رواية أميرة القصر المجهولة الفصل الثاني 2 بقلم اسماعيل موسى
رواية أميرة القصر المجهولة الجزء الثاني
رواية أميرة القصر المجهولة البارت الثاني
رواية أميرة القصر المجهولة الحلقة الثانية
تعلمت فى حياتى أننى حتى لو تأخرت
يمكننى إستعادة ذاتى فى اى وقت
برا البيت كان فيه ٣ عربيات ماركات مختلفه، bm ، مرسيدس، جاجور
الشاب قال اركبى!
البنت إلى معاهم خدتنى معاها وكانت الوحيده إلى ليها عربيه لوحدها وركبتنى جمبها
العربيات مشيت وانا قاعده مرتبكه
احنا رايحين فين؟
البنت قالت هتعرفى كل حاجه فى وقتها
كنت تعبانه جدا، السيارات بعدت عن القريه وانا كنت تعبانه نمت نوم عميق جدا
فتحت عنيه على خبطه رقيقه على كتفى، اصحى.
نزلت من العربيه معاهم، كان يتقدمنا الشاب الجميل إلى إدانى معطفه
وانفتح باب قصر كبير قدامنا
دخلت منه وكان فيه حرص ان مفيش اى شخص يلمحنى، عشان كده او مادخلنا القصر انحرفنا فى طرقه جانبيه فضلنا ماشين فيها لحد ما وصلنا غرفه وحمام ملحق بيها
البنت قالت خلاص مهمتكم انتهت، الكل مشى وفضلت انا والبت دى
ضغطت على زرار دخل من الباب مجموعه من الفتيات كلهم انيقآت
عايزاها تبرق؟
خدونى من ايدى على الحمام واتغسلت زى العمود اكتر من مره
صابون، زيوت، عطور، وحمام لشعرى
بعد كده خرجونى وكانت البنت دى مستنيانى، كانت فاهمه شغلها كويس
انا مكنتش عارفه نفسى بعد ما انتهيت من المكياج
وفجأه رن تليفون البنت وسمعت كلمة جاهزه يا فندم
يلا بينا، مشيت ورا البنت، صعدنا سلم جانبى وصلنا الطابق التانى
البنت حذرتنى انى افتح بقى مهما حصل غير لو شاورتلى ومشينا فى طرقه طويله كان فيه شخص منتظرنا فى نهايتها
شخص غير الشباب إلى كانو معانا وكان فيه ناس كتير فى الطابق الأرضى
البنت مسكت ايدى وشدتنى ناحيته ايه رأيك؟
الشخص ده كان مدينا ضهره، التفت ناحيتنا، وجه ابيض، شعر ناعم كستنائى، عيون خضره، فيه كوفيه زرقه على رقبته ولابس معطف أنيق جدا، شكله رقيق جدا بس فى حزن فى عنيه
الشاب مد ايده وقال تعالي معايا
فضل ماسك ايدى وانا ماشيه جنبه لحد ما نزلنا الطابق الأرضى
وسمعت صوته الحازم، دى دارين خطيبتى إلى هتبقى سيدة القصر من اللحظه ديه
سرت همهمه بين الصفوف، الشخص دا قال مفهوم؟
فيهم راجل شكله قوى كده وغاضب قال لكن يا ابنى انت متأكد من إلى هتعمله دا؟
الشاب قال ايوه يا عمى ومفيش نقاش فى الموضوع ده
مفهوم؟
المره دى قالو مفهوم
كانو عمالين يبصولى بصات غريبه وانا عقلى فى عالم تانى
من شويه كنت بمسح البيت وضهرى هينكسر من التعب
دلوقتى فى قصر كبير لابسه هدوم جميله وشخص جنبى بيقول
دى سيدة القصر، مكنتش عارفه نفسى فين حتى
مش عارفه ولا حاجه، كل ده وانا متخيله انى فى حلم وان مرآة ابويا هتيجى دلوقتى تضربنى بالشبشب وتصحينى
الناس مشيت، الشاب قال للبنت خديها واعملى إلى قلتلك عليه، مش عايز اى أخطاء انتي شايفه بعينك الوضع عامل ازاى
البنت خدتنى معاها ورجعنا تانى على الطابق
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أميرة القصر المجهولة)
