمه / طب لو ابوك قال دي لسه صغيره عليك هتقوله ايه
امين / صغيرة ايه بس يا بطتي انتي مش شايفاهم هنا دول بيجوزو البنات من قبل ما يبلغو
فاطمه / اتكسفت ووشها احمر من كلمته وقالت امين ايه اللي بتقوله دا
امين / بصلها وقال يا خلاثي يا ناس علي بطتي لما تتكسف
فاطمه / ابتسمت ولفت وشها الناحيه التانيه
امين / هههههه خلاص خلاص دا واضح ورا اللسان الطويل دا حكايات في القلب بس اكيد هتتكشف علي ايد العبد لله
في الوقت دا حوريه ندهت علي فاطمه
فاطمه / سمعت صوت جدتها وهيه بتنادي عليها شهقت وقالت هاااا يالهووي
امين / اتخض وقال ياشيخه قطعتي خلف ابويا
فاطمه / هههههه هو ابوك لسه هيخلف
امين / عيب عليكي وغمزلها
فاطمه / ط.طب انا هروح اشوف جدتي عايزه ايه
امين / هتيجي تاني
فاطمه / بصتله بغضب وحطت ايدها في وسطها وقالت نعممممم أن….
امين / قطع كلامها وقال وربنا منتي مكمله وصلة الردح دي يالا اتكلي
فاطمه / هههههههههه
امين / ابوس ايدك بلاش الضحكه دي هتخليني افقد اعصابي
فاطمه / باستغراب يعني ايه
امين / ههههههه هفهمك لما نتجوز
فاطمه / اتكسفت منه وخرجت تجري
ومرت الايام تاني وكان كل يوم امين وفاطمه يتعلقوا ببعض ولاحظ كمان عرفان النظرات ما بينهم بس كان بيحاول يعدي بمزاجه
وفتح امين ابوه في موضوع جوازته وطبعا كان العمده شكري معترض الاول بس مش الاعتراض الشديد لكن قدر امين يقنع ابوه بكلامه السهل والبسيط وبالفعل وافق العمده شكري واتجوز فاطمه وامين وعاشوا معاهم في الدوار
لكن طبعا عرفان كان مضايق جدا ان ابوه وافق بسهوله كدا ومعترضش علي اي حاجه لامين ودا طبعا كان عامل شرخ كبير في قلب عرفان من ناحية اخوه لان امين كان متعلم ومطيع لابوه لكن عرفان زي ما شفناه خلال الروايه دايما طماع
بس مهما كان تغيير طبع الابناء عن بعض غلط التفريق والتمييز بينهم في اقل حاجه حتي لو بالكلمه
وفي يوم كان قاعد عرفان في اوضته وفكر في حاجه
يا اما يتخلص من شكري أخوه بفاطمه او يتخلص من فاطمه عن طريق شك امين فيها ويرميها ويقدر ياخد منها اللي عايزه بعد كدا
وفي يوم كانت فاطمه نايمه قي اوضتها لوحدها ودخل عرفان عليها …………..
بااااااااااااااااااك
فاقت فاطمه من سرحانها علي صوت سلمي وهيه بتنادي عليها ماما يا ماما
فاطمه / ها ايه ياحببتي بتقولي حاجه
سلمي / بقولك سرحانه في ايه
فاطمه / اتنهدت وقالت سرحانه قي اختك يا سلمي خايفه وقلقانه عليها بس برضه عارفه ان ربنا عمره ما هينصر الشر علي الخير ابدا
سلمي / باستغراب يعني ايه
فاطمه / متشغليش بالك انتي ياحببتي ادعي لاختك بس
_______________________________
في المساء في الصعيد
كانت عاليه في اوضتها ودخل عليها رسميه وواحده معاها
الست / يلا يا عروسه نامي عشان نفرشو منديلك
عاليه / نعم ليه ان شاء الله
رسميه / بغيظ وبشر واه هما مش جالولك الليله دخلتك بلدي
عاليه / انتي اتجننتي ولا ايه مستحيل ده يحصل
الست / واه يلا يا عروسه امال عشان البلد كوليتها تشهد على شرفك ونضربوا النار
عاليه / نار لما تنضربي بيها يا ست انتي ايه الهبل ده دخلة ايه دي انا متجوزتش اصلا
رسميه / ضحكت بشر وقالت لاه اتجوزتي ولدي طه وعمك عرفان كان وكيلك وكتب كتابك بالنيابه عنك
عاليه / بدموع مستحيل مستحيل دا باطل انا مماضيتش على القسيمه وعمري ما همضي عليها انا لعلى وبس
الست / واه وبصت لرسميه وقالت معناته ايه حديتها ده عاد
رسميه / بشر هنعرفوا معناه ونادت علي عرفان يدخل ب طه
طه / دخل وحط وشه فى الارض
عرفان / انتي لسه واجفه مكانك اخلصي يلا عشان الدخله تتم
عاليه / ضمت نفسها بايدها وقالت محدش هيلمسني فاهمين محدش هيلمسني ابدا
رسميه / لاه عاد دي مش هتاجي بالكلام يا ابو طه يلا نكتفوها عشان نكمل الدخله الناس تحت مستنيه المنديل
وهجموا عليها الست ورسميه ونيموها على السرير
عاليه / كانت بتصرخ وهي بتعيط وبتقول ابعدوا عني ابعدوا عني آاااااااااه الحقني يا علي
طه / كان سامع صوت عياطها مش قادر يقرب
عرفان / واه هتفضل واقف كديه يلا عاد
الست / يلا يا طه يا ولدي كتفناها زين
عاليه / لاااااااااااااا ألحقني يا على
طه / راح وشد الست وامه من علي عاليه وشد عاليه وقفها وراه
عاليه وقفت وراه واستخبت في ضهره وكانت ماسكه في هدومه وبتعيط
عرفان / واه انت عملت ايه كديه انت اتجنيت ولا ايه
طه / ابوي اللي انت عايزه هنعمله بس الدخله تكون بلدي دي لاه
عارفان / واه فكرني عبيط أياك عشان تعور نفسك وتدينا منديل مزيف انا جولت الدخله بلدي وهتبجى بلدي
طه / لاه يا بوي عاليه تبجى مراتي واني حر
عرفان / يبجى حجتلهالك دلوجتي ونرتاح يا اما تدخل عليها
بس في الوقت ده سمعوا صوت حاجه وقعت على الارض بصو عليها لقو عاليه واقعه علي الارض وقطعت شرايين أيديها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
