رواية أقدار طفلة الفصل السابع 7 بقلم كوكا أشرف
رواية أقدار طفلة الجزء السابع
رواية أقدار طفلة البارت السابع
رواية أقدار طفلة الحلقة السابعة
في الصباح كان الكل على طاولة مليئة بالطعام في هذا الوقت ظهر ادم وقال لسامر : سامر شغل الكاميرات كيان رمت راس ران في وسط السوق في القرية
انصدم الجميع وجرى سامر الي الشاشة وفتحها وضرب الازرار فظهرت كيان وهي بزيها الرسمي تمتطي حصان اسود كبير وتخطو به بداخل السوق
سامر: هي هون في القرية اكيد يونج راح يقتلها
ادم بضحك : تفتكر هيعرف انت ناسي مين كيان
ثم نظروا الي الشاشة فكانت كيان بداخل قصر وامامها شخص عملاق وعندما اقتربت منه كيان ونزل علي ركبتيه في حركة ولاء منه فاقتربت كيان منه واحتضنته ثم همست بجانب اذنه بالإنجليزية : استعد سوف انهي كل شئ غدا كما اتفقنا ثم قاما الاثنان وذهبا لداخل القصر وكانت تمشي كيان بهيبتها وكل من كان يقابلها ينحني لها ويخفض عيناه خوفا منها
ثم استمرا في طريقهم حتي اصبحوا أمام غرفة كبيرة ذات باب خشبي عملاق ضربت كيان برجلها الباب ضربة قوية فانفتح ثم دخلت فكان هناك بعض من الرجال والنساء يصل عددهم ال ١٠ أشخاص كلهم يابانين ثم قالت كيان باليابانية: لقد حضر الموت الاسود
اخذ الكل يتهامس حتي اقتربت كيان من كرسي الرجل الذي في المنتصف ونزلت علي ركبتها واخفضت راسها وقالت بالانجليزي: father
فقام الرجل واقترب منها فقامت بدورها كيان ونظرت له فأرسل لها صفعة قوية ثم امسك بشعرها وشده الي الخلف وبيده الاخري وضع نصل خنجر علي عنقها حتي كاد يقطع عنقها
كيان : بابا اديني فرصة اثبتلك ولائي ران كانت خاينة وانت قولت تمن الخيانة الموت دا قانونك
قذفها يونج بعيدا ثم قال: أمامك دقيقة فقط
وبالفعل كانت كيان ترتدي ساعة ضغطت علي زر بها فسحبت منه شريحة ووضعتها بداخل شاشة في هذه الغرفة فظهرت علي الشاشة ران وهي مع يوكي تو في وضع مخل
كيان : ران خانتك وكانت علي علاقة من فترة مع يوكي تو والكل هنا عارف انه من ألد أعدائك وكمان ابنه اللي كان معاه دايما دا ابنها هي
يونج قام من مكانه وحدث الكل باليابانية عن ما حدث وعن اعتذاره لكيان وصرف الكل ثم اقترب من كيان
يونج : اعتذر صغيرتي عن انفعالي ولكن المجلس كان قد قرر ان يعدمك كنت أخاف كثيرا لذلك انفعلت ثم احتضنها وقال : يجب أن يموت الطفل
فنظرت له كيان بأضطراب وقالت : امرك يابابا بس اكيد مش دلوقتي بكرة بعد اما يخلص احتفال القبيلة بتاعتنا هيكون عندك جثته ثم وذهبت
أغلق سامر الشاشة ونطق : يا الله كيان راح تعمل متل شمشون راح تهد المعبد عليها
أمير: انتو لازم توصلوني ليها ولا قسما بالله اروح للقبيلة هناك واكلمها بنفسي
اللواء محمود: اهدا ياامير تروح فين انت كدا مش بتعرض حياتك وبس للخطر لا حياة الكل حتي كيان
ادم : خلاص اوك انا هعرف اوصلها واقولها انك عاوز تكلمها ثم ابتعد ولكن عندما وصل الي عبير قال لها : رجلك عاملة ايه دلوقتي
عبير بخجل : احسن الحمدلله شكرا علي العلاج
ابتسم لها ابتسامة خفيفة ثم رحل
حل الليل علي الجميع
أمير: ادم قولت لكيان
ادم : ايوة اتواصلت معاها وقالت إنها هتحاول تتصرف وتيجي بليل
حازم : أمير انا متهيألي انك تحاول تمشي الأمور بسهولة وتسيب كيان تعمل اللي تعمل احنا كلها بكرة ونرجع مصر
يوسف : ايوة وانا من رائي حازم أمير احنا معانا عيالنا هنا مش لوحدنا في مهمة
في هذه اللحظة ظهر صوت انا بقول كدا بردو كان صوت كيان وهي تجلس علي شرفة عالية عنهم قفزت كيان ووقفت امام أمير وقالت : اسمع كلام صحابك مشي امورك وبكرة زي دلوقتي هتكون في الطيارة
طلبتني وجيت
أمير: انا عاوز اتكلم معاكي بخصوص اللي حصل زمان ليه محكتليش كيان انتي عارفة اني بحبك ومن اول مرة شوفت
كيان بتوجس وهي تنظر لسامر وآدم بشك وخصوصا عندما نظروا الاثنان أرضا : حصل ايه زمان مش فاهمة
ادم : اوك ياكيان احنا شغلنا المشروع وشوفنا كل حاجة حصلت امبارح مع ران ويونج النهارده
صمت عم المكان كسره أمير وهو يقول : كيان تعالي نتكلم ولكن قبل أن يكمل باقي كلامه اخذت كيان احد الكراسي الموضوعة وقذفت به ادم فتأوه الاخر ووقع أرضا ولكن قبل أن يستوعب الكل كانت تمسك بكرسي اخر وتقذفه علي سامر ثم ذهبت إليهم وابتدت بالضرب بهم ولم يستطع الاثنان ان يتفادوا ضربها ثم هبت الي أمير ونطقت بتنفس عالي اثر ضربها لهم : مفيش كلام عرفت اللي عرفته بردو مش هيغير حاجة بكرة هتكون في الطيارة
أمير: تعالي معايا وسيبي كل القرف دا حبيبتي انتي عارفة اني حبيتك من اول ماشوفتك في اسبانيا انا حتي منستكيش وسميت البنت كيان
نظرت كيان الي الفتاه ثم نظرت له وقالت : تختارني ولا تختارها
نظر أمير لها وصمت فصاحت به بصوت عالي: انت بتفكر ثم امسكت بعنقه : اوعي في يوم اي حاجة تتحط قصاده وتختار او تفكر بس حتي في الحاجة بنتك وبس اوووعي تركته وذهبت الي الفتاة وارادت ان تمسكها ولكن يسرا ومايا ابتعدتا بالبنت وصاحت يسرا : اوعي ايدك دي متلمسيش البنت
رجعت كيان للخلف ثم نظرت لأمير بانكسار وقالت: تعالي معايا برة
اخذ أمير الفتاة :اوعي انتي وهي دي بنتي اوعي تمثلوا انكم خايفين عليها
اخذ أمير الفتاة الصغيرة وذهب خلف كيان الي الغابة
كيان : انا عملت كل دا عشان تبقي هي في امان ومتبقاش زيي
أمير: كيان ارجوكي انا وكيان الصغيرة محتاجينلك اوعي تفتكري امها ولا امي هتعرف تربيها انا امي دي اكتر ست مهملة في عيالها ومايا نسخة منها
كيان : انا اسفة ياامير انت خلفت منها بسببي
أمير بابتسامه سخرية : ايوة انا نفسي اعرف بقالي بتاع ٣ سنين ازاي دا حصل
كيان : يونج بعت واحد عطا لمايا بخاخ هو قالها انه منوم بس في الحقيقة انه تركيبة بتتعمل هنا حاجة شبه حبوب الهلوسة كدا علي بتتعمل تركيبة بخاخ هي رشت منه عليك
أمير: اه عشان كدا كنت حاسس انه حلم بيكي
كيان بضحكة سخرية : عموما اهو بقي معاك كيان صغيرة اقتربت من البنت وقبلت يد الطفلة ونظرت له
ارجوك ياامير عشان خاطرها بكرة مهما حصل اوعي تيجي القبيلة انا هسمحلك يشغلو المشروع تاني لكن اوعي تيجي حتي لو موت ارجوك
نظر لها أمير وعينه تتلالئ بها الدموع : كيان ارجوكي تعالي معانا ونبعد عن القرف دا سوا
كيان : مينفعش يونج عمره ماهيسبنا ياهيقتلك ياهيقتلني او احنا الاتنين مصير بنتك ايه ارجوك انت بقي اسمع كلامي بكرة اول لما يقولك ادم يلا تمشي ومتبصش وراك
احتضنها أمير واخذوا يبكون الاثنان
أمير: اوعديني ان لما تخلصي كل دى تنزليلي مصر
كيان باابتسامة سخرية: دا لو بقيت حية بقي يونج عمره ماخسر مبارزة
أمير: ولا الموت الاسود
كيان باابتسامة حزينة: يلا ارجع عشان لازم ارجع انا كمان شدها أمير اليه وقبلها قبلة اختلطت بدموعهم
ثم ابتعدت كيان سريعا وهو أيضا رجع الي القلعة
يتبع…
لقراءة الفصل التالي : اضغط هنا
الرواية كاملة اضغط على : (رواية أقدار طفلة)
