رواية أم البنات الفصل الثاني عشر 12 بقلم ريهام علي
رواية أم البنات البارت الثاني عشر
رواية أم البنات الجزء الثاني عشر
رواية أم البنات الحلقة الثانية عشر
في بيت امين شكري
كانوا البنات سهرانين مع بعض سلمى ومليكه وعاليه وكانت سلمى بتحكيلهم عن كل حاجه حصلت مع سليم
عاليه / آااااه يااااانا وانا اللي بقول على مالك نحنوح طلعلى سي سليم منحنح اكتر منه
سلمى / وهي بتضحك اتريقي براحتك هطلع كل ده عليكي لما تحبي
عاليه / اكتفت بابتسامه وسكتت
سلمى / بصت في ساعه وقالت يا دا الوقت أتاخر اوي وبصتلهم وقالت يلا عشان نجهز حاجتنا وننام بدري شويه عشان السفر
مليكه / اه فعلا عندك حق يا دوب ننام وبعدين علي هيجي يخبط علينا من بدري هو ما صدق اصلا و غمزت لعاليه
سلمي / باستغراب علي مين ده
مليكه / وهي بتضحك جوز عاليه
سلمى / جوز مين ياختي
عاليه / وقفت بعصبيه وقالت اظن الحكايه مش ناقصه هزارك دا يا مليكه وسابتهم ودخلت اوضتها
سلمى / مليكه في ايه وعلى مين ده اللي جوزها
مليكه / ابتسمت وقالت ادخليلها انتي يا سلمى و خليها تحكيلك بنفسها كل حاجه وياريت تخرج اللي جواها عشان ترتاح
سلمى / وقفت ودخلت لعاليه الاوضه وكانت بتعيط راحت عندها واخدتها في حضنها وطبطبت عليها وقالت انا معرفش مين على ده بس من الواضح انه مأثر فيكي جامد يا لولو لدرجه العياط والدموع دي
عاليه / خرجت من حضنها وقالت انا تعبانه اوي يا سلمى وقلبي واجعني منه اوي اوي
سلمى / ابتسمتلها بحنان وطبطبت عليها وقالت طب احكيلي حصل ايه يا حبيبتي بينكم مخلي حالتك واصله للدرجه دي
عاليه مسحت دموعها وحكتلها عن كل حاجه حصلت بينهم من اول يوم اتقابلوا فيه لااخر مقابله صمت ما بينهم
عاليه / هو ده كل اللي حصل بينا
سلمى / اتنهدت وقالت عاليه انتي بتحبيه
عاليه / دمعتها نزلت وبصت في الارض سلمى /رفعت وشها وقالت ايه يا حبيبتي خايفه تعترفي لنفسك بحبه
عاليه / هزت راسها بمعنى اه وقالت خايفه على وجع قلبي من حبه
سلمى / ابتسمتلها وقالت يا حبيبتي على بيحبك وهو قالك اللي بيحب حد مستحيل يأذيه بالعكس ده بيخاف عليه اكتر من نفسه و أتنهدت وقالت يا عاليه الحب بيبقى منه وجع قلب في حالة انك تحبيه وهو قادر يأذيكي ….. وأبتسمت وقالت انما بقى واحد رايح جاي يفكر فيكي وفكر يصالحك ازاي وبيمثل مع اخته عليكي عشان بس تحنيله وتفكري فيه حرام عليكي يا مفتريه ده انا صعب عليا …. ودلوقتي هسالك سؤالي تاني يا عاليه انتي بتحبيه
عاليه / ابتسمت وقالت ايوه بحبه يا سلمى بحبه اوي
سلمي / ابتسمت وقالت يبقى متحرمنيش قلبك من اهم لحظات سعاده وحب ممكن تعيشيها مع اللي قلبك اختاره
وطبطبت عليها وقالت يلا تصبحي على خير
عاليه / ابتسمت وقالت وانتي من اهله
_______________________________
اشرقت صباح يوم جديد
والكل كان جاهز ومستعد للسفر وكانوا في انتظار على وقتها جرس الباب وفتحت سلمي
على / باستغراب صباح الخير
سلمى / ابتسمت وقالت صباح النور انت على صح
على / ابتسم وقالت ايوه وانت سلمى اكيد
سلمى / اه انا
على / طب ايه جهزتوا عشان ما نتاخرش على القطر
سلمى / اه تمام كلنا جاهزين
علي / طب انا واقف تحت ومعايا العربيه ومستنيكم
سلمى / اوكي نازلين حالا
نزل عليه ودخلت سلمى تبلغهم ان على تحت والكل اخد شنطته ونزلوا
فاطمه / صباح الخير يا ابني معلش هنتعبك معانا
على / ابتسم وقالت صباح النور و بلاش الكلمه دي تاني عشان مزعلش منك وخطف نظره لعاليه وبص لمليكه وقالت ازيك يا مليكه
مليكه / الله يسلمك يا علي
علي / طب يلا أتفضلوا عشان ما نتاخرش
عاليه / بغيظ وانا شفافه مفيش ازيك انا كمان
على / ابتسمت وقالت ازيك يا عاليه
عاليه / ابتسمتله قالت الحمد لله
علي / ضحك عليها وركب العربيه وركبوا كلهم معاه ووصلوا المحطه وركبوا القطر
_____________________________
في فيلا على العايدي
كانوا بيفطروا مع بعض
عبد الله / غريبه يعنى على اتاخر في نومه ليه كده
جيهان / معرفش تلاقيه كان سهران امبارح
رنا / بصتلهم بتردد وقالت احممم على سافر مع اصحابه
عبد الله / ايه سافر ازاي من غير ما يقولنا
جيهان / عندك حق يا عبد الله يعني يعرفك انتي وميعرفناش
رنا / بصتلهم واتنهدت وقالت هو عرفني عشان انا اللي بسال عليه دايما يا ماما
جيهان / بشده بنت انتي تقصدي ايه
رنا / قصدي انكم مش فاضيين لينا اصلا عشان تعرفوا عننا حاجه
عبد الله / اتنهد وقالوا احنا بنعمل ده ليه يا رنا وشغلنا ده لمين مش ليكم انتم
رنا / بصتله وقالت بابا احنا محتاجينكم اكتر من الفلوس دي
جيهان / طب يعني نعمل ايه احنا لو ما بنفكرش فيه مكنتش هادورله على عروسه عشان يتجوزها يعني اهو بفكر فيه
رنا / بصتلهم وضحكت بسخريه وقالت ماما انتي عايزه تتجوزيه عشان ما تحسيش بالذنب انك مقصره معاه وان ليه واحده تاخد بالها منه يعني بمعنى تشيلي الحمل عن كتفك وقامت وسابتهم ومشيت
جيهان / بغيظ عاجبك قله ادبها دي
عبد الله / اتنهد وقال لا هي قالت الحقيقه يا جيهان احنا فعلا حياتنا اخدتنا من ولادنا كتير أوي وكويس ان رنا وعلى قريبين من بعض
جيهان / بصتله وسكتت
عبد الله / واضح اننا لازم نعيد ترتيب اولوياتنا من اول وجديد
_______________________________
في الصعيد
كان القطر وصل المحطه ونزلو كلهم وكان في استقبالهم طه
طه / يا مرحب يا مرحب يا مرات عمي نورتوا البلد كوليتها وسلم عليها
فاطمه / ابتسمت وقالت ازيك يا طه عامل ايه
طه / الحمد لله نحمده يا مرات عمي
فاطمه / بصت للبنات وقالت سلموا على ابن عمكم يا بنات
طه ف اهلا اهلا يا بنات عمي نورتونا والله وبص لعلى وقال اهلا بيك اكيد انت جوز عاليه مش كديه
على / ابتسم وقال ايوه اهلا بيك يا طه
طه / طب يلا يا مرات عمي العربيه بره مستنياكم اتفضلوا
ومشيوا كلهم مع طه وراحوا على بيت عارفان
واول ما وصلوا نزلوا كلهم من العربيه والكل كان بيبص على البيت باستغراب
سلمي / قربت علي فاطمه وقالت ايه دا يا ماما معقول دا بيت جدي
فاطمه / اتنهدت بوجع وقالت ايوا هو
وبصت فاطمه للبيت وافتكرت اول يوم دخلت فيه دوار العمده شكري
كانت رسميه وعرفان واولادهم اسماعيل وشكري واقفين بيبصوا عليهم
اسماعيل / واه الحج ياض ياشكري شوفت كيف بنات عمك كيف لهطة الجشطه
شكري / ياض دي القشطه اللي اللي خلفتهم لسه بخيرها مش زي المبومين اللي هنيه
رسميه / بشده اكتم ياض منك ليه خلونا نشوف الحبايب وداست علي اسنانها بغيظ
اسماعيل / يابوووووي ايه الجمرات دول
شكري / عندك حج يا خووي دول جمرات وجمر الدين قمان
والكل نزلوا واستقبلوهم بالسلام
وبعد السلام بينهم الكل كان قاعد معاهم
عرفان / يا اهلا يا ام البنات نورتينا
فاطمه / اهلا ببك يا عرفان بنورك
رسميه / بقرف كيف حالك يا ام البنات زينه اومال
فاطمه / ابتسمت وقالت الحمد لله بخير
عرفان / بص لعلي وقال نورتنا يا علي
علي / ضحك وقال بنورك يا عمي تسلم
عرفان / حددتو معاد دخلتكم اومال
عاليه وعلى بصو لبعض واتوتروا
فاطمه / بصت لعرفان وقالت لسه شويه عشان مليكه وسلمى اتخطبوا وممكن يبقى فرحهم الثلاثه مع بعض ان شاء الله
عرفان / واه كمان سلمى ومليكه هيتجوزوا يلا الله يسعدهم يا رب
رسميه / اه طبعا ما انتي ليكي الحج تجوزي الثلاثه مع بعض خلاص بجى هتورثي
عرفان / بص لرسميه وقال اجفلي خشمك اومال
رسميه / ليه عاد عشان عايزه اجول الحجيجه
فاطمه / باستغراب حقيقه ايه يا رسميه
رسميه / الحجيجه يا ام البنات ان جوزك هو اللي مات الاول مش جد البنات يعني انتم كديه ملكمش ورث بس دي وصيه بجى
فاطمه والبنات بصوا لبعض وسكتو
فاطمه / بصت لعرفان وقالت الكلام ده صحيح يا عرفان
عرفان / ايوه صحيح لكن ابوي وصاني بورث اخوي امين يروح ليكم واني هنفذ وصية ابوي
رسميه / صدجتيني يا ام البنات
سلمى / اتنهدت وقالت هو حضرتك ليه بتنادي ماما ام البنات يعني هي اسمها فاطمه على فكره او ممكن تقوليلها ام سلمى
رسميه / خبطت على صدرها وقالت يا عيب الشوم لا ما ينفعش نجول لحد هنه يا ام بنت لازم تكون ام لراجل
عاليه / ليه ان شاء الله البنات وباء مثلا
مليكه / مش غريب سلوكم هنا شويه
رسميه / اتاففت منهم وقالت والله الغريب انكم بتتكلموا كديه معايا ايه يا بنات امين انتم متعلمتوش الاصول ولا ايه
فاطمه / بصتها وقالت ليه الغلط ده رسميه انا بناتي متربيين احسن تربيه الحمد لله
رسميه / مصمصت بشفايفها وقالت واضح يا ام البنات
عاليه / الله تاني
رسميه / معلش ما هو اصلا لو امكم كان عاشلها ولدها كنا زمانا بناديها باسمه لكن هنجول ايه مكتوب لها تبجي ام البنات
فاطمه / وانا اسعد واحده في الدنيا ان ربنا رزقني ببناتي
رسميه / كلام يعني عايزه تفهميني انك منفسكيش في حته واد يشيل اسم ابوه
فاطمه / ومين قال لك ان ربنا مرزقنيش باولاد وبصت لعلى و ابتسمت وقالت انا ربنا رزقني بعلى جوز عاليه وكمان مالك وسليم ميتخيروش عنه وهما الثلاثه ولادي بالظبط
علي / بصلها وابتسم
عرفان / ا.ايه يا ام طه مش هتتغدى الضيوف ولا ايه
رسميه / عيوني يا ابو طه
وقامت رسميه تجهز الاكل وبعد شويه قاعده كلهم يتغدوا وكل واحد طلع الاوضه الخاصه بيه يرتاح شويه
____________________________
في الجامعه
كان سليم في محاضره وتليفونه رن وكانت سلمي
سليم / وقف شرح وقال عن اذنكم يا جماعه ارد على تليفون مهم واخد التليفون وطلع بره وفتح الخط وقال وحشتيني اوي اوي اوي
سلمى / ابتسمت وقالت وانت كمان وحشتني اوي يا سليم
سليم / وصلتوا امتى يا قلبي
سلمى / يعني من ساعه كده …. وقالت اه صحيح انا عرفت ماما بطلبك وموافقه
سليم / بفرحه بجد يا سلمى طب اجي امتى
سلمى / ممكن بعد ما نرجع من الصعيد
سليم / بحب بحبك كتير
سلمى / بموت فيك اكتر
سليم / ضحك وقال هستاذنك بقى ادخل للطلبه
سلمى / ربنا معاك يا حبيبي
سليم / ابتسم وقال يلا مع السلامه
سلمى / سلام
_________________________________
في اوضه مليكه
كانت بتكلم مالك وحكالها على اللي حصل في مقابلته لشهاب
مليكه / اتنهدت وقالت انا مش عارفه اخرتها ايه معاه
مالك / سيبك منه انا المرادي أتكلمت المره الجايه فيه فعل
مليكه / ابتسمت وسكتت
مالك / ابتسم وقال بس تعرفي انك وحشتيني اوي
مليكه / اتنهدت وقالت وانت كمان وحشتني اوي
مالك / اه يا رب ترجعوا بالسلامه بقى عشان نعمل خطوبه وتبقى رسمي
مليكه / ان شاء الله قريب
مالك / ان شاء الله يا حبيبتي معلش هستاذنك عشان اشوف شغلي وهكلمك تاني
مليكه / ربنا معاك
مالك / مع السلامه يا حبيبتي
مليكه / مع السلامه
______________________________
في اوضه على
طلع تليفونه وكلم رنا اخته عشان يطمنها ان وصل بالسلامه
رنا / لوشه حبيبي طمني عليك وصلت امتى
على / من ساعه كده يا حبيبتي المهم طمنيني عنك انتي قولتي ايه لبابا وماما زي ما اتفقنا
رنا / عيب عليك يا لوشه انت سايب وراك راجل
علي / يا بت راجل ايه متقوليش كده
رنا / ههههههه المهم طمني عليك وعلى عاليه متكلمتوش خالص
علي / اتنهد وقال ابدا متكلمناش هو بس الصبح قولتلها ازيك وخلاص
رنا / طب كلمها دلوقتي
على / هكلمها بحجه ايه يعني
رنا / بتفكير اممممم ممكن تكلمها بحجه انك تقولها ازاي هتتعامل معاها قدامهم ويمكن الكلام ده يفتح مجال بينكم انكم تتكلموا شويه
علي / يا بنت الايه يا اروبه فكره حلوه
رنا / عد الجمايل بقى انت كده بقيت مديونلي كتير اوي
على / كله على الحساب يجمع يا جميل يلا هكلمها وهكلمك تاني
رنا / اوك يا لوشه وابقى طمني عليك يا حبيبي يلا باي
وقفل على معاها وقرر يتصل بعاليه
_____________________________
في اوضه عاليه
كانت قاعده وجالها اتصال من رقم على ابتسمت وردت عليه
عاليه / ايوه يا علي
علي / عاليه كنت عايزه اسالك بس اتعامل ازاي معاكي قدامهم يعني عشان ميشكوش في حاجه
عاليه / عادي اي حاجه
على / اي حاجه ازاي يعني
عاليه / اتنهدت وقالت يعني لو أتعاملنا بطبيعه اتنين مكتوب كتابهم زي مصر مش هيعجبهم ولو متعملنهاش وكنا في حدود الادب ممكن عمي يقولي (بصوت عرفان ) لو مش طيجاه اطلجك منه فعشان كده بقولك نتعامل باى حاجه
على / ضحك وقال اوكي ماشي انا هقفل انا بقى
عاليه / ا.استني هنا انت متصل عشان كده يعني
على / ابتسم وقال ايوه ما انا كنت محتار اتعامل ازاي
عاليه / آه و.وانت عامل ايه يا علي
علي / عامل شعري سبايكي
عاليه / ايه
على / ضحك وقال اصل سؤالك غريب
عاليه / لا عادي بطمن عليك
على / ضحك وقال لا تمام انا يلا هسيبك انا وانام شويه
عاليه / اوكي قفل على مع عاليه وقعد مبتسم وقالت وبعدهالك يا عاليه واتنهد وقال تعبتيني معاك اوي
__________________________________
في اوضة فاطمه
كانت بتبص علي الاوضه بدموع وحنين لامين جوزها واتنهدت بوجع وقالت آاااااااااااه يا عرفان ياتري اختارت ليه اني اقعد في نفس الاوضه عايز تعيد اللي حصل تاني ياعرفان ولا الزمن هدك …. بس اللي انا متأكدة منه مهما الزمن هدك لسه السم جواك
فلاااااااش بااااااااك
في بيت والد فاطمه
بعد وفاة ابوها وامها في حادثه كانت فاطمه لوحدها بتعيط وكان عندها ١٥ سنه لسه مخلصه الاعداديه كانت قاعده بتعيط وحاضنه صورة ابوها وامها وهي مش عارفه هتعيش ازاي لوحدها بعد وفاتهم وهيه لسه عيله وجميله والف مين يطمع فيها
قطع تفكيرها صوت خبط علي الباب وفتحت لقت جدتها ام امها
فاطمه / اترمت في حضنها وهيه بتعيط بحرقه وتقول ماتوا خلاص ياجدتي ماتوا وسابوني لوحدي هعيش ازاي وهعيش لمين بس
جدة فاطمه / كانت بتطبطب عليها بحنان وبتقول وحدي الله ياحببتي وحدي الله وادعيلهم بالرحمه
فاطمه / خرجت من حضنها وهيه بتعيط وبتقول يارب ترحمهم وترحمني انا كمان وخدني عندهم
جدة فاطمه / لا لا يابنتي حرام عليكي احمدي ربنا واوعي تدعي علي نفسك ابدا دا كفر بالله
فاطمه / وهو دا حلال ياجدتي اني اعيش لوحدي
جدة فاطمه / لوحدك ليه ياحببتي وانا روحت فين بس … خلاص من النهارده انا وانتي مصيرنا هيرتبط ببعض
فاطمه / يعني ايه يا جدتي هاجي اعيش معاكي في الصعيد
جدة فاطمه / ايوا ياحببتي هتيجي تعيشي معايا وهنشتغل مع بعض وهنقسم اللقمه سوا
فاطمه / طب والبيت
جدة فاطمه / قفليه ياحببتي كويس وسيبيه يمكن ترجعيله في يوم تاني انتي متعرفيش الزمن لما بيلف ويدور
فاطمه / حاضر ياجدتي
واخدت جدة فاطمه . فاطمه معاها تعيش في الصعيد وكانت جدتها بتشتغل في دوار العمده شكري واخدت فاطمه تشتغل معاها وعرفتها بالعمده شكري
شكري / خير يا حوريه وبص لفاطمه وقال مين دي
حوريه / د.دي بنت بنتي ياحضرة العمده و.و كنت بستاذنك يعني تشتغل معايا هنا تساعدني لان مبقاش ليها غيري
شكري / بص لفاطمه وقال بس دي صغيره جوي يا حوريه هتعرف تشتغل معاكي .. هتجدر علي الشغل يعني
حوريه / لااا متقلقش فاطمه دي اروبه
شكري / مفيش مشكله ياحوريه خليها تشتغل
حوريه / ربنا يبارك في عمرك يا حضرة العمده
وبدات فاطمه تشتغل مع جدتها في الدوار طول اليوم ويروحوا سوا
وفي يوم كانت فاطمه بتنضف اوضة عرفان دخل ولقي بنت جميله وقال
عرفان / واه واه واه ايه الجمر ديه
فاطمه / بصتله بقرف وقالت الزم كلامك معايا ياجدع انت
عرفان / واه انتي من مصر قمان
فاطمه / اتنهدت بزهق ولسه هتخرج من الاوضه
عرفان / مسك ايدها وقال علي فين اومال متاجي نجعدوا مع بعضينا شويه
فاطمه / شدت ايدها منه وقالت ايدك يا امور لا توحشك
عرفان / بغمزه احب المره الحمشه ديه
فاطمه / بصتله بقرف ومشيت وهي بتشتم فيه
وكانت كل يوم بتمر الايام وعرفان بيحاول يتقرب لفاطمه بطريقه مش كويسه بس فاطمه مكانتش بتسكتله وبتصده دايما لحد ما قابلت امين شكري وكان راجع من جامعته
بااااااااااااااااك
قطع سرحان فاطمه صوت خبط علي الباب
فاطمه / م.مين
طه / اني يامرات عمي اني طه
فاطمه / قامت وفتحت الباب وقالت خير ياطه
طه / ابوي كان عايز يتكلم معاكي تحت شويه
فاطمه / اتنهدت وقالت حاضر ياطه نازله وراك
نزل طه ودخلت فاطمه غيرت هدومها ونزلت
___________________________________
قي الدوار تحت كان قاعد رسميه وعرفان وطه ونزلتلهم فاطمه
فاطمه / مساء الخير
عرفان / اهلا بام البنات اجعدي عشان تعرفي حجكم وارضكم
وخرج عرفان ورقه وداها لفاطمه وقال دي الورقه اللي فيها حجكم زي وصيه ابوي ماطلبها مني يا ام البنات وارضكم من بكره هتعرفوها وزي ما جولتلكم بيعها افضل لانها ارض بور وملهاش لازمه
فاطمه / بصت في الورقه وكان مكتوب فيها المبلغ والارض زي ما قالهم وكان المبلغ ثلاثه مليون جنيه والارض.. فاطمه ابتسمت وقالت ماشي يا ابو طه
عرفان / طب ايه تحبي اجيبلك من بكره مشتري للارض
فاطمه / ياريت
عرفان / ابتسم بشر وقال عيوني يام البنات
طه كان قاعد مش عاجبه حال ابوه واللي بيعملوا فيهم لكن مش قادر ينطق
فاطمه / طب استاءذنكم هطلع انام
رسميه / بقرف بالسلامه
وطلعت فاطمه اوضتها وفضل عرفان وطه ورسميه
بعد ما فاطمه طلعت اوضتها
رسميه / ابتسمت بفرحه وقالت عفارم عليك يا ابو طه
طه / وقف بزهق وقال انا طالع انام وسابهم ومشي
رسميه / واه ماله ده قمان
عرفان / سيبك منه المهم دلوجتي خلونا نتفج علي الخطوه الجايه
رسميه / جوول يا ابو طه
عرفان / اسمعيني زين احنا هنعمل ……
________________________________
في اوضة علي
كان عايز يشرب وملقاش مايه فتح الباب ونزل تحت عشان يشرب مايه
لكن الكلام اللي سمعه من عرفان ورسميه خلاه واقف مصدوم ،،،،،،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
