رواية أميرة الصعيد الفصل الثالث عشر 13 بقلم سما حسين
رواية أميرة الصعيد الجزء الثالث عشر
رواية أميرة الصعيد البارت الثالث عشر
رواية أميرة الصعيد الحلقة الثالثة عشر
بقلم : سما حسين
فيروز : الو يا ماما ( دي شرين مش ليلي )
شرين : ايه يا فيروز …… انتي فين
فيروز : انا مع هند بنشتري حاجة وهنرجع علطول
شرين : طب ماتتاخريش
فيروز : حاضر
شرين : خلي بالك علي نفسك
فيروز : حاضر سلام
شرين : سلام
زين : اه يا كدابة
هند : يخربيتك ده انا صدقتك
فيروز : يا جماعة دي اول مرة اكذب اعمل ايه يعني عايزني اقولها اني معاكم هنا بنتفق عشان نطرد امي من البيت
زين : عادي قوليلها
فيروز : المشكلة أنها مش بتخبي حاجة علي بابا
هند : طب وفين المشكلة
فيروز : هتقوله وبابا هيزعل مني عشان مش عايزها تاذيني
حازم : خلاص يا جماعة حصل خير المهم دلوقتي زين هيروح هناك وممكن انا اروح معاه وانتي وهند هتفضلوا هنا
فيروز : لا انا لازم اروح معاكم
هند : بت ما تشبطيش
فيروز : مش بشبط بس الموضوع ده يخصني انا
زين : بس مش هتعرفي تقنعي ابوكي
فيروز : أيوة صح
هند : انا عندي فكرة
فيروز : ايه
هند : مش ليلي دي هتروح القاهرة
فيروز : لا انا مش هعمل كده نهائي انا عارفة انتي بتفكري في ايه
هند : اسمعي بس ده الحل الوحيد
زين لهند : كملي
هند : انتي هتروحي تحضني امك وتقوليلها انا عرفت الحقيقة وان انتي اللي مش بتكذبي عليا وانا آسفة علي طريقتي معاكي الفترة اللي فاتت
واكسبي ثقتها في الفترة دي لحد ما تسافر واطلبي منها انك تسافري معاها عشان عايزة تتعرفي علي اماكن جديدة وبكده تكون تحت عينك وفي نفس الوقت عرفتي تسافري
زين : بصي هي فكرة حلوة بس فيروز هتعمل ايه لو هي رفضت تخليها تسافر معاها
هند : انا فكرت في الحل ده ودي مشكلة في الحل حلوها بقي انتم هو انا لازم اعمل كل حاجة
فيروز : هو الحل كله علي بعضه مشكلة
هند : ده ليه بقي أن شاء الله
فيروز : لأن مفيش حد بيثق فيها هنا ف أنا هعرف منين الحقيقة وهي اصلا حقيقة كذابة
زين لفيروز :صح
زين لهند : بصي هي الفكرة حلوة بس مش مع ام ام فيروز لأن ام فيروز مش سهلة
هند : أيوة انا عرفاها دي عقربة
حازم : الحل الوحيد انك تسافري مع زين
فيروز :بمناسبة ايه اسافر معاه
هند : بمناسبة انك خطيبته
فيروز وزين :ايه
فيروز :يخربيت افكارك النيلة دي
زين :استحالة
هند :يا جماعة ده الحل الوحيد
حازم :طب ما التاني كان الحل الوحيد بردو
هند :انا قصدي ده الحل الوحيد بعد ده وبعدين ما تقفليش علي الوحدة كده
فيروز : ده لو آخر حل في العالم مش هعمله
هند : يا جماعة اسمعوني زين هيطلب ايد فيروز من ابوها وفيروز هتوافق وبعدين زين يقولهم علي سفرية القاهرة دي وفيروز تقوله أن هي عايزة تسافر معاه وابوكي طبعا هيوافق
فيروز : طبعا هيوافق …… ازاي وليه
هند : ما اهو عشان يا هبلة يا ام مخ تخين ابوكي طبعا من بتوع زمان اللي هو مش هيآمن علي بنته في الغربة غير مع اخوها او ابن عمها اللي هو خطيبها
فيروز مسكت رأس هند : اموت واعرف الدماغ دي متربية ازاي انتي بتاكلي ايه عشان الدماغ دي تبقي بالمنظر دا
هند ببرود : متربية علي القطايف ……نزلي ايدك
زين : قطايف
هند بعصبية : بقولك ايه يا بتاع انت انا مش فايقة لكم انا ورايا مشاغل عايزة اعملها
فيروز : مشاغل ايه قصدك مشاكل
هند : شششششش …… بقولكم ايه انا قولت اللي عندي عاجبكم تمام مش عاجبك يلا مع السلامة
فيروز : طب سبوني افكر شوية
هند : لا بقولك ايه ده مش جواز حقيقي عشان تقولي هفكر ومش هفكر مفيش وقت للكلام ده
حازم : جماعة في مشكلة
هند : هو انت بتتكلم غير في المصايب اتفضل يا حبيبي اتفضل احكي
حازم : انا اعرف العنوان
هند : طب وفين المشكلة
حازم : المشكلة اني مش عارف امتي
هند مسكته من هدومه : انت اهبل والا بتستهبل
حازم : ليه بس ده انا بحبك
هند : حبك برص يا شيخ اكيد يعني هي ملهاش توأم هيسافر القاهرة واحنا بنراقب اللي هنا دي
حازم : أو يمكن عندها انفصام في الشخصية
زين : انا كده اطمنت شلة كلها مجانين
هند : اهدي بس كده
زين لفيروز : بصي هو دا الحل الوحيد فكري كده وانا هروح اطلب ايدك من ابوكي وانتي تقوليله رايك وافقتي اهلا وسهلا ماوفقتيش السلام عليكم انا كده عملت اللي عليا وزيادة
فيروز : وانا متشكرة اوي يا جماعة علي كل حاجة عملتوهالي
فيروز لزين :وانت لو عايز تكمل معايا فردي هيوصلك بليل وإذا ماكنتش عايز تكمل فأنا عذراك
وبعد كده فيروز مشيت وهي بتعيط وتبعها زين
زين : فيروز……فيروز …….فيروز
وفيروز بتجري وبتعيط
بليل علي العشاء
الحاج سعيد : هي فيروز فين
شرين : قاعدة نزاكر شوية ومش جعانة
الحاج سعيد : طب وصاحبتها
شرين : اخوها كلمها وكان عايز يتكلم معاها عشان فضل يدور عليها وكان قلقان عليها
الحاج سعيد : ماشي
زين : عمي كنت عايز اقولك علي حاجة
الحاج سعيد : اتفضل يا ابني
زين : بما أن احنا كلنا متجمعين كده كنت عايز ……
الحاج سعيد: كنت عايز ايه كمل
الحاج ابراهيم: في ايه يا ابني
زين : كنت عايز …… اطلب ايد فيروز منك يا عمي
الكل كان سعيد اوي
الحاج سعيد: مين فيروز بنتي
زين : أيوة يا عمي
الحاج سعيد : وهي فيروز تعرف حاجة عن الموضوع ده
زين : لا
الحاج ابراهيم : انت بتتكلم جد
زين : أيوة يا بابا
الحاج سعيد : ايه اللي غير رايك كده
زين : اصل انا يا عمي ماكنتش اعرف فيروز لسة بس لما عرفتها حبيتها وحبيت شخصيتها
الحاج سعيد : اممم طب اانا مش هينفع اديك الموافقة غير لما آخد رأيها
زين : ماشي يا عمي
الحاج سعيد بضحك : خلي بالك انا لازم اسال عليك الاول واعرف انت ابن مين وعايش فين
زين بضحك : اسال اي حد بس انا علي ما اعتقد أن حضرتك تعرف ابويا
الحاج سعيد: انت ابن مين
زين : انا ابن الراجل اللي قاعد ده
الحاج سعيد :مين ده لا معرفوش
والكل فضل يضحك
بعد العشاء
باب غرفة فيروز خبط
فيروز : مين
الحاج سعيد : انا يا فيروز
فيروز قامت فتحت الباب : اتفضل يا بابا
الحاج سعيد : يزيد فضلك يا بنتي
الحاج سعيد بعد ما قعد : تعالي اقعدي جنبي يا فيروز
فيروز : حاضر يا بابا
الحاج سعيد: بصي انا مبحبش المقدمات وبحب ابقي دوغري انا هدخل في الموضوع علطول
فيروز : اتفضل
الحاج سعيد : زين ابن عمك طلب ايدك
فيروز : طب وحضرتك قولتله ايه
الحاج سعيد: قولتله هاخد رايك الاول ….وانا جاي آخد رايك ….انتي رايك ايه
فيروز :طب قوله يا بابا أن انا ……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أميرة الصعيد)
