رواية أم البنات الفصل الثالث 3 بقلم ريهام علي
رواية أم البنات الجزء الثالث
رواية أم البنات البارت الثالث
رواية أم البنات الحلقة الثالثة
اشرق صباح جديد في بيت سليم ايوب صحي من النوم عشان يجهز نفسه ويروح للجامعه
دخل اخد حمامه وادي فرضه ودخل المطبخ يعمل كوبايه نسكافيه وخرج يشربها في البلكونه وكان بيبص على الشارع
• وأتفاجئ بسلمي نازله من العماره بص عليها باستغراب وبص في ساعته لقاها سبعه ونص الصبح وقال لنفسه غريبه دي ممكن تكون ساكنه هنا لا ..لا طب كانت فين دي وشكلها كانت نايمه هنا في العماره كمان.. وأتنهد وقال انا شاغل نفسي بيها ليه بس… وكمل شرب النسكافيه بتاعه وغير هدومه ونزل الجامعه
____________________________
في بيت امين شكري
كانت فاطمه ومليكه وعاليه بيفطروا مع بعض
مليكه / هي سلمى كلمتك يا ماما امبارح
فاطمه / اه يا حبيبتي كلمتني امبارح اول ماوصلت
عاليه / ابتسمت وقالت البيت فاضي اوي من غيرها
فاطمه / ابتسمت وقالت هي البنات كده نوارت البيت وكل ما واحده فيهم تغيب عند البيت تحس ان النور البيت بيبهت لحد ما يقطع خالص
مليكه / باستغراب يعني ايه يا ماما
فاطمه / اتنهدت وقالت يعني يا حبيبتي لما تتجوزوا وكل واحده تروح بيتها البيت هيفضى عليا ومن غيركم النور هيقطع
عاليه / يا ماما يا حبيبتي قولتلك انا مش هسيبك ابدا
فاطمه / ضحكت وقالت يا حبيبتي ده يوم الهنا يوم ما كل واحده هتروح بيتها واكون مطمنه عليها مع الراجل يصونها
مليكه / اتنهدت وقالت ازاي بس يا ماما نسيبك لوحدك
عاليه / يا بنتي انت شيفانا لابسين الفستان بعد الشر يعني
مليكه وفاطمه / هههههههه
فاطمه / وهي بتضحك هو حال ام البنات كده يا حبايبي
مليكه / بزعل ماما هو انتي زعلانه ان كل خلفتك بنات ومخلفتش صبيان
فاطمه / بصتها بلوم وقالت انا يا مليكه ابدا يا حبيبتي ده انتي واخواتك عندي بالدنيا وعمري ما اتمنى غيركم ثم ان الصبيان ربنا اللي ما أردش انه يعيش
مليكه / ابتسمت لها بحب وقالت ربنا يخليكي لينا يا ماما
فاطمه / طب يلا بسرعه افطروا عشان تلحقوا جامعتكم
وبعد وقت فطروا ونزلت عاليه ومليكه جامعتهم ونزلت فاطمه علي شغلها
______________________________
في فيلا على العايدي
كان نزل من اوضته وقعد معاهم على السفره عشان يفطر معاهم
استوب✋
عائلة علي العايدي
عبدالله العايدي / الاب وصاحب اكبر شركات سياحه وبازارات عالميه ثري جدا ويمتلك نفوذ واسعه وصاحب مكانه معروفه
جيهان / الام سيدة مجتمع تعشق الحريه والانطلاق كل ما تريده هو جواز علي ورنا حتي تتفرغ لحياتها الخاصه
رنا / الاخت الوحيده ل علي في ثانويه عامه اصحاب جدا هي وعلي وسرهم واحد
جميله ومرحه ولكنها تختلف تماما عن امها
نرجع تاني👇
على / صباح الخير
الكل / صباح النور
جيهان /عندك جامعه يا حبيبي
على / لا عندي وقفه احتجاجيه يا ست الكل
جيهان / باستغراب ايه
على / ضحك وقال امال هروح فين بس يا ماما
عبد الله / وهو بيضحك قال مشكله انت ياواد علي
رنا / هتوصلني معاك يا لوشه
على / طبعا يا رنون بس افطري وهننزل مع بعض
رنا / بعتتله بوسه في الهوا
جيهان كانت بتتهمس مع عبد الله عشان يتكلم مع على
بس على اخد باله وقال في ايه يا جماعه
جيهان / احم ا.آه يا حبيبي كنت عايزه اتكلم معاك في موضوع كده
علي / لما اخلص جامعتي الاول يا ماما
عبد الله / بص لجيهان وكتم ضحكته عشان على فهم هما عايزين يقولوا ايه
على / ايوه لما اخلص جامعتي الاول واشتغل مع بابا في شركته و نكبرها واقدر اعتمد على نفسي انا بنفسي هطلب منك الجواز
جيهان / اه موت يا حمار بقى
رنا / وهي بتكتم ضحكتها قالت تقصدي مين بقى يا ماما بالحمار
على / ضحك وقال يلا يالمضه اوصلك وقاموا مع بعض وصلها مدرستها وراح هو على جامعته
______________________________
في الجامعه عند سلمى
كانت قاعده هي وساره في المعمل للسكشن ودخل عليهم سليم
سليم / صباح الخير
الطلبه / صباح النور
سليم / عشان العدد في السكشن بيبقى قليل طبعا قدر يشوف سلمى وكان متغاظ منها ومش عارف ايه السبب بصلهم و قال هنبدا المحاضره حالا عشان الوقت والمجموعه الثانيه يدخلوا
وبدأ في شرح المحاضره واثناء مكان بيشرح كانت سلمى بتدون وراه في الكشكول عندها
سليم / سكت شويه وبصلهم واتنهد وبص لسلمى وقال انتي أتفضلي اوقفي
سلمى / بصت حواليها وقالت انا
سليم / ايوه انتي اوقفي
سلمى / وقفت وقالت افندم
سليم / انا اول محاضره ليا قولت اهم حاجه عندي الالتزام صح
سلمى / وانا معملتش حاجه يا دكتور انا قاعده ملتزمه فعلا
سليم / بعصبيه وكمان بتردي عليا أتفضلي بره
سلمي / بصتله وهي مستغربه وبصت لساره زميلتها وعيونها دمعت واخدت حاجاتها وطلعت بره
سليم / اتنهد وبصلهم وقال نكمل بقى وياريت الالتزام
وبعد وقت من انتهاء السكش خرج سليم وراح مكتبه
وخرجت ساره تدور على سلمي صحبتها
سليم في مكتبه
كان قاعد مدايق من تصرفه مع سلمى ومش عارف عمل كده ليه بس كل اللي عارفه ان سلمى شاغله تفكيره بشكل مش عادي ويمكن بيعمل كده عشان يبعد صورتها عنه بس الحب قدر ومكتوب وهو ميعرفش كده
مسح سليم وشه وشعره بغيظ وقال مش عارف ايه اللي رماكي في سكتي كنت عايش ومرتاح كفايه على اللي حصلي زمان جايه تقلبي عليا المواجع ليه كنت عايش خلاص وعرفت اظبط حياتي بعد اللي حصلي جيالي ليه.. ليه بس واتنهد وقعد يشوف شغله
__________________________
في الجامعه عند عاليه
كانت وصلت مع شذي صحبتها وكانو ماشيين لقوا عربيه بتكلكسلهم بصوا عليها لقوها عربيه على
عاليه / مشيت وشدت شذى وقالت متبصلوش وكملو مشي
علي / نزل من العربيه وهو متغاظ منهم وراح عندهم ووقف قدامهم وقال انا مش بعاكس طبعا اصلا اشكالكم دي مش وحش معاكسه ابدا بس ياريت لما تحبوا تتنيلوا وتمشوا امشوا في جنب عشان الطريق
عاليه / بغيظ واستفزاز مشيت ومردتش عليه
علي / شد أيدها بعصبيه وقال بت انتي انا مش بكلمك وزقها
عاليه / راحت عنده وضربته بالقلم وقالت دي حاجه بسيطه من اللي هيحصل فيك لو فكرت تمد أيدك عليا تاني وراحت لشذي شدتها ومشيت
على / كان حاطط ايده على خده ومش مستوعب اللي حصل منها
بص حواليه وهز راسه بمعنى يفوق نفسه وقال يا بنت ال***** والله لهقطع ايدك اللي تتمد على على العايدي دي وركب عربيته
________________________
في الجامعه عند مليكه
كانت قاعده مع صحباتها جيلان ومياده وجت عليهم راندا زميلتهم
راندا / بقرف هاي يا بنات
البنات / اهلا يا راندا أتفضلي
راندا / بصت لمليكه وقالت انا جيالك انتي ياقطه
مليكه / باستغراب انا!!
رندا / بسخريه يا روحي بريئه اوي بس فعلا الواحد يصدقك عشان كده هو لسه واقع فيكي
مليكه / وقفت وقالت لو سمحتي مسمحلكيش انا مليش دعوه بشهاب اصلا واللي مبينا انتهى من زمان وبعدين انا مكنتش بحبه من ورا اهلي.. الحمد لله احنا كنا مخطوبين والجامعه كلها كانت عارفه ده كويس
رندا / بغيظ امال لسه بتلفي عليه ليه
مليكه / انا ما بلفش على حد انا قولتله يبعد عني انا منفعلوش اصلا
رندا / قربت من ودانها وقالت بسخريه ولا تنفعي لاي حد يا حلوه خلاص وسباتها ومشيت
مليكه / كلام راندا وجعها بس حاولت تداري وقعدت تضحك مع اصحابها
___________________________
في الجامعه عند سلمى
كانت ساره بتدور عليها ولقيتها قاعده في مكان بتعيط وراحت جنبها
ساره / متزعليش يا سلمى
سلمى / انا مش عارفه هو ليه عمل كده كل ده متغاظ عشان شتمته في القطر انا مكنش قصدي حاجه وعيطت اكتر
ساره / اخدتها في حضنها وقالت خلاص متزعليش يا حبيبتي وربنا اضربهولك عشان تضحكي
سلمى / ضحكت وحضنت ساره
ساره / ايوه كده يا حبيبتي يلا عشان عندنا محاضرات تانيه
واخدتها ومشيوا مع بعض
________________________
في الجامعه عند علي
كان وصل لوائل صاحبه وهو غضبان من عاليه جدا
وائل / أشطه يا علوش وطلع ورقه من جيبه وأداها لعلي وقال دي كل المعلومات عن صاحبتك
على / بص في الورقه وكرمشها وحطها في جيوبه
وائل / لاحظ الغضب عليه وقال مالك يا علي مش طبيعتك
على / وائل مش وقته انا همشي سلام
وائل / مسك دراعه وقال تمشي فين استنى انت لسه جاي
علي / اتنهد وقال مش طايق اقعد هروح أتمشي شويه سلام وسابه ومشي
وائل / استغرب على وهز كتفه باستغراب ومشي هو كمان
__________________________
بعد مرور اسبوع
في الجامعه عند عاليه
كانت قاعده مع شذى وهند وجنى وجت عليهم صحبتهم روان
روان / ابتسمت وقالت صباح الخير يا بنات
البنات / صباح النور يا روان اتفضلي
روان / انا جايه اعزمكم النهارده على عيد ميلادي ياريت تشرفونى
هند وجني وشذى / كل سنه وانتي طيبه
عاليه / كل سنه وانتي طيبه يا روان بس مش هقدر اجي
روان / لا بليز يا لولو تيجي عشان خاطري شويه صغيرين وبصراحه ماما نفسها تتعرف عليكم
عاليه / هشوف كده ان شاء الله
روان / اوك هستناكم يلا باي وشابتهم ومشيت
شذا / بليز يا عاليه تعالى معانا
عاليه / انتم عارفين انا مليش في الاجواء دي
جنى / وانا كمان زيك بس نروحلها شويه عشان متزعلش
هند / بليز يا لولو بقى
عاليه / ابتسمت وقالت هقول لماما وهشوف
البنات / ضحكوا وقالوا بفرحه هييييه
____________________________
عند مليكه في الجامعه
كانت بتشتري حاجه من الكافتيريا وطلعت علي السلم بس شهاب وقفها
شهاب / نده عليها وقال مليكه
مليكه / اتنهدت وقالت ببرود نعم يا شهاب
شهاب / راح عندها ووقف قدامها وقال ايه يا مليكه مبقتيش طيقاني ليه نسيتي اللي كان بينا
مليكه / والله انت قولتها اللي كان بينا يعني اللي بينا انتهى
شهاب / بس انا لسه بحبك يا مليكه
مليكه / ضحكت بسخريه وقالت اه ما هو كان واضح بدليل انك لما عرفت بتعبي بعدت عني ودموعها نزلت وقالت بعدت وأتكلمت عليا قولت متنفعنيش دي صح هو ده دليل حبك ليا يا شهاب
شهاب / قرب منها ومسك ايدها بحب وقال مليكه سامحيني بجد وتعالى ننسى اللي فات وتعملي العمليه ونرجع لبعض من تاني وتحققي كل اللي كنا بنحلم بيه مع بعض
مليكه / شدت أيدها بغيظ وقالت مبقاش ينفع يا شهاب خلاص ولو سمحت ابعد عن طريقي وسابته ومشيت
_________________________
عند سلمى
كانت خلصت محاضراتها هي وزمايلها وروحوا مع بعض
وبدا في تجهيز الاكل وقعدوا يتغدوا مع بعض
ميرنا / ااااه الواحد عايز ينام كانت محاضرات كتير اوي النهارده
سلمى / طب انتم هتناموا براحتكم ان شالله لبكره الصبح انا بقى قدامي ساعتين بالظبط واصحى اروح لنونا
مروه / بقولكم ايه يا بنات ما تيجوا نروح لنونه نسهر معاها النهارده احنا كده كده اجازه بكره نروح نسهر معاها براحتنا مش عملناها من زمان آهو نفرحها
ساره / تصدقي فكره حلوه اوي يا بت يا مروه ايه رايك يا سلمى
سلمى / ابتسمت وقالت ياريت دي هتفرح اوي بيكم
ساره / اوكي ننام شويه ونروحلها
وكل واحده دخلت اوضتها تنام شويه وبعد وقت صحيوا وجهزوا نفسهم واشتروا أكل ومسليات للسهره وراحو لنونه مع سلمى
كان سليم واقف في البلكونه وشاف البنات طالعين مع بعض وبيضحكوا استغرب عليهم وقالت رايحين فين دول كمان
________________________
في بيت امين شكري
كانت مليكه قاعده في اوضتها و تليفونها رن وكان رقم مالك
مليكه / احم الووو
مالك / ازاي مريضتي الحلوه
مليكه / بابتسامته قالت الحمد لله
مالك / انا اسف اني اتصلت عليكي بس حبيت اطمن وافكر أن في دواء مهم هيخلص النهارده ياريت تجدديه عشان مهم ليكي جدا
مليكه / فرحت انه واخد باله من ادق التفاصيل وحافظ ادويتها وعارف انه فعلا في دواء هيخلص وقالت متشكره اوي يا دكتور
مالك / اتنهد وقال متشكر على ايه بس انت متعرفيش انتي ايه بالنسبالي
مليكه / ابتسمت وسكتت
مالك / انا هقفل دلوقتي بس هكلمك تاني اكيد اطمن عليكي
مليكه / شكرا لسؤالك يا دكتور مع السلامه و قفلت معاه
وقامت عشان تاخد الدواء وكان اخر حبايه فيه ..كانت عايزه تقولي لامها بس هي عارفه ان الدواء ده غالي بصت للدواء وسكتت شويه وأتنهدت وقالت ربنا معايا بقى وقامت خرجت
كانت فاطمه وعاليه قاعدين مع بعض وبيتكلموا
فاطمه / روحي يا عاليه فكي عن نفسك شويه وبصت لمليكه وقالت روحي معاها يا مليكه أتفسحوا شويه
مليكه / لا لا ماليش انا في الفسح دي
عاليه / لا يا ملوكه دا عيد ميلاد صحبتي
مليكه / لا يا عاليه خليني انا معلش وروحي انتي مع اصحابك
عاليه / اوكي براحتك انا هدخل البس بقى
فاطمه / بصت لمليكه وكانت سرحانه وقالت مالك يا بنتي
مليكه / ابدا يا ماما مفيش انا تمام
فاطمه / اخدتي الدواء بتاعك
مليكه / اه يا حبيبتي اخدته
فاطمه / طيب يا حبيبتي بالشفا اول ما يخلص قوليلي
مليكه / اتوترت وقالت ح.حاضر
_________________________
في الفيلا عند روان
كانت وصلت عاليه وشذي وهند وجنى وسلموا على روان وكانت روان فرحانه بيهم جدا وعرفتهم بمامتها والكل كان فرحان بيهم وخصوصا والدة روان
شذى / شايفه يا بت يا لولو الفيلا تحفه دي
عاليه / يا ستي ربنا يزيدهم
جنى / عاليه انا مش عايزه اتاخر
هند / وانا كمان مش عايزه اتاخر
عاليه / متقلقوش شويه كده وهنمشي
وبعد وقت جه معاد ان روان تطفي الشمع والكل أتجمع حواليها وطفوا الشمع معاها والكل كان واقف
اما عاليه سابتهم وراحت تقعد مكانها وجت عليها واحده وفي ايدها طبق فيه جاتوه وكاس عصير وقالت نورتينا انا هدير اخت روان
عاليه/ ابتسمت وقالت اهلا بيكي
هدير / مدت ايدها بالطبق والكاس وقالت أتفضلي
عاليه / ملوش لزوم التعب ده
هدير / تعب ايه بس انتي نورتينا عن اذنك وسابتها ومشيت
________________________
عند سلمي
كانوا البنات خلصوا سهرتهم ونزلوا روحوا
وكان سليم تحت في سوبر ماركت وشافهم نازلين لوحدهم من غير سلمي اتلخبط اكتر وحس ان دماغه هتطير ومكانش عارف يعمل ايه
اخظ المستلزمات اللي عايزها من السوبر ماركت وطالع شقته وفضل رايح جاي فيها لحد ما قرر حاجه ………
__________________________
في فيلا روان
كانوا البنات شذى وعاليه وهند وجنى واقفين مع روان بيضحكوا وجت عليهم هدير تضحك معاهم بس غصب عنها وقعت كاس العصير علي هدوم عاليه
هدير / ياخبر أ.انا اسفه بجد يا عاليه
عاليه / ابتسمت وقالت لا ابدا ولا يهمك
روان / بصت لهدير بغيظ وقالت مش تفتحي ياغبيه وبصت لعاليه وقالت سوري بجد يا عاليه
عاليه / ضحكت وقالت ايه يا بنتي هي وقعت العصير على سواريه يعني ده جنيز عادي مش مشكله بس ممكن الحمام اغسله كويس
روان / اه طبعا وبصت لهدير وقال طلعيها اوضتي بسرعه ودخليها الحمام براحتها
هدير / ح.حاضر واخت عاليه وطلعت وقالت انا اسفه بجد يا عاليه مكنش قصدي
عاليه / ابتسمت وقالت ولا يهمك يا هدير
هدير / طب تسمحيلي بقى اعزمك على عصير تاني
عاليه / بهزار لا ..لا حرمت يا باشا
هدير / ضحكت وقالت بجد متزعليش مني تحبي اجيبلك اي عصير
عاليه / بتفكير اممم ممكن مانجا
هدير / ثواني ونزلت جبتلها العصير واديتهولها ودخلتها اوضه روان عشان تبقي براحتها وسابتها ونزلت
________________________
في بيت نونا
كانت سلمى قاعده معاها وبيضحكوا مع بعض وسمعوا جرس الباب
سلمى / غريبه مين هيجي دلوقتي
نونه / تلاقيه رافت ابن اخويا يمكن
سلمى / بابتسامه يا دريت ده واحشني اوي
وراحت عشان تفتح الباب وأتفاجئت وقالت د.دكتور سليم
سليم / دخل وقفل الباب وراه وقال كل يوم تيجي هنا 7 بالليل وتروحي 7 الصبح ولما سالت على الشقه دي باسم مين قالولي دي تبع اولاد الجهيني ومسك دراعها بغيظ وقال تقدري تفهميني بتعملي ايه في الشقه دي وتبع الناس دول هاااا
نونه / خرجت من اوضتها وهى سانده على عكاز وقالت انا هفهمك يا سليم يا بني سلمي بتعمل ايه هنا………….
__________________________
في الفيلا عند روان
كانت عاليه لسه في اوضتها ودخلت عليها هدير لقيتها واقعه على الارض نزلت وحاول تفوق فيها مفاقتش
هدير / ضحكت بشر وقالت بالسلامه يا قلبي وطلعت فونها وقالت انت فين اطلع يلا خلاص نامت
وبعد وقت أتفتح باب اوضه روان ودخل منه على
على / بص على عاليه اللي على الارض وقال نامت
هدير / كله تمام يا برنس انت تؤمر
علي / طب اخرجي انتي وزي ما اتفقنا
هدير / بصت علي عاليه وبصيتله وقالت بالشفا وخرجت
علي / ميل علي عاليه وشالها من على الارض وحطها على السرير وعدلها وشال شعرها من على وشها وكان اول مره يدق في ملامحها الجميله
علي / اتنهد ومد ايده عشان يفتح زراير البلوزه بتاعتها …بس ايد عاليه مسكته وفتحت عيونها
علي / اتخض وبص عليها وقال ع.عاليه!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
