رواية أم البنات الفصل الثالث والعشرون 23 بقلم ريهام علي
رواية أم البنات البارت الثالث والعشرون
رواية أم البنات الجزء الثالث والعشرون
رواية أم البنات الحلقة الثالثة والعشرون
في المخزن..
شادي وضح اللعبه لايمن ودا جننه اكتر..
ايمن / بعصبيه يعني ايه كلامك ده
شادي / يعني انا اللي لعبت عليك يا ايمن بيه كان لازم اظهرلك اني في صفك عشان متروحش لحد غيري من البدايه وتعملوا كل ده من ورايا وتضيعوا حقهم
ايمن / حقهم !!!! حق مين دول ازاي يعني واحد زي ده خالي لقاه في الشارع يورث ملايين كده منه وهو مش من صلبه ده يبقى حق
شادي / والله يا ايمن بيه من حكم في ماله ما ظلم سامح بيه كان حر في كل حاجه عملها زي ما والدتك برضه كانت حره انها تكتبلهم ورثها هى كمان
ايمن / ضحك بسخريه وقال انت مجنون صح ورث مين دا اللي مكتوب لهم
شادي / ورث مدام نوراه السعيد … واللي انت ما تعرفوش بقى ان الشركات بتاعتكم دي كلها باسم مدام نوراه مش باسمكم … ابوكم الله يرحمه في الاساس كان كاتبلها كل حاجه قبل ما يموت ووصاها ما تعرفكمش عشان تشوفكم هتسالوا عليها عشان هي امكم ولا عشان الورث
ايمن / مسك راسه بأيده الاثنين وقال انت مجنون صح انت اكيد بتكذب عليا وبتهزر
شادي / ضحك وقال اظن الموقف اللي احنا فيه ده ما يستدعيش الهزار خالص
ايمن / كان مش مصدق نفسه باللي حصل فيه وكان بيتحرك بشكل مش طبيعي وراح عند شادي وقال بقى انت تضحك عليا انا وتلوي دراعي .. انت اللي تتفق معايا بخطفهم وتعمل كل التمثيليه دي عليا انا عشان ترجعلهم حقهم … وضحك بسخريه وقالوا انت فاكرني هسيبك هاااه انت بتحلم وعلى صوته اكتر وقال مش ايمن الجهيني اللي ينضحك عليه يا شادي انت سامعني وراح شد منه الشنطه اللي فيها الفلوس وقالت دي مبقتش من حقك
شادي / ضحك بسخريه وقال وانا ما يرضنيش ان حقي يبقى من سكه شمال
ايمن / وانت فاكر انك مش هتاخد حقك لا تبقى بتحلم انت حقك هتاخده منى حالا وبسرعه شد اجزاء مسدس وحاول يضربه بالنار ..
بس هجم عليه رافت وجت الرصاصه في الارض شادي استغل انشغال ايمن ورافت وهجم على ايمن وزقوا بعيد عن رافت ووقعه على الارض
ايمن شد اجزاء مسدسه تاني وضرب في شادي رصاصه جت في صدره
شادي وقع علي الارض محسش بنفسه
سلمى وخلود صرخوا لما شافو شادي انضرب بالنار
رافت / انت عملت ايه يا مجنون أ.انت قتلته
ايمن / كان في حاله غريبه وبعصبيه قال وهقتلكم انتو كمان لو مرجعتوليش حقي انتو فاهمين مش ممكن حقي يضيع مني بسهوله كده
رافت / ايمن اللي انت بتعمله ده هيوديك في داهيه ارجوك ننقذ شادي الاول وبعدين هنعملك اللي انت عايزه
ايمن / بصراخ انا عاااااايز حققققققي وبس انت فاهم وبص لخلود وسلمى وقال يا اما هتشوف الاتنين دول مع الرجاله اللي بره دي وهم بيتمتعوا بجمالهم وجمال جسمهم
سلمى وخلود ضموا بعض بخوف
رافت / بصله وقال انت اكيد اتجننت
ايمن / ضحك بسخريه وقال هتشوف الجنان حالا وقرب من سلمي وحاول يحسس على خدها
رافت / زق أيده وقال ابعد ايدك الن*** دي عنها وشد خلود وسلمى ورا ضهره
ايمن / لا راجل قوي يا واد
رافت / انا ارجل منك
وفي الوقت ده باب المخزن أتفتح وكان البوليس وضربوا نار على ايمن
ايمن كمان كان بيحاول يضرب عليهم نار ورافت حاول يشد سلمى وخلود عشان يبعدوا عن ضرب النار
بس ايمن شد خلود وجه المسدس على دماغها وقال اللي هيقرب منها موتها حالا
خلود / لا لا والنبي انا مش بتاعه اكشن والله
ايمن / اخرسي خالص وبص للعساكر وقال بهدوء كده انسحبوا عشان مقلتلهاش
خلود / وسعوا والنبي ده مجنون ويعملها وانا لسه صغيره متهنتش بزهرة شبابي
الظابط / مفيش داعي للمقاومه المكان كله محاصر مش هتعرف تخرج بيها
ايمن / بص لخلود وقالت يا خساره يا حلوه شكلهم مستهونين بيكي ومش فارق معاهم موتك
خلود / ما هو لازم يعني مفرقش معاهم هو انت فاكر نفسك خاطف مايا دياب
ايمن / وسعود الطريق عشان مقلتلهاش بقولكم
الظابط / طلباتك ايه يا ايمن وتسيبها
ايمن / توسعولي الاول و امشي من هنا
الزابط / ده مستحيل يحصل
ايمن / يبقى هموتها حالا وجه المسدس على دماغها
خلود / لطمت على وشها وقالت انا قولت ليله سودا والله ضحكوا عليا
ايمن / اخرسي بقولك انتو ……
وفجاه حاسس بحد ضربه على دماغه ووقع على الارض
خلود بصت راها وقالت باستغراب شادي !!!
_________________________________
في بيت امين شكري
كان الظابط قاعد معاهم وحكالهم كلهم على كل اللي حصل
سليم / يعني خطفهم ده بالاتفاق مع شادي
الضابط / بالظبط كده شادي بلغنا كل حاجه من اول ما ايمن راحله المكتب واتفق معاه وهو اللي اقترح عليه فكره الخطف دي عشان يكونوا تحت عيونا ونكون احنا معاه خطوه بخطوه وكمان يقدر يرجع الامانه لاصحابها عشان كدا فيه تسجيل زرعناه في هدومه عشان نسمع كل اللي هيحصل هناك منهم
سليم / طب وايمن د.دا مجنون ده ممكن يقتل شادي لو عرف الحقيقه وانه باعوا
الظابط / معدتش علينا دي يا دكتور سليم احنا ملبسين شادي واقي رصاص عشان متوقعين من ايمن اي رد فعل
فاطمه / طب شادي وحافظتو عليه وامنتوه طب وبنتي وابني
الظابط / يا حاجه …..
قطع كلامه اتصال من ظابط اخر يطمنه بأنتها العمليه وقال الحمد لله انها عدت على خير جمعلي الكل بقى وارجعوا القاهره حالا سلام
وبصلهم وقال الحمد لله كلهم بخير ومحدش فيهم اتصاب
فاطمه وعاليه ومليكه وقفوا بفرحه
الظابط / هما راجعين على القاهره دلوقتي
سليم / انا جاي مع حضرتك
فاطمه / وانا كمان هاجي معاك
سليم / خليكي انتي يا ماما وانا هروح اجيبهم بسرعه
فاطمه / لا لا مش هقدر ومشيوا كلهم مع بعض وراوحوا علي القسم
______________________________
في المخزن
بصت خلود وراها لقيت شادي
خلود / بصتله بخوف وصرخت عاااااااااااا
شادي / اهدي يا مجنونه بتصرخي ليه
خلود / عاااااااااااااااا
شادي / ربنا يهدك يا شيخه صوتك خرم وداني بتصرخي ليه يا بت
خلود / ه.ه.هو انت ماموتش
شادي / ضحك وقال لا يا ستي ماموتش انا ايوه ماموتش في بعادك انا ماموتش
خلود / وليك نفس تغني يا اخويا
رافت وسلمى والضابط والكل راح عليهم
الظابط / طبطب على كتف شادي وقال حمد لله على سلامتك يا شادي
شادي / ربنا يخليك يا فندم متشكر أوي
الظابط / احنا اللي متشكرين أنك ساعدتنا
رافت / انا مش فاهم حاجه
سلمى / ولا انا انت ازاي عايش كده يا شادي
شادي / قلع القميص وظهرلهم واقي الرصاص وقالوا ده يا ستي هو اللي حماني
رافت / انت كنت متفق مع البوليس
شادي / كان لازم اجاريه في الكلام واعرف هو هيعمل ايه معاكم بالظبط عشان اقدر احافظ عليكم وعلى حقوقكم منه
رافت / حضنه وبفرحه وقال ونعم الاخلاق
سلمى / احمم شادي انا اسفه اني شكيت فيك
شادي / ولا يهمك يا سلمى انتو معذورين
رافت / طب ليه ما بلغتلناش
شادي / مكنش ينفع مكنش هيبان عليكم التوتر وكان ده ممكن يقلق ايمن
الظابط / اتفضلوا معايا يلا عشان نرجع القاهره حالا
ولم كل الموجودين ورجعوا للقاهره
________________________________
بعد مرور وقت
وصلوا القاهره والكل كان في انتظارهم وجريوا رافت وسلمي على فاطمه وحضنوها
فاطمه / بدموع حمد لله على سلامتكم يا حبايبي ربنا ما يحرمني منكم ابدا
رافت / ولا يحرمنا منك يا ست الكل
سليم / مسك ايد سلمي وقال حمدالله على سلامتك يا حبيبتي كنت هموت عليكي من القلق والله
سلمى / ربنا ما يحرمني منك يا حبيبي
رافت / احم احم نحن هنا يا استاذ
سليم / متجوزوني البت دي بقى يا ماما بدال ما افقد اعصابي
الكل / هههههههه
رافت / عندك الكلام ده يبقى في البيت وتجمعلي مالك وعلى كمان عشان تطلبوهم مني رسمي فهمي نظمي
سليم / وانا معنديش مانع النهارده
شادي / وانا هكون شاهد على عقد جوازكم ده يلا هديه مني ليكم
رافت / وانا كمان هكون شاهد على عقد جواز اخواتي طبعا وبص لشادي وقال صحيح يا شادي عايزك معايا عشان اعدل اسمي
شادي / بس كده عيوني طبعا
فاطمه / هتكتبوا ايه يا حبيبي
رافت / بص لسلمى بقلق وبص لفاطمه وقالت ل.لو مش هيضايقك يا ماما انه يفضل رافت زي ما هو بس يتغير اسم الاب
فاطمه / اصيل يا حبيبي عارفه انت عايزه ليه يفضل رافت ربنا يحميك
رافت / بسعاده يعني مش زعلانه مني
فاطمه / بالعكس انا فخوره بيك اوي ربنا يحميك لشبابك يا ابني
رافت / باس ايديها وقال ربنا يخليك ليا يا ست الكل
خلود / حلوه اوي النهايه دي انزلي يابني بالتتر
الكل / ههههههههه
شادي / يخرب عقلك انتي علطول كلامك هزار كدا
خلود / اسكت انت ياجدع انا مخنوقه منك اصلا
شادي / باستغراب انا !!! ليه
خلود / بقا توهمني بالجواز وتخلي بيا يا خسارة قلبك اللي اتكسر ياخوخه
رافت وسلمي وشادي / ههههههههههه
شادي / اوعدك هعيد التفكير مره اخري
خلود / ربعت ايدها علي صدرها وقال بكبرياء مصطنع طلبك مرفوض
الكل / ههههههههههههه
فاطمه / دمك زي العسل يابنتي والله
خلود / ربنا يخليكي يا طنط وبصت لشادي وقالت ما تشوفهم بقا خليني ارجع اسكندريه لامي واخواتي بقا زمانهم قلقانين عليا
شادي / لا لا متقلقيش فيه ظابط راحلهم برضو وقالهم علي اللي حصل وفهمهم الموقف
خلود / الحمد لله انها عدت بخير وفرصه سعيده يا جماعه والله كان نفسي اقابلكم في ليله بيضا عن كدا
فاطمه / احنا اسعد ياحببتي ربنا يسعدكم كلكم يارب
الكل / يارب
وبعد ما التحقيقات انتهت أتقبض على ايمن الجهيني
اما خلود رجعت اسكندريه من تاني
_________________________________
بدا التحضير لفرح الثلاثي العظيم
سلمى وسليم 💖
مليكه ومالك💖
عاليه وعلى 💖
بدا التحضير للفرح وكان الفرح في فندق في قاعه شيك جدا جدا وكانوا البنات كل واحده منهم في اوضه عشان تجهز نفسها فيها
في اوضه سلمى
كان معاها ساره وميرنا ومروه وكانوا فرحانين ليها ولفرحتها وعرفت كمان بخبر خطوبة ساره ومحمد وجواز ميرنا ويوسف
سلمى / انا فرحتي اللي بجد انكم جيتولي الفرح ومعاكم الاخبار الحلوه دي الف مبروك يا سرسور الف مبروك يا ميرنا
مروه / قوليلي يا ميري عرفتي ازاي ان يوسف بيحبك
ميرنا / هقولكم يا ستي
فلاااااااااش بااااااااااك
يوم فرح ميرنا ويوسف بعد ما الفرح خلص وراح يوسف وميرنا لبيتهم ودخلوا
ميرنا كان بالنسبالها ده اسعد يوم بس مش قادره تعرف موقف يوسف وخصوصا ان جوازهم كان بالامر من جدهم الكبير لان بناتهم لازم يتجوزوا اولاد العيله والبنات مبتخرجش من بره العيله
يوسف / احمم ممكن تدخلي تنامي في الاوضه براحتك وانا مش هزعجك
ميرنا / مفيش ازعاج ولا حاجه يا يوسف انت ممكن تنام معايا عادي انت جوزي
يوسف / اتنهد وقال بصي حكايه المنديل دي انا هخلصها بنفسي عشان لو حد سالك بكره عن حاجه متتوتريش
ميرنا / باستغراب يعني ايه
يوسف / ما تشغليش بالك يا بنت عمي انا مش غصب عليكي في حاجه ومش هجبرك تعيشي معايا غصب عنك انا عارف انك مغصوبه عليا بامر من جدي وانا كمان مش هغصب عليك في حقي منك لا عادي هنعيش مع بعض فتره مؤقته لحد ما ينسوا ولو عايزه اطلقك معنديش مانع
ميرنا / بدموع تطلقني !!!! وانت لسه اتجوزتني يا يوسف عشان تطلقني
يوسف / اتجوزك ازاي يعني وانتي مغصوب عليكي … وبعصبيه قال افهمي مفيش راجل بجد يقبلها علي كرامته يعاشر واحده بالغصب
ميرنا / بعصبيه ومين قالك اننا مغصوب عليا انت ليه مش عايز تفهم ولا تحس مفيش بنت في الزمن ده بيتغصب عليها الجواز وبعدين ده شكل واحده مغصوب عليها …. من واحنا صغيرين و انا بسمع كلامك و بقولك نعم وحاضر ومبحبش ازعلك بخاف على زعلك جدا بحب اكون جنبك ولما كبرنا واتخطبنا لبعض كانت فرحتي اللي بجد
لو كنت مغصوبه عليك كنت هعمل حاجات تضايقك مني ولا أيه انا كنت بعرف عنك كل حاجه و اعملها عشان ما تطلبش مني حاجه
يا اخي انا درست هندسه مخصوص عشانك عشان بحبك يا يوسف خوفت ادرس اقل منك تجيب الحجه ان تعليمي اقل منك
يوسف / بفرحه بتحبيني انتي بتتكلمي بجد يا ميرنا
ميرنا / انت شايف ان ده وقته هزار بزمتك
يوسف / حضنها بقوه وقال وانا بعشقك والله العظيم بحبك اوي
ميرنا / وهي بتعيط بتقولهالي عشان تجبر بخاطري يا يوسف
يوسف / خرجها من حضنه وبصلها بحنان وقال ابدا والله انتي حب عمري كله بس كنت خايف اعترفلك بحبي تكوني بتحبي حد غيري
ميرنا / عمر عيوني ما شافت راجل غيرك والله
يوسف / وانا عمري عيوني ما شافت غيرك يا قلبي
ميرنا / حضنته بفرحه وقالت بعشقك يا معذبني
يوسف / غمزلها وقال هنسيكي كل العذاب حالا تعالى …….
بااااااااااااااااك
ميرنا / بااااس هو ده اللي حصل
مروه / يا حبيبتي اكيد فرحتك كانت فرحتين دلوقتي
ميرنا / انتي بتقولي فيها يا مروه دي كانت اسعد لحظه في حياتي
ساره / قوليلي يا ميري يوسف تحت عشان اعرفه بمحمد
ميرنا / اه يا حبيبتي وبصت لمروه وقالت عقبالك يا رومي
مروه / اتنهدت بوجع وقالت ربنا يسهل
سلمى / مش ناويه تفكيها بقى يا مروه وتنسى اللي حصلها
مروه / سلمى ارجوكي بلاش تفتحي سيرة الموضوع ده الله يخليكي
ساره / خلاص خلاص يا مروه ما تزعليش اهم حاجه فرفشي بس وافتكروا اننا اتجمعنا زي زمان
ميرنا / ربنا يديم صحبتنا الحلوه
البنات / يارب
______________________________
كانت تحت في القاعه
قاعد مالك وعلي وسليم في قمه الشياكه وكل واحد كان منتظر اميرته الحلوه
ورافت وفاطمه كانوا قاعدين مع بعض
فاطمه / عقبالك يا حبيبي
رافت / في حياتك يا ست الكل
بعد شويه جه عليهم سليم ومالك وعلي
سليم / ايه يا رافت مش هتطلع تجيب اخواتك
فاطمه / اطلعوا انتو جيبوهم يا اولاد
سليم / يا سلام عليكي يا حماتي هو في حماه عسل كده
رافت / خليك باحترامك يا سليم هاااا انتو لسه مكتبتوش الكتاب
على / بكل احترام والله يا رافت
مالك / عيييب عليك تقولنا الكلمه دي
رافت / يا خوفي على اخواتي الليله دي منكم انا بفكر الغي الجوازه دي اصلا انا لسه ما شبعتش منهم
مالك وعلى وسليم / مع بعض بصوت عالي قالو نعمممم
رافت / احممم بقول ربنا يتمملكم بخير
مالك وسليم وعلى / آااااااااااه بنحسب
فاطمه / يلا يا اولاد بقى اطلعو هاتوهم عشان تكتبوا الكتاب
وطلعو الثلاثه لاوض البنات
في اوضه مليكه💖
دخل مالك ليها وكان معاها اصحابها جيلان ومياده وكانت مليكه جميله اوي بالفستان والميكب
البنات / طب احنا هننزل تحت نستناكي يا مليكه وخرجوا
مالك / راح عندها وقال ايه الجمال ده يا لوكا
مليكه / احممم م.مالك وكانت بترجع لورا وقالت م.مالك متوترنيش انا متوتره خلقه
مالك / تؤ تؤ تؤ مش عايزك تتوتري خالص
مليكه / طب اخرج بقى
مالك / قرب منها ومسك ايدها وباسها برقه وقال لا مش هخرج مامتك اللي قالتلي اطلع عشان اخدك وننزل مع بعض يلا عشان كلهم تحت ومستنيينك
في اوضه عاليه💖
كانت معاها رنا وشذا صحبتها ودخل على
على / اول ما شاف عاليه كان فرحان اوي بشكلها وخصوصا انها كانت جميله ودخل وهو بيغني وبيرقص ويقول بوم تك بوم عروستي بوم تك بوم عروستي بوم تك بوم عااااروستي لا لا لا لا عروستي عروستي
رنا / لا اله الا الله الولد اتخبل يا جدعان مالك يا اخويا ما انت كنت بعقلك
على / وحد يشوف الجمال ده وما يتخبلش برضه
شذى / طب يلا يا رنا احنا ننزل
رنا / ماشي يالا وشوشت علي وقالتله حاسب علي البت هتموت من الخوف
علي / غمزلها وقال كله اندر كنترول
رنا / يسترها عليكي ربنا يا عاليه واخدت شذا ونزلو مع بعض
على / بص لعاليه وراح عندها وقال ايه الجمال ده بس
عاليه / بكسوف ميرسي
على / اخيرا يا عاليه هتبقى مراتي انا مش مصدق نفسي
عاليه / لا اصدق يا علي احنا صبرنا كتير
علي / باس جبينها وقال مبروك يا روحي ومسك ايدها عشان ينزلوا
عاليه / استني هنا مش المفروض رأفت اللي يطلع ياخدني
علي / لا يا ستي مامتك اللي قالتلنا اطلعو انتو يالا بقا الكل بانتظاركم تحت والماذون مستني وانا مستني قبلة ما بعد كتب الكتاب
عاليه / نعم يا روح امك
علي / احمم انصرف يا حفيظ رجعلي عاليه الكيوت
عاليه / ههههههه كدا ماشي
علي / طب يالا للشيطان يلعب معايا وغمزلها واخدها ونزلوا
في اوضه سلمى 💖
دخل سليم وباركو ليه البنات
ساره / الف مبروك يا دكتور
ميرنا / مبروك يا دكتور سليم
مروه / صبرت ونولت والله يا دكتور
سليم / الله يبارك فيكو يا بنات
البنات / احمم طب هننزل احنا ونستناكم وسابوهم وخرجوا
سليم / راح لسلمى واتنهد بحراره وقال هاااانت كلها كاام دقيقه والبسك شبكتك اخيرا يا زوجتي العزيزه
سلمى / ههههههههه مش ناسي انت موضوع الشبكه ده
سليم / حد قالك عليا اننا اهبل انسى ايه ده انا قتيلك من الليله
سلمى / ضحكت وقالت مجنون
سليم / طب يلا ننزل عشان ما وركيش الجنان على اصله ومسك ايدها ونزلو
نزل كل اتنين مع بعض وكانوا في قمه الشياكه والكل كان مبهور بجمالهم
ووسط الزفه الجميله راحوا عشان يكتبوا الكتاب وكان الاول كتب كتاب سلمى وسليم
وقعد سليم خرج بطاقته
الماذون / اين وكيل العروسه
سمعوا صوت حد وهو بيقول انا وكيل العرايس ………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
