رواية أم البنات الفصل الثاني 2 بقلم ريهام علي
رواية أم البنات الجزء الثاني
رواية أم البنات البارت الثاني
رواية أم البنات الحلقة الثانية
في بيت امين شكري كان بيفطر فاطمه ومليكه وعاليه مع بعض
ونزل كل واحد فيهم راح جامعته مع اصدقاؤه ونزلت فاطمه راحت على المشغل بتاعها
👈في المشغل الخاص الذي تعمل به فاطمه
دخلت فاطمه المشغل وراحت قعدت في المكان الخاص بيها
فاطمه / وهي بتقعد بصت لصديقتها في المشغل وقالت صباح الخير يا أم عامر
أم عامر / صباح الفل يا أم أحمد
فاطمه / بصتلها وقالت تاني يا ام عامر هتخليني اندم ليه بس اني حكيتلك …. وسكتت شويه واتنهدت وقالت الله يباركلك لما تناديني ناديني بأم سلمي
ام عامر / الله ليه بس يافاطمه
فاطمه / اتنهدت وقالت انتي ليه متخيله اني مستعره مثلا اني اتنادي بإسم أم بنت ….وكملت كلامها بابتسامه وقالت بالعكس انا عندي بناتي بالدنيا ولو كان عاشلي ابني برضه كنت هحب اتنادي بأم سلمي لأنها الكبيره واول فرحتي
ام عامر / يوووه بقا يافاطمه مش هخلص انا من كلامك دا عن البنات عرفاكي لما بتصدقي تفتحي الكلام عنهم ..اول مره اشوف واحده فرحانه بان كل خلفتها بنات زيك كدا يافاطمه دا حتي المثل بيقولك يا مخلفه البنات يا شايله الهم للممات
فاطمه / بغضب من المثل قالت قطع لسان اللي قال المثل دا عمر البنات مكانوا هم بالنسبالي ولا بالنسبه لابوهم الله يرحمه … دا كان فرحته بكل بنت اخلفها بالدنيا ولما كان يرجع من شغله ويقعد في وسطهم كان ينسي كل وجعه وهمومه ويقول دول فرحتي في الدنيا والآخرة وكان دايما يقول عايزين نحسن تربيتهم في الدنيا يافاطمه عشان ينوروا دنيتنا واخرتنا وانا هحاول علي قد ما اقدر اعمل كل اللي في جهدي عشان اوصلهم لاعلي المراتب زي وصية ابوهم ليا
ام عامر / ياختي والله مقصدش كدا ولا قصدي اعايرك بخلفتهم ابدا والله يقطعني ياختي لو زعلتي
فاطمه / ابدا ياأم عامر مفيش زعل ولا حاجه
ام عامر / ربنا يخليهملك ياحببتي يارب ويباركلك فيهم وتشوفيهم في اعلي المراتب وبعدين دول بسم الله ما شاء الله كلهم كلياتهم تخزي العين ربنا يحرسهملك يارب وتشوفيهم عرايس زي القمر
فاطمه / اللهم امين
وكل واحده بدأت تشوف شغلها
____________________________
في الجامعه عند مليكه
نزلت مليكه الجامعه مع صحباتها مياده وجيلان
دخلت مليكه مع صحباتها وكانوا بيتكلموا بس وقفهم زميلهم شهاب
شهاب / حمد لله على السلامه يا مليكه
مليكه / بصتله بقرف وقالت شكرا يلا يا بنات ولسه هيمشوا…..
شهاب / وقفها وقالت استني يا مليكه لو سمحتي عايزه اتكلم معاكي
مليكه / مفيش كلام بيني وبينك يا شهاب خلاص اللي بينا انتهى من زمان وانت عارف كده وضحكت بسخريه وبصتله والدموع في عيونها وقالت اصل مرضلكش ترتبط بواحده عندها مشاكل في القلب لاولادك يورثوا نفس المرض
شهاب / مليكه انا عارف اني قولت الكلام ده وكنت غلطان لما قولته بس وحياتك عندي انا ندمان بجد ونفسي تسامحيني
مليكه / بدموع اسامحك !! ربنا اللي بيسامح يا شهاب عن اذنك ومشيت وسابتهم
شهاب / بص عليها بحيره وبص للبنات
مياده / كفايه كده يا شهاب لو سمحت اعمل حساب للزماله اللي ما بينكم ياخي
شهاب / والله العظيم مقصدش اضايقها انا عايزها تسامحني
جيلان / هي قالتلك ربنا هو اللي بيسامح ياريت تبعد عنها بقا هيه مش ناقصه والله وكفايه كلام والدتك ليها اللي دبحها بسكينه بارده وبصت مياده وقالت يلا بينا يا مياده
ومشيوا مع بعض وراحوا المحاضره عند مليكه وصلت مياده وجيلان لمليكه و كانت قاعده سرحانه
جيلان / متزعليش نفسك يا مليكه
مليكه / ابتسمت وقالت والله ابدا مفيش زعل ولا حاجه هو اساسا مبقاش في دماغي عشان افكر ازعل منه ولا لا
مياده / طبطت عليها وقالت صح كده ده افضل ربنا معاكي يا حبيبتي وتعملي العمليه على خير عشان ترتاحي
مليكه وجيلان / يارب
وفي الوقت ده دخل الدكتور وبدا المحاضره وركزوا معاه وانتبهوله
____________________________
في الجامعه عند عاليه
كانت وصلت عاليه مع صحبتها شذى
شذى / بقولك ايه يا لولو اوقفي هنا هروح اشوف البنات اللي أتعرفت عليهم و هجيبهم واجيلك
عاليه / اوكي بس متتاخريش عليا
شذى / لا .لا علطول هجيلك وسابتها شذى وراحت تشوف البنات وكانت عاليه واقفه مستنياها
في الوقت ده دخل (على) بعربيته الجامده وكان سايق بسرعه
بس كانت عاليه واقفه في نص الطريق وقف مره واحده قدامها ونزل منها وهو متغاظ
عاليه / كان قلبها هيقف من الخضه وكانت خايفه العربيه تخبطها
علي / بعصبيه وصوت عالي ايه يا بنتي انتي حد يقف وسط الطريق كده
عاليه / اخدت نفسها وقالت و.وحد ي.يسوق بسرعه كده دي جامعه على فكره مش طريق عادي عشان تسوق بسرعه كده
علي / بصوت عالي وانتي مالك اسوق بسرعه ولا بشويش ماتركني على جنب واخلصي
عاليه / ولااااه بقولك ايه انا مبحبش الصوت العالي ده متفتكرش اني هخاف من صوتك ده وانكمش في جنب لا ميهزنيش وتولع انت وعربيتك واتكلم بادبك ياننوس
علي / بصوت عالي ننوس مين يابت انتي … انتي شيفاني ماشي بالببرونه في بوقي
عاليه / رفعت صباعها بتحذير وقالت ولاااه صوتك ميعلاش بقولك تاني اهو لا انت ولا عشره من عينتك صوتهم العالي دا يهزني لان اللي زيك اخرك يطلع رجولته في الصوت العالي دا وخلاص اتنيل جتك نيله عليك
وفي الوقت ده جت عليهم شذى وكانت سامعه صوتهم العالي
شذي / ايه يا عاليه في ايه
علي / بسخريه عاليه!!! هههههه دي اقصر عاليه شوفتها في حياتي بصراحه آل عاليه هاه
عاليه / بصتله باستهزاء وبصت لشذى وقالت اضحكي على كلمته والنبي اصل مفكر نفسه دمه خفيف وبصت لعلى وقالت دمك يلطش بصراحه دورلك علي افيه تاني يا ننوس
على / اتجنن لما كلمته بالطريقه دي لان كل البنات بتتمني نظره منه لكن هو ملوش في السكه دي وقال انتي اتجننت ولا ايه انتي متعرفيش انا مين انا علي عبد الله العايدي
عاليه / ايه ياعم كميه العين اللي في عيلتكم دي يا اخي اتوكس
شذى / بصتله بصدمه وقالت ايه على العادي غني عن التعريف طبعا
علي / بصلهم بقرف وقال طب فهمي صاحبتك يا حلوه انا ابقى مين عشان متندمش على طول لسانها ده
عاليه / حطت ايدها في وسطها وقالت مبندمش يا اخويا ولو على طول لساني فانا كده لماه ممكن افردهولك حالا واطلقوا عليه يكتفك
على / خبط عربيته بغيظ وقال مستفزه.. مستفزه جدا يعني
عاليه / غاظته اكتر وضحكت واترقصت وهيه بتقول مستفزه اوي
على / بصلها بغيظ وقال ماشي هنتقابل تاني اكيد وقتها والله ما هرحمك
عاليه / شاورتله براسها وقالت أتكلم على قدك ياله
على / لبس نظارته الشمس وركب عربيته ومشي
شذى / يخربيتك جبروتك يا شيخه ده على ده كل البنات هتتجنن عليه
عاليه / على ايه يعني ده قليل الادب
شذى / بس مز بصراحه يا لولو متنكريش
عاليه / هنفضل في سيرته فين البنات
شذي / اه في المحاضره يلا نطلع بقى عشان منتاخرش
وطلعت شذى وعاليه المحاضره وأتعرفوا على هند وجنى
________________________
بعد ما وصلت سلمي السكن الخاص بيها وباصحابها غيرت هدومها ونزلت الجامعه
في الجامعه عند سلمى
وصلت الجامعه وراحت لاصحابها واول ماشافوها من بعيد جريوا عليها وسلموا عليها
استوب ✋
( ساره_ميرنا _مروه) اصدقاء سلمي
هما اقرب تلاته لسلمي ساكنين مع بعض وعارفين بحكاية شغلها اقربهم لسلمي هيه ساره صحبتها
ساره ومروه مش مرتبطين حاليا
ميرنا ..مرتبطه بابن عمها يوسف حب عمرها من وهي طفله
نرجع تاني 👇
ميرنا / وحشتيني اوي يا سلمى
سلمى / وانتي كمان وحشتيني اوي يا ميرو
ساره / شدت سلمي وقالت سيبهالي بقى وحضنتها اوي وقالت وحشتيني اوي يا سلمى حمد لله على سلامتك
سلمى / الله يسلمك يا سرسور وانتي كمان وحشتيني اوي والله
مروه / شدت سلمي وقالت وحشتيني اوي وحضنتها
سلمى / وانتي كمان يا ميري
وبصت للبنات وقالت طمنوني عليكم اخباركم ايه وحشتوني اوي
ساره / وانتي كمان والله كنتي وحشانا اوي السكن مكنش ليه طعم من غيرك
مروه / طب بقولكم ايه كفايه سلامات كده ويلا عشان المحاضره هتبدا
ودخلوا مع بعض المحاضره ودخلهم الدكتور الجديد ومسك المايك
الدكتور / صباح الخير وقلع عن نظارته الشمس
الكل / صباح النور
سلمى / اتصدمت لما شافته لانه كان هو الشاب اللي كان راكب جنبها في القطر وقالت بصوت واطي صباح الزفت على دماغي انا
البنات / باستغرب قالوا في ايه
سلمي / بعدين.. بعدين هحكيلكم
الدكتور / انا الدكتور سليم ايوب هدرسلكم ماده(…….) وسكاشنها وقعد مكانه ومسك المايك وقال طبعا انا اول مره اتعامل معاكم وانتم اول مره تشوفوني بس انا لسه منقول جديد من جامعه القاهره ويارب اقدر افيدكم بعلمي وكل اللي هحتاجه منكم الالتزام اثناء المحاضره فقط …وكمل كلامه قال انا مش هعتبر نفسي دكتور وهعمل فرق بيني وبين الشباب احنا سننا تقريبا قد بعض ونفهم دماغ بعض كويس فياريت الشباب يعتبروني اخ ليهم و بالنسبه للبنات اللي محتاجه منكم اي سؤال يخص المحاضره ينورني في مكتبي طبعا وهكون سعيد بتعاملنا مع بعض
ثانياً.. اهم حاجه بالنسبالي وقت المحاضره الالتزام وابتسم وقال اتمنالكم سنه سعيده يلا نبدا محاضرتنا
سلمى / لنفسها تتمنالنا سنه سعيده امك اسمها حميده
وبدا سليم المحاضره و شرح وجميع الطلبه كانوا فرحانين بيه جدا لان شرحه ممتاز وسلس ويقدر يبسط المعلومه والكل قدر يفهم المحاضره كويس
وبعد وقت من انتهاء المحاضره قعد سليم مكانه
سليم / هااا كله تمام اي حد مش فاهم اي حاجه ومكسوف يقولها اثناء المحاضره يشرفني في المكتب بعد اذنكم واخد حاجته وخرج
سلمى / ربنا يعدي مادتك على خير
ساره / ليه يا ميمي مفهمتيش منه
سلمى / لا طبعا فهمت
ميرنا ومروه / امال ايه مالك
سلمى / اتنهدت وحكيتلهم على اللي حصل في القطر
مروه / اوووبا اموت انا في جو اللقاء ده
سلمى / شوحت بايدها وقالت والنبي يا اختي انتي رايقه
ساره / وهي بتضحك طب روقي كده ويمكن ميكونش اخد باله منك
سلمى / يارب يا ساره يا رب
ميرنا / قوليلي يا سلمى نونه عامله ايه
سلمي / ابتسمت وقالت كويسه الحمد لله هروحلها النهارده
مروه / ايه دا علطول كده يا سلمى ارتاحي شويه
سلمى / هي وحشتني اوي بصراحه وهروحلها اشوفها واشوف كده هكمل معاها لحد بكره ولا ايه
ساره / امانه عليك سلميلي عليها
سلمي / يوصل يا حبيبتي
وفي الوقت ده الدكتور التاني دخل والكل انتبه للمحاضره
__________________________
في الجامعه عندعاليه
بعد ما خلصت يومها الدراسي خرجت مع اصحابها وكان على واقف وساند على عربيته ولابس نظارته الشمس وواقف مع اصحابه
عاليه / اوووف بني ادم رذل
شذى / اخص عليكي يا لولو بقى المز ده رذل
هند / بتتكلموا عن مين يا جماعه
شذى / عن على العايدي يا بت يا هنود عاليه بتقول عليه رذل
جنى / بصراحه بستتقل دمه اوي الواد ده
عاليه / اشطا يا جوجو صح كدا وضربو كفهم ببعض
على / كان متابع عاليه بعيونه من ورا النظاره و بيبتسم
وائل / صاحب على غمزه وقال ها يا علوش مالك بتبصلها كده
علي / ششش وطي صوتك شويه
وائل / طب ايه النظام
على / نظام ايه بس دي هزقتني الصبح
وائل / بصدمه هزقت مين انت
على / اه تخيل
وائل / ضحك وقال ودي مين دي اللي قدرت تهزق على العايدي
علي / ضحك وقال معرفهاش بس سمعت صاحبتها بتقولها عاليه وهي كلها نص متر بس لسانها ايه مترين
وائل / هههههه تحب أعرفلك عنها كل حاجه
علي / بلهفه ياريت
وائل / بكره الصبح هعرفلك كل حاجه وهقولك
على / ابتسم وقال يا مسهل يارب
___________________________
في المشغل
كانت فاطمه خلصت شغلها وهتقوم عشان تمشي
فاطمه / ها خلصتي يا ام عامر نمشي سوا
ام عامر / اه ياختي استني
جه عليهم صاحب المشغل وقال
المدير / مساء الخير يافاطمه
فاطمه / لفتله بجديه وقالت مساء النور يا أستاذ صلاح
صلاح / أ.انا مروح بيتي تحبي اوصلك معايا
فاطمه / لما ابقي امشي بعرج قدامك ابقي اعرض عليا التوصيله دي وبصت لام عامر وقالت يالا بينا يافوزيه ومشيوا من قدامه
صلاح / كان بيبص عليها بحب وقال مهما كبرتي برضه جميله يافاطمه واتنهد ومشي هو كمان
اثناء مكان فاطمه وفوزيه ماشين مع بعض
فاطمه / بغضب والنبي معارفه الراجل دا مش مكسوف من اللي ييعمله ايه شغل المراهقين والتسبيل دا
فوزيه / يوووه ما الراجل طلبك في الحلال ياختي وانتي اللي صدرتيله الوش الخشب
فاطمه / يعني ايه كنتي عيزاني اوفق عليه
فوزيه / وماله ياختي لما توافقي بس الراجل متريش وقابل بناتك قبل منك وقالك علي عيني وراسي وهيشيلكم في عيونه رفضتيه ليه بس الله .. علي الاقل كان رحمك من الغلب اللي انتي فيه دا
فاطمه / الغلب اللي انا فيه دا أهون عليا اني انام في حضن راجل تاني غير أمين يا ام عامر
فوزيه / متزعليش مني في اللي هقولهولك دا يافاطمه ياختي ..انتي كبرتي صحيح لكنك لسه جميله ياختي وبناتك اللي انتي عيشالهم حياتك دي بكره كل واحده تتلهي وتتجوز وتعيش هيه لحياتها وجوزها وعيالها وهينسوكي ..اسمعي كلامي بصي لنفسك قدام هتلاقي نفسك وحدانيه وعلي راي المثل ضل راجل ولا ضل حيطه
فاطمه / ضحكتلها وقالت زيك زي ناس كتير ياأم عامر البنات عمرهم ما بيتلهوا في بيوتهم وينسوا اهاليهم بالعكس البنات بالذات مهما انشغلت مبتنشغلش عن احبابها واخواتها دا حتي ربنا وصفهم (بالمؤنسات الغاليات) انما الراجل آه … بينسي ويقسي .يعني انا عمري ماهكون لوحدي زي ما الكل فاكر انا ربنا آنسني في دنيتي بالبنات وأنا متاكده هفضل عمري كله متآنسه بيهم في حياتي
فوزيه / اتنهدت وقالت وهو انا هعرف اقنعك بحاجه يافاطمه يالا يالا نروح السوق عشان نلحق نجيب طلباتنا ونروح
فاطمه / ابتسمت وقالت يالا
وراحوا علي السوق وجابوا شوية طلبات وكل واحده روحت علي بيتها
____________________________
في الجامعه عند مليكه
كانت خلصت محاضرتها وخرجت مع صحباتها جيلان ومياده ووقفهم شهاب
مليكه / بزهق اووف مش هنخلص بقا من ام الاشتغالات دي ياشهاب
شهاب / انا عايز اعرف بس انتي مش طيقاني ليه كدا
مليكه / بسخريه مجنونه بعيد عندك
شهاب / مليكه لو سمحتي بطلي استخفاف بقا واسمعيني
مليكه / بعصبيه يوووه مقولتلك ياخي مش عايزه اسمعك خلصنا بقا زهقتني
جيلان / كفايه لحد كدا ياشهاب وقفه معانا لو سمحت وامشي
شهاب / بص لجيلان بعصبيه وقال انتي مالك انتي . انا بكلم مليكه مش بوجه الكلام ليكي
مياده / بعصبيه لااا انت زودتها اوي ابعد عن وشنا ياشهاب والا هندهلك الامن ونعملك فضيحه هنا وانا بحذرك ان حاولت تدايق مليكه تاني بكلامك دا احنا اللي هنقفلك وهتسمع مننا كلام مش يعجبك
شهاب / اتنهد بوجع وبص لمليكه وقال عاجبك حالنا اللي وصلناله دا
مليكه / البركه فيك شخصيتك الضغيفه اللي خلتنا كدا والحمد لله ان ربنا كشفك علي حقيقتك قدامي واحنا لسه علي البر وبقولهالك اهو ياشهاب ابعد عني وسيبني في حالي اللي بينا انتهي من زمان وياريتك انت تفهم دا كويس وبصت للبنات وقالت يالا بينا ومشيوا مع بعض
شهاب / شاط الارض برجله ومسح وشه وشعره بغيظ ومشي هو كمان
___________________________
بعد انتهاء اليوم الدراسي الاول وصلت سلمى مع صحباتها السكن الخاص بيهم وأتغدوا ونامو شويه
وفي بيت امين شكري
وصلت مليكه وعاليه بيتهم وكانت فاطمه في استقبالهم وقعدوا اتغدوا مع بعض وبعد الغداء كل واحد دخل اوضته ونام شويه
_____________________________
في السكن الخاص بسلمي
صحيت سلمى من نومها على الميعاد اللي بتروح فيه لنونه وصحت ساره زميلتها
سلمي / ساره.. ساره
ساره / بنوم اممم
سلمي / انا هروح لنونا
ساره / فتحت عيونها وقالت اوكي يا حبيبتي خلي بالك من نفسك
سلمى / ان شاء الله وسابتهم ومشيت ونزلت ركبت تاكسي ونزلت عند العماره اللي فيها نونا
ولسه داخله العماره خبطت في واحد وبصتله وقالت بتوتر د.دكتور سليم
سليم / انتي
سلمى / أ.انا اسفه مخدتش بالي
سليم / بغيظ لاخدي بالك المره الجايه عشان متخبطيش في اي حد زي البهيمه كده
سلمى / عيونها دمعت وسابته وجريت على شقه نونه
سليم / لنفس ليه كده بس ياسليم … لا لا لازم اردلها شتيمتها وافتكر كلمتها لما قالت دكتور سليم ..وقال ايه ده يعني ممكن تكون عندي في الجامعه!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
