رواية أمير وبتول الفصل الثالث 3 بقلم ميرنا ناصر
رواية أمير وبتول البارت الثالث
رواية أمير وبتول الجزء الثالث
رواية أمير وبتول الحلقة الثالثة
جبت لك أوردر إنما إيـه سكر.
= بجد ياقمر أوردر أخيرًا.. دا انا قربت أنسى الشغل.. بسرعة هاتِ رقم العملية وقولي لى التفاصيل.
_ بالراحة على نفسك شوية.. بصِ ياستى، أولا فاكرة هويدا هانم؟
= هويدا هانم..هويدا.. اه مش دى اللى عملت لحفيدها التورته بتاعته من خمس شهور؟
_ الله ينور عليكِ، الحفلة دى بقى كان معزوم فيها سيدات مجتمع انتِ عارفة طبعا هويدا دى تبقى إيـه.. المهم ياستى هويدا دى كلمتنى النهارده وقالتلى إن فى واحده من الهوانم دول إسمها نهى هانم عايزه تعمل تورتة بمقاسات خاصة وتتعمل عندهم.
= عندهم؟!
_اه فى الفيلا بتاعتهم.
= لا ياعم ڤيلا ايه يفتح الله.
_ إن شاء الله دماغك تتفتح ، انتِ عارفة هتديكِ كام؟ وكل الماتريل عليهم؟
= كام يعنى ألف جنية بناقص ياعم.. انا مبروحش لحد غير لما أسلم الأوردر، ومن الباب كدا غير كدا لا يا قمر.
_ ألف جنية دا أكبر مبلغ جالك يعنى؟ الست هتديكِ خمسة.
= خمسة إيـه؟!
_ خمسة الاف يابتول.. هتصلحى الخلاط، ومش بس كدا هتجيبى باقى الادوات اللى محتاجاها وباظت وهتدفعى تمن إيجار البوتجاز اللى واخداه ومكركبة لأمك البيت.
= خلق الإنسان ضعيفًا..رقمــــــــــها بسرعة بقا علشان الحق استعد.
_ طب والحضانة يابتول.
= هدخل أخد إذن ياقمر متحبكيهاش.
__________________________________________
| ڤيلا نهى هانم |
=صباح الخير يانهى هانم..انا الشيف بـتول
_ شكلك جميل شبه عمايل إيدك.
= تسلمي لى.. حضرتك دى أول مرة أشتغل بره و
_ مفيش مشكلة يبقوا ستة ألاف جنية المهم لولى حفيدتى تبقى مبسوطة لإنها مش عايزة العيد ميلاد اصلا.
= حضرتك مش عايزة زيادة الخمسة كتير جدا أصلا.
_ شكلك مش طماعة زى الاشكال اللى جوه دى
= مش فاهمه!
_ على مهندسة الديكور.. المهم لاوهما مش كتير إنتِ عارفة انا عايزه منك إيه؟
= هى قمر قالت لى حضرتك عايزاها بمقاسات خاصة يعنى عايزاها كبيرة مش ازمة تحت أمرك.
_ كبيرة! لا يابتول انا عايزها متر طولها ١٠٠× ٦٠ سنتى.
= متر!.
_ اه وعايزة شخصيات كرتونية فوق التورتة لولى بتحبها سندريلا، وروبونزل، شلبى ونيمو وإسبونج بوب بس كدا
= بس كدا!! دول حضرتك مش فاضل غير إتنين وتبقى جمعتِ ديزنى كلهم
_ لا هسيب مكان عشان تكتبى إسمها لولى ..دلوقت الساعة ١ الساعة ٦ الناس هتبدأ تتجمع يعنى عايزه التورتة الساعة ٥ تكون جاهزة عشان لولى تشوفها فى الأول.. كل الخدم اللى فى المطبخ تحت أمرك.
“إبتديت أدخل المطبخ واطلع الادوات واشغل قصائد عمرو حسن صديقى الهادى اللى بختاره فى وقت الشغل المتعب علشان كلماته بتسحر الوقت وتخليه هين معايا، ابتديت اطلع النوتس عشان انظم أفكارى ونظمتها فعلا وابتديت أقسم المهام على الشيفات اللى ف المطلخ يساعدونى. ”
= هو إيه ياطنط غالية الصوت الصعب دا؟
_ دا أمير بيه… اسم على مسمى والله بس النهارده متعصب أوى .. من أول اليوم خناق .. نكد على ست لولى أكتر ماهى متنكدة.
= مين ست لولى دى البنت الصغيره حفيدة مدام نهى؟
_ هى ياحبة عينى نفسيتها تعبانة من ساعة وفاة الست فرح مامتها الله يرحمها.
= ياحرام البنت صاحبة عيد الميلاد مامتها متوفية..
” فضلت شغالة بكل طاقتى بنحت شكل شخصية ريبونزل و وبتابع الكيك الكبيرة دى عشان التورتة وبدعى من جوايا إن التورتة تعجب البنت وتفرحها حاجة تنسيها ولو ليوم وجع فراق الأم..»
_________________________________________
| الساعة الخامسة |
” حضرت التورتة، زينتها، ووضعت عليها الشخصيات الكرتونية وكتب إسم ” لولى ” .. وفجأة سمعت صوت صراخ أطفال صعب جدا وتكسير.، ومقابل هذا الصوت، صوت رخيم وصعب بيعنف البنت بقسوة جريت على مكان الصوت على رغم من إن طنط غالية حاولت تمنعنى مرات ”
= أماليا وقفى اللى بتعمليه فورًا.
_ ميس توتا
” فجأة لقيتها فى حضنى وبتعيط بحرقة شديدة، الفكرة إنى مكنتش متخيلة أماليا هى لولى البنت الشقية اللى لسه حافظة ملامحها لحد النهارده حتى بعد ما كبرت وسابت الحضانة ”
_ انا مش ع..عا..عايزة عيد ميلاد.
= أماليا.. ممكن نهدى؟ ونمسح دموعنا ونتكلم بهدوء.
+مين البتاعة دى؟ وبتتكلم مع لولى وبتحضنها بأى حق
_انا بكرهك يا بابى . بكرهك ..دى الميس بتاعتى توتا ومتكلمهاش كدا
= انت إزاى يابنى آدم انت تعنف طفلة بالشكل ده؟ انت بجد خسارة فيك كلمة بنى آدم .
+ حد يرد عليا ياجماعة مين الانسانة المزعجة، قليلة الذوق والادب دى.
= هو اللى ميعرفش الذوق والادب حضرتك مش انا..
_ حبيبى ممكن تهدى يابنى دى الشيف اللى عملت تورتة لولى.
_ وتبقى الميس بتاعتى ياتيتا كانت فى حضانه.
_ عارفة يالولى إنها مدرسة فى الحضانة بتاعتك ممكن تطلعى دلوقت؟
” كنت متعصبة جدًا نفسى انفجر فيه، وشايفة لولى واقفة على السلم متابعة الحديث ”
_ انا اسفة ياشيف بتول..بس يعنى والله أمير مش كدا بس متعصب حقك عليا انا.
“كتب شيك بمبلغ كبير جدا من كتر التوتر معرفتش اقرأه ورماه على الارض”
+ شاكرين لأفضالك وقلة ذوقك مع السلامة
= لولى تعالى..انا شايفاكِ.
” حضنتها بقوة ومسكت ايدها ”
= لولى إنتِ بتحبينى صح؟ انا عايزاكِ تحضرى حفلة عيدك ميلادك وتلبسى الدريس اللى انتِ رمتيه فى الارض ده..بصيت له وبحاول أكون متماسكة..بابا ذوقه حلو جدا فى الدريس.. هتبقى شبه سندريلا، الاميرات حتى لو زعلانين او متضايقين بيلبسوا فساتين وبيعملوا عيد ميلاد ويحتفلوا إنهم كبروا سنه..هديتى ليكِ التورتة الحلوة اوى اللى عملتها ميس توتا لأميرة اماليا..
” وقفت قُصاده وقطعت الشيك وحطيتهم فى الباسكيت ومشيت ”
____________________________________________
| صباح اليوم التالى |
_ انا اتأسفت لحضرتك ودى سادس مرة اقدم ليكِ الشيك.
= أمير بيه.. انا قولت لـ أماليا إن دى هديتها..هل ينفع أخد تمن هدية؟!
_ بس حضرتك انا.
= حضرتك وقت البريك بتاع حضرتى إنتهى..فحضرتك أسفك مقبول وانا فهمت حضرتك ان انا عملتها هدية لبنت
حضرتك..فى حاجة تانى؟
_ تبقى بنت أختى الله يرحمها.. بس هى بنتى من وقت ما والدها ماتوفى سابها فى اللفه وبقيت باباها واخوها وخالها وصاحبها وأهى فرح كمان إتوفت واليوم دا كنت متعصب علشان أهل باباها عايزين ياخدوها ومكنتش عارف أحتوى رفضها وزعلها وانها مش عايزه تعمل عيد ميلاد.. انا اسف إنها جات فيكِ وطلعت عصبيتى عليكى وعلى البنت.
= حصل خير..متخفش محدش هياخدها منك فى قانون فى البلد والبنت سنها صغير.
_ على فكرة انتِ موهوبة، التورتة من جمالها كنت عايز أحتفظ بيها ومش بس موهوبة انتِ جميلة.. وعلى فكرة انا كمان بحب عمرو حسن
___________________________________________
” عدت شهور وبقينا أصحاب بزورهم وبيزورونى.. ناس لطيفة..أو أمير لطيف مش أوى يعنى..لا اوى بصراحة ”
_ بتول انتِ ليكِ فتره مش عايزانا نتقابل ليه؟
= عشان ماما نهى بطلت تنزل معانا هى وأماليا ودى تالت مره فحسيت إنه…إنه يعنى بقيت تقيلة ومش مرغوب فى وجودى
_ مش يمكن بيسبونا لوحدنا شويه.
= ايـه!
_ إيه؟! هو انتِ شايفانى ازاى؟ غير حوار إنى إبنك دا عشان معصبنى.
= دا جزاتى إنى بعاملك زى إبنى؟
_ بس يابتول.. بتشوفينى إزاى بجد؟
= بدقن وشنب.
_ مش ده.. مش ده
= بشوفك ناجح جدا فى شغلك واتمنى أكون زيك وأعمل البراند بتاعى توتى للحلويات ، واب عظيم لـ لولى وانت لسه مجربتش الابوه أصلا، وصاحب جدع، وابن صالح لمامتك وحد حنين.. ايه رايح فين
” قصيدة عمرو حسن اشتغلت وقف أمير وبدأ يتكلم مع القصيدة وطلع علبة قطيفة من جيبة ”
_ بقولك إيـه تتجوزينى..أيوة اللى سمعتيه بالظبط..ودا مش طيش ولا فرط حماس
هل تقبلى إبنك يكونلك أب؟ بحبك يابتول تتجوزينى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أمير وبتول)
