رواية أميرة ورامز الفصل الأول 1 بقلم ضحى سعد
رواية أميرة ورامز الجزء الأول
رواية أميرة ورامز البارت الأول
رواية أميرة ورامز الحلقة الأولى
التليفون بيرن ودي خامس مره
اميره : الو مين ؟! (بصوت واطي اوي وخوف )
نور : ايوه يا اميره انا متاكده من رقمك المرادي لو سمحتي ارجوكي متقفليش !
اميره : ايوه مين معايا لو سمحتي
نور : انا نور صحبتك في الكليه يا اميره انتي وحشتينا اوي بجد وانا حاولت كتير مع اختك داليا عشان تديني رقمك واطمن عليكي
* بعد صوت عياط نور سمعاه من اميره طول كلامها عنها وأنها وحشتها ووحشتهم كلهم *
اميره : ايوه يا نور وانتي والخمس بنات وحشتوني اوي بردو بس انا علي موقفي صدقيني مش هقدر انزل الكليه تاني صدقيني ….
نور : اميره احنا في سنه تانيه جامعه ولسه قدمنا سنين كتير ووقت تقدري تعيشيه وتواجهي فيه
” واكيد موضوعك هيتنسي” ……………………..
اميره : لو سمحتي يا نور متكلمنيش في الموصوع تاني انا خلاص مقرره اني اسيب الكليه وبجد عمري ما هرجع تاني وحسبي الله في كل واحد ظلمني كل واحد اعتبرته اغلي ما املك وفضحني كذب وعمل فيا اللي عمري ما هنساه طول حياتي ….. سلام يا نور
* اميره قعدت تعيط لمده ساعتين في الاوضه لوحدها قعدت تعيط لغايه ما ضغطها وطي واغم عليها وفضلت كده كمان ربع ساعه لغايه ما اختها جت من الشغل ولحقتها كالعاده ولما شفتها كده عرفت أن نور كلمتها وفتحت معاها الموضوع إياه……..
داليا : مش معقول كده يا اميره الدكتور ما حذرنا من انك ونهاري بالشكل دا تاني حرام عليكي نفسك انتي لي مش فاهمه انك اتظلمني واحنا عارفين وكفايا اني عارفه انا اختك الوحيده اللي من غيرك ولا حاجه والكلب جاسر الللي عمل معاكي كده انا مش هسيبه فاهمه مش هسيبه غير لما يعترف بالحق مش هسيبه غير لما اجبلك حقك افهمي انا بشتغل وبكبر عشانك عشان اخدلك حقك انا بقيت محاميه كبيره اوي يا اميره قضيتك شغاله وماشيه تمام وقريب اوي هيتعمله استدعاء وهجبلك حقك *
اميره : ربنا يخليكي ليا يا داليا انا مش عارفه من غيرك كان ممكن اعمل اي او يحصلي اي اصلا !
داليا : ربنا يحفظك وهينصرك يا قلب اختك ان شاء الله بس مع كل دا مينفعش اللي انتي فيه دا انا مش كل مره هلحق او هعرف الحقك طالبه منك حاجتين
الاولي: انك تخافي علي صحتك وتعملي حسابها اكتر من كده واعرفي قيمه نفسك
التانيه بقا : انك لازم لازم ترجعي الكليه مستقبلك هناك مستقبلك هو اللي هيرفعك هو اللي هيخليكي واثقه في نفسك طول العمر فكري تاني وانسي اي حاجه حصلت عشان كده كده حقك هيرجعلك.
* اميره قعدت لوحدها بعد ما اتعشوا سوا وهدت خالص قعدت تفكر في كلام اختها داليا ونور صحبتها في انها ترجع تكمل جامعتها ….
اميره : طب ازاي ازاي ياربي هقدر ارجع ما فضحني دا جاسر حب الابتدائي جاسر اللي اعتبرته اخويا وصحبي وحبيبي وابويا وهو كان عارف كل دا جاسر اللي كبرنا سوا جاسر اللي اتنزلت كتير عشانه وعشان تبقي معاه جاسر اللي وقفت قدام داليا عشانه بردو عمري ما هنسي اليوم دا ………….
*كان يوم التلات يوم ٨ في الشهر كان عندنا محاضرات كتير اوي وسكاشن هتخلص الساعه ٦ بليل كنت مكانه جاسر قولتله انا داخله من البوابه اهو وكان بقاله اسبوع غامض اول مره في حياتي مفهمش جاسر.
صحابي كانوا ست بنات كانوا زي اخواتي حسوا أن هدير معجبه بجاسر وان بدا يبقي في مبنهم حاجه بصراحه انا كنت شكه ولما فتحت مع جاسر الموضوع قعد يزعق ويقولي ازاي كده اي اللي انتي بتقوليه دا انا لا يمكن احب حد تاني غيرك افهمي وانسي الهبل دا
المهم اني دخلت الكليه اليوم دا وانا ماسكه شنطتي علي ضهري جيباله فطار كالعاده
اول ما عديت البوابه ……….لقيت كل شباب وبنات الدفعه بيبصولي اوووووي بشكل يخوف وانا اصلا بتوتر بسرعه اوي
يتبع…
لقراءة الفصل التالي : اضغط هنا
الرواية كاملة اضغط على : (رواية أميرة ورامز)
