رواية أميرة ورامز الفصل الثالث 3 بقلم ضحى سعد
رواية أميرة ورامز الجزء الثالث
رواية أميرة ورامز البارت الثالث
رواية أميرة ورامز الحلقة الثالثة
* ميرو نزلت الچيم واه ميرو عشان كله هناك عرفنها وبيحبوها واخدت ميداليات كتير اوي من خلال المكان دا كلهم رحبوا بيها وسلموا عليها وعملوها بلطف جدا حقيقي هي انبسطت وثقه في نفسها بقا أعلي كمان
كابتن رامز : ازيك يا اميره عامله وحشتينا والمكان كمان وحشتيه وفاتك بطولات و…
اميره : اهلا يا كابتن ازيك معلش انا بس كان عندي ظروف جامده شويه بس هتروح لحالها إن شاء الله
رامز: وكابتن لي لي كابتن انا مش كبير للدرجه علفكرا انا بيني وبينك سبع سنين بس يا استاذه ههه
اميره : ماشي ياااااا رامز ها هندرب اي بقا انهارده
واه صحيح سجل اسمي في اول تقييم هيبدأ
رامز : حقيقي انا مبسوط بيكي جدا ومتفائل بنشاطك وبرجوعك لينا وللمكان تاني … يلا بينا نبدا يا كابتن اميره دا انتي اللي كابتن يا اميره ههه يلا بينااا
_______________________________ وعدي اليوم
اميره : يالهووووي جسمي متكسر ياختاااي
داليا : عشان بقالك قرن مش راضيه تروحي يلا بقا عشان تشجعني اخس لحسن انا بقيت دبه
هيبقي ايامك اي بقا يا كابتن
اميره : كل يوم يحببتي انا خلاص بقيت كابتن الايروبكس تاني
داليا : مبروك مبروك يا قلبي عقبال الخطوه الجايه اللي نفسي فيها كده قولي إن شاء الله
اميره : هيحصل يا دودو بس كل حاجه في وقتها .
* ياه عدينا شهر بالسرعه دي وقبضت كمان ايام بتجري والله … وبعدين في رامز دا بقا عمال يلمح كتير وانا عارفه أنه كان معجب بيا من زمان اصلا بس انا اللي كنت مغيببه بقا يلا ربنا يسهل الحال
رامز : سرحانه في اي يا كابتن
اميره : بصراحه كده كنت بفكر انزل الجامعه بكره وطبعا انت عارف الموضوع إياه
رامز : انا كلمتك كتير وقولتلك أن الزفت جاسر بني آدم زباله ومكنش يستاهلك من الاول بس انتي مكنتيش وحده بالك وخلاص كفايا كده انتي موقفه حياتك عليه ليه واصلا الناس بتنسي وكل يوم في موضوع جديد والمهم بقا قولتي لعمتك زينب وخالتك مني اني عاوز اجي عندكوا ولا اي !!!!!!
اميره : (بفرحه وكسوف ) هو دا وقته يا رامز احنا بنقول اي خلينا في الخطوه دي الاول تعدي وتجيلي الشجاعه وحسبي الله في اللي كان السبب بجد انا كنت معميه يا رامز انت كنت عارفه وعارف انا كنت بثق فيه ازاي واصلا الصور دي كلها نصها مش بتاعتي والنص التاني صور عاديه بشعري اه منكرش لكن محدش قادر يفهم هو كان عندي اي وعلاقتها كانت صحاب واخوات قبل اي حاجه بس خلاص الحمد لله وبجد انا بحمد ربنا علي كل شخص قدر يفهمني صح وميشكش في أخلاقي وان هو اللي بني آدم زباله وانت واحد من الناس اللي بحمد ربنا عليها انها موجوده في حياتي يا رامز …
رامز : اي بتقولي اي
اميره : ولا حاجه انا بس لسه بفكر هعمل اي
رامز : اميره انا عارف انك كنتي بتروحي علي 10 الجامعه صح ؟!
اميره : صح
رامز : طيب خلاص بكره هيبقي تحت بيتك الساعه تسعه تكوني جاهزه وانت عارفه اصلا معرفتي القديمه بالناس اللي هناك يعني هدخل عادي جدا
اميره بزهول : بجد يا رامز انت هتيجي معايا ؟
رامز : ايوه طبعا لا يمكن اسيبك لوحدك في الخطوه دي لازم تتقوي بيا ولازم اكون جمبك
اميره : بجد شكرا اوي اوي يا رامز
رامز : المهم بكره تلبسي احلي طقم عندك وتضربي النضاره الشمس وهتبقي مستنياكي اجمد عربيه تحت بيتك يا كابتن تؤتؤ قصدي يا برنسس اميره اسمك اميره وانتي اميره فعلا …
____________________________________
* اليوم الموعود *
دخلت الكليه ومعايا رامز مسك أيدي اللي كانت متلجه وكنت بترعش من كل حته حرفيا اعصابي باظت في ثانيه دخلت القسم وبدأت ارجع في خطواتي لورا رامز قعد يتك علي ايدي جامد ويقولي لا يا كابتن اجمدي كده يلا بينا صحابي جم حبه حبه يسلموا عليا ويحضنوني وقعدوا يقولولي احلويتي وجسمك متظبط اوي شكلك رجعتي الچيم وطبعا سالوني علي رامز بس انا محبتش اريحهم في اي اجابه فجاه جت اللحظه اللي انا كنت قلقانه منها شفت هدير وصحابها وشلتها يعني
اول ما شفتني عينها جت في الارض وانا قعدت اضحك واهزر مع صحابي ورامز وكنت مبسوطه اوي كان شكلها غريب اوي اوي بس انا كبرت دماغي
نور : مبسوطه اوي انك جيتي يا اميره ومبسوطه أن حقك جه كمان وهدير دي اتفضحت قدام الدفعه كلها وعرفوا اد ايه هي مؤذيه مش هتصدقي اللي حصل
_____________________________
* بعد ما اختفيتي من الجامعه ومبقتيش تظهري وعدي اسبوع تقريبا الدفعه كلها اتحولت الدفعه كلها كأنهم صحوا وفاقوا كلكم راحوا يتعاركوا ويزعقوا مع هدير بدون اي مقدمات كلكم بقوا مستحقرينها وطلعهوها من كل الجروبات ومحدش بقي يقعد معاها في سكاشن ولا غيره غير كام واحده من صاحبها وكان باين اصلا أنهم متغيرين معاها وفجاه رجع جاسر في الاسبوع التاني رجع شكله غريب ومربي دقنه كده ومش مبسوط هي انبسطت اوي لما شفته بس هو عادي جاسر دا كلع حكايه وروايه وانتي كنتي معميه عن كل دا جاسر عمل حادثه وهو سكران في الساحل وخبط واحد وابنه واتسجن ولسه عليه حكم عشان أهله مش ساكتين يعني تقريبا كده حياته كلها باظت وفي مره كانت ماشيه وراه وباين اوي انه مكنش عاوز يمشي معاها فوق في الدور الرابع فجاه وقف زعق فيها قدمنا كلنا وقالها” غوري بقا يشيخه غوري من حياتي انا حياتي باظت انا هقضي بقيت عمري في السجن انا خلاص كده كل الللي انا فيه ذنب اميره البنت المحتررررمه الجميله الخلوقه اللي انتي شوهتيها اللي انا مستهلش ضوفر منها وهي برقبتك اصلا انتي زباااااله وافكارك كلها شبهك وبتحبي الشر زي عينك وانا بكرهك وربنا يسامحني علي اللي عملته مع اميره وكل اللي قبلها انا بني ادم غبي غوري بقا من حياتي ”
_________________________________
نور : وبس كده يستي وبقت سيرتهم علي كل لسان حرفيا وهو في السجن دلوقتي وهي خلاص اتصاحبت علي المعيد بتاع الرياضه وعايشه قصه حب تانيه فاشله شبهها
اميره : سبحان الله!! والحمد لله أنا حقي اترد في غيبتي وانا مش موجوده الحمد لله بجد انا فرحانه اوي اوي ( اميره سجدت في الأرض وقعدت تعيط ) من كتر فرحتها مكنتش مصدقه اللي سمعته
رامز : مبروك يا اميره رد حقك كنت واثق من كده من اول يوم عرفت فيه انتي جميله يا أميره وهتفضلي طول عمرك نضيفه من جوه ومن برا
بس … مش يلا بينا بقا نتغدي عن خالتك مني ولا ايه
اميره : طب يا بنات نتكلم علي الواتس بقا في الجروب بتاعنا انا داخله فيه تاني
يلا يا رامز عشان انا جعانه اوي يعني
رامز للبنات : قرايه فتحتنا الخميس الجاي علي الله حد فيكوا ميجيش يلا سلام
اميره بذهول : اي اللي بتقوله دا يا مجنون هو انا وفقت لسه طيب علفكرا بقا انا ” معنديش مانع”
رامز : امي الله يرحمها كانت دعيالي يبنتي والله ربنا يديمك في حياتي ويحفظك ليا قولي امين
اميره بفرحه : امين يا اخويا امين .
* رامز اتقدم لاميره في نفس اليوم واتخطبوا بعد شهر وكان وشها حلو اوي عليه قدر يشتري الچيم مش بس يبقي كابتن فيه وهي ساعدته خطوه بخطوه يومهم بقي واحد تقريبا حبها وفهم كل تفصيله فيها وهي زيه وزياده عنه حبه كمان وبعد سنه كانوا في بيتهم بيحتفلوا بعيد ميلاد رامز يوم 9/9
وهديه عيد ميلاده أن اميره حامل الفرحه مش سايعه المكان والضحك مالي البيت والدفي بين القلوب بيبات*
لقراءة الرواية كاملة اضغط على : (رواية أميرة ورامز)
